MAIPEI PHOUYU 10
10
Shahu nou Souyu Shabe
1 Mapao nou Moses hi paoe, 2“Shahu nou shabe ahai soulo; süsü poa neletao nou Israel maisou kuve jülaiyu phaki ae fühao hraloua talaiyu phaki panou nghou peilai. 3Shabe ahai khinou kho shohshoa nghou louzü, Enou buyu Sahpao nghoujü hinou Israel mai hrülai hai tave jüloulai. 4Ana shabe ali nghoua bailouzü, khü khü hi süthai-apei maitao likhei ne hisü tave-a bailai. 5Shabe kho hai jüa nou nghoupei louzü, teinghei palova nou fühao soua buyu khütao nou tashu talai. 6Shabe kho ahai chenasoua nghoupei louzü khelova nou fühao soua buyu khütao nou tashu talai. Südonou shabe kho hai jüa nou nghoupei louzü fühao hrapoa nou talai, 7ana Israel maisouye kuve jülai toulouzü shabe kho hai sho-a nou nghou peilai. 8Shabe hai Aaron nahpoutu maitao, napao maitao nou nghoua bailai.
“Zhai haitao hai teisa nou talai. 9Lah neletao vei teidei hinou lah neletaoye vuloure donou ngaoba maiye soureih soulouzü, reihbu hinou shabe hai nasü nghoupei khaio. Neletao vei Ramai Mapao Enou neletaoye tave soukha peilai ae ngaobayu maitao bah hinou neletaoye vupa peilai. 10Neletao nou asah soua khonüh nüyu phaki, neletao nou meidei-a posheela peiyu phaki, ae neletao nou chavei lathao-a buloure vei posheela hai posheela peiyu phaki, shabe hai nasü nghoukhaio. Süthaisü Enou tave neletaoye soukha peilai. E hai nelatao vei Ramai Mapao-e.”
Israel Mainou Fühao Hrapoa Tayu
11Israel mainou Ejipt hinou tapa louyu po ahai navei khouh ahai vei khoukha kai zhou Mapao nou Sahpao pei hinou buyu teihao hai panou patare, 12ae Israel mainou Sinai radeiki sü thaowua tapoa nou tare. Teihao sünou Paran vaohro hinou kou chaore.
13 Mapao nou Moses hi kharochi peiyu thaifüa puletao nou tapoa nou tare, 14ae puletao nou tayu chüsü, paopeiyu thaifüa puletao nou ta-e. Judah vei khü hi louyu maime nanou raikasoua talai ae puletao vei maime nahai Amminadab nahpoutu Nabshon nou peikhowo soua sata peie. 15Issakar maitao vei me hisü Zuar nahpoutu Nethanel nou peikhowo soua satapeie, 16ae Zebulun maitao vei maime nahisü Helon nahpoutu Eliab nou peikhowo soua sata peie.
17Süthaisü Sahpao hai hrakouloua Gershon ae Merari maitao nou sünasü kaopoa nou talai.
18Süthai hai Reuben vei khü hi buyu maime nanou tapalai ae puletaoye Shedeur nahpoutu Elizur nou süthaisa-a talai. 19Zurishaddai nahpoutu Shelumiel nou Simeon khü hi louyu maime nahisü süthai-apei hai soue, 20ae Gad khü vei süthai-apeio hai Deuel nahpoutu Eliasaph nou soue.
21Süthaisü Levi khü hinou Kohath maitao nou sheeyu natao hai poloua nou talai. Puletao nou fühao soua bure buh hisü koulouyu phaki Sahpao nahai soushupuloua nou bulai.
22Süthai hai Ephraim vei khü hi louyu maime nanou tashupoa nou talai, ae Ammihud nahpoutu Elishama nou puletao vei süthai-apeio sü soua satalai. 23Pedahzur nahpoutu Gamaliel nou Manesseh vei khü hi süthai-apeio sü soue, 24ae Gideoni nahpoutu Abidan nou Benjamin khü vei süthai-apeio sü soue.
25Akhai soua thailo nou maime teiteiye reihkhao soure donou Dan maivei maime nanou tashu talai. Puletao vei peikhowo hai Ammishaddai nahpoutu Ahiezer nou soue. 26Okhran nahpoutu Pagiel nou Asher khü vei peikhowo sü soue, 27ae Naphtali khü vei süthai-apeio hai Enan nahpoutu Ahira nou soue. 28Israel mainou puletao vei fühao thaokhaiwua füsho tare chüsü, haibüa maimeme nou soua talai.
