LUK 15
15
Ymmoh Jao
(Luk 5.29-30)
1 #
Luk 5.29,30 Nikhehna ree ikhuum aere isii icher aenche Jesu chongchu rungaenii khaena aningnache iva ae. 2Amana Pharisi aere thiimthang aenche ichong basen aeka enriir, “Havana mee inge isii icher aethoh thaemin asahhakpa enchii.” 3Chukhaenache Jesu ing eningna ynghuwnii thamin havi atong:
4“Nenuw nengkaarna achuw mee yngkheh ing jao chaama adeen sungna yngkhehchu aamoh tahna paamfhuw nache somikuw arii eekuwchu manaka, ymmohchu atuwh mahtaang aajong simah vachii achuw omkhang? 5Ama ing ymmohchu atuwhtah nache aangna arotha irohpak ing ahengadomsah. 6Ama ing a-eenchu hungtungka, aarang arupae vokhehkho aveen-chaang aechu eenka eningna ariir, ‘Kajao ymmohchu katuwhsahpa. Inuw ynrotha manrohtaruw!’ 7Ki ing neningna kariirnah, havi vaange barungriir huungnii omah ichum mee ae somikuw arii eekuw kaarna isii icher mee yngkheh ing abarungriir ahuung khaena thangbaen nache athiseh ing rotha rohhak vaata.
Seersaam yngkheh Ymmoh
8“Vokhehkho seersaam suum adeen rupanuw yngkheh ing asae yngkheh aamoh tahna ama ing jaemi bareng naka, a-eensungchu ruwhpeh naka atuwhmahri raentaang jongmah niikhang? 9Ama ing seersaam ymmoh-chu atuwhtah nache aarang arupae, aveenchaang aechu eenka ariir, ‘Kaseersaam ymmohchu katuwhsahpa. Inuw ynrotha manrohtaruw!’ 10Jinge ichii ing ki ing neningna kariirnah, isii icher mee yngkheh ing abarungriir ahuung khaenache Thangnang vaarmee ae enrotha rohna.”
Sapa Ymmoh
11Aanuwnache Jesu ing ariir, “Achuw mee yngkheh ing sapa ynnii-meh adeen; 12asapa abutum inche ampa ningna apa, nang ing lerchii nadeen sungne ki ing phava kachii chaapchu atii kaningna ipira taka ariirpa. Chutahnache ampa inche lerchiichu asempeehpae. 13Apha topoh aanuwtingche asapa butum inche alerchii chaapchu khuumka yndahpak paam yngkheh tingche sisa; amana adeensah lerchii vakhaechu abathang chirpa. 14Ama ing abathangchir aanuw tingche, ama paam nache inempak isah hungtaangsa, chukhaenache ama asahfhuw hungommahsa. 15Chukhaenache ama ing sika ama paam khuw mee yngkheh ningna ongsa; amana aongnii een aafhuw inche voh aechu cheernii khaena ruwrae ting achiirpa. 16Amanache vohthen inche aven manva saningka ichii amandensah; changvakonchu achuw ingkho aningna yntangakho pimahsae. 17Chukhaenache ama ing yndensaka anumsah ing ariirsah, ‘Ki kapa ing aneeh meenae changjaeh inem aengkhe ynriijor ing ensahnah, changvakonchu ki chuve havane venchaam chiilaar ing ongning!’ 18Ki hangiir ningka kapa ningting huung ningka, amana aningna jinge thamsatah kata, apa, ki ing thangbaen jeehnii ingka namaana isii katupa; 19atiive ki nasapa ping ichii iriir matik chamahsing; naneeh meenae vaang itusara. 20Chukhaenache ama ing hangiirka ampa ningtingche hungkaesa.
“Changvakonchu ihungkaechu laarkhehna ampa ing avemutah nache aning inempak avemansiihpa, amanche ampa inche vataenka aakorpa vokhehkho aabeeng atumpa. 21Changlaenche asapa inche aningna ariir, ‘Apa, ki ing thangbaen jeehnii ingka vokhehkho namaana isii katupa; atii ki nasapa ping ichii iriir matik chasamah ing.’ 22Changvakonchu ampa ing ameenae ae ningna ariir, ‘Ithupak ing isaseh peendiir kha henchinuwna maniiruw; amanche kikchii akikna jemaniiruw vokhehkho khingop kha jemaniiruw; 23amanche imarhak siirti kha henruwnuwna thehruw, inuw samanuwka nungaetaruw; 24yng-khaena ynchii imbe kasapa havi ithii tanii athar hangringva; ymmoh vasah tanii katuwhva.’ Amana enuw rotha irohpak inche nungaesae.
