Kusintii Andunya 21
21
Kubíi Izaaki
1Aɔ̃ Lafɛ̃ɛ wa ye gigii ide iyi í tako í sɔ̃ Sara wo, í nɔ í ceaa si bɛi í wãa do. 2Ŋɔi Sara í nɛ asĩ nɔ í bía Aburahamu ama inɛmɔkɔ si agboɛu, si waati bɛi Ilaaɔ̃ í fɔu. 3Ŋɔi Aburahamu í sɔ ama iyi Sara í bíaau iri Izaaki#21:3 Izaaki Yaasei iriui í jɛ anyí.. 4Iyi Izaaki í ce ajɔ mɛɛjɔ ŋɔi Aburahamu í dasiɛ bango si bɛi Ilaaɔ̃ í sɔ̃ɔu. 5Aburahamu í nɛ adɔ̃ cĩɔ à bɛi à bí Izaaki amaɛu. 6Ŋɔi Sara í ni, Ilaaɔ̃ í kpam do anyí. Inɛ iyi í gbɔ fei á bam ku nyaanyii. 7Ŋɔi í ni má, yooi á yɔkɔ ku sɔ̃ Aburahamu wo ku ni amu Sara an na n na ama amɔ. Do nŋu fei, wee ǹ bíaa ama inɛmɔkɔ si agboɛ.
Aburahamu í lele Agaa do Isimaɛli
8Amau í la nɔ à daa amɔ. Ŋɔi Aburahamu í nya jingau nla nla si ajɔ iyi à da Izaaki amɔ.
9Sara í yɛ ama iyi Agaa inɛi Ezibitiu í bía Aburahamu wa nyaanyi Izaaki. 10Ŋɔi Sara í sɔ̃ Aburahamu í ni, lele aruu do amaɛ fei, domi amai aruu bɛ kaa jɛ tubu do amam ajɔ. 11Ideu í bɛi í dɔ̃ Aburahamu ntɔ ntɔ na irii amaɛ Isimaɛliu. 12Amma Ilaaɔ̃ í sɔ̃ɔ í ni, maà tii i yɛ taalei ideu na irii aruɛ do amau. Mii iyi Sara í beeɛ fei jɔ̀ i ceaa, domi amai Izaaki ŋai aa jɛ dimiɛ iyi ǹ ceɛ kuwãɛu. 13Amma do nŋu fei an jɔ̀ amai aruɛu mɔ ku jɛ dimi mmu gɔ má domi nŋu mɔ dimiɛi.
14Ŋɔi Aburahamu í daja í so ijɛ do inyi í na Agaa nɔ í gba í kɔtɔɛ. Nɔ í náa amau í ni a nɛ. Ŋɔi Agaa í nɛ í koo wa dabii si gbaa gɔ iyi à ya kpe Bɛɛseba. 15Iyi inyii jɔlɔu í tã ŋɔi í jɔ̀ amau si abɛi ama jĩi gɔ. 16Nɔ í koo í buba hee zaka bɛi inɛ á yɔkɔ ku ta afa ku to. Í ni, n kaa n yɔkɔ n maa n cɔ bɛi amam wa ku. Ŋɔi í jɔ̀ í koo í buba hee zaka bɛɛbɛ, í bɛi í cã biibii wa kpata. 17Ŋɔi Ilaaɔ̃ í gbɔ anu ku dɔ̃i amau nɔ amalekaɛ í kpe Agaa hai lele í ni, mii wa ceɛ, Agaa. Maà jɔ̀ zigiɛ ku da domi ǹ gbɔ anui amau bii í wa. 18Dede i so amau i mu awɔɛ, domi an coo inɛ ngboi dimi nla nla. 19Ŋɔi Ilaaɔ̃ í cĩ ijui abou nɔ í yɛ lɔgɔ gɔ. Nɔ í koo í kpã inyi si jɔlɔu hee í kɔ̃ nɔ í na amau í mɔ. 20Ilaaɔ̃ í wɛɛ do amau. Ŋɔi í na í la nɔ í jɛ tobi. Nɔ í wa si gbaa 21iyi à ya kpe Parãa. Nɔ iyeɛ í soaa abo hai si dimii inɛi Ezibiti ŋa.
Aburahamu í dĩ akabuu do Abimelɛki
22Si waati iyi Aburahamu í wa si ilɛi Abimelɛki ŋɔi Abimelɛki do Pikɔlu inɛ ngboi soogeɛ ŋau à koo bi Aburahamu nɔ Abimelɛki í baa ide ku fɔ í ni, Ilaaɔ̃ í wɛɛ do awɔ si mii iyi ì waa ce fei. 23Nsɛi ǹ wa n tɔɔɛi i gbasi do irii Ilaaɔ̃u ihɛ̃ iyi i kaa lɛlɛɛm má, hee má jɛ amam ŋa, do tɔkum ŋa. Jiida iyi ǹ ceɛ, cea amu mɔ jiida bɛɛbɛ, amu do inɛi ilɛ bii ì waa bubau ihɛ̃. 24Nɔ Aburahamu í ni, ǹ gbasi.
