GALATIAMAI 5
5
Neletao vei Mado nasü Pokhaitoulo
1Madosoua hrüloure donou Khrista nou Eletaoye do soupeire! Südonou do soulouyu mai kua latoulo, alia lah neletao khailou kilaivei kousü pfüpuwuso.
2Keiloukhaio! Paul Enou neletao hi paowe süolouzü neletao nou hee rodeyusü polouzü Khrista hai neletaoye donou ha muhlia hazheire. 3Hee rodeyu maitali hisü Enou zhopaoh soua paopuwe. Süolouzü puhsü razhai teitei züvuzülai. 4Razhai vanou Ramaiye koa souzü loure teyu neletaowo louzü Khrista hinou kotare. Neletaowo Ramai zhuvea hinou kaotare. 5Ana Eletao nou lü vanou vahsoua buyu Ramai Rako süna vanou achechena vei areih sünaye sü Ehnou khoshopoa bue. 6Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.
7Neletaosü soutaosou tu-a bue! Neletaoye thaohnou achechenaye zülou more nukhaire? 8Haibüa nukhaiyu süsü neletaoye kulouyu Ramai puh hinou vemoe. 9Maikhe mainou paoyu kua, “Kheih daotunou sou teiteiye soulah peiwe.” 10Ana chukoute neletao nou mai kukhe chinou moa Achinou popei baishulai touyu sü Mapaowo hinou Enou louche-a bue; alia neletaoye tsübo souha-a buyu maitaliye sü Ramai nou chikulai.
11Ana Athaihou jürai khemai, chu koute Enou hee rodeyu vanou paodoua bulouzü daidonou Eye chukoute-a souveawe? Sübüa paodoua bulouzü Enou Khrista vei kros vanou paodoua buyu hisü halia phi süloure hae. 12Neletao le souchoro-a buyu puletao donou louzü hee rodeyu likhei baimoa lah puletao vei vasou süna teitei-a vadelaiyu sü Enou züpawe!
13Athaihou jürai khemai, neletaoye sü mado souloure kuloure. Ana neletao vei mado nasü vasou züpa thaifüa po vah souwu moa leshi hinou neletao alinou liye kuvah souloukhaio. 14Daiolouzü razhai teiteisü chikha alikhei hinou vetekhou baie: “Nenou lah neye leshiyu kua nevei kinapaye leshilo.” 15Ana neletao nou rekhaosou kua alinou liye soushi soukha-a bulouzü, zhutou loukhaio, molouzü neletao nou alinou liye souhakhai bailai.
Rako ea Emai Zhai
16Ana Enou paowe, Rakoye panou neletao hrümaisü süthaia taloukhaio, sübülouzü neletao nou vasou züpa rukhasü souwu laimoe. 17Daiolouzü vasou züpa sünanou Rakoye motouwe, alia Rako züpa sünanou vasouye motouwe: daiolouzü neletaoye panou neletao züpasü soulou more donou sühaisü alinou liye motouwe. 18Ana neletaoye Rakonou süthaipeia bulouzü neletaowo razhai khehi bumoe.
19Chuo vasouvei vahtaosü sheesha-a ngaowe: sütaowo louzü, khulou souyu, sheemoyu, chaochao soua hrüyu; 20bashara thoyu, maiye shuyu, alinou liye ngaobayu, züvayu, maiye ngaoraiyu, rarouyu, dutounüyu, lathao-lamü moyu, mesoukuyu, 21avei zhai ngaobayu, zhaoh shozhiyu, zhaohra payu ea sükuyu kukhetaoe. Enou neletaoye raichokinou tukhayu büa chua neletaoye Enou tukhawe, süolouzü, sübüyu vah souyu maitaosü Ramai Vedei ngaolou hoe.
22Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu, 23nataiyu, alia lahye tukhayu haitaoe. Haitaoye motouyu zhai tali-a hae. 24Alia Khrista Jisu vei soulouyu puletao nou vasouye sü sünavei züpa ea chaochaosoua hrünüyu teiteiye koa kros vanou veatheare. 25Rako nou Eletaoye sü ahri peie; puhye panou Eletao hrümai-a tukha sahrü vuzülou laikhe. 26Alia alinou li züphei soua moa alinou liye ngaorai-a Eletao nou khaophu souwu laimokhe.