29Moses nou puh mo Midia puona Jethro nahpoutu Hobab hi haibüa paoe, “Mapao nou Etaoye peilai tea paokhai touyu teidei hisü tare donou Etao hai chuo tashu talaire. Mapao nou Israel maiye haveih soupeilai tea paopei khaitoue, südonou Etaoye koa ta-a baishe, Etao vei kini khesü ne-a zha zhipeilai.”
30Hobab nou chila peie, “E talai moe, E lah avei teidei hisü dakhai talaire.”
31Moses nou paoe, “Etaoye zhuvea nou thaowua tapeiso, daiolouzü rekou vaohro hi kabüa fühao soua bulai touyu hai nenou süwe, ae nenou Etao vei paodou-apeio sü soua sata peio. 32Nenou Etaoye koa sata peilouzü, Mapao nou Etao hi ha peiyu teitei sü neye zha zhipeilai.”
Maikhe Mainou Tashupoa Tayu
33Maikhe mainou sheeyu Sinai deichi nasü thaowua tapayu phaki, puletao hai teithe asü ta-e. Mapao vei Vo Sübvü nasü puletao jünou rai-a takou tewe, ae buh daikinou fühao soua bulai touyu sü phoutawe. 34Puletao nou fühao ali thaokhaiwua fühao ali hi kouyu phaki, Mapao vei teihao nanou puletao vei pei hinou hea teile hi bupeie. 35Vo Sübvü nasü kaopoa tayu chüsü Moses nou haibüa paoe, “Oh Mapaowo tashulo, neye ngaobayu maiye sü soupho rarou laipeio, ae neye ngaorayu maiye sü ne vei nghoujü hinou pa tuta-o!” 36Alia Vo Sübvü nahai chaoyu chüsü puhnou haibüa paoe, “Oh Mapaowo, Israel mai thethe buyu hisü dakhai ve peio.”
Currently Selected:
MAIPEI PHOUYU 10: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MAIPEI PHOUYU 10
10
Shahu nou Souyu Shabe
1 Mapao nou Moses hi paoe, 2“Shahu nou shabe ahai soulo; süsü poa neletao nou Israel maisou kuve jülaiyu phaki ae fühao hraloua talaiyu phaki panou nghou peilai. 3Shabe ahai khinou kho shohshoa nghou louzü, Enou buyu Sahpao nghoujü hinou Israel mai hrülai hai tave jüloulai. 4Ana shabe ali nghoua bailouzü, khü khü hi süthai-apei maitao likhei ne hisü tave-a bailai. 5Shabe kho hai jüa nou nghoupei louzü, teinghei palova nou fühao soua buyu khütao nou tashu talai. 6Shabe kho ahai chenasoua nghoupei louzü khelova nou fühao soua buyu khütao nou tashu talai. Südonou shabe kho hai jüa nou nghoupei louzü fühao hrapoa nou talai, 7ana Israel maisouye kuve jülai toulouzü shabe kho hai sho-a nou nghou peilai. 8Shabe hai Aaron nahpoutu maitao, napao maitao nou nghoua bailai.
“Zhai haitao hai teisa nou talai. 9Lah neletao vei teidei hinou lah neletaoye vuloure donou ngaoba maiye soureih soulouzü, reihbu hinou shabe hai nasü nghoupei khaio. Neletao vei Ramai Mapao Enou neletaoye tave soukha peilai ae ngaobayu maitao bah hinou neletaoye vupa peilai. 10Neletao nou asah soua khonüh nüyu phaki, neletao nou meidei-a posheela peiyu phaki, ae neletao nou chavei lathao-a buloure vei posheela hai posheela peiyu phaki, shabe hai nasü nghoukhaio. Süthaisü Enou tave neletaoye soukha peilai. E hai nelatao vei Ramai Mapao-e.”
Israel Mainou Fühao Hrapoa Tayu
11Israel mainou Ejipt hinou tapa louyu po ahai navei khouh ahai vei khoukha kai zhou Mapao nou Sahpao pei hinou buyu teihao hai panou patare, 12ae Israel mainou Sinai radeiki sü thaowua tapoa nou tare. Teihao sünou Paran vaohro hinou kou chaore.
