LEVIMAI LARÜBVÜ 26
26
Chi Züyu vanou Shiha Ngaoyu
(Paod 7.12-24; 28.1-14)
1 Mapao nou paoe, “Neletao nou bashara moa zhurai souloua, moyuma chuh sholaloua tholai moe. E hai neletao vei Ramai Mapao-e. 2Neletao nou Soteithe nasü tsükhoua reilai, ae Eye thoyu buh nasü khuhaolai. E hai Mapao-e.
3“Neletao nou avei chikhatao thaifüa hrülouzü, ae avei kharochi khesü züa bulouzü, 4Enou teile macha hinou teirü sü seive peilai, sübüa teidei nou chamou hai veisho-a panou peilai, ae süübe khenou rashithou alao shipeilai. 5Neletao nou chachi chelou moa bukinou darkhashi sü haitou talai, ae darkhashi haitou chelou moa bukinou taimou thoukhai touyu khesü phoutou talai. Neletao nou tounüyu veishi hai ngaoloulai, ae neletao vei teidei hinou kaozhou vei-a hrüloulai.
6“Enou neletao vei teidei hisü kaonayu hai peilai, ae neletao nou ngaopiyu halia ha-a nou züzhi loulai. Enou khaosou ashi khesü neletao vei teidei hinou hulai peilai, ae neletao vei teidei hisü panou soureih soupulai moe. 7Neletao nou ngaobayu maitao jünou reih veiloulai. 8Neletao mai angou nou mai kaihli hai duloua bailai, ae neletao mai kaihli nou mai thekirou hai duloulai. 9Enou neletaoye shiha peilai ae toudzü alao peilai; Enou neletaoye koa vo soukhai touyu nasü soupeilai. 10Neletaoye panou veisho-a chachi loulai, ae thouthou vapove thoure donou thouvo buyu khesü panou buh soudupua hrüyu sü soulai. 11Enou avei sheeyu Sahpao hinou neletaoye koa bulai, ae Enou neletao hinou tarei tavai khaitou peilai moe. 12Enou neletaoye koa bulai; Enou neletao vei Ramai sü soulai, ae neletao nou avei mai soulai. 13Neletaoye panou qila soua bumore donou neletao vei Ramai Mapao Enou neletaoye sü Ejipt hinou sapa peikhai toue. Enou neletaoye soutai sounou pei-a buyu khouko nasü souha peiwua neletaoye panou pei pfülapoa tayu sü soupeie.”
Chi Zübayu donou Tudeere
(Paod 28.15-68)
14 Mapao nou paoe, “Hakinou neletao nou avei chikhatao hai zümore toulouzü, neletaoye sü Enou tudeelai. 15Neletao nou avei chikhatao ae kharochi khesü züba louzü, ae Enou neletaoye koa vo soukhai touyu nasü pfütho louzü, 16Enou neletaoye sü tudeelai. Enou neletao hisü ngaopi shoyu veahoyu khesü seive peilai, neletaoye soukanghi peiyu ae rachi-a southou nghithou chayu ae neletao vei hrüh hai soukhai laiwulai. Neletao nou taimou daothouyuma süsü hamako hinou panou thou-a bailai, daiolouzü neletaoye ngaobayu maitaoye panou süsü touloua bailai. 17Enou neletaoye sü dutalai; sübüa neletaoye panou hraongu ngao-a bailai, ae neletaoye ngaora-a buyu maitaoye panou neletaoye tukha poa hrülai; mailia neletaoye thaihu moyuma neletao hai ngaopi shopoa nou tuta-a bailai.
18“Haibü peia buyuma neletao nou achi züba louzü, Enou veahoyu hai avu anai thoupuloua neletaoye tudeepu peilai. 19Enou neletao vei khaophu soua rochiyu nasü souha peilai; neletao vei teidei hisü panou teirü peilai moe, ae neletao vei dei sü thekei teanou pa huh büa khoulai. 20Neletao nou veasho-a nou vah souyu telai veishi sü panou hamako bailai, daiolouzü neletao vei teidei sü thoudzü lia papeilai moe, ae rashibe khesü rashithou shipeilai moe.
