Maliku 15
15
Yesu akuyeghiwa kubalasa lya Pilatu
Mateyi 27:1-2, Mateyi 27:11-14, Lukasi 23:1-5, Yohani 18:28-38
1Pamalavila puti, vatambika vakomi vatanganili pamu na vavaha na vawula va Malawu na vandu va balasa lyosi, vapatanili kumuyegha Yesu kuchitemela cha Pilatu. Vamuwopa na pingu, vamyegha na kumuhadisha kwa Pilatu. 2Pilatu kamdasha Yesu, “Wuli yuwi kuva mutwa wa Vayawudi?”
Yesu kamyangula, “Yina, yiva ngimu wudetili.”
3Vatambika vakomi vamuhigha Yesu kwa findu fitangalili. 4Pilatu kamdasha kandi Yesu, “Wuli ukuyangula chindu ng'odu? Pikanishi fyosi fivakutovelela yuwi!”
5Lakini Yesu ayangulili chindu ha, Pilatu kayikanganika nendu.
Yesu akuhighiwa njifwa
Mateyi 27:15-26, Lukasi 23:13-25, Yohani 18:39-19:16
6Kila lihungu lya Pasaka, Pilatu aveli na chishovi cha kumulekishela mundu yumu yaveli muchijaka, yivamdayilili vandu. 7Chipindi achi, kwavelili na mundu yumu yakemiwa Balaba. Ayu aveli kawopiwa muchijaka pamu na vandu vamonga vawulayili vandu pakaveyi mundilingu. 8Vandu vatangalili vamyendela Pilatu na kumluva avagoleli kucha chishovi chaki. 9Pilatu kavadasha, “Wuli nivalekesheleli Mutwa wa Vayawudi?” 10Pilatu awombili naha kwanongwa amanyili ngatu hela kucha vatambika vakomi vamyeghili Yesu kwa mweni kwanongwa vamuwonela weyi.
11Lakini vatambika vakomi vavatumishila vandu vamluvi Pilatu avalekesheleli Balaba. 12Pilatu avadashili kandi, “Ponopa mkudayila ndimgoli liki mundu ayu yumumkema Mutwa wa Vayawudi?”
13Vadeta kwa lishu likomi, “Mumvangilili mulupingika!”
14Pilatu kavadasha, “Kagola chindu liki cha wafu?”
Lakini veni vayendilela kudeta kwa lishu likomi, “Mumvangilili mulupingika!”
15Pilatu akadayileyi kulinowesha lila lipinga lya vandu, topi kavagayila Balaba kufuma muchijaka. Kalayishila Yesu alatuliwi fiboku, pambeli avangiliwi mulupingika.
Machonda vakumdanila Yesu
Mateyi 27:27-31, Yohani 19:2-3
16Pambeli machonda vamuyeghili Yesu mgati ya liboma lya Pilatu mkomi wa mlima na vavakema vayawu vosi. 17Vamfwalishili yingwa ya langi ya sambalawu, vapota likokoma lya misomi na valivika kumutwi yaki. 18Pambeli vakanda kumjambusha, “Hasi Mutwa wa Vayawudi!” 19Vayendelela kumtova kwa lidengi kumutwi na kumtemela mita. Pambeli vamtundamila na kumgondamila. 20Pavamdanilili kala, vamuwopusolili lila lihabiti lya langi ya sambalawu, vamfwalisha yingwa shaki. Pambeli vamyegha panji ili vamvangilili mulupingika.
Yesu akuvangiliwa mulupingika
Mateyi 27:32-44, Lukasi 23:26-43, Yohani 19:17-27
21Pavaveghi munjila, vatanganikili na mundu yumu yakemiwa Simoni, mundu wa mlima wa Kileni, tati wawu Alekisanda na Lufu. Mundu ayu avelili akufuma kuchijiji, akuyenda kumbwani. Machonda vamung'ang'anika avagali lupingika lwa Yesu. 22Pambeli vamyegha Yesu mbaka mahali pakemiwa Goligota, mana yaki, “Mahali pa lipava lya mutwi.” 23Vamugayila difwayi yivahashili na mtela wuvakema manimani, lakini mweni kalema kuyilanda. 24Pambeli vamvangilila mulupingika na vavaghana yingwa shaki kwa kugola do kulamula ghani apati yingwa liki. 25Yavelili saa tatu pamalavila Yesu pavamvangilileyi mulupingika. 26Vayandika muchibawu fyavifyili naha: “Mutwa wa Vayawudi”. 27Pambeli Yesu vamvangililili mulupingika pamu na vefi vavili, yumu mwambu waki wa mlilu na wingi mwambu waki wa kumkiyi. 28Ndambu ayi, Mayandiku vava vadetili, “Avikiwili pamu na lipinga lya vandu vawafu.”
