LUK 11
11
Jisu nou Veachi Paoyu vanou Doupeiyu
(Mt 6.9-13; 7.7-11)
1Teithe ali hisü Jisu hai buh ali hinou veachi paoa bue. Alia puhnou veachi paocheyu kisü, puhvei rozümaitao hrohinou alinou puh hi paoe, “Mapao, Johan nou puh rozümaitaoye veachi paodou peiyu büa Eletaoye-a veachi paodoupeio.”
2Jisu nou puletao hi paoe, “Neletao nou veachi paoyu kisü haibüa paolo:
‘Eletao Puo:
Nezhih soushee peio;
Ne Vedei vepeio.
3Eletao hi teithe tsünou nai naivei touso peikhaio.
4Alia Eh mahsü khaipeio daiolouzü Ehnou Eh pei hi mah souyumai taliye khaipeie.
Alia Ehye athaohi süthou peiwuso.’ ”
5Alia Jisu nou puh rozümai taohi paoe, “Hakinou neletao hrohinou mailinou puh vei samai ali bua puhnou puh samai sünahi khei tsüle hinou taveloua puh hinou, ‘Asana, Ahi raokhao pho asü poupeio; 6daiolouzü Asamaili veihdu hinou Akihi velouwe, alia puh hi peire Ahi halia hazheire;’ tea paolouzü, 7kikha hinou mai sünanou ‘Eye souveaso; chuo ki-a khure; alia Anahmaitao-a Eye koa züh hinou pa züre; Enou shuloua neye halia peilou hore,’ tea paolai. 8Veire, sübülouzü katoulai? Enou neletao hi paowe, mai sünanou puhye samai souyu donou shuloua puh hi halia peimokhaia, puhnou ahrao ha-a khokhai khokhaiyu vanou mai sünanou shuloua puh hisü puhnou züpayu teitei sü peilai.
9“Alia Enou neletao hi paowe: Khokhaio, sünasü neletao hi peilai; phoukhaio, neletao nou ngaoloulai; khoukhaio, kikhu sü neletao hi houthou peilai. 10Daiolouzü khoyumai talinou ngaolouwe, alia phouyu puhnou daolouwe, alia kikhu khoua buyu puh hisü houthou peilai. 11Alia neletao hrohinou kabüyu puonou puh nahpoutu nou khah kholouzü, khahsüh soua nghounou puh hi peilai? 12Moa puhnou houdzü kholouzü, puh hisü hairakhao nou peilaiwu? 13Südonou shi-a buyu neletao koute-a neletao nahmaitao hi avei nataonou peilou sülouzü, daizhozhou koute kou-a rakibu Puonou puh hinou khoyu maitao hisü Rako Mashinou peilaisa.”
Jisu ea Beelzebul
(Mt 12.22-30; Mk 3.20-27)
14Chuo Jisu nou la hayu rashi aliye hulai pare; alia rashi sünanou tapa louyu thaisü, lahayu mai sünasü lapha loure, alia maikhe maisü khupa loure. 15Ana maikhemai kamaia nou paoe, “Puhnou rashitao pei hi aduna Beelzebul vei khouko hinou rashitaoye hupawe.”
16Kukhemai taonou Jisu vei mah phoupalou nüa raki hinou shee ali pongaore donou puh hinou khoe. 17Ana puhnou puletao vei lesü süloua puletao hi paoe, “Vedei talia meme soua dadezhiloua alinou lipei reihzü louzü busho laimoe, alia kikhali hai lah meme soua dade zhiwu louzü kaota bailai. 18Alia Saitan vei vedei-a lah meme soua dadeloua alinou lipei hi reihzü louzü, kabüa puh vei vedei sü laloulai? Daiolouzü neletao nou Eyenou Beelzebul vei khouko vanou rashitaoye hupawe tea paowe. 19Alia Enou Beelzebul khouko vanou rashitaoye hulai palouzü, neletao thaifümai taohi rashi hulai payu khouko thaohnou peiwe? Südonou neletao vei thaifümai taonou souyu nanou neletao hai mahre touyu vei zhopaoh souwe. 20Ana Enou rashitaoye hulai payuhai Ramai vei khouko hinoue toulouzü, sünanou Ramai Vedei hai neletao hi veloure touyu zhopaoh souwe.
