GENESIS 26
26
Isaka Gerar-ah a awm
1Abrahama dam laia ṭâm tla ni lo, chu ramah chuan ṭâm a lo tla leh a. Gerar khuaah, Filistia lal Abimeleka hnênah Isaka chu a kal ta a. 2Lalpa chu a hnênah a rawn inlâr a, “Aigupta ramah chuan chhuk suh, ka kawhhmuh tûr che ramah awm la, 3chu ramah chuan châm reng ang che. Ka awmpui ang che a, mal ka sâwm ang che. Hêng ram zawng zawng hi nang leh i thlahte ka pe dâwn a ni. #Gen. 22:16-18. 4I thlahte chu vâna arsi zât khian ka tipung ang a, hêng ram zawng zawng hi i thlahte chu ka pe ang. 5Abrahaman ka aw a ngaih pawimawha, ka thu a zâwma, ka thupêkte, ka dânte leh ka zirtîrnate a pawm avâng khân,” a ti a.
6Gerar khuaah chuan Isaka chu a awm ta reng a. 7#Gen. 12:13; 20:2.Chuta mite chuan Rebeki chu a nupui a nih leh nih loh an hre duh a. “Ka farnu a nih hi,” a ti a. “Ka nupui ka tih chuan Rebeki vâng hian min that mai ang, a hmêl a ṭha hle si a,” a ti a ni. 8Chumi khuaa rei tak a awm hnu chuan Filistia lal Abimeleka chu tukverhah a han dâk a, Isakan a nupui Rebeki a chhaih lai chu a phâwk a. 9Abimeleka chuan Isaka chu a ko va, a hnênah, “I nupui a lo ni reng a ni maw? Engtiziaa ‘ka farnu a ni,’ ti nge i nih le?” a ti a. Isaka chuan, “Amah avângin min thah mai ka hlau atin a ni,” a ti a. 10Abimeleka chuan, “I nupui ni si mutpui tumte kan lo awm mai thei asin; tlêmah tlêmah thil sual min tihtîr ṭhelh alâwm le,” a ti a. 11Mi zawng zawng hnênah Abimeleka chuan, “Tu pawh, he mi hi emaw, a nupui hi emaw khawih tawh phawt chu tihhlum an ni ang,” a ti bawk a.
12Chu ramah chuan Isaka chuan thlai a chîng a. Chumi kum chuan a lêt za a thar a, Lalpa chuan mal a sâwm a ni. 13A neinung tial tial a, mi hausa tak a lo ni ta a. 14Berâm rual te, bâwng rual te, ṭhuihruai te a ngah ta êm êm a. Filistia-ho chuan an îtsîk ta a. 15Tichuan, a pa Abrahama dam laia, a pa chhiahhlawhte tuichhunchhuah laih zawng zawng chu Filistia-ho chuan an hnawhsak a, lei an chhûng khat ta vek a. 16Abimeleka chuan Isaka hnênah, “Kan aiin i chak ta hle si a, heta ta hi insawn rawh,” a ti a. 17Isaka chu chuta ṭang chuan a insawn a, Gerar ruamah awmhmun a khuar ta a.
18A pa Abrahama dam laia an tuichhunchhuah laih, Abrahama thih hnua Filistia-hovin an hnawhte chu a lai leh a, a pain hming a vuah te kha hmingah a puttîr leh zêl a. 19Isaka chhiahhlawhten an awmna ruama tuichhunchhuah an laihah chuan tui a lo awm ṭha hle a. 20Gerar berâm vêngtute chuan Isaka berâm vêngtute hnênah, “He tui hi kan ta a ni,” tiin an rawn chuh a. Tichuan, chu tuichhunchhuah hmingah chuan ‘Esek’ a vuah a, an rawn chuh buai avânga vuah a ni. 21Tuichhunchhuah dang an lai leh a, an rawn chuh leh a, a hmingah Sitna#26:21 ‘chhechhama thutiamna tuikhur’ tihna a ni. Tuikhur pasarih a ni bawk (26:33.) a vuah a. 22Chuta ṭang chuan a insawn a, tuichhunchhuah dang a lai leh a, chu zawng an rawn chuh ta lo va, a hmingah Rehobot#26:22 Heb. ‘Esel’ thing. Thlarau awm duhna thing nia an ngaih a ni. a vuah a, “Tûnah zawng Lalpa chuan kan inzârzauna tûr hmun min pe ta,” a tihna a ni. 23Chuta ṭang chuan Beer-seba-ah a chho va. 24Chumi zân chuan a hnênah Lalpa a rawn inlâr a:
“Kei hi i pa Abrahama Pathian ka ni,
Thlaphâng suh, ka awmpui che alâwm.