25Amma í sisia Abimelɛki kurara iyi woo ce icɛɛ ŋa à ce si gãmɛi lɔgɔ iyi à gba do gbugbãu. 26Ŋɔi Abimelɛki í jɛ í ni, n kù mà inɛ iyi í ce bɛɛbɛu bɛ. Nɔ awɔ takaɛ i kù sɔ̃m, í gbe nnyii í jɛ ku gbɔm.
27Nɔ Aburahamu í so angudã ŋa do kɛtɛ ŋa í na Abimelɛki, nɔ aŋa minji fei à dĩ akabuu. 28Aburahamu í nya angudã zãu mɛɛje ikã. 29Nɔ Abimelɛki í beeɛ í ni, yoomai í jɛ yaasei angudã zãu mɛɛje iyi ì nya ikãu bɛ.
30Nɔ í jɛaa í ni, jɔ̀ i gba angudã zãu mɛɛje ŋau ihɛ̃ ku ba nŋu bɛ ku jɛɛm sɛɛda iyi amui ǹ tu lɔgɔu ihɛ̃.
31Na ŋɔi í jɔ̀ à waa kpe inyau Bɛɛseba, waatɔ lɔgɔi kugbasi, domi tengi bɛi aŋa minji fei à gbasi do irii Ilaaɔ̃. 32Bɛɛsebai à dĩ akabuu nŋa. Si anyiɛ, Abimelɛki í bɛi í dede nŋu do Pikɔlu inɛ ngboi soogeɛ ŋau, nɔ à sinda à nyi ilɛi inɛi Filisi ŋa.
33Aburahamu í lɔ jĩi ndii tamarisi Bɛɛseba, nɔ tengi bɛi í ya maa tɔɔ Aɔ̃ Lafɛ̃ɛ, nŋu iyi í wɛɛ do ajɔ fei. 34Nɔ í buba ilɛi inɛi Filisi ŋa í kpɛ bɛ ntɔ ntɔ.
Currently Selected:
Kusintii Andunya 21: MKL
Highlight
Share
Copy
Want to have your highlights saved across all your devices? Sign up or sign in
2021, SIM International et UEEB
Kusintii Andunya 21
21
Kubíi Izaaki
1Aɔ̃ Lafɛ̃ɛ wa ye gigii ide iyi í tako í sɔ̃ Sara wo, í nɔ í ceaa si bɛi í wãa do. 2Ŋɔi Sara í nɛ asĩ nɔ í bía Aburahamu ama inɛmɔkɔ si agboɛu, si waati bɛi Ilaaɔ̃ í fɔu. 3Ŋɔi Aburahamu í sɔ ama iyi Sara í bíaau iri Izaaki#21:3 Izaaki Yaasei iriui í jɛ anyí.. 4Iyi Izaaki í ce ajɔ mɛɛjɔ ŋɔi Aburahamu í dasiɛ bango si bɛi Ilaaɔ̃ í sɔ̃ɔu. 5Aburahamu í nɛ adɔ̃ cĩɔ à bɛi à bí Izaaki amaɛu. 6Ŋɔi Sara í ni, Ilaaɔ̃ í kpam do anyí. Inɛ iyi í gbɔ fei á bam ku nyaanyii. 7Ŋɔi í ni má, yooi á yɔkɔ ku sɔ̃ Aburahamu wo ku ni amu Sara an na n na ama amɔ. Do nŋu fei, wee ǹ bíaa ama inɛmɔkɔ si agboɛ.
Aburahamu í lele Agaa do Isimaɛli
8Amau í la nɔ à daa amɔ. Ŋɔi Aburahamu í nya jingau nla nla si ajɔ iyi à da Izaaki amɔ.
9Sara í yɛ ama iyi Agaa inɛi Ezibitiu í bía Aburahamu wa nyaanyi Izaaki. 10Ŋɔi Sara í sɔ̃ Aburahamu í ni, lele aruu do amaɛ fei, domi amai aruu bɛ kaa jɛ tubu do amam ajɔ. 11Ideu í bɛi í dɔ̃ Aburahamu ntɔ ntɔ na irii amaɛ Isimaɛliu. 12Amma Ilaaɔ̃ í sɔ̃ɔ í ni, maà tii i yɛ taalei ideu na irii aruɛ do amau. Mii iyi Sara í beeɛ fei jɔ̀ i ceaa, domi amai Izaaki ŋai aa jɛ dimiɛ iyi ǹ ceɛ kuwãɛu. 13Amma do nŋu fei an jɔ̀ amai aruɛu mɔ ku jɛ dimi mmu gɔ má domi nŋu mɔ dimiɛi.
