DOWLLO 4
4
Karseel Lop Maiṭhuwmki Pitor leh Johon
1Ungta mmaanni mii rek hin mpau slii daat arlaanni, thiimpu rek ungta luwbuk Inn thungki berksu rek ungu sadusi rek mhin inni kthleng, 2mmaanna plung purda, mleija mmaan ava mii rek hin purchuk lamda ungta kdiyou thungki kring karheel Jisu paryaam lamda. 3Ungta mmaanni kjowng lamda ungta khuw mtlei du khim khai, rowng inn thung ngi khum lamda, mleija khuw tmul dokda. 4Pdainu pauna karyaa mii maknemmi rin chda; ungu kthleng mii rek ava pun parnga arveel.
5Mupduk nii ngi mmaanki paam kpu rek leh kver rek ungu Nowlam chukpu rek Jerusalem thung ngi thuwk kurkuk lamda. 6Thiimpu kparthaang Annas ungta Keiphas ungu Johon leh Alekjander, ungta thiimpu kparthaang rilam kthuwk rek mkheng tu kilṭhi lamda. 7Ungta mlaiṭim inni thii lam thida, mmaanni khewl lamda, “Talu rutan mata talu miing ngi hava ado tlot in?” 8Ava dilli Pitor ra pthla kchiir ri dimda ungu theda, “Mii rek paamkpu rek naan ungu kver rek, 9snii ngi kyeng miilai khat hin kṭha nong khat kdo tlot lei inni, tak heppi miilai ava kdam dida athe inbi, 10naan akheng in ungu Isreel mii mkheng hin ktidet chaakka, mleija naanni khros leen ado pthoi in, Isowr ri kdiyou thungki mdo prin pinlet, Nasareth ki Jisu Khrista miing ngi hava miia pdam dokda naan maiṭhuwmmi rip daat da. 11Inn ksa rek naanni ado pthlei in, pdainu markil ki ksuwt kcho ava hava. 12Ungta kirliinna ava ku khat lee hinki pme, mleija ava ngi nen tkartlan nraan mdo piik mii rek arlakki miing khat lee pre parwaan tingi ame.”
13Tunva mmaanni Pitor leh Johon plung tngar leh kurchuk kma mii cham thlaang thlaang ngal tdit mdee in thungta, kdung ngi ngak chlamda, ungta Jisu ngi mkurthlo ṭhi lamma tdit dei lamda. 14Pdainu kdam kcha mii ava ngi mmaan tu krip daat mdee in thungta, do khat lee ngi mraal piida the lamme. 15Pdainu mmaanni mmaanna karseel lop thung ki duwn mthuw nraanki pau mupṭum in thungta, mmaanni khat leh khatti karteen psuk lamda, 16the lamda, “Hava mii rekka tak pardit che naandi? mleija mmaanni kunton siiki titinna rek tlo lamda Jerusalem thung ngi ka am mii mkheng hin kandang dokka, ungu nenva tmat pchaan in nime. 17Pdainu mii rek arlakki mkurjou kurnowl ma nra, mmaanni ku mii khat lee hin hava miing ngi mpau ma nraan pauvi kham inche.” 18Ava leiji mmaanni own lamda, ungu Jisu miing ngi mpau liit ma nraan mdit mata mdo purchu ma nraan pau pṭum lamda. 19Pdainu Pitor leh Johonni arthawng lamda, “Isowr hin kma naan do aryaak ava Isowr dosut nathung ngi kindit mo kindit me, tdit akṭewl in. 20Mleija neenni kdo dee in leh kdo aryaak in kthe kma ava pchaang chmaan ring.” 21Mii rekki mlei kurthuwk da, mraal mdo piik nraanki mlei ame, mmaanna kdung pṭit lam thida, psun lamda, mleija mii mkheng ngi kthuwk nong leiji Isowr panpaak lamda. 22Mleija kum somplii kikheel li kder miilai khat hin titinna ava thuwkda.
Plung Tngar nra Krin charek Doṭhil
23Mmaanni mupthuw dok in thungta maplap rek hin chet lamda thiimpu kinreel rek leh kver rekki mhin inni mdo the pau ava song chlamda. 24Ungta mmaanni ava maryaak in thungta, krowl kinṭimmi owng sap lamda, Isowr hin the lamda, “Parwaan leh dulti kseem ungu truwn leh do khim khai kseem, kṭuw knai kma ki Mukpu,
25Pthla kchiir do pthe ngi neenki kpah in Devid nerri theda,
‘Talu leiji ktlok chati rekki plung pthit lamda,
ungta mii rekva do ksikma plung mdo reel inda?