21“Neletao nou achi züba-a Eye khaityapu louzü, Enou neletao hisü avu anai hai veahoyu sü thoupu peilai. 22Enou neletao hisü soukhao ashi khesü seive peilai, ae puletaoye panou neletao vei nahmaitaoye southawulai, kikhaorü khesü panou nütou loulai, ae neletaoye panou hrüshi louta-a ludu khesü panou mai haomo ta-a bailai.
23“Haibüa tukha peia buyuma neletao nou ahi dakhai vemoa Eye khaitya bulouzü, 24Enou neletaoye sü avu anai hai le veahoyu pei hinou thoupuloua tudee peilai. 25Neletao nou vo soukhai touyu nasü pfüthoyu donou Enou neletaoye soureih nou seive peia tudee peilai. Hakinou neletao nou nuhdutao hinou tuve jüloua buyuma Enou neletao hisü rahta-rahvu sünou seive peilai, sübüa neletaoye panou ngaobayu maitao nghoujü nou hraongu sü ngaolai. 26Neletao nou ngaotou ngaoso-a buyu ludu khesü Enou soude laiwulai, sübüa naotumai kirou nou hakouyu thaobvü ali hinou hakhotoua bailai. Puletao nou süna hai zhitoulai, ana pouphou laimoe.
27“Hai koute-a neletao nou achi züba-a Eye khaitya louzü, 28avei lekha rarou hinou neletaoye raichoki veahoyu jünou bakha anai hai souveapu peilai. 29Neletao nou houzü zhuleyu donou lah neletao vei nahmai koute-a panou toulai. 30Neletao nou deichitao hinou soukhai touyu rathobuh khesü Enou soushiwulai, neletao vei poukai nüvei meidei-a posheelabu khesü Enou dakho laiwulai, ae neletao vei thaiphao khesü panou kaodua buyu neletao vei basharatao pei hi laikhai peilai. Enou neletaoye ngaorayu hinou 31neletao vei nuhdu khesü soukanghi khaiwulai, neletao nou rathoyu buh khesü soushiwulai, ae neletao nou posheela peiyu khesü Enou popeilai moe. 32Enou neletao vei teidei sü soushi sousasa khaiwulai, sübüa teidei hai hi tave füshoyu neletao vei ngaobayu maitao hai khupa soulai. 33Enou neletao hisü soureih pove peilai ae neletaoye vakou maivei teidei hisü soupho rarou khaiwulai. Neletao vei teidei hisü panou mai hrülai moe, ae neletao vei nuhdu khesü soushi khaiwulai. 34-35Süthaisü neletao vei teidei hai panou vaphi tea soyu ngaoloulai, neletao nou ngaobayu maitao vei teidei hinou bubusa sü neletao vei teidei hai soyu ngaoloulai.
36“Vakou maivei teidei hi nüpoa tayu maitaoye sü Enou ngaopi shoyu soupeilai, sübüa puletaoye panou teikhai nou süünghou ali hüle peiyu kho koute-a choulouyu phaki panou ngaopi-a tutalai. Mai linoua thaihu moyuma soureih hinou tutayu büa panou tutalai, ae ngaobamai hai nghiki ha-a buyuma panou kaodu ta-a bailai. 37Mai linoua thaihu moa buyuma neletao hai alinou ali hinou hraloua kaodu ta-a bailai, ae ngaoba maiye dulou ho-a bailai. 38Neletao hai vakou maivei teidei hinou thaita-a bailai, ae ngaobayu maivei teidei hinou neletaoye sü poa daovua bailai. 39Shokhai toua buyu maitao hai lah puletao vei mahmo donou ae puletao vei puopao maitao vei mah donou ngaobayu maitao vei teidei hinou hakata-a bailai.
