MATHIU 17
17
Jisu Zhu Dayu
(Mk 9.2-13; Lk 9.28-36)
1Teithe arou thaisü Jisu nou puhye koa Pitar, Jems ea puh thaihou Johanye saloua kushoyu deichi ali hi sapare ea sühinou puletao li-a bue. 2Alia Jisu hai puletao nghojü nou zhu datare, alia puh zhuhai teinghi büa valoure ea puhvei sahnühai kaathou peivava loure. 3Alia zhukhaio, sühisü Elijah hai Moses kouloua Jisu ye sa-a chiphayu sü rozümai asütaonou ngaoe. 4Südonou Pitar nou Jisu hi paoe, “Mapao, Eletao nou buh haihi buyu hai daizhozhou veisa! Nenou züpae toulouzü, Enou hai hinou repao asü, neye donou ali, Moses donou ali ea Elijah donou ali soupeilai.”
5Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”
6Rozümaitao nou pai nasü chouloukhaie ngaopi sholoua deiphinou kou khü-a duloure. 7Ana Jisu nou puletao hi kouloua ea puletaoye deilou-a paoe, “Lashulo ea piso!” 8Alia puletao pa pfüla-a zhuyu kisü Jisu likhei deinou kukhe maitaliye ngaokhai more.
9Alia puletao nou deichi phihi takouyu kisü, Jisu nou puletao hi kharochi pei-a paoe, “Neletao nou ngaolouyu zho haina hai, Mai Nahpoutu nou athai hinou hrishu loumo koute sü maita lihi-a paongao khaiso.”
10Süthaisü rozümai taonou Jisu hi noue, “Daidonou razhai dou-apeimainou Elijah nou verai laihie tea paowe?”
11Jisu nou chila peie, “Elijah nou chekhaoa verailai, alia puh nou na veishi tuda khaiwulai. 12Ana Enou neletao hi paoe süolouzü Elijah hai vechere ea maikhe mainou puhye shilou more, ana puletao nou sounü taosü puh hi soupeire. Süzhaibüa Mai Nahpoutua puletao bah hinou vealai.”
13Süthaisü puletao hi puhnou Johan Baptist vanou paongaoe touyu hai rozümai taonou süloure.
Rashi louyu Nahpoutu Aliye Souvei Peiyu
(Mk 9.14-29; Lk 9.37-43)
14Alia puletao nou maisouhi khaive louyu kisü, mai alinou Jisu hi taveloua ea puh nghojünou kou khou khüloua paoe, 15“Mapao, Ana poutuye zhuveapeio, daiolouzü puh hai sourah souyu mailie alia puh hai soushi shoyu vanou meihi ea dzühi tobai soumoa dulou louwe. 16Enou puhye ne rozümai taohi pove-e, ana puletao nou puhye souvei peilou hore.”
17Jisu nou chila peie, “Oh lü hayu ea mah souyu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!” 18Alia Jisu nou rashinaye züpeie, alia rashinasü puh hinou tapare, alia süphabü hinou puh hai veiloure.
19Süthaisü rozümai taonou Jisu hi kheia taveloua puh hinou noue, “Daidonou Ehnou rashinaye hupalou howe?”
20Jisu nou puletao hi paoe, “Haihai neletao vei lü buche moyu vanoue. Daiolouzü Enou neletao hi chechenou paowe, neletao vei lühai javu thoutaile bulouzü, neletao nou deichi hainahi, ‘Haihinou hohi kouwo!’ tea paolou süe, alia sünanou tabailai; alia neletao hisü soulouhoe touyu hatalia bulaimoe!” 21(Ana haibüyu tyahai veachi paoyu ea lühyu likhei deinou ha kukhe linoua hulai palou hoe.)
Jisu nou Puhvei Athai vanou Paopuyu
(Mk 8.30-32; Lk 9.43-45)
22Rozümai hrülainou Galilee hinou vedzüa bubukinou, Jisu nou puletao hi paoe, “Mai Nahpoutuye maikhemai bah hi thoupeiwulai, 23alia puletao nou puhye sü southealai ea puhsü teithe asüzhou hrishu loulai.”
Alia rozümai taosü leveasho loure.
Rathoki vei Kikha Peiyu
24Jisu ea puh rozümai taonou Kapernahum hi velouyu kisü, Rathoki vei kikha khamainou Pitar hi taveloua noue, “Nevei dou-apeio sü Rathoki vei kikha peipei moe?”
25Pitar nou paoe, “Peie.”
Alia Pitar nou kikhahi loulouyu kisü, Jisu nou raikai-a puh hi paoe, “Simon, newo kabüa chowe? Deiphaohi veomai taonou thaoh hinou nakha moa kikha powe? Pule nahmaitao hinou ho vakou teideimai hinoue?”
26Pitar nou, “Vakoumai hinoue,” tea paokhaie, Jisu nou puh hi paoe, “Sükulouzü nahmaitao sü kha peire hinou do souloure. 27Sütoukhaia, puletaoye panou limalou more donou zaihi taholoua khahsü nasü laithoukhaio, alia raikaia sülouyu khah nasü paipa khaio, alia nenou süna mü hapayu kisü nenou Rathoki vei kha thoulou süyu husha ali ngaoloulai; süsü poloua Eye donou ea lah neye donou puletao hi peikhaio.”
