LUK 21
21
Meamai Pfüpai nou Popeiyu
(Mk 12.41-44)
1Jisu nou sübüa zhusühaoyu hinou hanimai taonou Rathoki hi sha podzübuh hisü puletao nou popeire na taosü polai thouyu sü ngaoloure; 2alia toure hayu meamaipfü alinou hubashano ahai pove thouyu-a puhnou ngaoe. 3Alia puhnou paoe, “Enou neletao hi chekhao-a paoe, toure hayu meamaipfü haipainou kukhe maitao hrülai jünou pove thoukou hie; 4daiolouzü kukhe maitao hrülainou puletao vei alao buyu hinou kou-lih payu taonou popeiwe, ana puhwo toure hayu hinou puh hi buyu hriloure na teiteinou pothou peire.”
Jisu nou Rathoki Souhawu Laiyu vanou Paoyu
(Mt 24.1-2; Mk 13.1-2)
5Alia rozümaitao kamainou Rathoki vanou süolouzü veishoyu chuh taonou ea posheela khaitouyu na taonou süsü daizhozhou southou ngah veisho khaitousa tea paoyu kisü, puhnou paoe, 6“Neletao nou ngao-a buyu haitao donou louzü, haihisü khaopho koulai moyu alinou kukhe li pei hi shoa chuh li-a khailai moyu teilesü velai.”
Kaoshiyu ea Souvea Laiyu
(Mt 24.3-14; Mk 13.3-13)
7Alia puletao nou puh hi noue, “Dou-apeio, sütaosü duki palai? Alia süna palaire touyu kisü dai shee soungaolai?”
8Jisu nou paoe, “Maitaliye panou neletaoye sümahta more donou leikeilo; daiolouzü mai alaosou Azhih hinou taveloua, ‘Esü puh-e!’ alia ‘Teilesü veloure!’ tea paolai. Ana puletao thaifüso. 9Alia neletao nou reih ea reihvei bvüroyu kho chouyu kisü, ngaopiwuso; daiolouzü sütaosü rai-a pavu zülai, ana akhai nasü sübü hinou mohie.”
10Süthai-a puhnou puletao hi paoe, “Teidei alinou kukhe teidei ali pei hi, alia vedei alinou kukhe vedei ali pei hi reih soulai. 11Sükisü ngaopi shoyu nü sülai, alia buh takinou tokaayu ea sounou tyali palai; alia sükisü ratei vanou ngaopi-ngaohiyu ea shee adudu tyali ngaolai; 12Ana sütao teitei pamojü hinou puletao nou neletaoye niloua souvea-souholai. Puletao nou neletaoye rathobuh taohi ea hukhahi thoupeilai, alia Azhih donou neletaoye vemaitao ea teidei khomaitao nghojühi savelai. 13Sükua payusü neletaoye donou zhopaoh soure teile zhou aveili soulai. 14Südonou neletao nou mai hi dai chila peilaisa touyusü raia chodawu laimoe tea neletao le hinou la-a bulo; 15daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai. 16Alia neletao pfüpuo, thaihou-jürai, tarai ea samai-khamai tao koute nou-a neletaoye sü maibah hi thoupeiwulai, alia neletao hronou kamaitaoye puletao nou southealai. 17Mai hrülainou neletaoye Azhih donou ngaoralai. 18Ana neletao pei hinou peishupo ali koutea halaimoe. 19Neletao vei shameayu sünanou neletao lah neletaoye khailu loulai.
Jerusalem Souhalaiyu vanou Paoyu
(Mt 24.15-21; Mk 13.14-19)
20“Ana Jerusalem ye reihmainou sühao louyu sü neletao nou ngaolouzü, sükisü puhye sü souhazhei laiyu teilesü ngheisho vere touyusü sülo. 21Sükisü Judea hi buyu puletaosü deichi taohi tutalou khaio, alia nuhdu hinou buyu puletaosü tavuzülou khaio, alia vakou nuhfü taohinou buyu puletao-a nuhdu nahi talou khaiso. 22Daiolouzü rüthoukhai touyu teiteisü vete loure donou sütaosü khüh phouyu teithetaoe. 23Teithe sütao kisü pou-pfüa buyu naotumaitao ea panou nahmaiye nao-a buyu pfümaitao donou daizhozhou ngaopisa! Daiolouzü deiphao hisü ngaopi pilai veashoyu ea maikhemai haitao pei hisü Ramai vei lekha-rarou nasü velai. 24Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.
