MATHI 16
16
Tnga na Khat mdo Ngeen in
1Ungta Pharisi rek leh Sadusi rek ki Mhin arva lamda, ungu kpirsin na ngi parwaan ki titinna mhai tdet in kdingi Mhin khewl lamda. 2Mma ngi arthawng da, “Kjiing thang ngi vaosen mtlaak chocheva khuw kinthiir ra diinti naanni theen tinu. 3Ungu jiingsunni parwaan ava vaosen tla da khuw mkarsim cheu, ‘snii va tchang khuw kraangra’ kdingi the in tinu. Pdainu mpha rek kira titinna rek ava purlup dei maan ti. 4Kṭhakma leh losang kṭhi charuwlli, titinna khat thlaam da, pdainu Jonah ki titinna kma donle titinna kpii ro nime.” Ava leiji Mma ngi ma pthii lamda ungu sun chda.
Pharisi rek leh Sadusi rek Thowl
5Ungu siikhu rekki raalpha khat ktong tha mthlun in thungta, thenpen mdo hur raan pirngiil chdok lamda. 6Jisu ngi mhin inni theda, “Pharisi rek leh Sadusi rek thowl ava tuk asut inra chek asin chaan.” 7Ungta mmaan msingreel inni karseel psuk lamda, the lamda, “Thenpen hur maan min.” 8Pdainu Jisu ava dei thida theda, “O mruksuwnni krin cha rek naan, thenpen ado hur maan leiji asingreel inni talu leiji karteen psuk in pti 9Naanni dei mlai liit in timo? Thenpen parnga rekki mii pun parnga, ungu bowr tija ngi apurku in tdit naanni bin phaak maan timo? 10Mata thenpen tikheu rekki mii pun plii, ungu bowr tija ngi apurku in? 11Neiji thenpen kdo thena kmapa tak heppi naanva dei maan tida? Pharisi rek leh Sadusi rek thowl chek asin dei chaan.” 12Ava dilli mmaanni thenpen chek mdo sin raan kma, pdainu Pharisi rek leh Sadusi rek do purchu mdo the na tdit dei ro lamda.
Jisu Mlei thu Pitor ri mdo Thethut
13Tunva Jisu ngi Kaisaria Philippia paamkowl tha marvan thungta,Mma ngi msiikhu rek hin pau Khewl da, “Mii rek va Mii Chapa ava kuw pi mdit inda?” 14Ungbi mmaanni theda, “Mii mursonva baptis kuptlot Johon pi dida, angṭhe rek va Elijah pi dida, Ungu angṭhe rek nowlva Jeremia mdit mata khulpu rek thungki khat pi dilam da.” 15Mma ngi mhin inni theda, “Pdainu naanva Neia ku pi ati dit inna?” 16Simon Pitor ri arthawng da, “Nah Khrista, Kring Isowr Chapa ava pti.” 17Ungta Jisu ngi mhin arthawng da, “Simon Barjonah, nah asuwkṭha a! mleija hava daksaa leh hii ngi apandan pik me, pdainu parwaanki Kpah. 18Ungta Neiji ahin kthea, nah Pitor nim ti, ungu hava lung leen Neiji Krinlop sa nik di, ungta kdiyou rutanni pchaang nime. 19Neiji parwaan Kruwngpaam chungkam ahin apii nik di,ungu nang ngi dultipaam thu ado bowl khim khai ava parwaan thang ruk va kbowl ra, ungta nang ngi dultipaam thung ngi ado parthle khim khai ava parwaan thang ruk va kparthlet ra.” 20Ava dilli Mma ava Khista tdit siikhu rekki ku mii khat lee hin mdo son ma nraan, Mma ngi mhin inni kparsa lang lang ngi parseel lam da.
Jisu ngi Mjat Mkham leh Mdiyo nra Mlei thu mdo The
21Mpha ava kat thung ngi Jisu ngi Jerusalem kdo hanphaak ma rome ungta do knempok thung ngi kver rek, thiimpu kinreel rek, ungu Nowlam chukpu rekki kja kakham mikpii, ungta mki ae you lamra, ungu mnii kdum na nitti ring kardel nik di, dida msiikhu rek hin ktidet pṭhun da. 22Ungta Pitor ri ṭhida Mhin krai pṭhun da, theda, “Mukpu, Isowr ri rome! Hava Nah athung ngi tden rukku thuwk mso.” 23Pdainu Mma ngi mdil kinle da Pitor hinni theda, “Seitaan, Kdil tha kursown dok! Nah Nei klam akhaanna; mleija nah Isowr ktongki pti pme, pdainu mii rek ktongki pti.” 24Ava dilli Jisu ngi msiikhu rek hin theda, “Ku mii khatti Nei kdil mṭoi nuwm bi, mdaksaa kulro msora, khros alou chso, ungta Kdil aṭoi cha so. 25Mleija mrinkhu kaktlan nuwm mii ava kmaang chra, ungu Nei ktummi mrinkhu kmaang kcha mii ava ngi kpha chra. 26Mleija miilai khatti dultipaam mkheng pha chthi sora, mrinkhu mmaan chaakku, ava tak ksii rang? Mata miilai khatti mrinkhu ava talu tung ngi kparthleng rang? 27Mleija Mii Chapa ava Mma waan tamsii rek tung ngi Mpah laarnee ngi murjun mpha thu Mma ngi mii khim khaija mnong tlot dil kṭoiji kpinlet pik ra. 28Kinditti, Neiji ahin thaanni kthea, hava thu krip daat mii angṭhe ava ngi Mii Chapa ngi Mkruwngpaam tu kilṭhi ngi murjun ava mdee du khim khai inni, kdiyou du lam nime.”
