MAAK 6
6
Nazaret Khuwna Jesu Enrumah
(Met 13.53-57; Luk 4.16-30)
1Jesu ing ama maphamchu bathenka apaamting yngkaesa; amana asebok ae ing aanuw enghenjii. 2Amana Jesu ing Deennii inii nache meekongnii ting varuwhka mee ynchuw abasenpa; aasii mee aanem aenche enruw riimka enriir, “Havana vakhae i utani aphava?” “Aningna ising iveernii apeeh havi ynchiiva? Laetho nong hangjaeh atucheh havi achuwva? 3Ama i thing ichar mee, Meri sapa vokhehkho Jems, Josi, Judas, Simon ae aipa vokhehkho engkaarna asar ajuwr aekho omah paekhang?” Changche ichii ing ta aeka enuw ing Jesu chu rumahsae.
4 #
Jhn 4.44
Amana Jesu ing eningna ariir, “Thangnang jaephar chuve apaam sungna amanche asungkhur sungna vokhehkho eengkuw sungmah naka, reentaang paamna chembe ynjasuwh yngkhehva.” 5Mee topoh taklina ama ing akik siinaka enuwchu amandam chumah naka Laetho nong ynchiitanga ama mapham nache tuchehmah. 6Enuw enthacha aommah tahnache Jesu ngiksa. Amana Jesu ing khuwveen chaap ting sika amanchuw ae.
Sebok Suum Ariinii ae Nong
(Met 10.5-15; Luk 9.1-6)
7Jesu ing suum ariinii aechu eenka, eningna umlae aechu enchehnii ruwreng pika, amana mee ynniinii ing abathenpae, 8envasirae rumor yngkheh mahnaka buwsiim, thuungfhuw, diirriimna seer yntanga chimahruw; 9vokhehkho rungop asae ynnii yngkhiimahruw changvakonchu kheerkhaang chuve niiruw taka Jesu ing eningna ajeer. 10Amana Jesu ing eningna ariir, “Nenuw ing een yngkhehna vatung tanuwka ongtanuwve, ama mapham nache ongjaehruw. 11#Nong 13.51#Luk 10.4-11Laanglam mee ae ing mapham yngkheh nache nenuwchu ihebariimmah ae nave, nenuw ing ama maphamchu nemahrae eningna saarkhii omnii ing nengkhi bajaana pirkhuwh ikahkha rukhuwngruw.” 12Changche ichii ing enuw ing siaeka mee vakhae barungriir huungnii khaena isa thaminchu entongpa. 13#Jes 5.14Enuw ing umlae aechu aanem en-thur, vokhehkho ina aanem ae chukho richiithou itaeh aeka emandam.
Baptis Johon Entheh
(Met 14.1-12; Luk 9.7-9)
14 #
Met 16.14; Mk 8.28; Luk 9.19 Jesu ajae isi ithang khaena Herot iruwng ing asiipa. Chukhaenache mee areh aeng enriir, “Baptis Johon kha ithii tanii hangringsa; chutahnache mee ing atuchehmah nong atucheh ruwreng havi aningna omva.”
15Changvakonchu mee areh aeng enriir, “Havi Elija va.” Amana mee areh aenche enriir, “Havi Thangnang jaephar yngkheh vaang tikna.
16Changvakonchu Herot ing asii-tahna ariir, “Arusae katenvasah Johon kha hangringsa.” 17#Luk 3.19,20Akhaechuve Herot ing anaepa Philip rumee Herodias thoh empaarhakrae, Herodias apennii ing taka Herot ing alaarchang jebathenka Johon chu ensuwr, vokhehkho kae-shum sungna enthin. 18Johon ensuwr akhaechuve Johon ing Herot ningna ariir, “Nang ing nanaepa rumee ibuwh chummahnii.”
19Chutahnache Herodias ing Johon taklina abarung siksa, vokhehkho thehningka achiipa. Changvakonchu tuchehmah, 20yngkhaena ynchii imbe Herot ing Johon i abarungriir isa meeva vokhehkho ynthiing meeva ichii amanghuw tahnache, Herot ing Johon chu chiika yntanga manruru ing amangong jaehva. Herot ing Johon chongchu asiitah nache abarungriir bavaesa, changkhang nakho achongchu asiirae arutha iroh ing arungaechak.