21“Khouyumai alinou reihna thoucheloua puh ki khotou louyu hinou, puh vei kinatao hakhaimoa khaitoulou baiwe. 22Ana puh jünou khouyu mai alinou tave duloua puhye kolouyu kisü, puhnou lüa buyu puhvei reihna taosü mai sünanou potalou baiwe ea puh hinou saolouyu na taosü zhilou baiwe.
23“Eye kozho moyu maitali sü Eye motouwe, alia Eye koa podzü moyu puhwo sourarou baiwe.”
Rashi nanou Dakhai Veyu
(Mt 12.43-45)
24“Rashi nanou mai ali hinou tapa louyu kisü, puhnou deithe buhtao hinou tasühaopoa soloure buh phoutawe; anou buhlia phouhayu kisü puhnou paowe, ‘E Akihi khaivelai.’ 25Alia puhnou khaiveyu kisü, ki sünasü vaishitou khaitoua ea zhaiveitoua ve ngaoloue. 26Süthaisü puhnou vakouhi taloua puh jünou shikouyu rashi kukhe anaiye saveloue, alia puletao nou talouloua sühinou lou buh souloure; alia mai sünavei hrü nanasü raina jünou shipusho tare.”
Chekhao-a Vayuna
27Alia Jisu nou sübüa chi paoyu hinou maisou hrohinou naotumai alinou pai kusholoua puh hi paoe, “Neye hrüpeiyu ea kipa peiyu naotupai sünasü daizhozhou rako veisa!”
28Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”
Khupa Vah Ali Soupeire donou Khoyu
(Mt 12.38-42)
29Alia maisou alaosou tave Jisu ye sühao louyu kisü, puhnou paoshu tare, “Maikha haina hai ashi khae; puletao nou shee phoue, ana Jonah vei shee baimoa shee kukhe ali-a puletao hi peilaimoe. 30Daiolouzü Nineva maitao donou Jonah nou shee baiyu büa, Mai Nahpoutu nou maikha haina vei donou shee bailai. 31Chikuyu teithe kisü Sheba hi Veopai nou maikha haina vei maikhemai taoye koa hrishuloua puletaoye mah dukhailai; daiolouzü naotu süpainou Solomon vei ratsü keire donou deiphao akhai hinou tave-e, alia zhukhaio, Solomon jünou dukouyu ali haihi bue. 32Chikuyu teithe kisü Nineva hi maitao nou maikha hainaye koa hrishuloua puletaoye mah dukhailai; daiolouzü puletao nou Jonah nou ko paodouyu hinou le daloue, alia zhukhaio, Jonah jünou dukouyu ali haihi bue!
Pfüphao vei Ava
(Mt 5.15; 6.22-23)
33“Maitalinou-a meibvü taoloua khei-a moa sülai khehi poku khaimoe, ana ava nasü kihi tave louyu mai hrülaiye panou ngaoloure donou sünasü meibvü dzükhaiyu buh hi pokhaiwu baiwe. 34Ne pfüphao vei meibvü hai nevei nghithoue. Nevei nghithou nou veibu kisü, nevei pfüphao teitei sü avanou phoua bue; ana süna nou veikhai moyu kisü, nevei pfüphao sü maitei-a bue. 35Südonou leikeilo, molouzü nehi buyu ava nasü maita bailai. 36Südonou nevei pfüphao teitei sü maiyubuh lia ha-a avanou phoutsüpoa bulouzü, meibvü avanou nehi phukhaiyu büa, sünasü teitei nou varulai.”
