MATHI 25
25
Nala Sowm Paupurtol
1“Parwaan Kruwngpaam ava nala miilai sowm ava ngi meila sinda kphalpa kurdut ṭhira mcheen ava purtol che naan di. 2Miilai parnga rekka ka ak lam ungu miilai parnga rekka ksing rek lam. 3Mleija ka aak rekki meila mlo in mpha thu, mmaanni thaodii lou lamme; 4pdainu ksing rek va meila mlo in mpha thu, thaodii rukka mu uwm thuwn sin lamda. 5Kphalpa ngi mukto dok thungta, mkheng inni kurngui chlam da, iip dok lamda. 6Pdainu thanṭim jaanni krowl khatti owngda, ‘Asuwn, Kphalpa ava! Arva inra akurdut ṭhi chaan.’ 7Ava dilli nala rek mkheng kardel lamda, mmeila in purthlong lamda. 8Ungbi ka aak rekki ksing rek hin theda, ‘Athaodiin mruk mhai pinṭhe pik chaan, mleija neen kmeidiin na kthlang kcha a.’ 9Pdainu ksing rekki arthawng lamda, ‘Naan tum ruk neen ktum in ruk ku khop kma kro; ava leiji kjur mii hin vada ado ren chaak inni kursuk bet ra.’ 10Ungta mmaanni kren ra mhai arlaan inni Kphalpa arjungda, ungu kurchuwl dok mii rek ava kphal kmaal ra hun ṭhi da; ungta thurngot arkam pthii da. 11Ava dilli nala rek angṭhea thleng ro lamda, the lamda, ‘Mukpu, Mukpu, mhai pvan pik chaan.’ 12Pdainu Mma ngi arthawng da, ‘Kinditti, Neiji ahin thaanni kthea, naanna adei maan ring.’ 13Ava ngi mlei kurthuwk da asut pṭoi chaan, mleija naanni mpha don mṭhang daat don dei maan ti.
Sra Owr rek Kdum Paupurtol
14“Mleija miilai khatti kipjiin rang ki ngi msra owr rek mhinni own lam thida, mulrou mkheng mdo sil nlam lulu; 15miilai khat hin mma ngi sum pun parnga pii da, khat hin knii ungta khat hin khat pii da, mma mma do pchaan dil kṭoiji pii da. Ava dilli mma ngi pjiin da. 16Sum pun parnga karlaang mma va chet tengda sum dowl lo nda; ungu sum pun parnga lot tpom da. 17Anto hep daatti sum pun knii kthloi ruk va knii lot tpom da. 18Pdainu sum pun khat karlaang mma va chet da dul tou thida mma chukpupa sum ava dowl pthii da. 19Tunva mpha roi ksot dil thang ngi sra owr rek chukpu ava thlung da ungu mmaan tu sum ava tai lamda. 20Ungta sum pun parnga karlaang mma ngi arvang da, sum punparnga mdolot tpom tu arvan sin da, mhin theda, ‘Chukpu sumpun parnga mpii chtinu, sum pun parnga neiji lot tpom nu.’ 21Mma ki chukpu ngi mhin theda, ‘Kṭha a, trin chaak kro sra owr; nang ngi hava mruk suwn thung ngi trin chaak akurhui leiji, do knempok asil na nik di; nangki chukpu kanpat thu lut cha.’ 22Ungta sumpun knii kthloi rukva arvang da, theda, ‘Chukpu nah asum pun knii mparlaan chti nu,hei sum pun knii lot tpom chnu.’ 23Mma chukpu ngi mhin the da, ‘Kṭha a, kṭha ungu trin chaak kro sra owr; hava mruk suwn thung ngi trin chaak kro akurthut leiji, hava leenni neiji do knempok asil na nik di, nang ki chukpu kanpat thu lut cha.’ 24Sum pun khat karlaang ruk va arvang da, the da, ‘Chukpu, nang nga kparsa miilai pti, nang ngi ado pṭau ma khau tinu, ado pkhui ma ado purku ava neiji deinu; 25ava leiji aṭi chnu ungbi neiji chet nu tnek thu kdo dowl pthii. Hei ado ava alou cha.’ 26Pdainu mma chukpu ngi mhin arthawng da, ‘Kṭha kma howng kva sra owr nang! Neiji kdo pṭau ma khau nu kdo pkhui ma kdo purku adee mo? 27Sum lot na thu ksum thii da, neiji kikinlet mpha thu mdo lot tpom tu kdo arlaan chaak rang nga nang ngi apartlai krea. 28Ava leiji mma hinki sum ava alou inra sum sowm kthloi hin apiin. 29Mleija ktlo nuwm mii ava hin kheelli kpii ra, ungta mma ngi kheelli kthloi ra; pdainu kthloi kma mii ava, mma ngi mdo thloi mruk suwn ava ruk klou pthii ra. 30Ungta do ksi kma sra owr ava duwn ki kjiingnu thung ngi avar pthiin, ava thu mii rekki mhaa kril donle kṭap lamra.