21Changvakonchu nikhehna Herot ing ama achiirkhi ae, aaruung ae, vokhehkho Galili tanii aapuh mee ae thoh ama apuhnii iniina imaarpohnii apha ichachak yngkheh omsa. 22Amana Herodias siti rupanuw ing ahunglaam tahnache Herot vokhehkho khuwr aarang aechu pendehsae; amana Herot ing rupanuwti ningnache ariir, “Nang ing namandenchu iniihra pivakachii.” 23Herot ing aningna chongreep kho atu, “Nang ing namanden vakhaechu iniihra, khuwruung lipah arikchimbang phanii ingkho pivakachii.”
24Amana rupanuwti inche jung-suwhka amnuw ningna asii, “Ki ing ynchii niihkata?” Amnuw ing basangka ariir, “Baptis Johon rusae niihra.”
25Rupanuwti inche iruwng kuurting ynnehpak ing huungka, “Ki ing Baptis Johon rusae ataraenrap ipitaniika kachiinah taka aniihpa.” 26Amana iruwngchu inempak aba-rungriir jaasa; changvakonchu ama ing chongreep atuvasah khaena vokhehkho khuwr aarang ae kaarna achongreepchu bakhii ningka tamahsa. 27Aninkungnache iruwng ing laar-chang jebathenka Johon rusaechu ihenchinii khaena ariirpa. Laarchang inche vakka kaeshum sungna Johon rusaechu tenka, 28vokhehkho henchika rupanuwti ningnache apeehpa, amana rupanuwti inche amnuw ningna apeehpa. 29Johon ithiichu asebok aeng ensiitahna, ithii vasah ahakchaangchu variaeka endimpa.
Jesu ing Mee Lising Runga Amamaar
(Met 14.3-12; Luk 9.10-17; Jhn 6.1-14)
30Changlaenche chongthang aechu hunganri aeka, amana enuw ing entu enri nong vokhehkho ynchii emanchuwpae ichii aangkheng Jesu ningna enghungriir. 31Amana Jesu ing eningna ariir, “Idaejaeh min yngkhehna nenja basumphehruw.” Akhaechuve mee aanem ing ihuung iva entutah nache buw en isahnii phacheh mahsae. 32Chutahnache enuw ing ruwkuwngna hangkar aeka idaejaeh min yngkheh tingche sisae.
33Changlaenche mee aanem ing ensiniichu emupa, vokhehkho enuwchu achuwpae ichii emanghuwpa. Chutahnache khuwruung aangkheng tanii mee aenche hetaen aeka amanche enuw ing hungtungniiva enchii minnache maen ing heongsae. 34#Met 9.36Jesu ing ajungchum thoh mee inempak ongchu amu, amana enuw aechu aacheer omah jao ae vaang amutah nache, Jesu ing enuwchu aning amanchuwhpae; amana thamin reentaang reentaang ing enuwchu ynchuw abasenpa. 35Atii inii ajungthir thoh asebok aeng Jesu ningna enriir, “Hava min i meesuwr daena vokhehkho ithirkho atii thirsa, 36akuur paangna khuw khuwting ensahfhuw thaemin irii ae naka ensahnii ing enuw ae i bathentah aera.”
37Changvakonchu Jesu ing eningna ariir, “Isahfhuw chitanuwve piaeruw.” Amana enuw ing Jesu ningna embasang, “Kenuw ing isahfhuwchu dinari chaniina irii nungka piva kenchiipae?”
38Jesu ing eningna asiiae, “Tar aajaeh nendeensa? Hungenruw.” Enuw ing entuwh tahna embasang, “Tar runga re nga ynniimeh tahna.” 39Amana Jesu ing mee aechu aruwr aruwr ing fuwr kaarna ongruw achiipa, 40chutahnache enuw ing arii inae ing chaama ing, songa ing ruwr sae aeka ongsae. 41Amana Jesu ing tar runga re nga asae ynniimehchu verika thangbaen ting hengenka Thangnang chu manpahka, vokhehkho tarchu bakhiika asebok ae ningna semruw taka ajepeehpae, amana nga ynniimeh chukho engkhing chirnii ing ama ingkho asempa. 42Mee vakhae aenche sa aeka enven bavasa. 43Amana enuw ing ensahsuw chehmah chaap emang-kong tahnache buruk suum ariinii akheer isip ing emangkong. 44Amachu pasar mee lising runga vakhae ing ensah ae.