13 Mapao nou Moses hi kharochi peiyu thaifüa puletao nou tapoa nou tare, 14ae puletao nou tayu chüsü, paopeiyu thaifüa puletao nou ta-e. Judah vei khü hi louyu maime nanou raikasoua talai ae puletao vei maime nahai Amminadab nahpoutu Nabshon nou peikhowo soua sata peie. 15Issakar maitao vei me hisü Zuar nahpoutu Nethanel nou peikhowo soua satapeie, 16ae Zebulun maitao vei maime nahisü Helon nahpoutu Eliab nou peikhowo soua sata peie.
17Süthaisü Sahpao hai hrakouloua Gershon ae Merari maitao nou sünasü kaopoa nou talai.
18Süthai hai Reuben vei khü hi buyu maime nanou tapalai ae puletaoye Shedeur nahpoutu Elizur nou süthaisa-a talai. 19Zurishaddai nahpoutu Shelumiel nou Simeon khü hi louyu maime nahisü süthai-apei hai soue, 20ae Gad khü vei süthai-apeio hai Deuel nahpoutu Eliasaph nou soue.
21Süthaisü Levi khü hinou Kohath maitao nou sheeyu natao hai poloua nou talai. Puletao nou fühao soua bure buh hisü koulouyu phaki Sahpao nahai soushupuloua nou bulai.
22Süthai hai Ephraim vei khü hi louyu maime nanou tashupoa nou talai, ae Ammihud nahpoutu Elishama nou puletao vei süthai-apeio sü soua satalai. 23Pedahzur nahpoutu Gamaliel nou Manesseh vei khü hi süthai-apeio sü soue, 24ae Gideoni nahpoutu Abidan nou Benjamin khü vei süthai-apeio sü soue.
25Akhai soua thailo nou maime teiteiye reihkhao soure donou Dan maivei maime nanou tashu talai. Puletao vei peikhowo hai Ammishaddai nahpoutu Ahiezer nou soue. 26Okhran nahpoutu Pagiel nou Asher khü vei peikhowo sü soue, 27ae Naphtali khü vei süthai-apeio hai Enan nahpoutu Ahira nou soue. 28Israel mainou puletao vei fühao thaokhaiwua füsho tare chüsü, haibüa maimeme nou soua talai.
29Moses nou puh mo Midia puona Jethro nahpoutu Hobab hi haibüa paoe, “Mapao nou Etaoye peilai tea paokhai touyu teidei hisü tare donou Etao hai chuo tashu talaire. Mapao nou Israel maiye haveih soupeilai tea paopei khaitoue, südonou Etaoye koa ta-a baishe, Etao vei kini khesü ne-a zha zhipeilai.”
30Hobab nou chila peie, “E talai moe, E lah avei teidei hisü dakhai talaire.”
31Moses nou paoe, “Etaoye zhuvea nou thaowua tapeiso, daiolouzü rekou vaohro hi kabüa fühao soua bulai touyu hai nenou süwe, ae nenou Etao vei paodou-apeio sü soua sata peio. 32Nenou Etaoye koa sata peilouzü, Mapao nou Etao hi ha peiyu teitei sü neye zha zhipeilai.”
Maikhe Mainou Tashupoa Tayu
33Maikhe mainou sheeyu Sinai deichi nasü thaowua tapayu phaki, puletao hai teithe asü ta-e. Mapao vei Vo Sübvü nasü puletao jünou rai-a takou tewe, ae buh daikinou fühao soua bulai touyu sü phoutawe. 34Puletao nou fühao ali thaokhaiwua fühao ali hi kouyu phaki, Mapao vei teihao nanou puletao vei pei hinou hea teile hi bupeie. 35Vo Sübvü nasü kaopoa tayu chüsü Moses nou haibüa paoe, “Oh Mapaowo tashulo, neye ngaobayu maiye sü soupho rarou laipeio, ae neye ngaorayu maiye sü ne vei nghoujü hinou pa tuta-o!” 36Alia Vo Sübvü nahai chaoyu chüsü puhnou haibüa paoe, “Oh Mapaowo, Israel mai thethe buyu hisü dakhai ve peio.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.