Mṭut naki Kekṭewl
31“Mii Chapa ava ngi waan tamsii rek mkheng tu mlaarnee ngi murjun mpha thu, mlaarnee longkhom leen Mma ngi kuk ong ra. 32Mma maiṭhuwm mi chati rek mkheng ava kpurkuk ra, ungta Jao krung ngi keel rek thungki Jao rek mdo ṭhen lulu ngi, Mma ngi khat thungki khat kṭhen pthii ra. 33Ungta Mma ngi jao rek ava mchang ktongki mkhut leen kthii ra, pdainu keel rek ava mlee ktongki khut thung ngi kthii ra. 34Ava dilli Kruwng ngi mchang ktong ki mkhut thungki rek hin kthe ra, ‘Arhung in, O Kpah phowl kṭha kpha rek, dultipaam mapṭhan daat ki ado tpurchuwl pik dok in Kruwngpaam ava thung ngi am chaan; 35Mleija Neiji kpoi mtham mpha thu then mpii chaan ti, kning makraal mpha thu dii mpii chaan ti, malpa kukurthut thu mkowl chaan ti, 36kdak chaiji ka am mpha thu buw mpihiil chaan ti, kukoi thu mvel chaan ti, rowng inn thu ka am mpha thung ki hin mthlen pik chaan tinu.’
37Ava dilli rinkindit rekki Mhin karthawng ra, ‘Mukpu tden thung ngi neenni apoi ktham dei innu apmaal innu, mdit mata aning makraal thung ngi dii akipneek inda? 38Ungta tden thu malpa ngi thleng tinu akowl chaannu mdit mata adak chai dei innu dona akipihiil chaak in da? 39Ungta tden thung ngi akoi dei innu mdit mata rowng inn thung ngi a am dei innu akvel chaak inda? 40Ungta Kruwng ngi mhin inni karthawng ra, ‘Kinditti, Neiji ahin thaanni kthea, naanni ku u knao kdil sisi ado tlot in ava Nei kihinni ado tlot in kurthuwk.’ 41Ava dilli Mma lee ktong tha ku kong rek hin kthe ra, ‘Ki hinki kursown dok in, pauhur do buk rek naan, dijabowl leh mtamsii rek tummi mdo purchuwl dok kṭuw knai kma meiṭhuwm thu lut chaan; 42Mleija Neiji kpoi mtham mpha thu naanni then mpii maan ti, kning makraal thu kdo neek ra dii mpii maan ti, 43malpa kukurthut thu mkowl chmaan ti, kdak chaiji ka am mpha thu buw mpihiil maanti, ku koi ungta rowng inn thu ka am mpha thu mvel maan ti.’
44Ava dilli mmaan rukku karthawng ra, ‘Mukpu tden thu apoi tham da mdit mata aning kraal da, mdit mata malpa ngi am ti ungta adak chaiji am ti mdit mata koi ti mdit mata rowng inn thu a am kdee chun inni sok alo chmaan ring da?’ 45Ava dilli Mma ngi mhin thaanni karthawng ra, ‘Kinditti, Neiji ahin thaanni kthea, hava le kdil sisi leen naanni ado tlot in ava Nei kihin ni ado tlot in.’ 46Ungta mmaanna kṭuw knai kma mraal pii lam donle kupsun lamra, pdainu rinkindit rek ava kṭuw knai kma rinkhu tha ksii lamra.”