Currently Selected:
GALATIAMAI 5: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
GALATIAMAI 5
5
Neletao vei Mado nasü Pokhaitoulo
1Madosoua hrüloure donou Khrista nou Eletaoye do soupeire! Südonou do soulouyu mai kua latoulo, alia lah neletao khailou kilaivei kousü pfüpuwuso.
2Keiloukhaio! Paul Enou neletao hi paowe süolouzü neletao nou hee rodeyusü polouzü Khrista hai neletaoye donou ha muhlia hazheire. 3Hee rodeyu maitali hisü Enou zhopaoh soua paopuwe. Süolouzü puhsü razhai teitei züvuzülai. 4Razhai vanou Ramaiye koa souzü loure teyu neletaowo louzü Khrista hinou kotare. Neletaowo Ramai zhuvea hinou kaotare. 5Ana Eletao nou lü vanou vahsoua buyu Ramai Rako süna vanou achechena vei areih sünaye sü Ehnou khoshopoa bue. 6Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.
7Neletaosü soutaosou tu-a bue! Neletaoye thaohnou achechenaye zülou more nukhaire? 8Haibüa nukhaiyu süsü neletaoye kulouyu Ramai puh hinou vemoe. 9Maikhe mainou paoyu kua, “Kheih daotunou sou teiteiye soulah peiwe.” 10Ana chukoute neletao nou mai kukhe chinou moa Achinou popei baishulai touyu sü Mapaowo hinou Enou louche-a bue; alia neletaoye tsübo souha-a buyu maitaliye sü Ramai nou chikulai.
11Ana Athaihou jürai khemai, chu koute Enou hee rodeyu vanou paodoua bulouzü daidonou Eye chukoute-a souveawe? Sübüa paodoua bulouzü Enou Khrista vei kros vanou paodoua buyu hisü halia phi süloure hae. 12Neletao le souchoro-a buyu puletao donou louzü hee rodeyu likhei baimoa lah puletao vei vasou süna teitei-a vadelaiyu sü Enou züpawe!
13Athaihou jürai khemai, neletaoye sü mado souloure kuloure. Ana neletao vei mado nasü vasou züpa thaifüa po vah souwu moa leshi hinou neletao alinou liye kuvah souloukhaio. 14Daiolouzü razhai teiteisü chikha alikhei hinou vetekhou baie: “Nenou lah neye leshiyu kua nevei kinapaye leshilo.” 15Ana neletao nou rekhaosou kua alinou liye soushi soukha-a bulouzü, zhutou loukhaio, molouzü neletao nou alinou liye souhakhai bailai.
Rako ea Emai Zhai
16Ana Enou paowe, Rakoye panou neletao hrümaisü süthaia taloukhaio, sübülouzü neletao nou vasou züpa rukhasü souwu laimoe. 17Daiolouzü vasou züpa sünanou Rakoye motouwe, alia Rako züpa sünanou vasouye motouwe: daiolouzü neletaoye panou neletao züpasü soulou more donou sühaisü alinou liye motouwe. 18Ana neletaoye Rakonou süthaipeia bulouzü neletaowo razhai khehi bumoe.
19Chuo vasouvei vahtaosü sheesha-a ngaowe: sütaowo louzü, khulou souyu, sheemoyu, chaochao soua hrüyu; 20bashara thoyu, maiye shuyu, alinou liye ngaobayu, züvayu, maiye ngaoraiyu, rarouyu, dutounüyu, lathao-lamü moyu, mesoukuyu, 21avei zhai ngaobayu, zhaoh shozhiyu, zhaohra payu ea sükuyu kukhetaoe. Enou neletaoye raichokinou tukhayu büa chua neletaoye Enou tukhawe, süolouzü, sübüyu vah souyu maitaosü Ramai Vedei ngaolou hoe.
22Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu, 23nataiyu, alia lahye tukhayu haitaoe. Haitaoye motouyu zhai tali-a hae. 24Alia Khrista Jisu vei soulouyu puletao nou vasouye sü sünavei züpa ea chaochaosoua hrünüyu teiteiye koa kros vanou veatheare. 25Rako nou Eletaoye sü ahri peie; puhye panou Eletao hrümai-a tukha sahrü vuzülou laikhe. 26Alia alinou li züphei soua moa alinou liye ngaorai-a Eletao nou khaophu souwu laimokhe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.