MATHIU 25
25
Loumaina Kiruo vei Nada
1“Sükisü raki Vedei hai puletao vei meibvü poloua sheerepuye daore donou tapayu loumaina kiroutaoye pao nadalou veie. 2Puletao angouwo louzü vowe, alia angouwo louzü tsü veiwe. 3Daiolouzü voyu taonou puletao vei meibvü polouyu kisü meidzüa koa poloumoe, 4ana tsü veiyu taowo louzü puletao vei meibvüye koa meidzünou phouyu meidzü bvütao potae. 5Sheerepu nou phasho chaoyu vanou puletao hrülai sü nghi nüloua zhitare.
6“Ana khei tsüle hinou, ‘Zhukhaio, sheerepu sü laire! Puhye daoloure donou tapalo!’ tea shusoua shapare. 7Süthaisü loumainatao veishisü kaishu loure ea puletao vei meibvü sü taoloure. 8Alia voyu taonou tsü veiyu taohi paoe, ‘Neletao vei meidzü Eh hi daotu peio, daiolouzü Eh vei meibvütao hai ngheiloure.’ 9Ana tsü veiyu taonou chila peie, ‘Eh donou ea neleye donoua khalouho-a malae; zhoa buyu mai hi taho lah neletao donou hrülouwo.’ 10Alia puletao nou hrüloure donou tayu thainou, sheerepu sü vere, alia souda khaitouyu puletao nou puhye koa sheenghiyu nühbuh hi tare, alia kikhusü khure.
11“Süthaisü kukhe loumainataoa taveloua shusoua paoe, ‘Mapao, Mapao, Ehye kikhu houpeio!’ 12Ana sheerepu nou chila peie, ‘Chekhaoa Enou neletao hi paowe, Ewo neletaoye sümoe!’ ”
13Südonou, zhaihe-a kholo, daiolouzü neletao nou teithe süna moa pha sünasü sümoe.
Kilai Asü hi Talent Peiyu vei Nada
(Lk 19.11-27)
14“Daiolouzü raki Vedei hai mai alinou teidei kukhe alihi veitare jübühi puh kilai maitaoye kuveloua puhvei kina taohai puletao bah hi thaothou peiwuyu büe. 15Puhnou puletao ali lihi lah lahnou soulou süyu thaifüa peie: puhnou alihi talent sha angou peie, kukhe ali nahi ahai, alia kukhe ali nahi ali peiwu-a puhsü vakouhi veitare. 16Talent sha angou ngaolouyu puhnou sübü hinou taloua sünasü poa husou loure, alia puhnou kukhe talent sha angou zhipu loure. 17Sübüa talent sha ahai ngaolouyu puhnou-a kukhe talent sha ahai zhipu loure. 18Ana talent sha ali ngaolouyu puhnou taho puhvei paopu vei pousha nasü deikhe hinou hepaowu-a kukhaire.
19“Chuo teile phasho thaisü kilai sütaovei paopu nasü khaiveloua puletaoye koa pa-loucho choshee tare. 20Alia talent sha angou ngaolouyu puhnou nghojü hilo takouloua, kukhe talent sha angou nasü pokouloua paoe, ‘Paopu, nenou Ahi talent sha angou peie. Zhukhaio! Enou kukhe sha angou zhipulou khaire.’ 21Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’
22“Alia talent sha ahai ngaolouyu pu-a nghojü hilo takouloua paoe, ‘Paopu nenou Ahi talent sha ahai peie, zhukhaio! Enou kukhe talent sha ahai zhipulou khaire.’ 23Puh vei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, neye ha taoli pei hi panou chalai. Ne paopu vei va-sayu buh hi talou louwo.’
24“Süthaisü talent sha ali ngaolouyu puh-a nghojü hilo takouloua paoe, ‘Paopu, ne hai le khouyu mai alie touyu Enou süe; newo nenou vuthou moyu buh hinou cha chilou baiwe, alia nenou porao khaimoyu buh hinou podzülou baiwe. 25Südonou Enou ngaopiloua taho nevei talent sha nasü deikhehi pokure. Zhukhaio! Nevei sü haihi bue.’
26“Ana puhvei paopunou puh hi chila peie, ‘Maishi ea hikeiyu kilai. Enou vuthou moyu buh hinou chilou baiwe ea poraokhai moyu buh hinou podzülou baiwe touyu hai nenou süwe. 27Sükuyu thaisü nenou Avei pousha hai shaki hi pove khaipeiyu phae, alia Enou khaiveyu kisü Avei pousha hai veanou pu ngaolou laimou. 28Südonou puh hinou talent sha nasü poloua talent sha kirou buyu puh hi peio. 29Daiolouzü buyu mai tali hisü peipulai, alia puhnou alao buloulai; ana hayu puh hinou puhvei buyuna koute-a pota bailai. 30Alia hakoyu kilai sünaye vakou teizhi buh hi polai pawo; sühinou puhsü kralai ea puh huh sü veikükülai.’
