LEVIMAI LARÜBVÜ 20
20
Paochi Zümoyu donou Tudeeyu
1-2 Mapao nou Moses hi haibüa Israel mai hi paopeio tea paoe, “Israel mai hrohinou moa puletaoye koa hrüzhoa buyu vakou mai taralinoua puletao vei nahmaiye Molek rah thoyu hi peiyu maiye sü maisou nou chuh nou deithawulai. 3Hakinou mai talinou puhvei nahmai hai Molek rah hi peiwua avei sheeyu Sahpao nasü souzhai louzü ae sheeyu avei zhih hai soushi peilouzü, Enou puhye sü aetou laimoe ae puhye sü avei mai soua popu peilai moe. 4Ana mai ali nou puhvei nahmai hai Molek rah hi peikhai toua buyuma nuhmai rümai nou süsü ngaomo khokhosoua bulouzü ae puhye southa moa bulouzü, 5Enou mai süna pei hi ae puhvei kihikhamai hrülai pei hi aetou laimoe, ae puhye koa Eye louche moa Molek rahye thotayu maitao noupu avei mai pa soupu laimoe.
6“Hakinou mai talinou thaiyu maivei rakoye chakuyu mai hinou moa keingumai hinou kabülai tea puletao vei paodou apei khesü noutayu maiye Enou aetou laimoe, ae puhye sü avei mai soua popeipu laimoe. 7Neletao hai shee-a bulo, daiolouzü E hai neletao Ramai Mapao nasüe. 8Avei chikha khesü zülo, daiolouzü Enou neletaoye soushee peiyu Mapao-e.”
9Mai taralia lah puhvei pfüpuoye chaayu maiye sü southalai; puhnou thaiyu sü lah thai züa thai-a baie.
10Maivei kipfü maiye sapa louzü, puhai mai ahai khinou southalai. 11Mai talinou puh puo chapfüye sazü louzü, süsü puh puo ye hraongu soupeiwure, südonou puhai mai ahai khinou southalai. Puhai nou thaiyu sü lah thaizüa thai-a baie. 12Mai talinou puhvei mouye sazü louzü, puhaiye sü southalai, daiolouzü puhai nou soupfü nouyu vah sü souwure, südonou thai züa thai-a baie. 13Poutumai ali nou poutumai ali hi vah ashi soulouzü, süsü puhai nou ngaorayu vah souwure, südonou puhai mai ahai nou southawulai. Puhai nou thaiyu sü thaizüa thai-a baie. 14Mai ali nou pfü ae nahmai ahai nou nalouzü, puletao mai asü nou mei hinou deithawulai, daiolouzü puletao nou kaomoyu vah souwure; sübüyu vah haso khesü panou neletao hi vepaso. 15Mai ali nou kikhaorü aliye sabu sazü louzü, kikhaorü na-a ae maina-a koa southalai. 16Naotumai ali nou kikhaorü ye sazü louzü, naotupai-a ae kikhaorü na-a southa khilai. Puletao hai lah thaizüa thai-a baie.
17Mai talinou lah tupfü maiye nalouzü, süsü hrao hraodu ali-e, südonou puhaiye sü maihro hinou hulaiwulai. Puhnou lah puhvei tupfü maiye sazüyu donou lah puh hi veahoyu sü pove loua baie. 18Mai talinou zhe ta-a buyu naotumai aliye sazü louzü, puhai mai ahai khinou maihro hinou hulaiwulai, daiolouzü puhai nou shee moyu vah soupfüso tea paokhai touyu nasü pfüphewure.
19Mai talinou pfü vei mitoumai moa puo vei tupfü maiye sabu sazü louzü, haisü hitei-a buyu kityarai maivei hraongu baie. Puhai nou lah mah sü pfülai. 20Mai talinou puh puo thaihou maivei chapfü maiye sazü louzü, puhai mai ahi khinou veahoyu sü ngaolai; mailia nahmai ngaolou laimoe. 21Hakinou mai talinou lah puhvei thaihou jürai maivei chapfüye nalouzü, puhai sü nahmai ha-a nou thai-a bailai. Puhai nou naanou hinou sheemoyu vah souwure ae lah thaihou jürai naye hraongu soupeiwure.
22 Mapao nou paoe, “Avei chikha teitei ae kharochi khesü zülo, sükulouzü Enou neletaoye peilaiyu Kanaan maivei teidei sünou neletaoye malai laimoe. 23Teidei sühinou hrüyu maivei zhaidou nasü thaifü taso; Enou teidei sühi hrüyu maiye sü neletaoye panou talou hrüre donou hulai peiwure. Enou ngaorayu vah ashi khesü puletao nou soupfüa baie. 24Ana veisho-a buyu teidei hai nasü Enou neletao vei kikaa soua neletao hi peilai tea paopeiwure, südonou Enou neletao hisü peilai. E hai neletao vei Ramai Mapao nasüe, ae Enou neletaoye sü tyahrü kukhe maitao hrohinou pokupa khaitoue. 25Südonou hrikhaona ae raohou katao sheewe ae katao sheemoe touyu sü soukupalo, ae shee moyu hrikhaona ae raohou khesü touso. Enou shee moe tea paokhai touyu khesü neletao nou tou louzü, neletao hai shee moa bailai. 26Neletao hai shee-a hrülai ae avei mai likhei soua bailai, daiolouzü Mapao E hai shee-e. Neletao hai avei mai soure donou Enou tyahrü kukhetao hrohinou dokupa khaitoue.
27“Naotumai moa poutumai tarali nou thaimai vei rako hi moyuma keingumai hi kabülai tea phaku louzü puhye sü chuh nou deithalai; mai talia haibüa soua thaiyu sü lah nou baie.”