Jisu nou Phariseemai ea Razhai Dou-apeimaiye Mah Dukhaiyu
(Mt 23.1-36; Mk 12.38-40)
37Jisu nou chi paocheyu kisü, Phariseemai alinou Jisu ye nou tave puh ki hinou touzhore donou kue; südonou puhnou taloua sühinou toure donou kou buloure. 38Alia Jisu nou toumo jühinou bahdzü teimoyu sü ngaoloua Phariseemai sünasü khupa loure. 39Südonou Mapao nou puh hi paoe, “Chuo Phariseemai neletao nou neletao vei pai-khao hai vakou hiwo louzü khüsheewe, ana neletao vei lekhehiwo louzü maivei pitouyu ea ashinou phoua bue. 40Avoyu taore! Vakou soupeiyu Ramai puhnou lekhe-a soupei mowu? 41Ana lekhehi buyu taonou peikhaio; alia zhukhaio, ha teitei sü neletaoye donou sheebailai.
42“Ana Phariseemaitao neletaoye donou daizhozhou ngaopisa! Daiolouzü neletao nou Ramai vei kainü veiyu vu-poutao süolouzü naipya, seisai ea vu-pou kukhe veishiwo louzü zha kirou hinou zhali posheelae, checheyu ea Ramaiye leshiyuwo louzü ngaophoumoe. Kukhetao ngaophou moyu soumoa neletao nou haitaohai soulouyu phae.
43“Phariseemaitao, neletaoye donou daizhozhou ngaopisa! Daiolouzü neletao nou rathobuh taohi avei veilai buh taohi buyu ea maiye panou neletaoye hupobuh kijü khonou khurüyu züpae. 44Neletaoye donou daizhozhou ngaopisa! Daiolouzü neletao sü maikhe mainou sükhaimoa takou takhe-a buyu paoshee soumoyu khühtaoye raiwe.”
45Razhai dou-apeimaitao hrohinou alinou puh hi paoe, “Dou-apeio, nenou sübüa paoyu sü Ehye-a sou ahrao peiwe!”
46Jisu nou chila peie, “Razhai dou-apeimaitao neletaoye donou-a daizhozhou ngaopisa! Daiolouzü neletao nou kou pfüpailou hoyu taosü maikhe maiye panou pfüe, ana lah neletaowo louzü kou sütaosü neletao vei bahtou ali koutenou-a deimoe. 47Neletaoye donou daizhozhou ngaopisa! Daiolouzü neletao vei puo-paomai taonou southeawuyu rachi paolamai taovei khühtao sü neletao nou souwe. 48Südonou neletao nou neletao puo-paomai taovei vahtao sü aetouwe touyu sü zhopaoh souwe; daiolouzü puletao nou rachi paolamai taoye southeare, alia neletao nou puletao vei khüh sü souwe. 49Sübüyu vanou Ramai vei Ratsü hinou-a paoe, ‘Enou puletao hi rachi paolamaitao ea sei-ata maitaoye seivelai, alia puletao nou puletao kamaiye southealai ea kukhemai taoye sü souvea souholai.’ 50Südonou deiphao soushu rainou rachi paolamaitao hrülaiye southeawuyu zhe sütao, 51süolouzü Abel vei zhe hinou shua sheelabuh ea Mashi buh kole hinou southeawuyu Zekharia vei zhe koute donou maikha haina hinou khüh phoulai. Ovai, Enou neletao hi paoe, sütao teitei donou maikha haina hinou khüh phoulai!
52“Razhai dou-apeimaitao neletaoye donou daizhozhou ngaopisa! Daiolouzü neletao nou tsü kikhu houpeire khareih sü poloure; lah neletao-a taloumoe, alia taloulai tea te-a buyu maitaoye-a neletao nou nuwure!”
53Alia Jisu nou buh sünasü thaowu-a tayu kisü, razhai dou-apeimaitao ea Pharisee maitao nou rarousholoua puh hinou chi tyali noukhai noukhaitare, 54sübüa puhnou paomah pare nasü niloure donou puletao nou dateipoa buloure.