Akhaiki Chiku laiyu
31“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai. 32Alia tahrüh hrülaiye puh nghojühi pove dzükhailai, alia zhaokhowonou zhaotu taoye nghitu taohinou lukupayu büa puhnou puletao aliye ali hinou lukulai, 33alia puhnou zhaotu taoye puh bahkha zhoulo hi, ana nghitu taoye bahkha nalohi khailai. 34Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo; 35daiolouzü Enou houbuki neletao nou Eye touso peie, Enou reibuki neletao nou Eye panou küe, Enou shevai-shesü soubuki neletao nou Eye shepeie. 36Enou baitou buki neletao nou Eye sabanüh peie, Enou soubuki neletao nou Eye ve kipeie, Enou hukhahi bubuki neletao nou Eye ve zhupeie.’
37“Süthaisü cheche maitao nou puh hi chila peilai, ‘Mapao, Ehnou duki neye houa ngaoe ea neye vaipeie, moa reia ngaoa neye panou küe? 38Alia duki Ehnou neye shevai-shesü souyu ngaoa shepeie, moa baitoua neye sabanüh peie? 39Alia duki Ehnou neye soua kipeie moa hukha hinou bua neye ve zhupeie?’ 40Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’
41“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo. 42Daiolouzü Enou houbuki neletao nou Eye touso peimoe, Enou reibuki, neletao nou Eye panou kümoe. 43Enou shevai-shesü soubuki neletao nou Eye shepei moe, baitou buki neletao nou Eye sabanüh peimoe, sounou buki ea hukhahi bubuki neletao nou Eye ve zhupei moe.’
44“Süthaisü puletao nou puh hi chila peilai, ‘Mapao, Ehnou duki neye houa moa reia, shevai-shesü soua moa baitoua, sounoua moa hukhahi bua neye kuvah soupei moe?’ 45Sükisü puhnou puletao hi chila peilai, ‘Chechenou Enou neletao hi paoe, neletao nou tai-noukayu haitao hinou alihi-a soukhapei moyu donou Eye soukhapei moe.’ 46Alia puletaosü teisa vei tudee buh hi talai, ana chechemai taosü teisa ahri buh hi talai.”
Currently Selected:
MATHIU 25: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MATHIU 25
25
Loumaina Kiruo vei Nada
1“Sükisü raki Vedei hai puletao vei meibvü poloua sheerepuye daore donou tapayu loumaina kiroutaoye pao nadalou veie. 2Puletao angouwo louzü vowe, alia angouwo louzü tsü veiwe. 3Daiolouzü voyu taonou puletao vei meibvü polouyu kisü meidzüa koa poloumoe, 4ana tsü veiyu taowo louzü puletao vei meibvüye koa meidzünou phouyu meidzü bvütao potae. 5Sheerepu nou phasho chaoyu vanou puletao hrülai sü nghi nüloua zhitare.
6“Ana khei tsüle hinou, ‘Zhukhaio, sheerepu sü laire! Puhye daoloure donou tapalo!’ tea shusoua shapare. 7Süthaisü loumainatao veishisü kaishu loure ea puletao vei meibvü sü taoloure. 8Alia voyu taonou tsü veiyu taohi paoe, ‘Neletao vei meidzü Eh hi daotu peio, daiolouzü Eh vei meibvütao hai ngheiloure.’ 9Ana tsü veiyu taonou chila peie, ‘Eh donou ea neleye donoua khalouho-a malae; zhoa buyu mai hi taho lah neletao donou hrülouwo.’ 10Alia puletao nou hrüloure donou tayu thainou, sheerepu sü vere, alia souda khaitouyu puletao nou puhye koa sheenghiyu nühbuh hi tare, alia kikhusü khure.
11“Süthaisü kukhe loumainataoa taveloua shusoua paoe, ‘Mapao, Mapao, Ehye kikhu houpeio!’ 12Ana sheerepu nou chila peie, ‘Chekhaoa Enou neletao hi paowe, Ewo neletaoye sümoe!’ ”
13Südonou, zhaihe-a kholo, daiolouzü neletao nou teithe süna moa pha sünasü sümoe.