29Vandu vavelili vakupita pala vatikanya mitwi yawu na kumjowola Yesu, pavadeta, “Aka! Yuwi muna uwesu wa kubowola nyumba ya Chapanga na kuyigola kwa majuva matatu! 30Ponopa sunuki mulupingika na wilowoli umweni!”
31Wuwula wula vatambika vakomi na vawula va Malawu vamdanila pavadeta veni kwa veni, “Avalowulili vamonga, lakini kalemwa kuyilowola mweni! 32Ayu Kilistu, mutwa va Isilaeli! Topi asunuki kufuma mulupingika na yufwi datumjumili!”
Na hata vandu vala vavangiliwi mumipingika pamu na mweni vamjowulili.
Yesu akusova mulupingika
Mateyi 27:45-56, Lukasi 23:44-49, Yohani 19:28-30
33Kufumila saa sita pamusi, mlima wonda ugubikiwili na chisi chayikalili mbaka saa tisa. 34Payifikili saa tisa pamusi, Yesu kalila kwa lishu likomi, “Eloi, Eloi, lama Sabakitani?” Mana yaki, “Chapanga wangu, Chapanga wangu, mbona kuneka?”
35Vandu vamonga vawolukili pala pavapikanishili naha, vadeta, “Pikanishi, akumkema Eliya!” 36Mundu yumu katuva, kajabika lindelindeli musiki, kalisobeka muludengi na kumupa Yesu alandi. Pambeli kadeta, “Leki tuloli kucha Eliya dayisi kumsunusha mulupingika!”
37Yesu kawuta kwa lishu likomi, pambeli kasova.
38Lupayi lwa nyumba ya Chapanga lwademukili filepa fivili kufumila kumbindi mbaka pasi. 39Na mkomi va machonda yavelili kawoloka paulongolu pa lupingika pawonili ndambu Yesu pasovili, kadeta, “Nakaka mundu ayu avelili Mwana wa Chapanga!” 40Kwavelili na vadadala vamonga vavelili pavalola kwa kutali. Vamu vaveli Maliya Magadalena na Maliya mawu wawu akina Yakobi mdokwa na Yose na Salomi. 41Yesu paghaveyi Galilaya, vadadala ava vamkovikelili na kumtanga. Wuwowu vadadala vamonga vatangalili yivayisili pamu na mweni Yelusalemu vaveli bahala.
Yesu akusikiwa
Mateyi 27:57-61, Lukasi 23:50-56, Yohani 19:38-42
42Yaveli palumihi ya Lijuva lya Kuyitalisha kwa Lijuva lya Kupumulila. 43Yosefu mwenikaya wa Alimataya, mundu wa balasa lya Vayawudi na yapikanishiwili nendu kafika. Mundu ayu aveli akuuvetela Wutwa wa kumbindi kwa Chapanga. Topi kamyendela Pilatu ngajila kukangajila, kamluva amupi chikongu cha Yesu. 44Pilatu kayikanganika papikanishili kucha Yesu aveli kasova kala. Topi kamkema mkomi wa machonda, kamdasha kucha Yesu kasova kala. 45Pawombiwili na yula mkomi wa machonda Yesu kasova kala, amjumishili Yosefu atoli chikongu cha Yesu. 46Yosefu kahemela ligubiku, kasunusha chikongu cha Yesu na kaushengiteshela ligubiku kauvika musembi yisonguliwili muligangachuma. Pambeli kabilibisha ligangachuma likomi pamlyangu ya sembi. 47Maliya Magadalena na Maliya mau waki Yose vapawonili pala pavikiwili chikongu cha Yesu.
