LEVIMAI LARÜBVÜ 18
18
Sahsou Zhozü moyu Zhaitao
1-2 Mapao nou Moses hi haibüa Israel mai hi paopeio tea paoe, “E hai neletao vei Ramai Mapao nasüe. 3Neletao nou vuli hrüa buyu Ejipt maivei zhaihrü moyuma Enou neletaoye peilaiyu teidei Kanaan hi mainou hrüyu zhaidou nasü thaifüso. 4Avei chikha khesü zülo ae Enou kharochi peikhai touyu khesü soulo. E hai neletao vei Ramai Mapao nasüe. 5Enou peikhai touyu zhaihrü ae chikhatao hai zülo; neletao nou sütao hai soupfü louzü neletao vei hrirai hai khailupa loulai. E hai neletao vei Ramai Mapao nasüe.”
6 Mapao nou zhaihrü haitao hai peie. Neletao hai lahvei kityarai maiye koa sazü sabulai moe. 7Ne nou ne pfüye sazü sabu peiyu vanou ne puoye hraongu soupeilai moe. Ne nou ne pfüye hrao soupeiso. 8Ne puo vei maipfü taralia nenou sabu sazü peia ne puoye hrao soupeiso. 9Ne nou ne tupfü maiye moyuma ne pfü vei nahnaotu mai moa ne puo vei nahnaotu mai taralia sabu sazü laimoe. 10Nevei tyao nahmai taralia nenou sabu sazülai moe, süsü ne lah ne hi hrao souloua baie. 11nenou ne puo kihikha mai naotumai taralia sazülai moe, süsü nevei tupfü baie. 12-13Ne puo toupfü sü nevei nai baie, ae ne pfü vei tupfü mai-a nevei pfü baie, südonou puletaoye sü nenou sazülai moe. 14Ne puo thaihou maivei chapfü maiye nenou sazülai moe, daiolouzü honapai hai nevei pfü napai-e. 15Nenou nevei mou maiye sazülai moe, 16moyuma ne thaihou jürai maivei chapfüye sazülai moe. 17Nenou sahsou zhoyu naotupai vei nahnaotu moa tyaomaiye sazülai moe, daiolouzü süsü nevei kityarai mai baie. 18Nenou nevei chapfü vei chinamai aliye honapai hria bubusa sü nevei chapfü soupure donou polai moe.
19Naotumai ali nou zhe ta-a buyu phaki nenou honapaiye sü sazülai moe, daiolouzü puh sü naanou hinou shee moe. 20Maivei keapfü maiye sazü sabuso, süsü ne lah neye souzhai loua baie. 21Neletao vei nahmai taralia Molek rahye poa sheela peiso, daiolouzü süsü Ramai Mapao zhih soushi peia baie. 22Poutumai ali nou poutumai ali hi vah ashi sü soulai moe, süsü Ramai nou ngaora-e. 23Poutumai moa naotumai taralia hrikhaonaye koa sazü sabulai moe, süsü lahnou lahye naanou hinou souzhai loua baie.
24Haibüyu vah haso tarali hinou neletao hai lahye shee moyu sü souso, daiolouzü neletao nou teidei hai hi veloumo jünou hrüa buyu maitao hai sübüa sheemoyu vah haso soupfüyu donou Mapao nou hulaiwure. 25Puletao nou soupfüyu vah haso sünou teidei hai nasü souzhaiwure, südonou Mapao nou teidei nasü tudee peia sühi hrüa buyu maitaoye sü teidei nou malaiwure. 26-27Puletao nou ngaorayu vah teitei sü soupfü peia teidei nasü souzhai peiwure, ana neletao nou sübüyu vah haso sü soupfülai moe. Neletao mai hrülai, Israel mai-a moyuma shetu maitao-a Mapao vei chikhatao ae kharochi khesü züa bulouzü, 28teidei sünanou raichoki hrüa buyu maitaoye laiyu büa neletaoye sü malaiwu laimoe. 29Neletao nou süwe, süolouzü mai talinoua haibüa ngaorayu vah haso soupfüyu maiye sü Ramai vei mai soua popu peilai moe.
30 Mapao nou paoe, “Enou kharochi peikhai touyu khesü zülo, ae raichoki teidei hai hinou hrüyu mai büa vah ashi khesü soupfüa nou lah neletaoye sheemoyu sü souso. E hai neletao vei Ramai Mapao nasüe.”