Currently Selected:
LUK 11: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LUK 11
11
Jisu nou Veachi Paoyu vanou Doupeiyu
(Mt 6.9-13; 7.7-11)
1Teithe ali hisü Jisu hai buh ali hinou veachi paoa bue. Alia puhnou veachi paocheyu kisü, puhvei rozümaitao hrohinou alinou puh hi paoe, “Mapao, Johan nou puh rozümaitaoye veachi paodou peiyu büa Eletaoye-a veachi paodoupeio.”
2Jisu nou puletao hi paoe, “Neletao nou veachi paoyu kisü haibüa paolo:
‘Eletao Puo:
Nezhih soushee peio;
Ne Vedei vepeio.
3Eletao hi teithe tsünou nai naivei touso peikhaio.
4Alia Eh mahsü khaipeio daiolouzü Ehnou Eh pei hi mah souyumai taliye khaipeie.
Alia Ehye athaohi süthou peiwuso.’ ”
5Alia Jisu nou puh rozümai taohi paoe, “Hakinou neletao hrohinou mailinou puh vei samai ali bua puhnou puh samai sünahi khei tsüle hinou taveloua puh hinou, ‘Asana, Ahi raokhao pho asü poupeio; 6daiolouzü Asamaili veihdu hinou Akihi velouwe, alia puh hi peire Ahi halia hazheire;’ tea paolouzü, 7kikha hinou mai sünanou ‘Eye souveaso; chuo ki-a khure; alia Anahmaitao-a Eye koa züh hinou pa züre; Enou shuloua neye halia peilou hore,’ tea paolai. 8Veire, sübülouzü katoulai? Enou neletao hi paowe, mai sünanou puhye samai souyu donou shuloua puh hi halia peimokhaia, puhnou ahrao ha-a khokhai khokhaiyu vanou mai sünanou shuloua puh hisü puhnou züpayu teitei sü peilai.
9“Alia Enou neletao hi paowe: Khokhaio, sünasü neletao hi peilai; phoukhaio, neletao nou ngaoloulai; khoukhaio, kikhu sü neletao hi houthou peilai. 10Daiolouzü khoyumai talinou ngaolouwe, alia phouyu puhnou daolouwe, alia kikhu khoua buyu puh hisü houthou peilai. 11Alia neletao hrohinou kabüyu puonou puh nahpoutu nou khah kholouzü, khahsüh soua nghounou puh hi peilai? 12Moa puhnou houdzü kholouzü, puh hisü hairakhao nou peilaiwu? 13Südonou shi-a buyu neletao koute-a neletao nahmaitao hi avei nataonou peilou sülouzü, daizhozhou koute kou-a rakibu Puonou puh hinou khoyu maitao hisü Rako Mashinou peilaisa.”
Jisu ea Beelzebul
(Mt 12.22-30; Mk 3.20-27)
14Chuo Jisu nou la hayu rashi aliye hulai pare; alia rashi sünanou tapa louyu thaisü, lahayu mai sünasü lapha loure, alia maikhe maisü khupa loure. 15Ana maikhemai kamaia nou paoe, “Puhnou rashitao pei hi aduna Beelzebul vei khouko hinou rashitaoye hupawe.”
16Kukhemai taonou Jisu vei mah phoupalou nüa raki hinou shee ali pongaore donou puh hinou khoe. 17Ana puhnou puletao vei lesü süloua puletao hi paoe, “Vedei talia meme soua dadezhiloua alinou lipei reihzü louzü busho laimoe, alia kikhali hai lah meme soua dade zhiwu louzü kaota bailai. 18Alia Saitan vei vedei-a lah meme soua dadeloua alinou lipei hi reihzü louzü, kabüa puh vei vedei sü laloulai? Daiolouzü neletao nou Eyenou Beelzebul vei khouko vanou rashitaoye hupawe tea paowe. 19Alia Enou Beelzebul khouko vanou rashitaoye hulai palouzü, neletao thaifümai taohi rashi hulai payu khouko thaohnou peiwe? Südonou neletao vei thaifümai taonou souyu nanou neletao hai mahre touyu vei zhopaoh souwe. 20Ana Enou rashitaoye hulai payuhai Ramai vei khouko hinoue toulouzü, sünanou Ramai Vedei hai neletao hi veloure touyu zhopaoh souwe.
