GENESIS 28
28
1Tichuan, Jakoba chu Isakan a ko va, chibai a lo bûk#28:1 Isaka hian ‘Salom’ a lo ti a, ‘i hnênah thlamuanna awm rawh se’ tihna a ni, mal insâwmsak a tih theih, Mizovin chutiang atâna kan ṭawng hman chu ‘chibai’ tih a ni, inṭhen dâwnin ‘salom’ an ti a, chu chu keinin ‘dam takin’ kan ti, induhsakna, mal insâwmsakna a ni. a, hetiang hian a hrilh a: ‘Kanan nula nupuiah i nei tûr a ni lo. 2Tho la, Padan-aram-ah, i nu pa Bethuela inah kal la, i nu nuṭa Labana fanute zînga mi nupui va nei ang che. 3El-Sadaia chuan malsâwm che sela, i chi tiṭhain tipung che sela, tihtham tak hnam thlahtu ni ang che. 4Abrahama ang khân nang leh i thlahte chu malsâwm sela, Pathianin Abrahama a pêk, i mikhualna ram hi nei ang che,” a ti a.#Gen. 17:4-8. 5Isaka chuan Jakoba chu a kaltîr a, Padan-aram-a Suria mi Bethuela fapa, Jakoba leh Esauva nu nuṭa, Labana hnênah chuan a kal ta a.
Esauvan nupui a neih belh
6Jakoba chu Padan-aram lama nupui zawng tûra Isakan a tirh khân mal a sâwmsak a, mal a sâwmsak pah khân, “Kanan nula nupuiah i nei tûr a ni lo,” tiin a hrilh a, 7a nu leh pa thu awihin Jakoba chu Padan-aram lamah chuan a kal ta a. 8Chuvâng chuan, Kanan hmeichhiate chu Isaka chuan a ning hle ṭhîn a lo ni tih Esauva chuan a hre ta a. 9Chuvângin, Esauva chu Abrahama fapa Ismaela hnênah a kal a, a nupui neih sa bâkah Abrahama fapa Ismaela fanu Mahalathi, Nabaiotha farnu chu nupuiah a neih belh ta a.
Bethel-a Jakoba mang
10Jakoba chu Beer-seba ata chu Haran khuaa kal tûrin a chhuak ta a. 11Ni a tlâk chuan hmun pakhat chu a va thleng a, riah zai a rêl ta a. Lung pakhat hi a la a, a lukham a, a mu ta a. 12Mumang a nei a, lei aṭanga vân thleng kailâwn lo awm zur chu a hmu a. Pathian Vântirhkoh rual an lo chhovin an lo chhuk zut zut a.#Jn. 1:51. 13Lalpa chuan a lo dinchilh reng a, “Kei Lalpa hi, i pa Abrahama Pathian, Isaka Pathian ka ni. I mutna lei hi nang leh i thlahte ka pe dâwn a ni. 14I thlahte chu leia vaivut zât an ni ang a, chhak leh thlang, chhim leh hmârah an inzâr darh ang, leia hnam tinrêngin nang leh i thlahte chu induhsakna ṭawngkam takah an hmang ang che.#Gen. 12:3; 22:18. 15Ngai rawh, ka awmpui a che, i kalna apiangah ka vêng ang che a, he ramah hian ka hruai kîr leh ang che, ka thutiam ka tihhlawhtlin hma chu ka thlahthlam lo vang che,” a ti a.
16Jakoba chu a lo ṭhangharh a, “Hetah hian Lalpa a lo awm a nih hi, ka lo hre si lo va,” a ti a. 17Hlauvin a khûr a, “He hmun hi hmun ṭihbaiawm tak a nih hi, Pathian in a lo ni reng mai, vân lama chhohna kawngka chu,” a ti bawk a. 18Zîngah chuan Jakoba chuan lung a lukham chu a la a, a phun a, a chhîpah hriak a leih a. 19Chu hmun hmingah chuan Bethel#28:19 Bethel tih hi ‘Pathian in’ tihna a ni. a vuah a, tûn hma chuan chu hmuna khaw awm hming chu Luz a ni.
20Jakoba chuan thu a tiam a, “Pathianin min awmpui a, ka khualzinna lama min vên zêla, ei tûr leh sin tûr min pêk zêla, 21ka pa ina him taka ka lo kîr leh chuan Lalpa hi ka Pathian a ni ang a. 22He ka lungphun pawh hi Pathian in a ni ang, i thil min pêk zawng zawng aṭangin sâwma pakhat ka pe ngei ngei ang,” a ti a.