14Ŋɔi Aburahamu í daja í so ijɛ do inyi í na Agaa nɔ í gba í kɔtɔɛ. Nɔ í náa amau í ni a nɛ. Ŋɔi Agaa í nɛ í koo wa dabii si gbaa gɔ iyi à ya kpe Bɛɛseba. 15Iyi inyii jɔlɔu í tã ŋɔi í jɔ̀ amau si abɛi ama jĩi gɔ. 16Nɔ í koo í buba hee zaka bɛi inɛ á yɔkɔ ku ta afa ku to. Í ni, n kaa n yɔkɔ n maa n cɔ bɛi amam wa ku. Ŋɔi í jɔ̀ í koo í buba hee zaka bɛɛbɛ, í bɛi í cã biibii wa kpata. 17Ŋɔi Ilaaɔ̃ í gbɔ anu ku dɔ̃i amau nɔ amalekaɛ í kpe Agaa hai lele í ni, mii wa ceɛ, Agaa. Maà jɔ̀ zigiɛ ku da domi ǹ gbɔ anui amau bii í wa. 18Dede i so amau i mu awɔɛ, domi an coo inɛ ngboi dimi nla nla. 19Ŋɔi Ilaaɔ̃ í cĩ ijui abou nɔ í yɛ lɔgɔ gɔ. Nɔ í koo í kpã inyi si jɔlɔu hee í kɔ̃ nɔ í na amau í mɔ. 20Ilaaɔ̃ í wɛɛ do amau. Ŋɔi í na í la nɔ í jɛ tobi. Nɔ í wa si gbaa 21iyi à ya kpe Parãa. Nɔ iyeɛ í soaa abo hai si dimii inɛi Ezibiti ŋa.
Aburahamu í dĩ akabuu do Abimelɛki
22Si waati iyi Aburahamu í wa si ilɛi Abimelɛki ŋɔi Abimelɛki do Pikɔlu inɛ ngboi soogeɛ ŋau à koo bi Aburahamu nɔ Abimelɛki í baa ide ku fɔ í ni, Ilaaɔ̃ í wɛɛ do awɔ si mii iyi ì waa ce fei. 23Nsɛi ǹ wa n tɔɔɛi i gbasi do irii Ilaaɔ̃u ihɛ̃ iyi i kaa lɛlɛɛm má, hee má jɛ amam ŋa, do tɔkum ŋa. Jiida iyi ǹ ceɛ, cea amu mɔ jiida bɛɛbɛ, amu do inɛi ilɛ bii ì waa bubau ihɛ̃. 24Nɔ Aburahamu í ni, ǹ gbasi.
25Amma í sisia Abimelɛki kurara iyi woo ce icɛɛ ŋa à ce si gãmɛi lɔgɔ iyi à gba do gbugbãu. 26Ŋɔi Abimelɛki í jɛ í ni, n kù mà inɛ iyi í ce bɛɛbɛu bɛ. Nɔ awɔ takaɛ i kù sɔ̃m, í gbe nnyii í jɛ ku gbɔm.
27Nɔ Aburahamu í so angudã ŋa do kɛtɛ ŋa í na Abimelɛki, nɔ aŋa minji fei à dĩ akabuu. 28Aburahamu í nya angudã zãu mɛɛje ikã. 29Nɔ Abimelɛki í beeɛ í ni, yoomai í jɛ yaasei angudã zãu mɛɛje iyi ì nya ikãu bɛ.
30Nɔ í jɛaa í ni, jɔ̀ i gba angudã zãu mɛɛje ŋau ihɛ̃ ku ba nŋu bɛ ku jɛɛm sɛɛda iyi amui ǹ tu lɔgɔu ihɛ̃.
31Na ŋɔi í jɔ̀ à waa kpe inyau Bɛɛseba, waatɔ lɔgɔi kugbasi, domi tengi bɛi aŋa minji fei à gbasi do irii Ilaaɔ̃. 32Bɛɛsebai à dĩ akabuu nŋa. Si anyiɛ, Abimelɛki í bɛi í dede nŋu do Pikɔlu inɛ ngboi soogeɛ ŋau, nɔ à sinda à nyi ilɛi inɛi Filisi ŋa.
33Aburahamu í lɔ jĩi ndii tamarisi Bɛɛseba, nɔ tengi bɛi í ya maa tɔɔ Aɔ̃ Lafɛ̃ɛ, nŋu iyi í wɛɛ do ajɔ fei. 34Nɔ í buba ilɛi inɛi Filisi ŋa í kpɛ bɛ ntɔ ntɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2021, SIM International et UEEB