Jesu ing Chii Taklina Isi
(Met 14.14-22; Jhn 6.15-21)
45Changlaenche Jesu ing mee vakhaechu mangkaeka, amana asebok ae chukho Galili chifhuw laar Betsaida khuwruung ting ruw-kuwngna maen ing ahemansipa. 46Jesu ing enuwchu amangkae ae inuwna, bung ting ithamsahnii khaena hangkarsa. 47Atii khuri ajungvithoh ruwkuwng ing chifhuw arikchimbang ajepharae Jesu ing taangna asanaen ing ong. 48Changlaenche siiraang inche eningting avaraangtah nache ruwkuwng ihuur ija aechu Jesu ing ajemupa. Amana aarkhiim apha manrii sung ataklae Jesu ing chii taklina akhi ing vasisa. Jesu ing enuwchu kheerkatae achiiva 49changvakonchu chii taklina Jesu isichu emutah nache, enuw ing lae ruthaksii kemu varapmuw ichii ing manden aeka uung ae; 50akhaechuve enuw engaanchik tahnava. Changvakonchu aphanache Jesu ing eningna ariir, “Nenbarungriir mangamruw, kiping ynchik mahruw.” 51Jesu ing ruwkuwngna ahangkar chakthoh siiraangchu daesa. Amana enuw engkheng enruw riimpohsa, 52akhaechuve enuw ing mee lising runga tar apeeh aekha arutho emanghuwmah tahnava, vokhehkho embarungriir apirtah nava.
Genasaret na Ina Amandam
(Met 14.34-36)
53Enuw ing chifhuw enjeraenthoh Genasaret khuw vepha aeka ruw-kuwngchu chiikuurna emangiirpa. 54Ruwkuwng tanii enjungchum thoh, anikungnache mee aeng Jesu va ichii emanghuwpa, 55amana enuw ing khuwveen aangkheng ting hungtaen aeka ina chaap aechu enjaarniithoh Jesu aongnii aongnii tingche iveruw embasenpa. 56Jesu ing asiniitah khuwting vakhang nakho, khuwruung ting vakhang nakho, enuw ing ina chaap aechu mee aangkongnii apham chaap nache mantor aeka vokhehkho apeenpang vakhang nakho iparnii khaena enthamsah ae, amana apar vakhae aechu idam aphasah ae.
Currently Selected:
MAAK 6: MOYO
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
MAAK 6
6
Nazaret Khuwna Jesu Enrumah
(Met 13.53-57; Luk 4.16-30)
1Jesu ing ama maphamchu bathenka apaamting yngkaesa; amana asebok ae ing aanuw enghenjii. 2Amana Jesu ing Deennii inii nache meekongnii ting varuwhka mee ynchuw abasenpa; aasii mee aanem aenche enruw riimka enriir, “Havana vakhae i utani aphava?” “Aningna ising iveernii apeeh havi ynchiiva? Laetho nong hangjaeh atucheh havi achuwva? 3Ama i thing ichar mee, Meri sapa vokhehkho Jems, Josi, Judas, Simon ae aipa vokhehkho engkaarna asar ajuwr aekho omah paekhang?” Changche ichii ing ta aeka enuw ing Jesu chu rumahsae.
4 #
Jhn 4.44
Amana Jesu ing eningna ariir, “Thangnang jaephar chuve apaam sungna amanche asungkhur sungna vokhehkho eengkuw sungmah naka, reentaang paamna chembe ynjasuwh yngkhehva.” 5Mee topoh taklina ama ing akik siinaka enuwchu amandam chumah naka Laetho nong ynchiitanga ama mapham nache tuchehmah. 6Enuw enthacha aommah tahnache Jesu ngiksa. Amana Jesu ing khuwveen chaap ting sika amanchuw ae.
Sebok Suum Ariinii ae Nong
(Met 10.5-15; Luk 9.1-6)
7Jesu ing suum ariinii aechu eenka, eningna umlae aechu enchehnii ruwreng pika, amana mee ynniinii ing abathenpae, 8envasirae rumor yngkheh mahnaka buwsiim, thuungfhuw, diirriimna seer yntanga chimahruw; 9vokhehkho rungop asae ynnii yngkhiimahruw changvakonchu kheerkhaang chuve niiruw taka Jesu ing eningna ajeer. 10Amana Jesu ing eningna ariir, “Nenuw ing een yngkhehna vatung tanuwka ongtanuwve, ama mapham nache ongjaehruw. 11#Nong 13.51#Luk 10.4-11Laanglam mee ae ing mapham yngkheh nache nenuwchu ihebariimmah ae nave, nenuw ing ama maphamchu nemahrae eningna saarkhii omnii ing nengkhi bajaana pirkhuwh ikahkha rukhuwngruw.” 12Changche ichii ing enuw ing siaeka mee vakhae barungriir huungnii khaena isa thaminchu entongpa. 13#Jes 5.14Enuw ing umlae aechu aanem en-thur, vokhehkho ina aanem ae chukho richiithou itaeh aeka emandam.
