MIKAH 7
7
Israel Mai vei Hrü Ashi
1E hai daizhou koute veasa! Hrou-a laiyu mai ali nou rashibe hi ae darkhabe hi rashithou aliro ngaolou hoa laiyu mai ali büre. Darkha shithou ae doushi thou sü haikhai touloure. 2Mai aveih mai hai hazei toure, Ramai hi chilee checheyu mai aliro hare. Mai hrülai nou maiye soushi peire donou kaozhou veiyu nasü phoua baire. Puletao hai lahvei maiye soushi peia bure. 3Puletao mai hrülai nou vah ashi souyu hiolouzü souvei shore. Peikho maitao ae chilou kupeiyu maitao nou seihla sü khore. Aduso maitao sünou puletao vei jüpa khesü paopa peiwe, südonou puletao nou koa ashi sünasü soutare. 4Puletao hrohi mai veikayu ae le sheekayu maitao-a komoyu shube poube ali büa baire.
Puletaoye kho-apei maitao, rachipaolayu maitao nou paopi peiyu büa puletaoye Ramai nou tudee laiyu teithe sü velaire. Chuo puletao hai büraroua bure. 5Nevei kinapa maiye loucheso moa nevei samai khamaiye lüloucheso. Nevei maipfü koute hia nevei chipao sü leikei-a paolo. 6Daiolouzü chu teile hai nahpoutu nou puo ye sü tsükhou more, nah naotupai nou pfü ye sü dure, ae nahleyu naotutao nou lah vei nai-paoh ye sü züvei-a baire; mai ali vei ngaobamai hai lah vei kihikhamai baire.
7Ana Ewo louzü Mapao vei vu kho-a bua bailai; Enou Eye khailupa apeio Ramai vei vureih-a bulai. Avei Ramai nou Eye keinou peilai.
Mapao nou Khailu peiyu sü Pove Peilai
8Etaoye ngaobayu maitao nou Etaoye ngaophou moa jünüre qo lia hae. Etao hai kaodu tare, ana Etao nou tashupu loulai. Etao hai chuo azhi hi bue, ana Mapao nou Etaoye ava sü peilai. 9Mapao vei lekha rarou ae chaa nasü Etao nou teile daotuli hai pfüa bulaire, daiolouzü Etao nou mah souwure. Ana akhai hiolouzü puhnou Etaoye vupa peilai, ae Etao hi kaozü moyu nasü souzü peilai. Puhnou Etaoye ava hi popa peilai; Puhnou Etaoye khailupa peiyu nasü Etao nou ngaolai. 10Süthaisü Etaoye ngaobayu maitao nou haisü ngaolai, “Neletao vei Ramai Mapao sü daiki bue?” tea konüyu maitao sü hraongu ngaolai. Puletao nou kaodu tayu sü Etao nou ngaolai; ae puletaoye sü mainou taidei poa ta-a bailai.
11Jerusalem hi maitaore, nuhdu vei kivo sü soushupure teile sü velaire. Süzhou sü neletao vei teidei hai soudu sousopu peilai. 12Neletao vei maikhe mai sü buliki hinou veloulai — teinghei palova buyu Assaria hinou, khelova buyu Ejipt hinou, Euphratis hilo vanou, zaidu hilo nou ae deichitao hinou veloulai. 13Ana teidei sühi hrüyu maitao nou mai ashi vanou teidei sü radeiki vita-a bailai.
Mapao nou Israel Maiye Leshiyu
14 Mapao, nenou dopa louyu maitao vei zhaokhopu sü nenou soupeio. Puletao nou vaohro hinou hrüa buyuma, puletao vei pehao hisü teidei aveih sü bue. Raichoki büa puletaoye panou füdei aveih Bashan ae Gilead hinou taho panou hrüo.
15 Mapao, nenou raichoki Ejipt hinou khupayu vah haso soupeiyu büa khupayu vah sü Etao hi soupu peio. 16Tyahrütao nou khouko bushoyuma haisü ngaoloua puletao hai hrao-a bailai. Puletao nou bah nou mü holoua bailai ae noubi kaloua bailai. 17Puletao nou deiphi hinou ngaotayu khaona büa ngaota-a bailai; puletao nou Etao Ramai Mapao ye ngaopi-a puletao vei reihkhaobu hinou ngaopoa tapalai. Puletao nou ngaopi-a Etao Ramai Mapao hisü veloulai.
18Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae. 19Ne nou Etao pei hisü zhuveapu peilai. Ne nou Etao vei mah khesü phi nou taicha peilai ae zai khehi laithou peilai! 20Nenou raichoki Etao vei puopaoh Abraham ae Jakob hi paohpei khaitouyu büa nevei maitao hisü nevei tobai soumoa leshi peiyu nasü ngaopeilai.