21“Khouyumai alinou reihna thoucheloua puh ki khotou louyu hinou, puh vei kinatao hakhaimoa khaitoulou baiwe. 22Ana puh jünou khouyu mai alinou tave duloua puhye kolouyu kisü, puhnou lüa buyu puhvei reihna taosü mai sünanou potalou baiwe ea puh hinou saolouyu na taosü zhilou baiwe.
23“Eye kozho moyu maitali sü Eye motouwe, alia Eye koa podzü moyu puhwo sourarou baiwe.”
Rashi nanou Dakhai Veyu
(Mt 12.43-45)
24“Rashi nanou mai ali hinou tapa louyu kisü, puhnou deithe buhtao hinou tasühaopoa soloure buh phoutawe; anou buhlia phouhayu kisü puhnou paowe, ‘E Akihi khaivelai.’ 25Alia puhnou khaiveyu kisü, ki sünasü vaishitou khaitoua ea zhaiveitoua ve ngaoloue. 26Süthaisü puhnou vakouhi taloua puh jünou shikouyu rashi kukhe anaiye saveloue, alia puletao nou talouloua sühinou lou buh souloure; alia mai sünavei hrü nanasü raina jünou shipusho tare.”
Chekhao-a Vayuna
27Alia Jisu nou sübüa chi paoyu hinou maisou hrohinou naotumai alinou pai kusholoua puh hi paoe, “Neye hrüpeiyu ea kipa peiyu naotupai sünasü daizhozhou rako veisa!”
28Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”
Khupa Vah Ali Soupeire donou Khoyu
(Mt 12.38-42)
29Alia maisou alaosou tave Jisu ye sühao louyu kisü, puhnou paoshu tare, “Maikha haina hai ashi khae; puletao nou shee phoue, ana Jonah vei shee baimoa shee kukhe ali-a puletao hi peilaimoe. 30Daiolouzü Nineva maitao donou Jonah nou shee baiyu büa, Mai Nahpoutu nou maikha haina vei donou shee bailai. 31Chikuyu teithe kisü Sheba hi Veopai nou maikha haina vei maikhemai taoye koa hrishuloua puletaoye mah dukhailai; daiolouzü naotu süpainou Solomon vei ratsü keire donou deiphao akhai hinou tave-e, alia zhukhaio, Solomon jünou dukouyu ali haihi bue. 32Chikuyu teithe kisü Nineva hi maitao nou maikha hainaye koa hrishuloua puletaoye mah dukhailai; daiolouzü puletao nou Jonah nou ko paodouyu hinou le daloue, alia zhukhaio, Jonah jünou dukouyu ali haihi bue!
Pfüphao vei Ava
(Mt 5.15; 6.22-23)
33“Maitalinou-a meibvü taoloua khei-a moa sülai khehi poku khaimoe, ana ava nasü kihi tave louyu mai hrülaiye panou ngaoloure donou sünasü meibvü dzükhaiyu buh hi pokhaiwu baiwe. 34Ne pfüphao vei meibvü hai nevei nghithoue. Nevei nghithou nou veibu kisü, nevei pfüphao teitei sü avanou phoua bue; ana süna nou veikhai moyu kisü, nevei pfüphao sü maitei-a bue. 35Südonou leikeilo, molouzü nehi buyu ava nasü maita bailai. 36Südonou nevei pfüphao teitei sü maiyubuh lia ha-a avanou phoutsüpoa bulouzü, meibvü avanou nehi phukhaiyu büa, sünasü teitei nou varulai.”