Mal ka sâwm ang che a,
Ka chhiahhlawh Abrahama avângin i thlahte ka tipung ang,” a rawn ti a.
25Chutah chuan maichâm a siam a, Lalpa hming a lam a. Tah chuan bûk a khuar a, Isaka chhiahhlawhte chuan tuichhunchhuah an lai leh a.#Gen. 21:22.
Isaka leh Abimeleka inbiakremna
26Chutih lai chuan Gerar aṭangin Abimeleka chu a ṭhian Ahuzatha leh a sipai hotu Fikola nên an lo kal a. 27Isaka chuan, “Min ngaithei lo va, in zîng ata min hnawt chhuak a, eng nge in duha in lo kal tâk le?” a lo ti a. 28“Lalpa chuan a awmpui che tih kan hre ta a, sa-ui tan ho ila kan ti a ni, kan inkârah inremna thu i thlung teh ang, 29kan tibuai ngai lo che a, kan khawngaih hle ṭhîn che a, i insawn dâwn pawh khân ṭha takin kan kaltîr che a, nang pawhin kan pawi khawih bîk suh ang che,” an ti a. 30Ruai a ṭhehsak a, an ei a, an in a. 31A tûk zîngah chuan chhia an chham dûn ta a. Isaka chuan a thlah a, ṭha takin an inṭhen ta a.
32Chumi ni chuan Isaka chhiahhlawhte chu an lo kal a, an tuichhunchhuah laihah tui ‘kan hmu ta e,’ an rawn ti a. 33A hmingah Seba#26:33 Seba tih hi pasarih tihna emaw, chhechham tihna emaw nia ngaih a ni ber. ‘Tam, hnianghnâr’ tihna pawh a ni thei. a vuah a, tûn thlengin chu khua chu Beer-seba an la ti a ni.
Esauvan hnam dang mi nupuiah a nei
34Hit mi, Beeria fanu Judithi leh Hit mi Elena fanu Basemathi chu kum sawmli-a upa a nihin Esauva chuan nupuiah a nei a. 35Chûng mite chu Isaka leh Rebeki thin tina rengtute an ni.
Currently Selected:
GENESIS 26: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
GENESIS 26
26
Isaka Gerar-ah a awm
1Abrahama dam laia ṭâm tla ni lo, chu ramah chuan ṭâm a lo tla leh a. Gerar khuaah, Filistia lal Abimeleka hnênah Isaka chu a kal ta a. 2Lalpa chu a hnênah a rawn inlâr a, “Aigupta ramah chuan chhuk suh, ka kawhhmuh tûr che ramah awm la, 3chu ramah chuan châm reng ang che. Ka awmpui ang che a, mal ka sâwm ang che. Hêng ram zawng zawng hi nang leh i thlahte ka pe dâwn a ni. #Gen. 22:16-18. 4I thlahte chu vâna arsi zât khian ka tipung ang a, hêng ram zawng zawng hi i thlahte chu ka pe ang. 5Abrahaman ka aw a ngaih pawimawha, ka thu a zâwma, ka thupêkte, ka dânte leh ka zirtîrnate a pawm avâng khân,” a ti a.
6Gerar khuaah chuan Isaka chu a awm ta reng a. 7#Gen. 12:13; 20:2.Chuta mite chuan Rebeki chu a nupui a nih leh nih loh an hre duh a. “Ka farnu a nih hi,” a ti a. “Ka nupui ka tih chuan Rebeki vâng hian min that mai ang, a hmêl a ṭha hle si a,” a ti a ni. 8Chumi khuaa rei tak a awm hnu chuan Filistia lal Abimeleka chu tukverhah a han dâk a, Isakan a nupui Rebeki a chhaih lai chu a phâwk a. 9Abimeleka chuan Isaka chu a ko va, a hnênah, “I nupui a lo ni reng a ni maw? Engtiziaa ‘ka farnu a ni,’ ti nge i nih le?” a ti a. Isaka chuan, “Amah avângin min thah mai ka hlau atin a ni,” a ti a. 10Abimeleka chuan, “I nupui ni si mutpui tumte kan lo awm mai thei asin; tlêmah tlêmah thil sual min tihtîr ṭhelh alâwm le,” a ti a. 11Mi zawng zawng hnênah Abimeleka chuan, “Tu pawh, he mi hi emaw, a nupui hi emaw khawih tawh phawt chu tihhlum an ni ang,” a ti bawk a.
