Kusintii Andunya 16
16
Agaa í bí Isimaɛli
1Sarai aboi Aburamu kù bíaa ama. Wee í nɛ aru inaabo gɔ bɛ, inɛi Ezibitii. À ya kpoo Agaa. 2Ŋɔi Sarai í sɔ̃ Aburamu í ni, wee Aɔ̃ Lafɛ̃ɛ í cem gbɛnda. Ǹ tɔɔɛi i sũò arum nɔu. Mà hai bi tɛɛ an ba ama inɛmɔkɔ. Nɔ Aburamu í jɛsi idei aboɛu. 3Ŋɔi Sarai í so aruɛu í mua Aburamu ku ce abo. Wee í ko Aburamu í ce adɔ̃ mɛɛwa si ilɛi Kanaã tã. 4Ŋɔi Aburamu í sũò Agaa nɔ í nɛ asĩ. Iyi í yɛ nŋu í nɛ asĩ ŋɔi í ya maa leò lafɛ̃ɛɛ iju.
5Ŋɔi Sarai í sɔ̃ Aburamu í ni, hai bi tɛɛi arabum wa naa. Amu ǹ so arum ǹ muɛ i ce abo, amma iyi í yɛ nŋu í nɛ asĩ ŋɔi í lɔsi ku leem iju. Aɔ̃ Lafɛ̃ɛ á kiiti awaɛ.
6Ŋɔi Aburamu í jɛa Sarai í ni, aruɛ í wa awɔɛ, ceaa bɛi ì bi fei. Nɔ Sarai wa kpãa iju hee Agaa í sa hai bi tɛɛ.
7Ŋɔi amalekai Aɔ̃ Lafɛ̃ɛ í koo í baa si gbaa kɔkɔi isɔ̃ gɔ si kpãai Suu. 8Ŋɔi í beeɛ í ni, Agaa, arui Sarai, hai iwoi ì waa baa, nɔ iwoi ì waa bɔ. Ŋɔi Agaa í jɛaa í ni, ǹ wa n sai hai bi lafɛ̃ɛm Sarai.
9Ŋɔi amalekai Aɔ̃ Lafɛ̃ɛ í sɔ̃ɔ í ni, sinda i nyi bi lafɛ̃ɛɛ nɔ i koo i sũaa iri ilɛ. 10Í sɔ̃ɔ má í ni, an jɔ̀ dimiɛ ku kpɔ hee inɛ gɔ kaa yɔkɔ ku ka ŋa.
11Wee ì nɛ asĩ.
Aa bí ama inɛmɔkɔ
nɔ i sɔɔ Isimaɛli #16:11 Isimaɛli Yaasei iriui í jɛ, Ilaaɔ̃ í gbɔ.,
domi Aɔ̃ Lafɛ̃ɛ í gbɔ iyi ì fɔ si inɔ kufɔɛ.
12Amaɛ á yɛi bɛi sɛnga.
Á jɛ mbɛɛi inɛ fei
nɔ inɛ fei mɔ ku jɛ mbɛɛɛ.
Si inɔi nyaanzeɛ ŋa fei
nŋu akãi á ya maa wɛɛ ikã.
13Nɔ Agaa wa bee araɛ í ni, ntɔ ntɔ ǹ yɛ inɛ iyi wa yɛm nɔu mbɛ? Nɔ í sɔ Aɔ̃ Lafɛ̃ɛ iyi wa baa ide ku fɔu iri í ni, awɔi ì jɛ Eli-Roi, waatɔ Ilaaɔ̃ nŋu iyi wa yɛm. 14Na ŋɔi í ce à waa kpe lɔgɔu lɔgɔi Lakai-Roi, waatɔ lɔgɔi Ilaaɔ̃ icui kuwɛɛ iyi í yɛm. Lɔgɔu í wa si afei ilui Kadɛsi do Berɛdi.
15Ŋɔi Agaa í bía Aburamu ama inɛmɔkɔ. Nɔ Aburamu í sɔ amau Isimaɛli. 16Adɔ̃ cinɛ do mɛɛfai Aburamu í nɛ si waati iyi Agaa í bíaa amau.