Currently Selected:
LEVIMAI LARÜBVÜ 20: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LEVIMAI LARÜBVÜ 20
20
Paochi Zümoyu donou Tudeeyu
1-2 Mapao nou Moses hi haibüa Israel mai hi paopeio tea paoe, “Israel mai hrohinou moa puletaoye koa hrüzhoa buyu vakou mai taralinoua puletao vei nahmaiye Molek rah thoyu hi peiyu maiye sü maisou nou chuh nou deithawulai. 3Hakinou mai talinou puhvei nahmai hai Molek rah hi peiwua avei sheeyu Sahpao nasü souzhai louzü ae sheeyu avei zhih hai soushi peilouzü, Enou puhye sü aetou laimoe ae puhye sü avei mai soua popu peilai moe. 4Ana mai ali nou puhvei nahmai hai Molek rah hi peikhai toua buyuma nuhmai rümai nou süsü ngaomo khokhosoua bulouzü ae puhye southa moa bulouzü, 5Enou mai süna pei hi ae puhvei kihikhamai hrülai pei hi aetou laimoe, ae puhye koa Eye louche moa Molek rahye thotayu maitao noupu avei mai pa soupu laimoe.
6“Hakinou mai talinou thaiyu maivei rakoye chakuyu mai hinou moa keingumai hinou kabülai tea puletao vei paodou apei khesü noutayu maiye Enou aetou laimoe, ae puhye sü avei mai soua popeipu laimoe. 7Neletao hai shee-a bulo, daiolouzü E hai neletao Ramai Mapao nasüe. 8Avei chikha khesü zülo, daiolouzü Enou neletaoye soushee peiyu Mapao-e.”
9Mai taralia lah puhvei pfüpuoye chaayu maiye sü southalai; puhnou thaiyu sü lah thai züa thai-a baie.
10Maivei kipfü maiye sapa louzü, puhai mai ahai khinou southalai. 11Mai talinou puh puo chapfüye sazü louzü, süsü puh puo ye hraongu soupeiwure, südonou puhai mai ahai khinou southalai. Puhai nou thaiyu sü lah thaizüa thai-a baie. 12Mai talinou puhvei mouye sazü louzü, puhaiye sü southalai, daiolouzü puhai nou soupfü nouyu vah sü souwure, südonou thai züa thai-a baie. 13Poutumai ali nou poutumai ali hi vah ashi soulouzü, süsü puhai nou ngaorayu vah souwure, südonou puhai mai ahai nou southawulai. Puhai nou thaiyu sü thaizüa thai-a baie. 14Mai ali nou pfü ae nahmai ahai nou nalouzü, puletao mai asü nou mei hinou deithawulai, daiolouzü puletao nou kaomoyu vah souwure; sübüyu vah haso khesü panou neletao hi vepaso. 15Mai ali nou kikhaorü aliye sabu sazü louzü, kikhaorü na-a ae maina-a koa southalai. 16Naotumai ali nou kikhaorü ye sazü louzü, naotupai-a ae kikhaorü na-a southa khilai. Puletao hai lah thaizüa thai-a baie.
17Mai talinou lah tupfü maiye nalouzü, süsü hrao hraodu ali-e, südonou puhaiye sü maihro hinou hulaiwulai. Puhnou lah puhvei tupfü maiye sazüyu donou lah puh hi veahoyu sü pove loua baie. 18Mai talinou zhe ta-a buyu naotumai aliye sazü louzü, puhai mai ahai khinou maihro hinou hulaiwulai, daiolouzü puhai nou shee moyu vah soupfüso tea paokhai touyu nasü pfüphewure.
19Mai talinou pfü vei mitoumai moa puo vei tupfü maiye sabu sazü louzü, haisü hitei-a buyu kityarai maivei hraongu baie. Puhai nou lah mah sü pfülai. 20Mai talinou puh puo thaihou maivei chapfü maiye sazü louzü, puhai mai ahi khinou veahoyu sü ngaolai; mailia nahmai ngaolou laimoe. 21Hakinou mai talinou lah puhvei thaihou jürai maivei chapfüye nalouzü, puhai sü nahmai ha-a nou thai-a bailai. Puhai nou naanou hinou sheemoyu vah souwure ae lah thaihou jürai naye hraongu soupeiwure.
22 Mapao nou paoe, “Avei chikha teitei ae kharochi khesü zülo, sükulouzü Enou neletaoye peilaiyu Kanaan maivei teidei sünou neletaoye malai laimoe. 23Teidei sühinou hrüyu maivei zhaidou nasü thaifü taso; Enou teidei sühi hrüyu maiye sü neletaoye panou talou hrüre donou hulai peiwure. Enou ngaorayu vah ashi khesü puletao nou soupfüa baie. 24Ana veisho-a buyu teidei hai nasü Enou neletao vei kikaa soua neletao hi peilai tea paopeiwure, südonou Enou neletao hisü peilai. E hai neletao vei Ramai Mapao nasüe, ae Enou neletaoye sü tyahrü kukhe maitao hrohinou pokupa khaitoue. 25Südonou hrikhaona ae raohou katao sheewe ae katao sheemoe touyu sü soukupalo, ae shee moyu hrikhaona ae raohou khesü touso. Enou shee moe tea paokhai touyu khesü neletao nou tou louzü, neletao hai shee moa bailai. 26Neletao hai shee-a hrülai ae avei mai likhei soua bailai, daiolouzü Mapao E hai shee-e. Neletao hai avei mai soure donou Enou tyahrü kukhetao hrohinou dokupa khaitoue.
27“Naotumai moa poutumai tarali nou thaimai vei rako hi moyuma keingumai hi kabülai tea phaku louzü puhye sü chuh nou deithalai; mai talia haibüa soua thaiyu sü lah nou baie.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.