Currently Selected:
MATHI 25: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
MATHI 25
25
Nala Sowm Paupurtol
1“Parwaan Kruwngpaam ava nala miilai sowm ava ngi meila sinda kphalpa kurdut ṭhira mcheen ava purtol che naan di. 2Miilai parnga rekka ka ak lam ungu miilai parnga rekka ksing rek lam. 3Mleija ka aak rekki meila mlo in mpha thu, mmaanni thaodii lou lamme; 4pdainu ksing rek va meila mlo in mpha thu, thaodii rukka mu uwm thuwn sin lamda. 5Kphalpa ngi mukto dok thungta, mkheng inni kurngui chlam da, iip dok lamda. 6Pdainu thanṭim jaanni krowl khatti owngda, ‘Asuwn, Kphalpa ava! Arva inra akurdut ṭhi chaan.’ 7Ava dilli nala rek mkheng kardel lamda, mmeila in purthlong lamda. 8Ungbi ka aak rekki ksing rek hin theda, ‘Athaodiin mruk mhai pinṭhe pik chaan, mleija neen kmeidiin na kthlang kcha a.’ 9Pdainu ksing rekki arthawng lamda, ‘Naan tum ruk neen ktum in ruk ku khop kma kro; ava leiji kjur mii hin vada ado ren chaak inni kursuk bet ra.’ 10Ungta mmaanni kren ra mhai arlaan inni Kphalpa arjungda, ungu kurchuwl dok mii rek ava kphal kmaal ra hun ṭhi da; ungta thurngot arkam pthii da. 11Ava dilli nala rek angṭhea thleng ro lamda, the lamda, ‘Mukpu, Mukpu, mhai pvan pik chaan.’ 12Pdainu Mma ngi arthawng da, ‘Kinditti, Neiji ahin thaanni kthea, naanna adei maan ring.’ 13Ava ngi mlei kurthuwk da asut pṭoi chaan, mleija naanni mpha don mṭhang daat don dei maan ti.
Sra Owr rek Kdum Paupurtol
14“Mleija miilai khatti kipjiin rang ki ngi msra owr rek mhinni own lam thida, mulrou mkheng mdo sil nlam lulu; 15miilai khat hin mma ngi sum pun parnga pii da, khat hin knii ungta khat hin khat pii da, mma mma do pchaan dil kṭoiji pii da. Ava dilli mma ngi pjiin da. 16Sum pun parnga karlaang mma va chet tengda sum dowl lo nda; ungu sum pun parnga lot tpom da. 17Anto hep daatti sum pun knii kthloi ruk va knii lot tpom da. 18Pdainu sum pun khat karlaang mma va chet da dul tou thida mma chukpupa sum ava dowl pthii da. 19Tunva mpha roi ksot dil thang ngi sra owr rek chukpu ava thlung da ungu mmaan tu sum ava tai lamda. 20Ungta sum pun parnga karlaang mma ngi arvang da, sum punparnga mdolot tpom tu arvan sin da, mhin theda, ‘Chukpu sumpun parnga mpii chtinu, sum pun parnga neiji lot tpom nu.’ 21Mma ki chukpu ngi mhin theda, ‘Kṭha a, trin chaak kro sra owr; nang ngi hava mruk suwn thung ngi trin chaak akurhui leiji, do knempok asil na nik di; nangki chukpu kanpat thu lut cha.’ 22Ungta sumpun knii kthloi rukva arvang da, theda, ‘Chukpu nah asum pun knii mparlaan chti nu,hei sum pun knii lot tpom chnu.’ 23Mma chukpu ngi mhin the da, ‘Kṭha a, kṭha ungu trin chaak kro sra owr; hava mruk suwn thung ngi trin chaak kro akurthut leiji, hava leenni neiji do knempok asil na nik di, nang ki chukpu kanpat thu lut cha.’ 24Sum pun khat karlaang ruk va arvang da, the da, ‘Chukpu, nang nga kparsa miilai pti, nang ngi ado pṭau ma khau tinu, ado pkhui ma ado purku ava neiji deinu; 25ava leiji aṭi chnu ungbi neiji chet nu tnek thu kdo dowl pthii. Hei ado ava alou cha.’ 26Pdainu mma chukpu ngi mhin arthawng da, ‘Kṭha kma howng kva sra owr nang! Neiji kdo pṭau ma khau nu kdo pkhui ma kdo purku adee mo? 27Sum lot na thu ksum thii da, neiji kikinlet mpha thu mdo lot tpom tu kdo arlaan chaak rang nga nang ngi apartlai krea. 28Ava leiji mma hinki sum ava alou inra sum sowm kthloi hin apiin. 29Mleija ktlo nuwm mii ava hin kheelli kpii ra, ungta mma ngi kheelli kthloi ra; pdainu kthloi kma mii ava, mma ngi mdo thloi mruk suwn ava ruk klou pthii ra. 30Ungta do ksi kma sra owr ava duwn ki kjiingnu thung ngi avar pthiin, ava thu mii rekki mhaa kril donle kṭap lamra.