Currently Selected:
Maliku 15: NdBV
Highlight
Share
Copy
Want to have your highlights saved across all your devices? Sign up or sign in
© The Word For The World and Pioneer Bible Translators, 2014
Maliku 15
15
Yesu akuyeghiwa kubalasa lya Pilatu
Mateyi 27:1-2, Mateyi 27:11-14, Lukasi 23:1-5, Yohani 18:28-38
1Pamalavila puti, vatambika vakomi vatanganili pamu na vavaha na vawula va Malawu na vandu va balasa lyosi, vapatanili kumuyegha Yesu kuchitemela cha Pilatu. Vamuwopa na pingu, vamyegha na kumuhadisha kwa Pilatu. 2Pilatu kamdasha Yesu, “Wuli yuwi kuva mutwa wa Vayawudi?”
Yesu kamyangula, “Yina, yiva ngimu wudetili.”
3Vatambika vakomi vamuhigha Yesu kwa findu fitangalili. 4Pilatu kamdasha kandi Yesu, “Wuli ukuyangula chindu ng'odu? Pikanishi fyosi fivakutovelela yuwi!”
5Lakini Yesu ayangulili chindu ha, Pilatu kayikanganika nendu.
Yesu akuhighiwa njifwa
Mateyi 27:15-26, Lukasi 23:13-25, Yohani 18:39-19:16
6Kila lihungu lya Pasaka, Pilatu aveli na chishovi cha kumulekishela mundu yumu yaveli muchijaka, yivamdayilili vandu. 7Chipindi achi, kwavelili na mundu yumu yakemiwa Balaba. Ayu aveli kawopiwa muchijaka pamu na vandu vamonga vawulayili vandu pakaveyi mundilingu. 8Vandu vatangalili vamyendela Pilatu na kumluva avagoleli kucha chishovi chaki. 9Pilatu kavadasha, “Wuli nivalekesheleli Mutwa wa Vayawudi?” 10Pilatu awombili naha kwanongwa amanyili ngatu hela kucha vatambika vakomi vamyeghili Yesu kwa mweni kwanongwa vamuwonela weyi.
11Lakini vatambika vakomi vavatumishila vandu vamluvi Pilatu avalekesheleli Balaba. 12Pilatu avadashili kandi, “Ponopa mkudayila ndimgoli liki mundu ayu yumumkema Mutwa wa Vayawudi?”
13Vadeta kwa lishu likomi, “Mumvangilili mulupingika!”
14Pilatu kavadasha, “Kagola chindu liki cha wafu?”
Lakini veni vayendilela kudeta kwa lishu likomi, “Mumvangilili mulupingika!”
15Pilatu akadayileyi kulinowesha lila lipinga lya vandu, topi kavagayila Balaba kufuma muchijaka. Kalayishila Yesu alatuliwi fiboku, pambeli avangiliwi mulupingika.
Machonda vakumdanila Yesu
Mateyi 27:27-31, Yohani 19:2-3
16Pambeli machonda vamuyeghili Yesu mgati ya liboma lya Pilatu mkomi wa mlima na vavakema vayawu vosi. 17Vamfwalishili yingwa ya langi ya sambalawu, vapota likokoma lya misomi na valivika kumutwi yaki. 18Pambeli vakanda kumjambusha, “Hasi Mutwa wa Vayawudi!” 19Vayendelela kumtova kwa lidengi kumutwi na kumtemela mita. Pambeli vamtundamila na kumgondamila. 20Pavamdanilili kala, vamuwopusolili lila lihabiti lya langi ya sambalawu, vamfwalisha yingwa shaki. Pambeli vamyegha panji ili vamvangilili mulupingika.
Yesu akuvangiliwa mulupingika
Mateyi 27:32-44, Lukasi 23:26-43, Yohani 19:17-27
21Pavaveghi munjila, vatanganikili na mundu yumu yakemiwa Simoni, mundu wa mlima wa Kileni, tati wawu Alekisanda na Lufu. Mundu ayu avelili akufuma kuchijiji, akuyenda kumbwani. Machonda vamung'ang'anika avagali lupingika lwa Yesu. 22Pambeli vamyegha Yesu mbaka mahali pakemiwa Goligota, mana yaki, “Mahali pa lipava lya mutwi.” 23Vamugayila difwayi yivahashili na mtela wuvakema manimani, lakini mweni kalema kuyilanda. 24Pambeli vamvangilila mulupingika na vavaghana yingwa shaki kwa kugola do kulamula ghani apati yingwa liki. 25Yavelili saa tatu pamalavila Yesu pavamvangilileyi mulupingika. 26Vayandika muchibawu fyavifyili naha: “Mutwa wa Vayawudi”. 27Pambeli Yesu vamvangililili mulupingika pamu na vefi vavili, yumu mwambu waki wa mlilu na wingi mwambu waki wa kumkiyi. 28Ndambu ayi, Mayandiku vava vadetili, “Avikiwili pamu na lipinga lya vandu vawafu.”