Currently Selected:
MIKAH 7: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MIKAH 7
7
Israel Mai vei Hrü Ashi
1E hai daizhou koute veasa! Hrou-a laiyu mai ali nou rashibe hi ae darkhabe hi rashithou aliro ngaolou hoa laiyu mai ali büre. Darkha shithou ae doushi thou sü haikhai touloure. 2Mai aveih mai hai hazei toure, Ramai hi chilee checheyu mai aliro hare. Mai hrülai nou maiye soushi peire donou kaozhou veiyu nasü phoua baire. Puletao hai lahvei maiye soushi peia bure. 3Puletao mai hrülai nou vah ashi souyu hiolouzü souvei shore. Peikho maitao ae chilou kupeiyu maitao nou seihla sü khore. Aduso maitao sünou puletao vei jüpa khesü paopa peiwe, südonou puletao nou koa ashi sünasü soutare. 4Puletao hrohi mai veikayu ae le sheekayu maitao-a komoyu shube poube ali büa baire.
Puletaoye kho-apei maitao, rachipaolayu maitao nou paopi peiyu büa puletaoye Ramai nou tudee laiyu teithe sü velaire. Chuo puletao hai büraroua bure. 5Nevei kinapa maiye loucheso moa nevei samai khamaiye lüloucheso. Nevei maipfü koute hia nevei chipao sü leikei-a paolo. 6Daiolouzü chu teile hai nahpoutu nou puo ye sü tsükhou more, nah naotupai nou pfü ye sü dure, ae nahleyu naotutao nou lah vei nai-paoh ye sü züvei-a baire; mai ali vei ngaobamai hai lah vei kihikhamai baire.
7Ana Ewo louzü Mapao vei vu kho-a bua bailai; Enou Eye khailupa apeio Ramai vei vureih-a bulai. Avei Ramai nou Eye keinou peilai.
Mapao nou Khailu peiyu sü Pove Peilai
8Etaoye ngaobayu maitao nou Etaoye ngaophou moa jünüre qo lia hae. Etao hai kaodu tare, ana Etao nou tashupu loulai. Etao hai chuo azhi hi bue, ana Mapao nou Etaoye ava sü peilai. 9Mapao vei lekha rarou ae chaa nasü Etao nou teile daotuli hai pfüa bulaire, daiolouzü Etao nou mah souwure. Ana akhai hiolouzü puhnou Etaoye vupa peilai, ae Etao hi kaozü moyu nasü souzü peilai. Puhnou Etaoye ava hi popa peilai; Puhnou Etaoye khailupa peiyu nasü Etao nou ngaolai. 10Süthaisü Etaoye ngaobayu maitao nou haisü ngaolai, “Neletao vei Ramai Mapao sü daiki bue?” tea konüyu maitao sü hraongu ngaolai. Puletao nou kaodu tayu sü Etao nou ngaolai; ae puletaoye sü mainou taidei poa ta-a bailai.
11Jerusalem hi maitaore, nuhdu vei kivo sü soushupure teile sü velaire. Süzhou sü neletao vei teidei hai soudu sousopu peilai. 12Neletao vei maikhe mai sü buliki hinou veloulai — teinghei palova buyu Assaria hinou, khelova buyu Ejipt hinou, Euphratis hilo vanou, zaidu hilo nou ae deichitao hinou veloulai. 13Ana teidei sühi hrüyu maitao nou mai ashi vanou teidei sü radeiki vita-a bailai.
Mapao nou Israel Maiye Leshiyu
14 Mapao, nenou dopa louyu maitao vei zhaokhopu sü nenou soupeio. Puletao nou vaohro hinou hrüa buyuma, puletao vei pehao hisü teidei aveih sü bue. Raichoki büa puletaoye panou füdei aveih Bashan ae Gilead hinou taho panou hrüo.
15 Mapao, nenou raichoki Ejipt hinou khupayu vah haso soupeiyu büa khupayu vah sü Etao hi soupu peio. 16Tyahrütao nou khouko bushoyuma haisü ngaoloua puletao hai hrao-a bailai. Puletao nou bah nou mü holoua bailai ae noubi kaloua bailai. 17Puletao nou deiphi hinou ngaotayu khaona büa ngaota-a bailai; puletao nou Etao Ramai Mapao ye ngaopi-a puletao vei reihkhaobu hinou ngaopoa tapalai. Puletao nou ngaopi-a Etao Ramai Mapao hisü veloulai.
18Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae. 19Ne nou Etao pei hisü zhuveapu peilai. Ne nou Etao vei mah khesü phi nou taicha peilai ae zai khehi laithou peilai! 20Nenou raichoki Etao vei puopaoh Abraham ae Jakob hi paohpei khaitouyu büa nevei maitao hisü nevei tobai soumoa leshi peiyu nasü ngaopeilai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.