26dultipaamki kruwng rekki mdaksaan kirsim lamda,
ungta paamkpu rek thuwk kurkuk lamda,
Mukpu raal pii lamda ungu,
thao mdo pbul dok ava raal pii lamda.’
27Mleija Nang ngi thao ado pbul dok asra owr kchiir Jisu mraal kpii ngi, Herod leh Pontas Pilat ti ktlok chati rek leh Isreel mii rek tu kilṭhi ngi, 28Nah akhut leh aplungbin dil kṭoiji kthuwk rangki ado purchuwl dok ava ktlora, kindit katti khuwpii hava thung ngi ktlora kthuwk kurkuk lamma. 29Ungta tunva Mukpu, mmaanni mdo tipṭit inna mhai sut pik chaan, ungu Nah sra owr rekki Nah apauna ava plung ktangar mkheng ngi mdo the thut chaak nraan, 30Nah akhut atkhiin pik slii arlaan inni kdo pdam chaak nraan, ungta Nah sra owr kchiir Jisu miing ngi titinna rek leh tngana rek kdo tlot chaak nraan mhai rot pik chaan.” 31Ungta mmaanni mṭhil chaak dok inle, mmaan kurkuna mun ava kunchunda; ungu mmaan mkheng nga pthla kchiir ri dim chda, ungta Isowr pauna ava plung ktangarri saam lamda.
Krin charekki mdo Thloi in mdo Panthem
32Tunva krin charek lop ava plung khdaat ungta raothla khdaatti am lamda, ungu mmaan ku khat lee ngi mdo thloi ava mdaksaa ki ngi karthe me, pdainu do khim khaija mkheng kingi thloi lamda. 33Ungta kenyee rek ava klin langlang ki rutan ni mmaan rinpaumin ava Mukpu Jisu Khrista rinkarheel natu kilṭhida, ungta mkheng leen plungnee klin langlang amda. 34Mmaan arlakki kikriing ku khat lee ame, mleija paam kthloi inn kthloi mii maknemva mma mmaki jurda, mdojur naan man ava arhai sin lamda, 35kenyee rek khuther ri thii lamda; kikriing mii pum ktai hin them pik lamda. 36Kupras ki mii, Levi miilai khat, kenyee rekki Barnabas mdo dit in (kuksop chapa mdo ditna) Joseph pi, 37bil khat mdo thloi jurda, ungu sum arva sinda kenyee rek khuther ri thiida.
Currently Selected:
DOWLLO 4: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
DOWLLO 4
4
Karseel Lop Maiṭhuwmki Pitor leh Johon
1Ungta mmaanni mii rek hin mpau slii daat arlaanni, thiimpu rek ungta luwbuk Inn thungki berksu rek ungu sadusi rek mhin inni kthleng, 2mmaanna plung purda, mleija mmaan ava mii rek hin purchuk lamda ungta kdiyou thungki kring karheel Jisu paryaam lamda. 3Ungta mmaanni kjowng lamda ungta khuw mtlei du khim khai, rowng inn thung ngi khum lamda, mleija khuw tmul dokda. 4Pdainu pauna karyaa mii maknemmi rin chda; ungu kthleng mii rek ava pun parnga arveel.
5Mupduk nii ngi mmaanki paam kpu rek leh kver rek ungu Nowlam chukpu rek Jerusalem thung ngi thuwk kurkuk lamda. 6Thiimpu kparthaang Annas ungta Keiphas ungu Johon leh Alekjander, ungta thiimpu kparthaang rilam kthuwk rek mkheng tu kilṭhi lamda. 7Ungta mlaiṭim inni thii lam thida, mmaanni khewl lamda, “Talu rutan mata talu miing ngi hava ado tlot in?” 8Ava dilli Pitor ra pthla kchiir ri dimda ungu theda, “Mii rek paamkpu rek naan ungu kver rek, 9snii ngi kyeng miilai khat hin kṭha nong khat kdo tlot lei inni, tak heppi miilai ava kdam dida athe inbi, 10naan akheng in ungu Isreel mii mkheng hin ktidet chaakka, mleija naanni khros leen ado pthoi in, Isowr ri kdiyou thungki mdo prin pinlet, Nasareth ki Jisu Khrista miing ngi hava miia pdam dokda naan maiṭhuwmmi rip daat da. 11Inn ksa rek naanni ado pthlei in, pdainu markil ki ksuwt kcho ava hava. 12Ungta kirliinna ava ku khat lee hinki pme, mleija ava ngi nen tkartlan nraan mdo piik mii rek arlakki miing khat lee pre parwaan tingi ame.”
