GENESIS 16
16
Hagari leh Ismaela
1Abrama chu a nupui Saraii chuan fa a hrinsak lo va. Saraii chuan Aigupta mi, Hagari, bawih nula a nei a. 2Abrama hnênah Saraii chuan, “Ngai teh, Lalpa chuan fa neih min phalsak si lo va, ka bawihnu hi mutpui mai teh; ka fa ve tûr min hrinsak dâwn nia,” a ti a. Abrama chuan Saraii thu chu a zâwm a. 3Tichuan, Abrama chu kum sâwm Kanan rama a awm hnu chuan a nupui Saraii chuan a bawihnu Hagari, Aigupta mi chu, hmei atân a pasal chu a neihtîr ta a. 4A lo mutpui a, nau a pai ta a. Nau a pai tih a inhriat hnu chuan a pi chu a ngainêp ta a. 5Tichuan, Saraii chuan Abrama hnênah, “Heti taka min thamlo ta hi i thiam loh a ni. Ka bawihnu hi keimah ngeiin hmeiah ka neihtîr che a nih kha; nau a pai tih a inhriat aṭangin min ngainêp ta hle si a; chuvângin, Lalpa chuan nang nêna kan inkâr thu hi tifel teh se,” a ti a. 6Mahse, Abrama chuan Saraii chu a chhâng a, “I bawihnu chu i kuta awm alâwm, ṭha i tih ang angin ti rawh,” a ti a. Saraii chuan a tiduhdah ta a, a tlân bo phah ta hial a.
7 Lalpa Vântirhkohvin Hagari chu thlalêrah Sur kawnga tuikhur kiangah a lo hmu a. 8A hnênah, “Saraii bawihnu Hagar, khawi aṭanga lo kal nge i niha, khawiah nge i kal dâwn?” a ti a. Ani chuan, “Ka pi Saraii ka tlân bosan a ni,” a ti a. 9Lalpa Vântirhkoh chuan, “I pi hnênah kîr leh rawh, a hau che pawhin tuar hrâm hrâm rawh,” a ti a. 10Lalpa Vântirhkoh chuan a sawi zêl a, “I thlahte ka tihpunsak ṭeuh dâwn che asin, tu man an chhiar sêng lo vang,” a ti a. 11Lalpa Vântirhkoh vêk chuan a sawi leh a, “Ngai teh, nau i pai hi; fapa i hring ang a, Lalpa chuan i manganzia a hre si a, a hmingah Ismaela#16:11 ‘Pathianin a hria’ tihna a ni. sa ang che. 12Ani chu ram sabengtung ang a ni ang a, mi tu pawh a bei zêl ang a, anni pawhin an lo bei ang. A unaute tu mah a ngeih lo vang,” a ti a.
13A hnêna thusawitu Lalpa hmingah chuan, “El-roi’#16:13 ‘hmu thei Pathian i ni’ tihna a ni. a vuah a. “Min hmutu chu ka hmu ve ta a nih hi,” a ti a. 14Chuvâng chuan, chu tuikhur chu ‘Beer-lahai-roi’#16:14 ‘nun hmuhna tuikhur’ tihna a ni âwm e. tih a ni ta a, Kades leh Bered inkâra awm a ni.
15Hagari chuan Abrama chu fapa a hrinsak a, Abrama chuan Hagari fa hmingah chuan, ‘Ismaela’ a sa a.#Gal. 4:22. 16Abrama chu Hagarin Ismaela a hrinsak khân kum sawmriat leh paruka upa a ni.
Currently Selected:
GENESIS 16: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
GENESIS 16
16
Hagari leh Ismaela
1Abrama chu a nupui Saraii chuan fa a hrinsak lo va. Saraii chuan Aigupta mi, Hagari, bawih nula a nei a. 2Abrama hnênah Saraii chuan, “Ngai teh, Lalpa chuan fa neih min phalsak si lo va, ka bawihnu hi mutpui mai teh; ka fa ve tûr min hrinsak dâwn nia,” a ti a. Abrama chuan Saraii thu chu a zâwm a. 3Tichuan, Abrama chu kum sâwm Kanan rama a awm hnu chuan a nupui Saraii chuan a bawihnu Hagari, Aigupta mi chu, hmei atân a pasal chu a neihtîr ta a. 4A lo mutpui a, nau a pai ta a. Nau a pai tih a inhriat hnu chuan a pi chu a ngainêp ta a. 5Tichuan, Saraii chuan Abrama hnênah, “Heti taka min thamlo ta hi i thiam loh a ni. Ka bawihnu hi keimah ngeiin hmeiah ka neihtîr che a nih kha; nau a pai tih a inhriat aṭangin min ngainêp ta hle si a; chuvângin, Lalpa chuan nang nêna kan inkâr thu hi tifel teh se,” a ti a. 6Mahse, Abrama chuan Saraii chu a chhâng a, “I bawihnu chu i kuta awm alâwm, ṭha i tih ang angin ti rawh,” a ti a. Saraii chuan a tiduhdah ta a, a tlân bo phah ta hial a.
7 Lalpa Vântirhkohvin Hagari chu thlalêrah Sur kawnga tuikhur kiangah a lo hmu a. 8A hnênah, “Saraii bawihnu Hagar, khawi aṭanga lo kal nge i niha, khawiah nge i kal dâwn?” a ti a. Ani chuan, “Ka pi Saraii ka tlân bosan a ni,” a ti a. 9Lalpa Vântirhkoh chuan, “I pi hnênah kîr leh rawh, a hau che pawhin tuar hrâm hrâm rawh,” a ti a. 10Lalpa Vântirhkoh chuan a sawi zêl a, “I thlahte ka tihpunsak ṭeuh dâwn che asin, tu man an chhiar sêng lo vang,” a ti a. 11Lalpa Vântirhkoh vêk chuan a sawi leh a, “Ngai teh, nau i pai hi; fapa i hring ang a, Lalpa chuan i manganzia a hre si a, a hmingah Ismaela#16:11 ‘Pathianin a hria’ tihna a ni. sa ang che. 12Ani chu ram sabengtung ang a ni ang a, mi tu pawh a bei zêl ang a, anni pawhin an lo bei ang. A unaute tu mah a ngeih lo vang,” a ti a.
13A hnêna thusawitu Lalpa hmingah chuan, “El-roi’#16:13 ‘hmu thei Pathian i ni’ tihna a ni. a vuah a. “Min hmutu chu ka hmu ve ta a nih hi,” a ti a. 14Chuvâng chuan, chu tuikhur chu ‘Beer-lahai-roi’#16:14 ‘nun hmuhna tuikhur’ tihna a ni âwm e. tih a ni ta a, Kades leh Bered inkâra awm a ni.
15Hagari chuan Abrama chu fapa a hrinsak a, Abrama chuan Hagari fa hmingah chuan, ‘Ismaela’ a sa a.#Gal. 4:22. 16Abrama chu Hagarin Ismaela a hrinsak khân kum sawmriat leh paruka upa a ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.