Currently Selected:
LEVIMAI LARÜBVÜ 18: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LEVIMAI LARÜBVÜ 18
18
Sahsou Zhozü moyu Zhaitao
1-2 Mapao nou Moses hi haibüa Israel mai hi paopeio tea paoe, “E hai neletao vei Ramai Mapao nasüe. 3Neletao nou vuli hrüa buyu Ejipt maivei zhaihrü moyuma Enou neletaoye peilaiyu teidei Kanaan hi mainou hrüyu zhaidou nasü thaifüso. 4Avei chikha khesü zülo ae Enou kharochi peikhai touyu khesü soulo. E hai neletao vei Ramai Mapao nasüe. 5Enou peikhai touyu zhaihrü ae chikhatao hai zülo; neletao nou sütao hai soupfü louzü neletao vei hrirai hai khailupa loulai. E hai neletao vei Ramai Mapao nasüe.”
6 Mapao nou zhaihrü haitao hai peie. Neletao hai lahvei kityarai maiye koa sazü sabulai moe. 7Ne nou ne pfüye sazü sabu peiyu vanou ne puoye hraongu soupeilai moe. Ne nou ne pfüye hrao soupeiso. 8Ne puo vei maipfü taralia nenou sabu sazü peia ne puoye hrao soupeiso. 9Ne nou ne tupfü maiye moyuma ne pfü vei nahnaotu mai moa ne puo vei nahnaotu mai taralia sabu sazü laimoe. 10Nevei tyao nahmai taralia nenou sabu sazülai moe, süsü ne lah ne hi hrao souloua baie. 11nenou ne puo kihikha mai naotumai taralia sazülai moe, süsü nevei tupfü baie. 12-13Ne puo toupfü sü nevei nai baie, ae ne pfü vei tupfü mai-a nevei pfü baie, südonou puletaoye sü nenou sazülai moe. 14Ne puo thaihou maivei chapfü maiye nenou sazülai moe, daiolouzü honapai hai nevei pfü napai-e. 15Nenou nevei mou maiye sazülai moe, 16moyuma ne thaihou jürai maivei chapfüye sazülai moe. 17Nenou sahsou zhoyu naotupai vei nahnaotu moa tyaomaiye sazülai moe, daiolouzü süsü nevei kityarai mai baie. 18Nenou nevei chapfü vei chinamai aliye honapai hria bubusa sü nevei chapfü soupure donou polai moe.
19Naotumai ali nou zhe ta-a buyu phaki nenou honapaiye sü sazülai moe, daiolouzü puh sü naanou hinou shee moe. 20Maivei keapfü maiye sazü sabuso, süsü ne lah neye souzhai loua baie. 21Neletao vei nahmai taralia Molek rahye poa sheela peiso, daiolouzü süsü Ramai Mapao zhih soushi peia baie. 22Poutumai ali nou poutumai ali hi vah ashi sü soulai moe, süsü Ramai nou ngaora-e. 23Poutumai moa naotumai taralia hrikhaonaye koa sazü sabulai moe, süsü lahnou lahye naanou hinou souzhai loua baie.
24Haibüyu vah haso tarali hinou neletao hai lahye shee moyu sü souso, daiolouzü neletao nou teidei hai hi veloumo jünou hrüa buyu maitao hai sübüa sheemoyu vah haso soupfüyu donou Mapao nou hulaiwure. 25Puletao nou soupfüyu vah haso sünou teidei hai nasü souzhaiwure, südonou Mapao nou teidei nasü tudee peia sühi hrüa buyu maitaoye sü teidei nou malaiwure. 26-27Puletao nou ngaorayu vah teitei sü soupfü peia teidei nasü souzhai peiwure, ana neletao nou sübüyu vah haso sü soupfülai moe. Neletao mai hrülai, Israel mai-a moyuma shetu maitao-a Mapao vei chikhatao ae kharochi khesü züa bulouzü, 28teidei sünanou raichoki hrüa buyu maitaoye laiyu büa neletaoye sü malaiwu laimoe. 29Neletao nou süwe, süolouzü mai talinoua haibüa ngaorayu vah haso soupfüyu maiye sü Ramai vei mai soua popu peilai moe.
30 Mapao nou paoe, “Enou kharochi peikhai touyu khesü zülo, ae raichoki teidei hai hinou hrüyu mai büa vah ashi khesü soupfüa nou lah neletaoye sheemoyu sü souso. E hai neletao vei Ramai Mapao nasüe.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.