EPHESAMAI 6
6
Pfüpuomai ea Nahmaitao
1Nahkhe maitao, Mapaowo hinou neletao pfüpuomai chi zülo, daiolouzü haisü souzüe. 2“Nepfü nepuoye tsükhoulo;” (haisü apaopei khaitouyu ali koua thoupu peikhai touyu raikaiyu chikha nasüe): 3“Sükulouzü ha teitei hai neye donou kao-zhou veiloulai ea deiphao hinou ne maishoa buloulai.”
4Puokhe maitao, neletao nahmaitaoye lekha-rarouhi züthou peiwuso, ana puletaoye Mapaowo vei tukhazü peiyu ea doupeiyu hilonou kipapeio.
Qilatao ea Paopu maitao
5Qila khemaitao, neletao nou Khrista vei kuvah souyu zhaibüa, pi-hia ea le sheetoua deiphao neletao vei paopumaitao chi sü zülo. 6Haisü neletao nou puletao vei paoshoyu ngaolounüa puletao nou neletaoye zhubuki likhei baimoa, Khrista qilatao büa neletao vei le teiteinou koa Ramai züpasü soukhaio. 7Maiye moa Mapaoye neletao nou kuvah souyu zhaibüa qila ali soua lesasa-a neletao vei vahsü soukhaio. 8Qila-a, mado souyuna-a lah puhnou vahvei souyu süna thaifüa Mapao nou mai hrülaiye buu peilai touyu sü licholo.
9Paopu maitao, süzhaibüa neletao-a neletao vei qilatao hisü soukhaio ea soupiyu sü thaowuwo. Neletao ea neletao vei qilatao hai hrüzhai ali hinou mai hrülaiye chikuyu rakivabu Mapaowo puhvei baie touyu sü li-cholo.
Ramai vei Reihna Pfüphou
10Akhai hinou, Athaihou jürai maitao, Mapaowo hinou ea puhvei achana khouko hinou khoua bulo. 11Neletao nou Rashinavei do ashitao hinou laloure donou Ramai nou neletao hi peikhai touyu reihna pfüphou sü thoulo. 12Daiolouzü Eletaowo ke-zheye reihzümoe, ana rakilo buhtaohi buyu ashi rakotao vei khoukotao, paopu maitao, peikho maitao, alia chu teizhi hainavei teideiphao vei khoukotaoye reih züwe. 13Südonou chuo Ramai vei reihnasü noulo! Süthaisü teithe ashi veyukisü, ngaoba mainou reih duveyu sü neletao nou nulou süe; alia akhai koute reih zükouyu kisü, neletao nou ko-a laloulai.
14Südonou acheche nanou khyakho büa neletao khyahi khoteiloua ea cheche-a hrüyu sünanou neletao khaokha büa kholoua latoulo, 15alia kaonayu vei Ko Avei paodoure souda-a buyu sünanou neletao phikha nouyu büa noulo. 16Ha teitei jünou, teisanou lüvei rü nasü pfülo; daiolouzü süna vanou neletao nou ashi nanou leitei poa buyu meikeiyu loushuh teiteisü sounghi lousüe. 17Alia khailu louyuhai reih peirü büa ea Rako nou neletao hi peikhai touyu Ramai chipao hai khoche büa polo. 18Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo. 19Alia Enou khuvei-a chi paoloure ea Ko Aveinavei kheitsü nasü paosü peiloure donou Enou chi paoloure donou souda-a buyu kisü Ramaiye panou Ahi puhvei chipao nasü peiloure donou, Eye donou-a veachi paopeio. 20Chuo Ehai hukhahi bumai ali soukhaia Ko Avei haina vanou Esü süh-seitamai alisoua bue. Enou paozüa buyu Ko Avei nasü khuvei-a paoloure donou veachi paopeikhaio.
Akhai khurüyu chidoh
21Ehai kazhaibüa hrüsa touyu sü neletao nou süloure donou leshiyu Eletao thaihou jürai ea Mapaowo kuvah hinou checheyu kilai soua buyu Tukhika nou Avanou ko pfüphousü neletao hi paongao peilai. 22Südonou Eh hai kazhaibüa hrüsa touyu sü puhye panou neletao hi paongao peire donou ea neletao lesü soudu peiloure donou Enou puhye neletao hi seivewe.
23Puo Ramai nou ea Mapao Jisu Khrista nou Khristamai thaihou jüraimai hrülai pei hi sü kaonayu ea lü naye koa leshi nasü peiyu souloutheo. 24Eletao Mapao Jisu Khristaye thaihoyu hayu lesha nanou leshia buyu maikhemai hrülai hisü Ramai zhuvea nou koa bupeiyu sü souloutheo.