Baptis Johon Entheh
(Met 14.1-12; Luk 9.7-9)
14 #
Met 16.14; Mk 8.28; Luk 9.19 Jesu ajae isi ithang khaena Herot iruwng ing asiipa. Chukhaenache mee areh aeng enriir, “Baptis Johon kha ithii tanii hangringsa; chutahnache mee ing atuchehmah nong atucheh ruwreng havi aningna omva.”
15Changvakonchu mee areh aeng enriir, “Havi Elija va.” Amana mee areh aenche enriir, “Havi Thangnang jaephar yngkheh vaang tikna.
16Changvakonchu Herot ing asii-tahna ariir, “Arusae katenvasah Johon kha hangringsa.” 17#Luk 3.19,20Akhaechuve Herot ing anaepa Philip rumee Herodias thoh empaarhakrae, Herodias apennii ing taka Herot ing alaarchang jebathenka Johon chu ensuwr, vokhehkho kae-shum sungna enthin. 18Johon ensuwr akhaechuve Johon ing Herot ningna ariir, “Nang ing nanaepa rumee ibuwh chummahnii.”
19Chutahnache Herodias ing Johon taklina abarung siksa, vokhehkho thehningka achiipa. Changvakonchu tuchehmah, 20yngkhaena ynchii imbe Herot ing Johon i abarungriir isa meeva vokhehkho ynthiing meeva ichii amanghuw tahnache, Herot ing Johon chu chiika yntanga manruru ing amangong jaehva. Herot ing Johon chongchu asiitah nache abarungriir bavaesa, changkhang nakho achongchu asiirae arutha iroh ing arungaechak.
21Changvakonchu nikhehna Herot ing ama achiirkhi ae, aaruung ae, vokhehkho Galili tanii aapuh mee ae thoh ama apuhnii iniina imaarpohnii apha ichachak yngkheh omsa. 22Amana Herodias siti rupanuw ing ahunglaam tahnache Herot vokhehkho khuwr aarang aechu pendehsae; amana Herot ing rupanuwti ningnache ariir, “Nang ing namandenchu iniihra pivakachii.” 23Herot ing aningna chongreep kho atu, “Nang ing namanden vakhaechu iniihra, khuwruung lipah arikchimbang phanii ingkho pivakachii.”
24Amana rupanuwti inche jung-suwhka amnuw ningna asii, “Ki ing ynchii niihkata?” Amnuw ing basangka ariir, “Baptis Johon rusae niihra.”
25Rupanuwti inche iruwng kuurting ynnehpak ing huungka, “Ki ing Baptis Johon rusae ataraenrap ipitaniika kachiinah taka aniihpa.” 26Amana iruwngchu inempak aba-rungriir jaasa; changvakonchu ama ing chongreep atuvasah khaena vokhehkho khuwr aarang ae kaarna achongreepchu bakhii ningka tamahsa. 27Aninkungnache iruwng ing laar-chang jebathenka Johon rusaechu ihenchinii khaena ariirpa. Laarchang inche vakka kaeshum sungna Johon rusaechu tenka, 28vokhehkho henchika rupanuwti ningnache apeehpa, amana rupanuwti inche amnuw ningna apeehpa. 29Johon ithiichu asebok aeng ensiitahna, ithii vasah ahakchaangchu variaeka endimpa.
Jesu ing Mee Lising Runga Amamaar
(Met 14.3-12; Luk 9.10-17; Jhn 6.1-14)
30Changlaenche chongthang aechu hunganri aeka, amana enuw ing entu enri nong vokhehkho ynchii emanchuwpae ichii aangkheng Jesu ningna enghungriir. 31Amana Jesu ing eningna ariir, “Idaejaeh min yngkhehna nenja basumphehruw.” Akhaechuve mee aanem ing ihuung iva entutah nache buw en isahnii phacheh mahsae. 32Chutahnache enuw ing ruwkuwngna hangkar aeka idaejaeh min yngkheh tingche sisae.