Currently Selected:
MATHI 16: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
MATHI 16
16
Tnga na Khat mdo Ngeen in
1Ungta Pharisi rek leh Sadusi rek ki Mhin arva lamda, ungu kpirsin na ngi parwaan ki titinna mhai tdet in kdingi Mhin khewl lamda. 2Mma ngi arthawng da, “Kjiing thang ngi vaosen mtlaak chocheva khuw kinthiir ra diinti naanni theen tinu. 3Ungu jiingsunni parwaan ava vaosen tla da khuw mkarsim cheu, ‘snii va tchang khuw kraangra’ kdingi the in tinu. Pdainu mpha rek kira titinna rek ava purlup dei maan ti. 4Kṭhakma leh losang kṭhi charuwlli, titinna khat thlaam da, pdainu Jonah ki titinna kma donle titinna kpii ro nime.” Ava leiji Mma ngi ma pthii lamda ungu sun chda.
Pharisi rek leh Sadusi rek Thowl
5Ungu siikhu rekki raalpha khat ktong tha mthlun in thungta, thenpen mdo hur raan pirngiil chdok lamda. 6Jisu ngi mhin inni theda, “Pharisi rek leh Sadusi rek thowl ava tuk asut inra chek asin chaan.” 7Ungta mmaan msingreel inni karseel psuk lamda, the lamda, “Thenpen hur maan min.” 8Pdainu Jisu ava dei thida theda, “O mruksuwnni krin cha rek naan, thenpen ado hur maan leiji asingreel inni talu leiji karteen psuk in pti 9Naanni dei mlai liit in timo? Thenpen parnga rekki mii pun parnga, ungu bowr tija ngi apurku in tdit naanni bin phaak maan timo? 10Mata thenpen tikheu rekki mii pun plii, ungu bowr tija ngi apurku in? 11Neiji thenpen kdo thena kmapa tak heppi naanva dei maan tida? Pharisi rek leh Sadusi rek thowl chek asin dei chaan.” 12Ava dilli mmaanni thenpen chek mdo sin raan kma, pdainu Pharisi rek leh Sadusi rek do purchu mdo the na tdit dei ro lamda.
Jisu Mlei thu Pitor ri mdo Thethut
13Tunva Jisu ngi Kaisaria Philippia paamkowl tha marvan thungta,Mma ngi msiikhu rek hin pau Khewl da, “Mii rek va Mii Chapa ava kuw pi mdit inda?” 14Ungbi mmaanni theda, “Mii mursonva baptis kuptlot Johon pi dida, angṭhe rek va Elijah pi dida, Ungu angṭhe rek nowlva Jeremia mdit mata khulpu rek thungki khat pi dilam da.” 15Mma ngi mhin inni theda, “Pdainu naanva Neia ku pi ati dit inna?” 16Simon Pitor ri arthawng da, “Nah Khrista, Kring Isowr Chapa ava pti.” 17Ungta Jisu ngi mhin arthawng da, “Simon Barjonah, nah asuwkṭha a! mleija hava daksaa leh hii ngi apandan pik me, pdainu parwaanki Kpah. 18Ungta Neiji ahin kthea, nah Pitor nim ti, ungu hava lung leen Neiji Krinlop sa nik di, ungta kdiyou rutanni pchaang nime. 19Neiji parwaan Kruwngpaam chungkam ahin apii nik di,ungu nang ngi dultipaam thu ado bowl khim khai ava parwaan thang ruk va kbowl ra, ungta nang ngi dultipaam thung ngi ado parthle khim khai ava parwaan thang ruk va kparthlet ra.” 20Ava dilli Mma ava Khista tdit siikhu rekki ku mii khat lee hin mdo son ma nraan, Mma ngi mhin inni kparsa lang lang ngi parseel lam da.
Jisu ngi Mjat Mkham leh Mdiyo nra Mlei thu mdo The
21Mpha ava kat thung ngi Jisu ngi Jerusalem kdo hanphaak ma rome ungta do knempok thung ngi kver rek, thiimpu kinreel rek, ungu Nowlam chukpu rekki kja kakham mikpii, ungta mki ae you lamra, ungu mnii kdum na nitti ring kardel nik di, dida msiikhu rek hin ktidet pṭhun da. 22Ungta Pitor ri ṭhida Mhin krai pṭhun da, theda, “Mukpu, Isowr ri rome! Hava Nah athung ngi tden rukku thuwk mso.” 23Pdainu Mma ngi mdil kinle da Pitor hinni theda, “Seitaan, Kdil tha kursown dok! Nah Nei klam akhaanna; mleija nah Isowr ktongki pti pme, pdainu mii rek ktongki pti.” 24Ava dilli Jisu ngi msiikhu rek hin theda, “Ku mii khatti Nei kdil mṭoi nuwm bi, mdaksaa kulro msora, khros alou chso, ungta Kdil aṭoi cha so. 25Mleija mrinkhu kaktlan nuwm mii ava kmaang chra, ungu Nei ktummi mrinkhu kmaang kcha mii ava ngi kpha chra. 26Mleija miilai khatti dultipaam mkheng pha chthi sora, mrinkhu mmaan chaakku, ava tak ksii rang? Mata miilai khatti mrinkhu ava talu tung ngi kparthleng rang? 27Mleija Mii Chapa ava Mma waan tamsii rek tung ngi Mpah laarnee ngi murjun mpha thu Mma ngi mii khim khaija mnong tlot dil kṭoiji kpinlet pik ra. 28Kinditti, Neiji ahin thaanni kthea, hava thu krip daat mii angṭhe ava ngi Mii Chapa ngi Mkruwngpaam tu kilṭhi ngi murjun ava mdee du khim khai inni, kdiyou du lam nime.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.