13Tunva mmaanni Pitor leh Johon plung tngar leh kurchuk kma mii cham thlaang thlaang ngal tdit mdee in thungta, kdung ngi ngak chlamda, ungta Jisu ngi mkurthlo ṭhi lamma tdit dei lamda. 14Pdainu kdam kcha mii ava ngi mmaan tu krip daat mdee in thungta, do khat lee ngi mraal piida the lamme. 15Pdainu mmaanni mmaanna karseel lop thung ki duwn mthuw nraanki pau mupṭum in thungta, mmaanni khat leh khatti karteen psuk lamda, 16the lamda, “Hava mii rekka tak pardit che naandi? mleija mmaanni kunton siiki titinna rek tlo lamda Jerusalem thung ngi ka am mii mkheng hin kandang dokka, ungu nenva tmat pchaan in nime. 17Pdainu mii rek arlakki mkurjou kurnowl ma nra, mmaanni ku mii khat lee hin hava miing ngi mpau ma nraan pauvi kham inche.” 18Ava leiji mmaanni own lamda, ungu Jisu miing ngi mpau liit ma nraan mdit mata mdo purchu ma nraan pau pṭum lamda. 19Pdainu Pitor leh Johonni arthawng lamda, “Isowr hin kma naan do aryaak ava Isowr dosut nathung ngi kindit mo kindit me, tdit akṭewl in. 20Mleija neenni kdo dee in leh kdo aryaak in kthe kma ava pchaang chmaan ring.” 21Mii rekki mlei kurthuwk da, mraal mdo piik nraanki mlei ame, mmaanna kdung pṭit lam thida, psun lamda, mleija mii mkheng ngi kthuwk nong leiji Isowr panpaak lamda. 22Mleija kum somplii kikheel li kder miilai khat hin titinna ava thuwkda.
Plung Tngar nra Krin charek Doṭhil
23Mmaanni mupthuw dok in thungta maplap rek hin chet lamda thiimpu kinreel rek leh kver rekki mhin inni mdo the pau ava song chlamda. 24Ungta mmaanni ava maryaak in thungta, krowl kinṭimmi owng sap lamda, Isowr hin the lamda, “Parwaan leh dulti kseem ungu truwn leh do khim khai kseem, kṭuw knai kma ki Mukpu,
25Pthla kchiir do pthe ngi neenki kpah in Devid nerri theda,
‘Talu leiji ktlok chati rekki plung pthit lamda,
ungta mii rekva do ksikma plung mdo reel inda?
26dultipaamki kruwng rekki mdaksaan kirsim lamda,
ungta paamkpu rek thuwk kurkuk lamda,
Mukpu raal pii lamda ungu,
thao mdo pbul dok ava raal pii lamda.’
27Mleija Nang ngi thao ado pbul dok asra owr kchiir Jisu mraal kpii ngi, Herod leh Pontas Pilat ti ktlok chati rek leh Isreel mii rek tu kilṭhi ngi, 28Nah akhut leh aplungbin dil kṭoiji kthuwk rangki ado purchuwl dok ava ktlora, kindit katti khuwpii hava thung ngi ktlora kthuwk kurkuk lamma. 29Ungta tunva Mukpu, mmaanni mdo tipṭit inna mhai sut pik chaan, ungu Nah sra owr rekki Nah apauna ava plung ktangar mkheng ngi mdo the thut chaak nraan, 30Nah akhut atkhiin pik slii arlaan inni kdo pdam chaak nraan, ungta Nah sra owr kchiir Jisu miing ngi titinna rek leh tngana rek kdo tlot chaak nraan mhai rot pik chaan.” 31Ungta mmaanni mṭhil chaak dok inle, mmaan kurkuna mun ava kunchunda; ungu mmaan mkheng nga pthla kchiir ri dim chda, ungta Isowr pauna ava plung ktangarri saam lamda.
Krin charekki mdo Thloi in mdo Panthem
32Tunva krin charek lop ava plung khdaat ungta raothla khdaatti am lamda, ungu mmaan ku khat lee ngi mdo thloi ava mdaksaa ki ngi karthe me, pdainu do khim khaija mkheng kingi thloi lamda. 33Ungta kenyee rek ava klin langlang ki rutan ni mmaan rinpaumin ava Mukpu Jisu Khrista rinkarheel natu kilṭhida, ungta mkheng leen plungnee klin langlang amda. 34Mmaan arlakki kikriing ku khat lee ame, mleija paam kthloi inn kthloi mii maknemva mma mmaki jurda, mdojur naan man ava arhai sin lamda, 35kenyee rek khuther ri thii lamda; kikriing mii pum ktai hin them pik lamda. 36Kupras ki mii, Levi miilai khat, kenyee rekki Barnabas mdo dit in (kuksop chapa mdo ditna) Joseph pi, 37bil khat mdo thloi jurda, ungu sum arva sinda kenyee rek khuther ri thiida.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.