40“Ana puletao vei nahmai tyaomaitao nou puletao vei mah ae puletao vei puopao maitao nou soumah khaitouyu ae Eye khaitya khaitouyu khesü mahwure tea mahla loulai, 41ae süvanou Enou puletao pei hi rarouloua puletaoye sü ngaobayu maitao vei teidei hi seiho khaiwure. Akhai hikou haibüa neletao vei nahmai tyaomaitao nou leda louzü ae puletao vei mah donou veahoyu hai ngaoloure toulouzü, 42Enou Jakob, Isaak ae Abraham hi vo soukhai touyu nasü licho peilai, ae Enou avei maitao hi teidei nasü peilai tea chaachou soukhai touyu vo nasü soudakhaipu peilai. 43Daiolouzü rai-a nou teidei nasü panou mai hrümoa thaokhailai, sübüa teidei sü panou soyu hai ngaoche loulai, ae puletao nou lah vei mahmo donou veahoyu sü ngaolai, daiolouzü puletao nou avei chikhatao ae kharochi khesü züba-a malaiwure. 44Ana puletao nou ngaobayu maitao vei teidei hinou buyuma, Enou puletaoye sü souhakhai toupeilai moe. Sübüa soure touyu thaio, Enou puletao vei Ramai Mapao soulai tea vo soukhai touyu nasü ha-a bailai. 45Enou puletao vei puopao maitaoye tyahrü kukhe maitao nghoujü hinou avei khouko soungao-a puletaoye Ejipt teidei hinou sapa peie, ae Enou puletao vei Ramai Mapao soulai tea vo soukhai touyu nasü soupu peilai.”
46Haitao teitei hai Mapao vei Chikha ae kharochi soulai tea puhnou Sinai Deichi hinou Israel maiye donou Moses hi peie.
Currently Selected:
LEVIMAI LARÜBVÜ 26: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LEVIMAI LARÜBVÜ 26
26
Chi Züyu vanou Shiha Ngaoyu
(Paod 7.12-24; 28.1-14)
1 Mapao nou paoe, “Neletao nou bashara moa zhurai souloua, moyuma chuh sholaloua tholai moe. E hai neletao vei Ramai Mapao-e. 2Neletao nou Soteithe nasü tsükhoua reilai, ae Eye thoyu buh nasü khuhaolai. E hai Mapao-e.
3“Neletao nou avei chikhatao thaifüa hrülouzü, ae avei kharochi khesü züa bulouzü, 4Enou teile macha hinou teirü sü seive peilai, sübüa teidei nou chamou hai veisho-a panou peilai, ae süübe khenou rashithou alao shipeilai. 5Neletao nou chachi chelou moa bukinou darkhashi sü haitou talai, ae darkhashi haitou chelou moa bukinou taimou thoukhai touyu khesü phoutou talai. Neletao nou tounüyu veishi hai ngaoloulai, ae neletao vei teidei hinou kaozhou vei-a hrüloulai.
6“Enou neletao vei teidei hisü kaonayu hai peilai, ae neletao nou ngaopiyu halia ha-a nou züzhi loulai. Enou khaosou ashi khesü neletao vei teidei hinou hulai peilai, ae neletao vei teidei hisü panou soureih soupulai moe. 7Neletao nou ngaobayu maitao jünou reih veiloulai. 8Neletao mai angou nou mai kaihli hai duloua bailai, ae neletao mai kaihli nou mai thekirou hai duloulai. 9Enou neletaoye shiha peilai ae toudzü alao peilai; Enou neletaoye koa vo soukhai touyu nasü soupeilai. 10Neletaoye panou veisho-a chachi loulai, ae thouthou vapove thoure donou thouvo buyu khesü panou buh soudupua hrüyu sü soulai. 11Enou avei sheeyu Sahpao hinou neletaoye koa bulai, ae Enou neletao hinou tarei tavai khaitou peilai moe. 12Enou neletaoye koa bulai; Enou neletao vei Ramai sü soulai, ae neletao nou avei mai soulai. 13Neletaoye panou qila soua bumore donou neletao vei Ramai Mapao Enou neletaoye sü Ejipt hinou sapa peikhai toue. Enou neletaoye soutai sounou pei-a buyu khouko nasü souha peiwua neletaoye panou pei pfülapoa tayu sü soupeie.”