Mṭut naki Kekṭewl
31“Mii Chapa ava ngi waan tamsii rek mkheng tu mlaarnee ngi murjun mpha thu, mlaarnee longkhom leen Mma ngi kuk ong ra. 32Mma maiṭhuwm mi chati rek mkheng ava kpurkuk ra, ungta Jao krung ngi keel rek thungki Jao rek mdo ṭhen lulu ngi, Mma ngi khat thungki khat kṭhen pthii ra. 33Ungta Mma ngi jao rek ava mchang ktongki mkhut leen kthii ra, pdainu keel rek ava mlee ktongki khut thung ngi kthii ra. 34Ava dilli Kruwng ngi mchang ktong ki mkhut thungki rek hin kthe ra, ‘Arhung in, O Kpah phowl kṭha kpha rek, dultipaam mapṭhan daat ki ado tpurchuwl pik dok in Kruwngpaam ava thung ngi am chaan; 35Mleija Neiji kpoi mtham mpha thu then mpii chaan ti, kning makraal mpha thu dii mpii chaan ti, malpa kukurthut thu mkowl chaan ti, 36kdak chaiji ka am mpha thu buw mpihiil chaan ti, kukoi thu mvel chaan ti, rowng inn thu ka am mpha thung ki hin mthlen pik chaan tinu.’
37Ava dilli rinkindit rekki Mhin karthawng ra, ‘Mukpu tden thung ngi neenni apoi ktham dei innu apmaal innu, mdit mata aning makraal thung ngi dii akipneek inda? 38Ungta tden thu malpa ngi thleng tinu akowl chaannu mdit mata adak chai dei innu dona akipihiil chaak in da? 39Ungta tden thung ngi akoi dei innu mdit mata rowng inn thung ngi a am dei innu akvel chaak inda? 40Ungta Kruwng ngi mhin inni karthawng ra, ‘Kinditti, Neiji ahin thaanni kthea, naanni ku u knao kdil sisi ado tlot in ava Nei kihinni ado tlot in kurthuwk.’ 41Ava dilli Mma lee ktong tha ku kong rek hin kthe ra, ‘Ki hinki kursown dok in, pauhur do buk rek naan, dijabowl leh mtamsii rek tummi mdo purchuwl dok kṭuw knai kma meiṭhuwm thu lut chaan; 42Mleija Neiji kpoi mtham mpha thu naanni then mpii maan ti, kning makraal thu kdo neek ra dii mpii maan ti, 43malpa kukurthut thu mkowl chmaan ti, kdak chaiji ka am mpha thu buw mpihiil maanti, ku koi ungta rowng inn thu ka am mpha thu mvel maan ti.’
44Ava dilli mmaan rukku karthawng ra, ‘Mukpu tden thu apoi tham da mdit mata aning kraal da, mdit mata malpa ngi am ti ungta adak chaiji am ti mdit mata koi ti mdit mata rowng inn thu a am kdee chun inni sok alo chmaan ring da?’ 45Ava dilli Mma ngi mhin thaanni karthawng ra, ‘Kinditti, Neiji ahin thaanni kthea, hava le kdil sisi leen naanni ado tlot in ava Nei kihin ni ado tlot in.’ 46Ungta mmaanna kṭuw knai kma mraal pii lam donle kupsun lamra, pdainu rinkindit rek ava kṭuw knai kma rinkhu tha ksii lamra.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.