Currently Selected:
Kusintii Andunya 16: MKL
Highlight
Share
Copy
Want to have your highlights saved across all your devices? Sign up or sign in
2021, SIM International et UEEB
Kusintii Andunya 16
16
Agaa í bí Isimaɛli
1Sarai aboi Aburamu kù bíaa ama. Wee í nɛ aru inaabo gɔ bɛ, inɛi Ezibitii. À ya kpoo Agaa. 2Ŋɔi Sarai í sɔ̃ Aburamu í ni, wee Aɔ̃ Lafɛ̃ɛ í cem gbɛnda. Ǹ tɔɔɛi i sũò arum nɔu. Mà hai bi tɛɛ an ba ama inɛmɔkɔ. Nɔ Aburamu í jɛsi idei aboɛu. 3Ŋɔi Sarai í so aruɛu í mua Aburamu ku ce abo. Wee í ko Aburamu í ce adɔ̃ mɛɛwa si ilɛi Kanaã tã. 4Ŋɔi Aburamu í sũò Agaa nɔ í nɛ asĩ. Iyi í yɛ nŋu í nɛ asĩ ŋɔi í ya maa leò lafɛ̃ɛɛ iju.
5Ŋɔi Sarai í sɔ̃ Aburamu í ni, hai bi tɛɛi arabum wa naa. Amu ǹ so arum ǹ muɛ i ce abo, amma iyi í yɛ nŋu í nɛ asĩ ŋɔi í lɔsi ku leem iju. Aɔ̃ Lafɛ̃ɛ á kiiti awaɛ.
6Ŋɔi Aburamu í jɛa Sarai í ni, aruɛ í wa awɔɛ, ceaa bɛi ì bi fei. Nɔ Sarai wa kpãa iju hee Agaa í sa hai bi tɛɛ.
7Ŋɔi amalekai Aɔ̃ Lafɛ̃ɛ í koo í baa si gbaa kɔkɔi isɔ̃ gɔ si kpãai Suu. 8Ŋɔi í beeɛ í ni, Agaa, arui Sarai, hai iwoi ì waa baa, nɔ iwoi ì waa bɔ. Ŋɔi Agaa í jɛaa í ni, ǹ wa n sai hai bi lafɛ̃ɛm Sarai.
9Ŋɔi amalekai Aɔ̃ Lafɛ̃ɛ í sɔ̃ɔ í ni, sinda i nyi bi lafɛ̃ɛɛ nɔ i koo i sũaa iri ilɛ. 10Í sɔ̃ɔ má í ni, an jɔ̀ dimiɛ ku kpɔ hee inɛ gɔ kaa yɔkɔ ku ka ŋa.
11Wee ì nɛ asĩ.
Aa bí ama inɛmɔkɔ
nɔ i sɔɔ Isimaɛli #16:11 Isimaɛli Yaasei iriui í jɛ, Ilaaɔ̃ í gbɔ.,
domi Aɔ̃ Lafɛ̃ɛ í gbɔ iyi ì fɔ si inɔ kufɔɛ.
12Amaɛ á yɛi bɛi sɛnga.
Á jɛ mbɛɛi inɛ fei
nɔ inɛ fei mɔ ku jɛ mbɛɛɛ.
Si inɔi nyaanzeɛ ŋa fei
nŋu akãi á ya maa wɛɛ ikã.
13Nɔ Agaa wa bee araɛ í ni, ntɔ ntɔ ǹ yɛ inɛ iyi wa yɛm nɔu mbɛ? Nɔ í sɔ Aɔ̃ Lafɛ̃ɛ iyi wa baa ide ku fɔu iri í ni, awɔi ì jɛ Eli-Roi, waatɔ Ilaaɔ̃ nŋu iyi wa yɛm. 14Na ŋɔi í ce à waa kpe lɔgɔu lɔgɔi Lakai-Roi, waatɔ lɔgɔi Ilaaɔ̃ icui kuwɛɛ iyi í yɛm. Lɔgɔu í wa si afei ilui Kadɛsi do Berɛdi.
15Ŋɔi Agaa í bía Aburamu ama inɛmɔkɔ. Nɔ Aburamu í sɔ amau Isimaɛli. 16Adɔ̃ cinɛ do mɛɛfai Aburamu í nɛ si waati iyi Agaa í bíaa amau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2021, SIM International et UEEB