MIKAH 2
2
Touha Sohayu Maiye Souveayu Maitao nou Daore
1Shodo ashi soulai tea tsücho-a buyu maitao, ae vah ashi soulai tea choda-a buyu maitao, neletao hai daizhou koute vealaisa! Tei thepakhaie, puletao nou tsü ashi choda khaitouyu khesü souta-a baiwe. 2Puletao nou ki-lu jüpakhaie, maivei shaoloua baiwe; puletao nou ki jüpakhaie, süsü puletao nou poloua baiwe. Mailiro moyuma navei taralia puletao hinou kaozhou vei-a buyu sü hare.
3Südonou Mapao nou haibüa paoe, “Enou neletao hisü veahoyu hai pove peilaire tea tsüchoda-a bue, ae neletao nou turei palou laimoe. Veahoyu sünou neletao hi velou bua nou ngaoloua bailai, süthaisü neletao nou khaophu soua tapulai moe. 4Süzhou teithe maikhe mainou neletao vei veahoyu ko sünou poa nada soulai, ae neletao nou dopfüa kouliliyu sünou haibüa puletao nou lou soulai:
‘Etao sü hachekho baire!
Mapao nou Etao vei teidei sü polaiwure,
Ae Etaoye hukhamai soua nüpoa tayu maitao hi peiwure.’ ”
5Südonou Mapao nou puhvei maitao hi teidei sü peida khaire zhousü, neletao vei zha hai aliro bulai moe.
6Maikhe mainou Eye paodoua haibüa paoe, “Etao hi ko sü paoso. Sübüyu ko khesü paopuso. Ramai nou Etao hisü veahoyu hai pove peilai moe. 7Israel mai hai chaa khehinou?#2.7 Hai nanou kaoyu phae chaa khehinou; Hebrew hi sheesha moe. bure tea ne tsüchovu? Mapao sü shamealou hore touwu? Puhnou haibüa soushulai touwu? Kaozü hinou hrüyu mai hisü puhnou chipao lako aveih nou chaku peimovu?”
8 Mapao nou haibüa chila peie, “Neletao nou avei maitaoye sü ngaobayu mai ali büa dure. Soureih souyu maitao nou ki hi louzü kaona-a bailai tea tsücho-a vewe, ana neletao nou puletao vei zhao sü puletao vei phao hinou shaoloure. 9Neletao nou avei naotu maitaoye sü puletao nou leshi sho-a buyu ki hinou hutare, ae Enou puletaoye teisa donou shiha peikhai touyu puletao vei nahmaitao sü neletao nou shaoloure. 10Kushuloua tawo; haihio kaona-a soloure buh hare, daiolouzü neletao vei mah sünou buh hainasü soushi laire.
11“Mai haitao nou cheche moyu ae dahrührüa haibüa paopeiyu rachipaola maitaoye jüpawe, ‘Enou neletaoye donou rashidzü ae ke veiyu zhaoh sü panou küvere ko sü paopeilai.’
12“Ana Enou neletaoye sü save jüpeilai, shokhai toua buyu Israel maitaoye sü save jüpeilai. Enou neletaoye sü zhaotu khenou me hi dakhai veyu büa savejü peilai. Heiphao hi zhaotu khenou phoutao-a buyu büa neletao vei teidei hisü mainou phoutao-a panou bupu peilai.”
13Ramai nou puletao vei ludu sü houpeilai ae hukhamai soua nüpoa tayu hinou süthaisa-a papeilai. Puletao nou nuhdu vei rokhubomü khesü dakhao paloua lahdo souloulai. Puletao vei veo, Mapao puhnou puletaoye süthaisa-a papeilai.
Currently Selected:
MIKAH 2: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MIKAH 2
2
Touha Sohayu Maiye Souveayu Maitao nou Daore
1Shodo ashi soulai tea tsücho-a buyu maitao, ae vah ashi soulai tea choda-a buyu maitao, neletao hai daizhou koute vealaisa! Tei thepakhaie, puletao nou tsü ashi choda khaitouyu khesü souta-a baiwe. 2Puletao nou ki-lu jüpakhaie, maivei shaoloua baiwe; puletao nou ki jüpakhaie, süsü puletao nou poloua baiwe. Mailiro moyuma navei taralia puletao hinou kaozhou vei-a buyu sü hare.
3Südonou Mapao nou haibüa paoe, “Enou neletao hisü veahoyu hai pove peilaire tea tsüchoda-a bue, ae neletao nou turei palou laimoe. Veahoyu sünou neletao hi velou bua nou ngaoloua bailai, süthaisü neletao nou khaophu soua tapulai moe. 4Süzhou teithe maikhe mainou neletao vei veahoyu ko sünou poa nada soulai, ae neletao nou dopfüa kouliliyu sünou haibüa puletao nou lou soulai:
‘Etao sü hachekho baire!
Mapao nou Etao vei teidei sü polaiwure,
Ae Etaoye hukhamai soua nüpoa tayu maitao hi peiwure.’ ”
5Südonou Mapao nou puhvei maitao hi teidei sü peida khaire zhousü, neletao vei zha hai aliro bulai moe.
6Maikhe mainou Eye paodoua haibüa paoe, “Etao hi ko sü paoso. Sübüyu ko khesü paopuso. Ramai nou Etao hisü veahoyu hai pove peilai moe. 7Israel mai hai chaa khehinou?#2.7 Hai nanou kaoyu phae chaa khehinou; Hebrew hi sheesha moe. bure tea ne tsüchovu? Mapao sü shamealou hore touwu? Puhnou haibüa soushulai touwu? Kaozü hinou hrüyu mai hisü puhnou chipao lako aveih nou chaku peimovu?”
8 Mapao nou haibüa chila peie, “Neletao nou avei maitaoye sü ngaobayu mai ali büa dure. Soureih souyu maitao nou ki hi louzü kaona-a bailai tea tsücho-a vewe, ana neletao nou puletao vei zhao sü puletao vei phao hinou shaoloure. 9Neletao nou avei naotu maitaoye sü puletao nou leshi sho-a buyu ki hinou hutare, ae Enou puletaoye teisa donou shiha peikhai touyu puletao vei nahmaitao sü neletao nou shaoloure. 10Kushuloua tawo; haihio kaona-a soloure buh hare, daiolouzü neletao vei mah sünou buh hainasü soushi laire.
11“Mai haitao nou cheche moyu ae dahrührüa haibüa paopeiyu rachipaola maitaoye jüpawe, ‘Enou neletaoye donou rashidzü ae ke veiyu zhaoh sü panou küvere ko sü paopeilai.’
12“Ana Enou neletaoye sü save jüpeilai, shokhai toua buyu Israel maitaoye sü save jüpeilai. Enou neletaoye sü zhaotu khenou me hi dakhai veyu büa savejü peilai. Heiphao hi zhaotu khenou phoutao-a buyu büa neletao vei teidei hisü mainou phoutao-a panou bupu peilai.”
13Ramai nou puletao vei ludu sü houpeilai ae hukhamai soua nüpoa tayu hinou süthaisa-a papeilai. Puletao nou nuhdu vei rokhubomü khesü dakhao paloua lahdo souloulai. Puletao vei veo, Mapao puhnou puletaoye süthaisa-a papeilai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.