AMOS 7
7
Zho kounou Khazü Ngaoyu
1Haibüa Ramai Mapao nou ahi ngaoe: Veo vei zha pouhou sailouyu thai, pouhou lapayu teile phaki, Puhnou khazü soua bue. 2Poudai khesü khazü nou toukhai loua Enou ngaoe. Süthaisü Enou paoe, “Oh Ramai Mapao, nevei maitao mah sü khaipeio tea khowe; kabüa nou ne maitao hai hrilou khailai? Puletao hai taiyu lehie alia lelouho lehie!” 3Mapao nou haina donou le daloua paoe, “Haisü panou vepa khailai more.”
Zho kounou Mei Ngaoyu
4Ramai Mapao nou ahi haibüa ngaoe: Ramai Mapao nou Puh vei maitaoye meinou seikou souveare donou souda-a bue. Mei sünanou zaidu nasü taokhei touwua deithe hi taopare. 5Süthaisü Enou paoe, “Oh Mapao, baipei baio tea E ne hi khowe! Kabüa nevei mai haitao hai hrilou khailaige? Puletao hai taiyu lehie ae lelouho lehie!”
6Haina donou Mapao nou le daloua nou paoe, “Hainaro panou vepa khailai more.”
Zho kounou Khiyua Douyu Rai Ngaoyu
7Puhnou ahi haibüa ngaoe: Soukhai touyu bouvo pehisü khiyua doure donou Mapao nou khiyua douyu rai ali puh bah hinou poa la bue. 8Puh nou ahi paoe, “Amos, ne dai ngaoe?”
“Khiyua douyu rai ngaowe” tea Enou chila peie.
Süthaisü Mapao nou paoe, “Zhukhaio, Enou avei mai haitaoye chichi moyu nasü bouvo büa douzhure donou khiyua douyu rai nasü khaikhai toue. Puletaoye souvea laiyu hinou Ale datapu khailai moe. 9Isaak vei tyaonahtao nou rathoyu buh khesü souhawulai, Israel maivei sheeyu buh khesü soushiwulai, alia Enou veo Jeroboam vei kihikha maiye sü khoche nou daothawulai.”
Amos ae Amaziah
10Süthaisü Bethel hi napao Amaziah nou Israel maivei veo Jeroboam hi seiko haibüa seive paoe, “Amos nou Israel mai hrohinou neye paoshi shoa bure, teidei haihi hrüa buyu khemai nou puh chi hai healou hore. 11Daiolouzü Amos nou haibüa paoe, ‘Jeroboam hai khoche hinou thailai, alia Israel maiye sü puletao vei teidei hinou doushoa ngaoba mainou nüpoa talai.’ ”
12Süthaisü Amaziah nou Amos hi paoe, “Oh rachipaolawo! talo, ne Judah teidei hi taho sühinou ne pou kutoua rachi paobaio. 13Ana Bethel haihi louzü ne rachi paopu khaiso, daiolouzü haihi hai veo vei rathoyu buh-e alia vedei hi buyu maivei rathoki baie.”
14Süthai Amos nou chila peie, “E hai rachi paolayu mai moe, moa rachi paolayu mai nah-a moe; ana Ewo louzü zhaotu kholaiyu mai ali baie, alia bousüü kao khao-a vah souyu mai ali baie. 15Ana Mapao nou Eye zhaotu khoyu hinou saloua ahi paoe, ‘Taho avei Israel mai hi vepare rachi paopeio.’ ” 16Südonou chuo Mapao nou paoyu sü keilo. Neletao nou paoe, “Israel mai hi rachi paopuso, ae Israel maiye paoshiso.” 17Südonou Mapao nou haibüa paoe, “Ne chapfü sü nuhdu hinou khakhapfü soutalai, alia ne nahpoutu ae naotu khesü khoche hinou thailai, alia ne teidei sü mainou dezhi potalai, alia ne masha koutea sheemoyu teidei hinou thaiwulai, ae Israel maiye sü veikhai mosoua doushoyu teidei hisü nüpoa talai.”