12Chu ramah chuan Isaka chuan thlai a chîng a. Chumi kum chuan a lêt za a thar a, Lalpa chuan mal a sâwm a ni. 13A neinung tial tial a, mi hausa tak a lo ni ta a. 14Berâm rual te, bâwng rual te, ṭhuihruai te a ngah ta êm êm a. Filistia-ho chuan an îtsîk ta a. 15Tichuan, a pa Abrahama dam laia, a pa chhiahhlawhte tuichhunchhuah laih zawng zawng chu Filistia-ho chuan an hnawhsak a, lei an chhûng khat ta vek a. 16Abimeleka chuan Isaka hnênah, “Kan aiin i chak ta hle si a, heta ta hi insawn rawh,” a ti a. 17Isaka chu chuta ṭang chuan a insawn a, Gerar ruamah awmhmun a khuar ta a.
18A pa Abrahama dam laia an tuichhunchhuah laih, Abrahama thih hnua Filistia-hovin an hnawhte chu a lai leh a, a pain hming a vuah te kha hmingah a puttîr leh zêl a. 19Isaka chhiahhlawhten an awmna ruama tuichhunchhuah an laihah chuan tui a lo awm ṭha hle a. 20Gerar berâm vêngtute chuan Isaka berâm vêngtute hnênah, “He tui hi kan ta a ni,” tiin an rawn chuh a. Tichuan, chu tuichhunchhuah hmingah chuan ‘Esek’ a vuah a, an rawn chuh buai avânga vuah a ni. 21Tuichhunchhuah dang an lai leh a, an rawn chuh leh a, a hmingah Sitna#26:21 ‘chhechhama thutiamna tuikhur’ tihna a ni. Tuikhur pasarih a ni bawk (26:33.) a vuah a. 22Chuta ṭang chuan a insawn a, tuichhunchhuah dang a lai leh a, chu zawng an rawn chuh ta lo va, a hmingah Rehobot#26:22 Heb. ‘Esel’ thing. Thlarau awm duhna thing nia an ngaih a ni. a vuah a, “Tûnah zawng Lalpa chuan kan inzârzauna tûr hmun min pe ta,” a tihna a ni. 23Chuta ṭang chuan Beer-seba-ah a chho va. 24Chumi zân chuan a hnênah Lalpa a rawn inlâr a:
“Kei hi i pa Abrahama Pathian ka ni,
Thlaphâng suh, ka awmpui che alâwm.
Mal ka sâwm ang che a,
Ka chhiahhlawh Abrahama avângin i thlahte ka tipung ang,” a rawn ti a.
25Chutah chuan maichâm a siam a, Lalpa hming a lam a. Tah chuan bûk a khuar a, Isaka chhiahhlawhte chuan tuichhunchhuah an lai leh a.#Gen. 21:22.
Isaka leh Abimeleka inbiakremna
26Chutih lai chuan Gerar aṭangin Abimeleka chu a ṭhian Ahuzatha leh a sipai hotu Fikola nên an lo kal a. 27Isaka chuan, “Min ngaithei lo va, in zîng ata min hnawt chhuak a, eng nge in duha in lo kal tâk le?” a lo ti a. 28“Lalpa chuan a awmpui che tih kan hre ta a, sa-ui tan ho ila kan ti a ni, kan inkârah inremna thu i thlung teh ang, 29kan tibuai ngai lo che a, kan khawngaih hle ṭhîn che a, i insawn dâwn pawh khân ṭha takin kan kaltîr che a, nang pawhin kan pawi khawih bîk suh ang che,” an ti a. 30Ruai a ṭhehsak a, an ei a, an in a. 31A tûk zîngah chuan chhia an chham dûn ta a. Isaka chuan a thlah a, ṭha takin an inṭhen ta a.
32Chumi ni chuan Isaka chhiahhlawhte chu an lo kal a, an tuichhunchhuah laihah tui ‘kan hmu ta e,’ an rawn ti a. 33A hmingah Seba#26:33 Seba tih hi pasarih tihna emaw, chhechham tihna emaw nia ngaih a ni ber. ‘Tam, hnianghnâr’ tihna pawh a ni thei. a vuah a, tûn thlengin chu khua chu Beer-seba an la ti a ni.
Esauvan hnam dang mi nupuiah a nei
34Hit mi, Beeria fanu Judithi leh Hit mi Elena fanu Basemathi chu kum sawmli-a upa a nihin Esauva chuan nupuiah a nei a. 35Chûng mite chu Isaka leh Rebeki thin tina rengtute an ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.