25“Apha ichiinache asapa upa inche ruwraena ong; ama ing ahungkaetahna eenchu ahenpha phana khuwng daar baringka iraam ae huwrusachu asiipa. 26Amatah nache ama ing meenae yngkhehchu eenka amachu ynchii entuva taka asii? 27Meenae inche aningna abasang, ‘Nang nanaepa kha hungtungsa, chukhaenache nangpa ing nanaepachu isii ikha omrudeh ing hungtung ing aphatah nache siirti imarhak yngkheh athehpeehva.’
28Amatah nache abarung sikka sungting hungruwh ningka tamahsa. Amana ampa ing hungsuwhka asapa chu amaneempa, 29changvakonchu ama ing ampa ningna abasang, Enla, kum aajaeh sungna rukuum katuvachii, changpang mahka ki ing nachongriir vakhae kamanjiimah omah; changkhang nare kaarang ae thoh rotha rohniihak khaena keerti yngkheh pangkho kaningna ipimah richii. 30Changvakonchu hava nasapa inge ichuwhmah rupanuw ae thoh ynruwhakka alerchii chaap vakhae bathang chirka ahunganritah nache, nang ing akhaena siirti imarhakchu nathehpeehpa! 31Ampa ing aningna ariir, kasapa, nang chuve kithoh anasiir onghak vamuw; amanche kaningna omchaap vakhae aangkheng i natachirva. 32Chukhaenache rotharoh ing nungae raprap vaanchiiva, nanae havi ithii tanii hangring vaang atak i ymmoh vasahva, changvakonchu atiive yntuwhpa.’ ”
Currently Selected:
LUK 15: MOYO
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
LUK 15
15
Ymmoh Jao
(Luk 5.29-30)
1 #
Luk 5.29,30 Nikhehna ree ikhuum aere isii icher aenche Jesu chongchu rungaenii khaena aningnache iva ae. 2Amana Pharisi aere thiimthang aenche ichong basen aeka enriir, “Havana mee inge isii icher aethoh thaemin asahhakpa enchii.” 3Chukhaenache Jesu ing eningna ynghuwnii thamin havi atong:
4“Nenuw nengkaarna achuw mee yngkheh ing jao chaama adeen sungna yngkhehchu aamoh tahna paamfhuw nache somikuw arii eekuwchu manaka, ymmohchu atuwh mahtaang aajong simah vachii achuw omkhang? 5Ama ing ymmohchu atuwhtah nache aangna arotha irohpak ing ahengadomsah. 6Ama ing a-eenchu hungtungka, aarang arupae vokhehkho aveen-chaang aechu eenka eningna ariir, ‘Kajao ymmohchu katuwhsahpa. Inuw ynrotha manrohtaruw!’ 7Ki ing neningna kariirnah, havi vaange barungriir huungnii omah ichum mee ae somikuw arii eekuw kaarna isii icher mee yngkheh ing abarungriir ahuung khaena thangbaen nache athiseh ing rotha rohhak vaata.
Seersaam yngkheh Ymmoh
8“Vokhehkho seersaam suum adeen rupanuw yngkheh ing asae yngkheh aamoh tahna ama ing jaemi bareng naka, a-eensungchu ruwhpeh naka atuwhmahri raentaang jongmah niikhang? 9Ama ing seersaam ymmoh-chu atuwhtah nache aarang arupae, aveenchaang aechu eenka ariir, ‘Kaseersaam ymmohchu katuwhsahpa. Inuw ynrotha manrohtaruw!’ 10Jinge ichii ing ki ing neningna kariirnah, isii icher mee yngkheh ing abarungriir ahuung khaenache Thangnang vaarmee ae enrotha rohna.”