Currently Selected:
AMOS 7: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
AMOS 7
7
Zho kounou Khazü Ngaoyu
1Haibüa Ramai Mapao nou ahi ngaoe: Veo vei zha pouhou sailouyu thai, pouhou lapayu teile phaki, Puhnou khazü soua bue. 2Poudai khesü khazü nou toukhai loua Enou ngaoe. Süthaisü Enou paoe, “Oh Ramai Mapao, nevei maitao mah sü khaipeio tea khowe; kabüa nou ne maitao hai hrilou khailai? Puletao hai taiyu lehie alia lelouho lehie!” 3Mapao nou haina donou le daloua paoe, “Haisü panou vepa khailai more.”
Zho kounou Mei Ngaoyu
4Ramai Mapao nou ahi haibüa ngaoe: Ramai Mapao nou Puh vei maitaoye meinou seikou souveare donou souda-a bue. Mei sünanou zaidu nasü taokhei touwua deithe hi taopare. 5Süthaisü Enou paoe, “Oh Mapao, baipei baio tea E ne hi khowe! Kabüa nevei mai haitao hai hrilou khailaige? Puletao hai taiyu lehie ae lelouho lehie!”
6Haina donou Mapao nou le daloua nou paoe, “Hainaro panou vepa khailai more.”
Zho kounou Khiyua Douyu Rai Ngaoyu
7Puhnou ahi haibüa ngaoe: Soukhai touyu bouvo pehisü khiyua doure donou Mapao nou khiyua douyu rai ali puh bah hinou poa la bue. 8Puh nou ahi paoe, “Amos, ne dai ngaoe?”
“Khiyua douyu rai ngaowe” tea Enou chila peie.
Süthaisü Mapao nou paoe, “Zhukhaio, Enou avei mai haitaoye chichi moyu nasü bouvo büa douzhure donou khiyua douyu rai nasü khaikhai toue. Puletaoye souvea laiyu hinou Ale datapu khailai moe. 9Isaak vei tyaonahtao nou rathoyu buh khesü souhawulai, Israel maivei sheeyu buh khesü soushiwulai, alia Enou veo Jeroboam vei kihikha maiye sü khoche nou daothawulai.”
Amos ae Amaziah
10Süthaisü Bethel hi napao Amaziah nou Israel maivei veo Jeroboam hi seiko haibüa seive paoe, “Amos nou Israel mai hrohinou neye paoshi shoa bure, teidei haihi hrüa buyu khemai nou puh chi hai healou hore. 11Daiolouzü Amos nou haibüa paoe, ‘Jeroboam hai khoche hinou thailai, alia Israel maiye sü puletao vei teidei hinou doushoa ngaoba mainou nüpoa talai.’ ”
12Süthaisü Amaziah nou Amos hi paoe, “Oh rachipaolawo! talo, ne Judah teidei hi taho sühinou ne pou kutoua rachi paobaio. 13Ana Bethel haihi louzü ne rachi paopu khaiso, daiolouzü haihi hai veo vei rathoyu buh-e alia vedei hi buyu maivei rathoki baie.”
14Süthai Amos nou chila peie, “E hai rachi paolayu mai moe, moa rachi paolayu mai nah-a moe; ana Ewo louzü zhaotu kholaiyu mai ali baie, alia bousüü kao khao-a vah souyu mai ali baie. 15Ana Mapao nou Eye zhaotu khoyu hinou saloua ahi paoe, ‘Taho avei Israel mai hi vepare rachi paopeio.’ ” 16Südonou chuo Mapao nou paoyu sü keilo. Neletao nou paoe, “Israel mai hi rachi paopuso, ae Israel maiye paoshiso.” 17Südonou Mapao nou haibüa paoe, “Ne chapfü sü nuhdu hinou khakhapfü soutalai, alia ne nahpoutu ae naotu khesü khoche hinou thailai, alia ne teidei sü mainou dezhi potalai, alia ne masha koutea sheemoyu teidei hinou thaiwulai, ae Israel maiye sü veikhai mosoua doushoyu teidei hisü nüpoa talai.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.