29Vandu vavelili vakupita pala vatikanya mitwi yawu na kumjowola Yesu, pavadeta, “Aka! Yuwi muna uwesu wa kubowola nyumba ya Chapanga na kuyigola kwa majuva matatu! 30Ponopa sunuki mulupingika na wilowoli umweni!”
31Wuwula wula vatambika vakomi na vawula va Malawu vamdanila pavadeta veni kwa veni, “Avalowulili vamonga, lakini kalemwa kuyilowola mweni! 32Ayu Kilistu, mutwa va Isilaeli! Topi asunuki kufuma mulupingika na yufwi datumjumili!”
Na hata vandu vala vavangiliwi mumipingika pamu na mweni vamjowulili.
Yesu akusova mulupingika
Mateyi 27:45-56, Lukasi 23:44-49, Yohani 19:28-30
33Kufumila saa sita pamusi, mlima wonda ugubikiwili na chisi chayikalili mbaka saa tisa. 34Payifikili saa tisa pamusi, Yesu kalila kwa lishu likomi, “Eloi, Eloi, lama Sabakitani?” Mana yaki, “Chapanga wangu, Chapanga wangu, mbona kuneka?”
35Vandu vamonga vawolukili pala pavapikanishili naha, vadeta, “Pikanishi, akumkema Eliya!” 36Mundu yumu katuva, kajabika lindelindeli musiki, kalisobeka muludengi na kumupa Yesu alandi. Pambeli kadeta, “Leki tuloli kucha Eliya dayisi kumsunusha mulupingika!”
37Yesu kawuta kwa lishu likomi, pambeli kasova.
38Lupayi lwa nyumba ya Chapanga lwademukili filepa fivili kufumila kumbindi mbaka pasi. 39Na mkomi va machonda yavelili kawoloka paulongolu pa lupingika pawonili ndambu Yesu pasovili, kadeta, “Nakaka mundu ayu avelili Mwana wa Chapanga!” 40Kwavelili na vadadala vamonga vavelili pavalola kwa kutali. Vamu vaveli Maliya Magadalena na Maliya mawu wawu akina Yakobi mdokwa na Yose na Salomi. 41Yesu paghaveyi Galilaya, vadadala ava vamkovikelili na kumtanga. Wuwowu vadadala vamonga vatangalili yivayisili pamu na mweni Yelusalemu vaveli bahala.
Yesu akusikiwa
Mateyi 27:57-61, Lukasi 23:50-56, Yohani 19:38-42
42Yaveli palumihi ya Lijuva lya Kuyitalisha kwa Lijuva lya Kupumulila. 43Yosefu mwenikaya wa Alimataya, mundu wa balasa lya Vayawudi na yapikanishiwili nendu kafika. Mundu ayu aveli akuuvetela Wutwa wa kumbindi kwa Chapanga. Topi kamyendela Pilatu ngajila kukangajila, kamluva amupi chikongu cha Yesu. 44Pilatu kayikanganika papikanishili kucha Yesu aveli kasova kala. Topi kamkema mkomi wa machonda, kamdasha kucha Yesu kasova kala. 45Pawombiwili na yula mkomi wa machonda Yesu kasova kala, amjumishili Yosefu atoli chikongu cha Yesu. 46Yosefu kahemela ligubiku, kasunusha chikongu cha Yesu na kaushengiteshela ligubiku kauvika musembi yisonguliwili muligangachuma. Pambeli kabilibisha ligangachuma likomi pamlyangu ya sembi. 47Maliya Magadalena na Maliya mau waki Yose vapawonili pala pavikiwili chikongu cha Yesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Word For The World and Pioneer Bible Translators, 2014