Currently Selected:
EPHESAMAI 6: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EPHESAMAI 6
6
Pfüpuomai ea Nahmaitao
1Nahkhe maitao, Mapaowo hinou neletao pfüpuomai chi zülo, daiolouzü haisü souzüe. 2“Nepfü nepuoye tsükhoulo;” (haisü apaopei khaitouyu ali koua thoupu peikhai touyu raikaiyu chikha nasüe): 3“Sükulouzü ha teitei hai neye donou kao-zhou veiloulai ea deiphao hinou ne maishoa buloulai.”
4Puokhe maitao, neletao nahmaitaoye lekha-rarouhi züthou peiwuso, ana puletaoye Mapaowo vei tukhazü peiyu ea doupeiyu hilonou kipapeio.
Qilatao ea Paopu maitao
5Qila khemaitao, neletao nou Khrista vei kuvah souyu zhaibüa, pi-hia ea le sheetoua deiphao neletao vei paopumaitao chi sü zülo. 6Haisü neletao nou puletao vei paoshoyu ngaolounüa puletao nou neletaoye zhubuki likhei baimoa, Khrista qilatao büa neletao vei le teiteinou koa Ramai züpasü soukhaio. 7Maiye moa Mapaoye neletao nou kuvah souyu zhaibüa qila ali soua lesasa-a neletao vei vahsü soukhaio. 8Qila-a, mado souyuna-a lah puhnou vahvei souyu süna thaifüa Mapao nou mai hrülaiye buu peilai touyu sü licholo.
9Paopu maitao, süzhaibüa neletao-a neletao vei qilatao hisü soukhaio ea soupiyu sü thaowuwo. Neletao ea neletao vei qilatao hai hrüzhai ali hinou mai hrülaiye chikuyu rakivabu Mapaowo puhvei baie touyu sü li-cholo.
Ramai vei Reihna Pfüphou
10Akhai hinou, Athaihou jürai maitao, Mapaowo hinou ea puhvei achana khouko hinou khoua bulo. 11Neletao nou Rashinavei do ashitao hinou laloure donou Ramai nou neletao hi peikhai touyu reihna pfüphou sü thoulo. 12Daiolouzü Eletaowo ke-zheye reihzümoe, ana rakilo buhtaohi buyu ashi rakotao vei khoukotao, paopu maitao, peikho maitao, alia chu teizhi hainavei teideiphao vei khoukotaoye reih züwe. 13Südonou chuo Ramai vei reihnasü noulo! Süthaisü teithe ashi veyukisü, ngaoba mainou reih duveyu sü neletao nou nulou süe; alia akhai koute reih zükouyu kisü, neletao nou ko-a laloulai.
14Südonou acheche nanou khyakho büa neletao khyahi khoteiloua ea cheche-a hrüyu sünanou neletao khaokha büa kholoua latoulo, 15alia kaonayu vei Ko Avei paodoure souda-a buyu sünanou neletao phikha nouyu büa noulo. 16Ha teitei jünou, teisanou lüvei rü nasü pfülo; daiolouzü süna vanou neletao nou ashi nanou leitei poa buyu meikeiyu loushuh teiteisü sounghi lousüe. 17Alia khailu louyuhai reih peirü büa ea Rako nou neletao hi peikhai touyu Ramai chipao hai khoche büa polo. 18Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo. 19Alia Enou khuvei-a chi paoloure ea Ko Aveinavei kheitsü nasü paosü peiloure donou Enou chi paoloure donou souda-a buyu kisü Ramaiye panou Ahi puhvei chipao nasü peiloure donou, Eye donou-a veachi paopeio. 20Chuo Ehai hukhahi bumai ali soukhaia Ko Avei haina vanou Esü süh-seitamai alisoua bue. Enou paozüa buyu Ko Avei nasü khuvei-a paoloure donou veachi paopeikhaio.
Akhai khurüyu chidoh
21Ehai kazhaibüa hrüsa touyu sü neletao nou süloure donou leshiyu Eletao thaihou jürai ea Mapaowo kuvah hinou checheyu kilai soua buyu Tukhika nou Avanou ko pfüphousü neletao hi paongao peilai. 22Südonou Eh hai kazhaibüa hrüsa touyu sü puhye panou neletao hi paongao peire donou ea neletao lesü soudu peiloure donou Enou puhye neletao hi seivewe.
23Puo Ramai nou ea Mapao Jisu Khrista nou Khristamai thaihou jüraimai hrülai pei hi sü kaonayu ea lü naye koa leshi nasü peiyu souloutheo. 24Eletao Mapao Jisu Khristaye thaihoyu hayu lesha nanou leshia buyu maikhemai hrülai hisü Ramai zhuvea nou koa bupeiyu sü souloutheo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.