Jisu nou Phariseemai ea Razhai Dou-apeimaiye Mah Dukhaiyu
(Mt 23.1-36; Mk 12.38-40)
37Jisu nou chi paocheyu kisü, Phariseemai alinou Jisu ye nou tave puh ki hinou touzhore donou kue; südonou puhnou taloua sühinou toure donou kou buloure. 38Alia Jisu nou toumo jühinou bahdzü teimoyu sü ngaoloua Phariseemai sünasü khupa loure. 39Südonou Mapao nou puh hi paoe, “Chuo Phariseemai neletao nou neletao vei pai-khao hai vakou hiwo louzü khüsheewe, ana neletao vei lekhehiwo louzü maivei pitouyu ea ashinou phoua bue. 40Avoyu taore! Vakou soupeiyu Ramai puhnou lekhe-a soupei mowu? 41Ana lekhehi buyu taonou peikhaio; alia zhukhaio, ha teitei sü neletaoye donou sheebailai.
42“Ana Phariseemaitao neletaoye donou daizhozhou ngaopisa! Daiolouzü neletao nou Ramai vei kainü veiyu vu-poutao süolouzü naipya, seisai ea vu-pou kukhe veishiwo louzü zha kirou hinou zhali posheelae, checheyu ea Ramaiye leshiyuwo louzü ngaophoumoe. Kukhetao ngaophou moyu soumoa neletao nou haitaohai soulouyu phae.
43“Phariseemaitao, neletaoye donou daizhozhou ngaopisa! Daiolouzü neletao nou rathobuh taohi avei veilai buh taohi buyu ea maiye panou neletaoye hupobuh kijü khonou khurüyu züpae. 44Neletaoye donou daizhozhou ngaopisa! Daiolouzü neletao sü maikhe mainou sükhaimoa takou takhe-a buyu paoshee soumoyu khühtaoye raiwe.”
45Razhai dou-apeimaitao hrohinou alinou puh hi paoe, “Dou-apeio, nenou sübüa paoyu sü Ehye-a sou ahrao peiwe!”
46Jisu nou chila peie, “Razhai dou-apeimaitao neletaoye donou-a daizhozhou ngaopisa! Daiolouzü neletao nou kou pfüpailou hoyu taosü maikhe maiye panou pfüe, ana lah neletaowo louzü kou sütaosü neletao vei bahtou ali koutenou-a deimoe. 47Neletaoye donou daizhozhou ngaopisa! Daiolouzü neletao vei puo-paomai taonou southeawuyu rachi paolamai taovei khühtao sü neletao nou souwe. 48Südonou neletao nou neletao puo-paomai taovei vahtao sü aetouwe touyu sü zhopaoh souwe; daiolouzü puletao nou rachi paolamai taoye southeare, alia neletao nou puletao vei khüh sü souwe. 49Sübüyu vanou Ramai vei Ratsü hinou-a paoe, ‘Enou puletao hi rachi paolamaitao ea sei-ata maitaoye seivelai, alia puletao nou puletao kamaiye southealai ea kukhemai taoye sü souvea souholai.’ 50Südonou deiphao soushu rainou rachi paolamaitao hrülaiye southeawuyu zhe sütao, 51süolouzü Abel vei zhe hinou shua sheelabuh ea Mashi buh kole hinou southeawuyu Zekharia vei zhe koute donou maikha haina hinou khüh phoulai. Ovai, Enou neletao hi paoe, sütao teitei donou maikha haina hinou khüh phoulai!
52“Razhai dou-apeimaitao neletaoye donou daizhozhou ngaopisa! Daiolouzü neletao nou tsü kikhu houpeire khareih sü poloure; lah neletao-a taloumoe, alia taloulai tea te-a buyu maitaoye-a neletao nou nuwure!”
53Alia Jisu nou buh sünasü thaowu-a tayu kisü, razhai dou-apeimaitao ea Pharisee maitao nou rarousholoua puh hinou chi tyali noukhai noukhaitare, 54sübüa puhnou paomah pare nasü niloure donou puletao nou dateipoa buloure.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.