Sapa Ymmoh
11Aanuwnache Jesu ing ariir, “Achuw mee yngkheh ing sapa ynnii-meh adeen; 12asapa abutum inche ampa ningna apa, nang ing lerchii nadeen sungne ki ing phava kachii chaapchu atii kaningna ipira taka ariirpa. Chutahnache ampa inche lerchiichu asempeehpae. 13Apha topoh aanuwtingche asapa butum inche alerchii chaapchu khuumka yndahpak paam yngkheh tingche sisa; amana adeensah lerchii vakhaechu abathang chirpa. 14Ama ing abathangchir aanuw tingche, ama paam nache inempak isah hungtaangsa, chukhaenache ama asahfhuw hungommahsa. 15Chukhaenache ama ing sika ama paam khuw mee yngkheh ningna ongsa; amana aongnii een aafhuw inche voh aechu cheernii khaena ruwrae ting achiirpa. 16Amanache vohthen inche aven manva saningka ichii amandensah; changvakonchu achuw ingkho aningna yntangakho pimahsae. 17Chukhaenache ama ing yndensaka anumsah ing ariirsah, ‘Ki kapa ing aneeh meenae changjaeh inem aengkhe ynriijor ing ensahnah, changvakonchu ki chuve havane venchaam chiilaar ing ongning!’ 18Ki hangiir ningka kapa ningting huung ningka, amana aningna jinge thamsatah kata, apa, ki ing thangbaen jeehnii ingka namaana isii katupa; 19atiive ki nasapa ping ichii iriir matik chamahsing; naneeh meenae vaang itusara. 20Chukhaenache ama ing hangiirka ampa ningtingche hungkaesa.
“Changvakonchu ihungkaechu laarkhehna ampa ing avemutah nache aning inempak avemansiihpa, amanche ampa inche vataenka aakorpa vokhehkho aabeeng atumpa. 21Changlaenche asapa inche aningna ariir, ‘Apa, ki ing thangbaen jeehnii ingka vokhehkho namaana isii katupa; atii ki nasapa ping ichii iriir matik chasamah ing.’ 22Changvakonchu ampa ing ameenae ae ningna ariir, ‘Ithupak ing isaseh peendiir kha henchinuwna maniiruw; amanche kikchii akikna jemaniiruw vokhehkho khingop kha jemaniiruw; 23amanche imarhak siirti kha henruwnuwna thehruw, inuw samanuwka nungaetaruw; 24yng-khaena ynchii imbe kasapa havi ithii tanii athar hangringva; ymmoh vasah tanii katuwhva.’ Amana enuw rotha irohpak inche nungaesae.
25“Apha ichiinache asapa upa inche ruwraena ong; ama ing ahungkaetahna eenchu ahenpha phana khuwng daar baringka iraam ae huwrusachu asiipa. 26Amatah nache ama ing meenae yngkhehchu eenka amachu ynchii entuva taka asii? 27Meenae inche aningna abasang, ‘Nang nanaepa kha hungtungsa, chukhaenache nangpa ing nanaepachu isii ikha omrudeh ing hungtung ing aphatah nache siirti imarhak yngkheh athehpeehva.’
28Amatah nache abarung sikka sungting hungruwh ningka tamahsa. Amana ampa ing hungsuwhka asapa chu amaneempa, 29changvakonchu ama ing ampa ningna abasang, Enla, kum aajaeh sungna rukuum katuvachii, changpang mahka ki ing nachongriir vakhae kamanjiimah omah; changkhang nare kaarang ae thoh rotha rohniihak khaena keerti yngkheh pangkho kaningna ipimah richii. 30Changvakonchu hava nasapa inge ichuwhmah rupanuw ae thoh ynruwhakka alerchii chaap vakhae bathang chirka ahunganritah nache, nang ing akhaena siirti imarhakchu nathehpeehpa! 31Ampa ing aningna ariir, kasapa, nang chuve kithoh anasiir onghak vamuw; amanche kaningna omchaap vakhae aangkheng i natachirva. 32Chukhaenache rotharoh ing nungae raprap vaanchiiva, nanae havi ithii tanii hangring vaang atak i ymmoh vasahva, changvakonchu atiive yntuwhpa.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.