Mai Nahpoutu nou Khaive Laiyu
(Mt 24.29-31; Mk 13.24-27)
25“Alia sükisü teinghi, khou, alia teivutao hinou shee tyali ngaolai, alia deiphao hisü zaidu vei pai-rao ea zaidzü houngkheyu kho hinou ngaopi souloua teidei teitei hisü vea-holai. 26Deiphaohi pare sütao vanou choloua maikhe maisü ngaopinoupu veayule-a kaotalai; daiolouzü rateihi buyu khouko teiteiye sü puletao vei ludu hinou hulai bailai. 27Alia sükisü Mai Nahpoutu nou khouko ea dushoyu khouko avanoupu teihao peinou taveyu sü puletao nou ngaolai. 28Chuo sübüyu sheetao sü pare touyu kisü, zhushukhaio ea neletao pei pfüla khaio, daiolouzü neletaoye khailu peire sü ngheire.”
Doushibe hinou Sülouyu Shee
(Mt 24.32-35; Mk 13.28-31)
29Süthaisü Jisu nou nada ali puletao hi paopeie: “Doushibehi ea kukhe süübe veishi hi zhukhaio; 30neletao nou puletao vei sünghou lapayu ngaolouyu kisü, hou teile sü ngheire touyu sü neletao nou süwe. 31Sübütoua, shee haitao pa-a buyu neletao nou ngaolouyu kisü, Ramai Vedeisü ngheivere touyusü neletao nou sülo.
32“Chekhao-a Enou neletao hi paowe, shee haitao teitei pamosasü maikha hainasü hata laimoe. 33Raki alia deiphao hatalai, ana Achipaotao louzü hatakhai laimoe.
Leikei Louyu donou Koyu
34“Ana neletao lesü touzhi, shozhiyu hi ea deiphao hrü hainavei le choroyu hi thoupei khaiwu more donou moa teithe sünasü sho-rüh kua neletao pei hi sükhai moa velou more donou, neletao lah leikei-a bulo; 35daiolouzü teithe sünasü deiphao buh teitei hinou hrüa buyu maikhemai hrülai pei hi velai. 36Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”
37Alia teithe tsüsü puhnou Rathoki hinou doupei-a bue, ana kheipha hisü puhnou vakouhi taloua Oliv tea kuyu deichi hinou ve chao-a bue. 38Alia maikhemai hrülainou puh hinou puhvei chipao keiloure donou shohna tsüsü Rathoki hi tave-e.
Currently Selected:
LUK 21: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LUK 21
21
Meamai Pfüpai nou Popeiyu
(Mk 12.41-44)
1Jisu nou sübüa zhusühaoyu hinou hanimai taonou Rathoki hi sha podzübuh hisü puletao nou popeire na taosü polai thouyu sü ngaoloure; 2alia toure hayu meamaipfü alinou hubashano ahai pove thouyu-a puhnou ngaoe. 3Alia puhnou paoe, “Enou neletao hi chekhao-a paoe, toure hayu meamaipfü haipainou kukhe maitao hrülai jünou pove thoukou hie; 4daiolouzü kukhe maitao hrülainou puletao vei alao buyu hinou kou-lih payu taonou popeiwe, ana puhwo toure hayu hinou puh hi buyu hriloure na teiteinou pothou peire.”
Jisu nou Rathoki Souhawu Laiyu vanou Paoyu
(Mt 24.1-2; Mk 13.1-2)
5Alia rozümaitao kamainou Rathoki vanou süolouzü veishoyu chuh taonou ea posheela khaitouyu na taonou süsü daizhozhou southou ngah veisho khaitousa tea paoyu kisü, puhnou paoe, 6“Neletao nou ngao-a buyu haitao donou louzü, haihisü khaopho koulai moyu alinou kukhe li pei hi shoa chuh li-a khailai moyu teilesü velai.”
Kaoshiyu ea Souvea Laiyu
(Mt 24.3-14; Mk 13.3-13)
7Alia puletao nou puh hi noue, “Dou-apeio, sütaosü duki palai? Alia süna palaire touyu kisü dai shee soungaolai?”
8Jisu nou paoe, “Maitaliye panou neletaoye sümahta more donou leikeilo; daiolouzü mai alaosou Azhih hinou taveloua, ‘Esü puh-e!’ alia ‘Teilesü veloure!’ tea paolai. Ana puletao thaifüso. 9Alia neletao nou reih ea reihvei bvüroyu kho chouyu kisü, ngaopiwuso; daiolouzü sütaosü rai-a pavu zülai, ana akhai nasü sübü hinou mohie.”