Kilai Asü hi Talent Peiyu vei Nada
(Lk 19.11-27)
14“Daiolouzü raki Vedei hai mai alinou teidei kukhe alihi veitare jübühi puh kilai maitaoye kuveloua puhvei kina taohai puletao bah hi thaothou peiwuyu büe. 15Puhnou puletao ali lihi lah lahnou soulou süyu thaifüa peie: puhnou alihi talent sha angou peie, kukhe ali nahi ahai, alia kukhe ali nahi ali peiwu-a puhsü vakouhi veitare. 16Talent sha angou ngaolouyu puhnou sübü hinou taloua sünasü poa husou loure, alia puhnou kukhe talent sha angou zhipu loure. 17Sübüa talent sha ahai ngaolouyu puhnou-a kukhe talent sha ahai zhipu loure. 18Ana talent sha ali ngaolouyu puhnou taho puhvei paopu vei pousha nasü deikhe hinou hepaowu-a kukhaire.
19“Chuo teile phasho thaisü kilai sütaovei paopu nasü khaiveloua puletaoye koa pa-loucho choshee tare. 20Alia talent sha angou ngaolouyu puhnou nghojü hilo takouloua, kukhe talent sha angou nasü pokouloua paoe, ‘Paopu, nenou Ahi talent sha angou peie. Zhukhaio! Enou kukhe sha angou zhipulou khaire.’ 21Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’
22“Alia talent sha ahai ngaolouyu pu-a nghojü hilo takouloua paoe, ‘Paopu nenou Ahi talent sha ahai peie, zhukhaio! Enou kukhe talent sha ahai zhipulou khaire.’ 23Puh vei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, neye ha taoli pei hi panou chalai. Ne paopu vei va-sayu buh hi talou louwo.’
24“Süthaisü talent sha ali ngaolouyu puh-a nghojü hilo takouloua paoe, ‘Paopu, ne hai le khouyu mai alie touyu Enou süe; newo nenou vuthou moyu buh hinou cha chilou baiwe, alia nenou porao khaimoyu buh hinou podzülou baiwe. 25Südonou Enou ngaopiloua taho nevei talent sha nasü deikhehi pokure. Zhukhaio! Nevei sü haihi bue.’
26“Ana puhvei paopunou puh hi chila peie, ‘Maishi ea hikeiyu kilai. Enou vuthou moyu buh hinou chilou baiwe ea poraokhai moyu buh hinou podzülou baiwe touyu hai nenou süwe. 27Sükuyu thaisü nenou Avei pousha hai shaki hi pove khaipeiyu phae, alia Enou khaiveyu kisü Avei pousha hai veanou pu ngaolou laimou. 28Südonou puh hinou talent sha nasü poloua talent sha kirou buyu puh hi peio. 29Daiolouzü buyu mai tali hisü peipulai, alia puhnou alao buloulai; ana hayu puh hinou puhvei buyuna koute-a pota bailai. 30Alia hakoyu kilai sünaye vakou teizhi buh hi polai pawo; sühinou puhsü kralai ea puh huh sü veikükülai.’
Akhaiki Chiku laiyu
31“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai. 32Alia tahrüh hrülaiye puh nghojühi pove dzükhailai, alia zhaokhowonou zhaotu taoye nghitu taohinou lukupayu büa puhnou puletao aliye ali hinou lukulai, 33alia puhnou zhaotu taoye puh bahkha zhoulo hi, ana nghitu taoye bahkha nalohi khailai. 34Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo; 35daiolouzü Enou houbuki neletao nou Eye touso peie, Enou reibuki neletao nou Eye panou küe, Enou shevai-shesü soubuki neletao nou Eye shepeie. 36Enou baitou buki neletao nou Eye sabanüh peie, Enou soubuki neletao nou Eye ve kipeie, Enou hukhahi bubuki neletao nou Eye ve zhupeie.’
37“Süthaisü cheche maitao nou puh hi chila peilai, ‘Mapao, Ehnou duki neye houa ngaoe ea neye vaipeie, moa reia ngaoa neye panou küe? 38Alia duki Ehnou neye shevai-shesü souyu ngaoa shepeie, moa baitoua neye sabanüh peie? 39Alia duki Ehnou neye soua kipeie moa hukha hinou bua neye ve zhupeie?’ 40Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’
41“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo. 42Daiolouzü Enou houbuki neletao nou Eye touso peimoe, Enou reibuki, neletao nou Eye panou kümoe. 43Enou shevai-shesü soubuki neletao nou Eye shepei moe, baitou buki neletao nou Eye sabanüh peimoe, sounou buki ea hukhahi bubuki neletao nou Eye ve zhupei moe.’
44“Süthaisü puletao nou puh hi chila peilai, ‘Mapao, Ehnou duki neye houa moa reia, shevai-shesü soua moa baitoua, sounoua moa hukhahi bua neye kuvah soupei moe?’ 45Sükisü puhnou puletao hi chila peilai, ‘Chechenou Enou neletao hi paoe, neletao nou tai-noukayu haitao hinou alihi-a soukhapei moyu donou Eye soukhapei moe.’ 46Alia puletaosü teisa vei tudee buh hi talai, ana chechemai taosü teisa ahri buh hi talai.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.