Currently Selected:
MATHIU 17: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MATHIU 17
17
Jisu Zhu Dayu
(Mk 9.2-13; Lk 9.28-36)
1Teithe arou thaisü Jisu nou puhye koa Pitar, Jems ea puh thaihou Johanye saloua kushoyu deichi ali hi sapare ea sühinou puletao li-a bue. 2Alia Jisu hai puletao nghojü nou zhu datare, alia puh zhuhai teinghi büa valoure ea puhvei sahnühai kaathou peivava loure. 3Alia zhukhaio, sühisü Elijah hai Moses kouloua Jisu ye sa-a chiphayu sü rozümai asütaonou ngaoe. 4Südonou Pitar nou Jisu hi paoe, “Mapao, Eletao nou buh haihi buyu hai daizhozhou veisa! Nenou züpae toulouzü, Enou hai hinou repao asü, neye donou ali, Moses donou ali ea Elijah donou ali soupeilai.”
5Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”
6Rozümaitao nou pai nasü chouloukhaie ngaopi sholoua deiphinou kou khü-a duloure. 7Ana Jisu nou puletao hi kouloua ea puletaoye deilou-a paoe, “Lashulo ea piso!” 8Alia puletao pa pfüla-a zhuyu kisü Jisu likhei deinou kukhe maitaliye ngaokhai more.
9Alia puletao nou deichi phihi takouyu kisü, Jisu nou puletao hi kharochi pei-a paoe, “Neletao nou ngaolouyu zho haina hai, Mai Nahpoutu nou athai hinou hrishu loumo koute sü maita lihi-a paongao khaiso.”
10Süthaisü rozümai taonou Jisu hi noue, “Daidonou razhai dou-apeimainou Elijah nou verai laihie tea paowe?”
11Jisu nou chila peie, “Elijah nou chekhaoa verailai, alia puh nou na veishi tuda khaiwulai. 12Ana Enou neletao hi paoe süolouzü Elijah hai vechere ea maikhe mainou puhye shilou more, ana puletao nou sounü taosü puh hi soupeire. Süzhaibüa Mai Nahpoutua puletao bah hinou vealai.”
13Süthaisü puletao hi puhnou Johan Baptist vanou paongaoe touyu hai rozümai taonou süloure.
Rashi louyu Nahpoutu Aliye Souvei Peiyu
(Mk 9.14-29; Lk 9.37-43)
14Alia puletao nou maisouhi khaive louyu kisü, mai alinou Jisu hi taveloua ea puh nghojünou kou khou khüloua paoe, 15“Mapao, Ana poutuye zhuveapeio, daiolouzü puh hai sourah souyu mailie alia puh hai soushi shoyu vanou meihi ea dzühi tobai soumoa dulou louwe. 16Enou puhye ne rozümai taohi pove-e, ana puletao nou puhye souvei peilou hore.”
17Jisu nou chila peie, “Oh lü hayu ea mah souyu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!” 18Alia Jisu nou rashinaye züpeie, alia rashinasü puh hinou tapare, alia süphabü hinou puh hai veiloure.
19Süthaisü rozümai taonou Jisu hi kheia taveloua puh hinou noue, “Daidonou Ehnou rashinaye hupalou howe?”
20Jisu nou puletao hi paoe, “Haihai neletao vei lü buche moyu vanoue. Daiolouzü Enou neletao hi chechenou paowe, neletao vei lühai javu thoutaile bulouzü, neletao nou deichi hainahi, ‘Haihinou hohi kouwo!’ tea paolou süe, alia sünanou tabailai; alia neletao hisü soulouhoe touyu hatalia bulaimoe!” 21(Ana haibüyu tyahai veachi paoyu ea lühyu likhei deinou ha kukhe linoua hulai palou hoe.)
Jisu nou Puhvei Athai vanou Paopuyu
(Mk 8.30-32; Lk 9.43-45)
22Rozümai hrülainou Galilee hinou vedzüa bubukinou, Jisu nou puletao hi paoe, “Mai Nahpoutuye maikhemai bah hi thoupeiwulai, 23alia puletao nou puhye sü southealai ea puhsü teithe asüzhou hrishu loulai.”
Alia rozümai taosü leveasho loure.
Rathoki vei Kikha Peiyu
24Jisu ea puh rozümai taonou Kapernahum hi velouyu kisü, Rathoki vei kikha khamainou Pitar hi taveloua noue, “Nevei dou-apeio sü Rathoki vei kikha peipei moe?”
25Pitar nou paoe, “Peie.”
Alia Pitar nou kikhahi loulouyu kisü, Jisu nou raikai-a puh hi paoe, “Simon, newo kabüa chowe? Deiphaohi veomai taonou thaoh hinou nakha moa kikha powe? Pule nahmaitao hinou ho vakou teideimai hinoue?”
26Pitar nou, “Vakoumai hinoue,” tea paokhaie, Jisu nou puh hi paoe, “Sükulouzü nahmaitao sü kha peire hinou do souloure. 27Sütoukhaia, puletaoye panou limalou more donou zaihi taholoua khahsü nasü laithoukhaio, alia raikaia sülouyu khah nasü paipa khaio, alia nenou süna mü hapayu kisü nenou Rathoki vei kha thoulou süyu husha ali ngaoloulai; süsü poloua Eye donou ea lah neye donou puletao hi peikhaio.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.