10Süthai-a puhnou puletao hi paoe, “Teidei alinou kukhe teidei ali pei hi, alia vedei alinou kukhe vedei ali pei hi reih soulai. 11Sükisü ngaopi shoyu nü sülai, alia buh takinou tokaayu ea sounou tyali palai; alia sükisü ratei vanou ngaopi-ngaohiyu ea shee adudu tyali ngaolai; 12Ana sütao teitei pamojü hinou puletao nou neletaoye niloua souvea-souholai. Puletao nou neletaoye rathobuh taohi ea hukhahi thoupeilai, alia Azhih donou neletaoye vemaitao ea teidei khomaitao nghojühi savelai. 13Sükua payusü neletaoye donou zhopaoh soure teile zhou aveili soulai. 14Südonou neletao nou mai hi dai chila peilaisa touyusü raia chodawu laimoe tea neletao le hinou la-a bulo; 15daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai. 16Alia neletao pfüpuo, thaihou-jürai, tarai ea samai-khamai tao koute nou-a neletaoye sü maibah hi thoupeiwulai, alia neletao hronou kamaitaoye puletao nou southealai. 17Mai hrülainou neletaoye Azhih donou ngaoralai. 18Ana neletao pei hinou peishupo ali koutea halaimoe. 19Neletao vei shameayu sünanou neletao lah neletaoye khailu loulai.
Jerusalem Souhalaiyu vanou Paoyu
(Mt 24.15-21; Mk 13.14-19)
20“Ana Jerusalem ye reihmainou sühao louyu sü neletao nou ngaolouzü, sükisü puhye sü souhazhei laiyu teilesü ngheisho vere touyusü sülo. 21Sükisü Judea hi buyu puletaosü deichi taohi tutalou khaio, alia nuhdu hinou buyu puletaosü tavuzülou khaio, alia vakou nuhfü taohinou buyu puletao-a nuhdu nahi talou khaiso. 22Daiolouzü rüthoukhai touyu teiteisü vete loure donou sütaosü khüh phouyu teithetaoe. 23Teithe sütao kisü pou-pfüa buyu naotumaitao ea panou nahmaiye nao-a buyu pfümaitao donou daizhozhou ngaopisa! Daiolouzü deiphao hisü ngaopi pilai veashoyu ea maikhemai haitao pei hisü Ramai vei lekha-rarou nasü velai. 24Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.
Mai Nahpoutu nou Khaive Laiyu
(Mt 24.29-31; Mk 13.24-27)
25“Alia sükisü teinghi, khou, alia teivutao hinou shee tyali ngaolai, alia deiphao hisü zaidu vei pai-rao ea zaidzü houngkheyu kho hinou ngaopi souloua teidei teitei hisü vea-holai. 26Deiphaohi pare sütao vanou choloua maikhe maisü ngaopinoupu veayule-a kaotalai; daiolouzü rateihi buyu khouko teiteiye sü puletao vei ludu hinou hulai bailai. 27Alia sükisü Mai Nahpoutu nou khouko ea dushoyu khouko avanoupu teihao peinou taveyu sü puletao nou ngaolai. 28Chuo sübüyu sheetao sü pare touyu kisü, zhushukhaio ea neletao pei pfüla khaio, daiolouzü neletaoye khailu peire sü ngheire.”
Doushibe hinou Sülouyu Shee
(Mt 24.32-35; Mk 13.28-31)
29Süthaisü Jisu nou nada ali puletao hi paopeie: “Doushibehi ea kukhe süübe veishi hi zhukhaio; 30neletao nou puletao vei sünghou lapayu ngaolouyu kisü, hou teile sü ngheire touyu sü neletao nou süwe. 31Sübütoua, shee haitao pa-a buyu neletao nou ngaolouyu kisü, Ramai Vedeisü ngheivere touyusü neletao nou sülo.
32“Chekhao-a Enou neletao hi paowe, shee haitao teitei pamosasü maikha hainasü hata laimoe. 33Raki alia deiphao hatalai, ana Achipaotao louzü hatakhai laimoe.
Leikei Louyu donou Koyu
34“Ana neletao lesü touzhi, shozhiyu hi ea deiphao hrü hainavei le choroyu hi thoupei khaiwu more donou moa teithe sünasü sho-rüh kua neletao pei hi sükhai moa velou more donou, neletao lah leikei-a bulo; 35daiolouzü teithe sünasü deiphao buh teitei hinou hrüa buyu maikhemai hrülai pei hi velai. 36Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”
37Alia teithe tsüsü puhnou Rathoki hinou doupei-a bue, ana kheipha hisü puhnou vakouhi taloua Oliv tea kuyu deichi hinou ve chao-a bue. 38Alia maikhemai hrülainou puh hinou puhvei chipao keiloure donou shohna tsüsü Rathoki hi tave-e.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.