Currently Selected:
GENESIS 28: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
GENESIS 28
28
1Tichuan, Jakoba chu Isakan a ko va, chibai a lo bûk#28:1 Isaka hian ‘Salom’ a lo ti a, ‘i hnênah thlamuanna awm rawh se’ tihna a ni, mal insâwmsak a tih theih, Mizovin chutiang atâna kan ṭawng hman chu ‘chibai’ tih a ni, inṭhen dâwnin ‘salom’ an ti a, chu chu keinin ‘dam takin’ kan ti, induhsakna, mal insâwmsakna a ni. a, hetiang hian a hrilh a: ‘Kanan nula nupuiah i nei tûr a ni lo. 2Tho la, Padan-aram-ah, i nu pa Bethuela inah kal la, i nu nuṭa Labana fanute zînga mi nupui va nei ang che. 3El-Sadaia chuan malsâwm che sela, i chi tiṭhain tipung che sela, tihtham tak hnam thlahtu ni ang che. 4Abrahama ang khân nang leh i thlahte chu malsâwm sela, Pathianin Abrahama a pêk, i mikhualna ram hi nei ang che,” a ti a.#Gen. 17:4-8. 5Isaka chuan Jakoba chu a kaltîr a, Padan-aram-a Suria mi Bethuela fapa, Jakoba leh Esauva nu nuṭa, Labana hnênah chuan a kal ta a.
Esauvan nupui a neih belh
6Jakoba chu Padan-aram lama nupui zawng tûra Isakan a tirh khân mal a sâwmsak a, mal a sâwmsak pah khân, “Kanan nula nupuiah i nei tûr a ni lo,” tiin a hrilh a, 7a nu leh pa thu awihin Jakoba chu Padan-aram lamah chuan a kal ta a. 8Chuvâng chuan, Kanan hmeichhiate chu Isaka chuan a ning hle ṭhîn a lo ni tih Esauva chuan a hre ta a. 9Chuvângin, Esauva chu Abrahama fapa Ismaela hnênah a kal a, a nupui neih sa bâkah Abrahama fapa Ismaela fanu Mahalathi, Nabaiotha farnu chu nupuiah a neih belh ta a.
Bethel-a Jakoba mang
10Jakoba chu Beer-seba ata chu Haran khuaa kal tûrin a chhuak ta a. 11Ni a tlâk chuan hmun pakhat chu a va thleng a, riah zai a rêl ta a. Lung pakhat hi a la a, a lukham a, a mu ta a. 12Mumang a nei a, lei aṭanga vân thleng kailâwn lo awm zur chu a hmu a. Pathian Vântirhkoh rual an lo chhovin an lo chhuk zut zut a.#Jn. 1:51. 13Lalpa chuan a lo dinchilh reng a, “Kei Lalpa hi, i pa Abrahama Pathian, Isaka Pathian ka ni. I mutna lei hi nang leh i thlahte ka pe dâwn a ni. 14I thlahte chu leia vaivut zât an ni ang a, chhak leh thlang, chhim leh hmârah an inzâr darh ang, leia hnam tinrêngin nang leh i thlahte chu induhsakna ṭawngkam takah an hmang ang che.#Gen. 12:3; 22:18. 15Ngai rawh, ka awmpui a che, i kalna apiangah ka vêng ang che a, he ramah hian ka hruai kîr leh ang che, ka thutiam ka tihhlawhtlin hma chu ka thlahthlam lo vang che,” a ti a.
16Jakoba chu a lo ṭhangharh a, “Hetah hian Lalpa a lo awm a nih hi, ka lo hre si lo va,” a ti a. 17Hlauvin a khûr a, “He hmun hi hmun ṭihbaiawm tak a nih hi, Pathian in a lo ni reng mai, vân lama chhohna kawngka chu,” a ti bawk a. 18Zîngah chuan Jakoba chuan lung a lukham chu a la a, a phun a, a chhîpah hriak a leih a. 19Chu hmun hmingah chuan Bethel#28:19 Bethel tih hi ‘Pathian in’ tihna a ni. a vuah a, tûn hma chuan chu hmuna khaw awm hming chu Luz a ni.
20Jakoba chuan thu a tiam a, “Pathianin min awmpui a, ka khualzinna lama min vên zêla, ei tûr leh sin tûr min pêk zêla, 21ka pa ina him taka ka lo kîr leh chuan Lalpa hi ka Pathian a ni ang a. 22He ka lungphun pawh hi Pathian in a ni ang, i thil min pêk zawng zawng aṭangin sâwma pakhat ka pe ngei ngei ang,” a ti a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.