Chi Zübayu donou Tudeere
(Paod 28.15-68)
14 Mapao nou paoe, “Hakinou neletao nou avei chikhatao hai zümore toulouzü, neletaoye sü Enou tudeelai. 15Neletao nou avei chikhatao ae kharochi khesü züba louzü, ae Enou neletaoye koa vo soukhai touyu nasü pfütho louzü, 16Enou neletaoye sü tudeelai. Enou neletao hisü ngaopi shoyu veahoyu khesü seive peilai, neletaoye soukanghi peiyu ae rachi-a southou nghithou chayu ae neletao vei hrüh hai soukhai laiwulai. Neletao nou taimou daothouyuma süsü hamako hinou panou thou-a bailai, daiolouzü neletaoye ngaobayu maitaoye panou süsü touloua bailai. 17Enou neletaoye sü dutalai; sübüa neletaoye panou hraongu ngao-a bailai, ae neletaoye ngaora-a buyu maitaoye panou neletaoye tukha poa hrülai; mailia neletaoye thaihu moyuma neletao hai ngaopi shopoa nou tuta-a bailai.
18“Haibü peia buyuma neletao nou achi züba louzü, Enou veahoyu hai avu anai thoupuloua neletaoye tudeepu peilai. 19Enou neletao vei khaophu soua rochiyu nasü souha peilai; neletao vei teidei hisü panou teirü peilai moe, ae neletao vei dei sü thekei teanou pa huh büa khoulai. 20Neletao nou veasho-a nou vah souyu telai veishi sü panou hamako bailai, daiolouzü neletao vei teidei sü thoudzü lia papeilai moe, ae rashibe khesü rashithou shipeilai moe.
21“Neletao nou achi züba-a Eye khaityapu louzü, Enou neletao hisü avu anai hai veahoyu sü thoupu peilai. 22Enou neletao hisü soukhao ashi khesü seive peilai, ae puletaoye panou neletao vei nahmaitaoye southawulai, kikhaorü khesü panou nütou loulai, ae neletaoye panou hrüshi louta-a ludu khesü panou mai haomo ta-a bailai.
23“Haibüa tukha peia buyuma neletao nou ahi dakhai vemoa Eye khaitya bulouzü, 24Enou neletaoye sü avu anai hai le veahoyu pei hinou thoupuloua tudee peilai. 25Neletao nou vo soukhai touyu nasü pfüthoyu donou Enou neletaoye soureih nou seive peia tudee peilai. Hakinou neletao nou nuhdutao hinou tuve jüloua buyuma Enou neletao hisü rahta-rahvu sünou seive peilai, sübüa neletaoye panou ngaobayu maitao nghoujü nou hraongu sü ngaolai. 26Neletao nou ngaotou ngaoso-a buyu ludu khesü Enou soude laiwulai, sübüa naotumai kirou nou hakouyu thaobvü ali hinou hakhotoua bailai. Puletao nou süna hai zhitoulai, ana pouphou laimoe.