33Changlaenche mee aanem ing ensiniichu emupa, vokhehkho enuwchu achuwpae ichii emanghuwpa. Chutahnache khuwruung aangkheng tanii mee aenche hetaen aeka amanche enuw ing hungtungniiva enchii minnache maen ing heongsae. 34#Met 9.36Jesu ing ajungchum thoh mee inempak ongchu amu, amana enuw aechu aacheer omah jao ae vaang amutah nache, Jesu ing enuwchu aning amanchuwhpae; amana thamin reentaang reentaang ing enuwchu ynchuw abasenpa. 35Atii inii ajungthir thoh asebok aeng Jesu ningna enriir, “Hava min i meesuwr daena vokhehkho ithirkho atii thirsa, 36akuur paangna khuw khuwting ensahfhuw thaemin irii ae naka ensahnii ing enuw ae i bathentah aera.”
37Changvakonchu Jesu ing eningna ariir, “Isahfhuw chitanuwve piaeruw.” Amana enuw ing Jesu ningna embasang, “Kenuw ing isahfhuwchu dinari chaniina irii nungka piva kenchiipae?”
38Jesu ing eningna asiiae, “Tar aajaeh nendeensa? Hungenruw.” Enuw ing entuwh tahna embasang, “Tar runga re nga ynniimeh tahna.” 39Amana Jesu ing mee aechu aruwr aruwr ing fuwr kaarna ongruw achiipa, 40chutahnache enuw ing arii inae ing chaama ing, songa ing ruwr sae aeka ongsae. 41Amana Jesu ing tar runga re nga asae ynniimehchu verika thangbaen ting hengenka Thangnang chu manpahka, vokhehkho tarchu bakhiika asebok ae ningna semruw taka ajepeehpae, amana nga ynniimeh chukho engkhing chirnii ing ama ingkho asempa. 42Mee vakhae aenche sa aeka enven bavasa. 43Amana enuw ing ensahsuw chehmah chaap emang-kong tahnache buruk suum ariinii akheer isip ing emangkong. 44Amachu pasar mee lising runga vakhae ing ensah ae.
Jesu ing Chii Taklina Isi
(Met 14.14-22; Jhn 6.15-21)
45Changlaenche Jesu ing mee vakhaechu mangkaeka, amana asebok ae chukho Galili chifhuw laar Betsaida khuwruung ting ruw-kuwngna maen ing ahemansipa. 46Jesu ing enuwchu amangkae ae inuwna, bung ting ithamsahnii khaena hangkarsa. 47Atii khuri ajungvithoh ruwkuwng ing chifhuw arikchimbang ajepharae Jesu ing taangna asanaen ing ong. 48Changlaenche siiraang inche eningting avaraangtah nache ruwkuwng ihuur ija aechu Jesu ing ajemupa. Amana aarkhiim apha manrii sung ataklae Jesu ing chii taklina akhi ing vasisa. Jesu ing enuwchu kheerkatae achiiva 49changvakonchu chii taklina Jesu isichu emutah nache, enuw ing lae ruthaksii kemu varapmuw ichii ing manden aeka uung ae; 50akhaechuve enuw engaanchik tahnava. Changvakonchu aphanache Jesu ing eningna ariir, “Nenbarungriir mangamruw, kiping ynchik mahruw.” 51Jesu ing ruwkuwngna ahangkar chakthoh siiraangchu daesa. Amana enuw engkheng enruw riimpohsa, 52akhaechuve enuw ing mee lising runga tar apeeh aekha arutho emanghuwmah tahnava, vokhehkho embarungriir apirtah nava.
Genasaret na Ina Amandam
(Met 14.34-36)
53Enuw ing chifhuw enjeraenthoh Genasaret khuw vepha aeka ruw-kuwngchu chiikuurna emangiirpa. 54Ruwkuwng tanii enjungchum thoh, anikungnache mee aeng Jesu va ichii emanghuwpa, 55amana enuw ing khuwveen aangkheng ting hungtaen aeka ina chaap aechu enjaarniithoh Jesu aongnii aongnii tingche iveruw embasenpa. 56Jesu ing asiniitah khuwting vakhang nakho, khuwruung ting vakhang nakho, enuw ing ina chaap aechu mee aangkongnii apham chaap nache mantor aeka vokhehkho apeenpang vakhang nakho iparnii khaena enthamsah ae, amana apar vakhae aechu idam aphasah ae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.