27“Hai koute-a neletao nou achi züba-a Eye khaitya louzü, 28avei lekha rarou hinou neletaoye raichoki veahoyu jünou bakha anai hai souveapu peilai. 29Neletao nou houzü zhuleyu donou lah neletao vei nahmai koute-a panou toulai. 30Neletao nou deichitao hinou soukhai touyu rathobuh khesü Enou soushiwulai, neletao vei poukai nüvei meidei-a posheelabu khesü Enou dakho laiwulai, ae neletao vei thaiphao khesü panou kaodua buyu neletao vei basharatao pei hi laikhai peilai. Enou neletaoye ngaorayu hinou 31neletao vei nuhdu khesü soukanghi khaiwulai, neletao nou rathoyu buh khesü soushiwulai, ae neletao nou posheela peiyu khesü Enou popeilai moe. 32Enou neletao vei teidei sü soushi sousasa khaiwulai, sübüa teidei hai hi tave füshoyu neletao vei ngaobayu maitao hai khupa soulai. 33Enou neletao hisü soureih pove peilai ae neletaoye vakou maivei teidei hisü soupho rarou khaiwulai. Neletao vei teidei hisü panou mai hrülai moe, ae neletao vei nuhdu khesü soushi khaiwulai. 34-35Süthaisü neletao vei teidei hai panou vaphi tea soyu ngaoloulai, neletao nou ngaobayu maitao vei teidei hinou bubusa sü neletao vei teidei hai soyu ngaoloulai.
36“Vakou maivei teidei hi nüpoa tayu maitaoye sü Enou ngaopi shoyu soupeilai, sübüa puletaoye panou teikhai nou süünghou ali hüle peiyu kho koute-a choulouyu phaki panou ngaopi-a tutalai. Mai linoua thaihu moyuma soureih hinou tutayu büa panou tutalai, ae ngaobamai hai nghiki ha-a buyuma panou kaodu ta-a bailai. 37Mai linoua thaihu moa buyuma neletao hai alinou ali hinou hraloua kaodu ta-a bailai, ae ngaoba maiye dulou ho-a bailai. 38Neletao hai vakou maivei teidei hinou thaita-a bailai, ae ngaobayu maivei teidei hinou neletaoye sü poa daovua bailai. 39Shokhai toua buyu maitao hai lah puletao vei mahmo donou ae puletao vei puopao maitao vei mah donou ngaobayu maitao vei teidei hinou hakata-a bailai.
40“Ana puletao vei nahmai tyaomaitao nou puletao vei mah ae puletao vei puopao maitao nou soumah khaitouyu ae Eye khaitya khaitouyu khesü mahwure tea mahla loulai, 41ae süvanou Enou puletao pei hi rarouloua puletaoye sü ngaobayu maitao vei teidei hi seiho khaiwure. Akhai hikou haibüa neletao vei nahmai tyaomaitao nou leda louzü ae puletao vei mah donou veahoyu hai ngaoloure toulouzü, 42Enou Jakob, Isaak ae Abraham hi vo soukhai touyu nasü licho peilai, ae Enou avei maitao hi teidei nasü peilai tea chaachou soukhai touyu vo nasü soudakhaipu peilai. 43Daiolouzü rai-a nou teidei nasü panou mai hrümoa thaokhailai, sübüa teidei sü panou soyu hai ngaoche loulai, ae puletao nou lah vei mahmo donou veahoyu sü ngaolai, daiolouzü puletao nou avei chikhatao ae kharochi khesü züba-a malaiwure. 44Ana puletao nou ngaobayu maitao vei teidei hinou buyuma, Enou puletaoye sü souhakhai toupeilai moe. Sübüa soure touyu thaio, Enou puletao vei Ramai Mapao soulai tea vo soukhai touyu nasü ha-a bailai. 45Enou puletao vei puopao maitaoye tyahrü kukhe maitao nghoujü hinou avei khouko soungao-a puletaoye Ejipt teidei hinou sapa peie, ae Enou puletao vei Ramai Mapao soulai tea vo soukhai touyu nasü soupu peilai.”
46Haitao teitei hai Mapao vei Chikha ae kharochi soulai tea puhnou Sinai Deichi hinou Israel maiye donou Moses hi peie.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.