MAIPEI PHOUYU 13
13
Reikeipo Maiye Seitayu
(Paod 1.19-33)
1 Mapao nou Moses hi paoe, 2“Israel maivei khü kiahai buyu hinou süthai-apei mai chekhei hai dopalo ae puletaoye sü panou Kanaan teidei hai kabüa busa touyu reikei poloure donou seita-o.” 3-15Moses nou paochi züa Paran vaohro hinou süthai-apei mai haitao hai seita-e:
| Khü | Süthai-apeio |
|---|---|
| Reuben | Zakkur nahpoutu Shammua |
| Simeon | Hori nahpoutu Shaphat |
| Judah | Jephunneh nahpoutu Kaleb |
| Issakhar | Josef nahpoutu Igal |
| Ephraim | Nun nahpoutu Hoshea |
| Benjamin | Raphu nahpoutu Palti |
| Zebulun | Sodi nahpoutu Gaddiel |
| Manasseh | Susi nahpoutu Gaddi |
| Dan | Gemalli nahpoutu Ammiel |
| Asher | Mikhael nahpoutu Sethur |
| Naphtali | Vophsi nahpoutu Nahbi |
| Gad | Makhi nahpoutu Geuel |
16Moses nou mai haitao hai panou rai-a taho teidei zhure donou seita-e. Puhnou Nun nahpoutu Hoshea zhih hai Joshua tea nou sada peie.
17Moses nou puletaoye seitayu phaki, haibüa paopeie, “Neletao hai hinou reilova takhe loua nou Kanaan maivei teidei khelova hisü palo ae süthaisü deichi hinou buyu nuhtao hisü khelo. 18Teidei sü kabüa bue touyu hai zhulo, ae teidei sühi mai kazhou bue alia sühi hrüyu maikhe mai hai daizhou koute khouko bue touyu khesü phoupalo. 19Teidei hai veiho shi-e touyu phoupalo, ae maikhe mai nou hrüyu nuh khesü kaopo pohao khaitoua hrüho hrümoe touyu khesü zhulo. 20Puletao vei füdei hai kabüa bue alia vaosüü hrüho hrümoe touyu sü zhulo. Alia neletao nou dakhai veyu phaki, sühinou rashithou shiyu khesü daotu poa nou vewo.” Teile süphaki darkha shithou meipayu teile-e.
21Südonou puletao nou reilova nou tapoa teidei sü khelova buyu Zin vaohro hinou reilova Hamath hi louyu ludu nghia buyu Rehob hi khete hai zhuta-e. 22Puletao nou raikaisoua khelo nou buyu teidei sü zhuta-e, ae süthaisü puletao nou Hebron touyu teidei nasü zhue. Teidei sühi hai Ahiman, Sheshai ae Talmai mainou hrüwe, alia mai dushoyu maitya Anakim tea kuyu maitao nou nuh teidei sühisü bue. (Hebron hai Ejipt hi Zoan tea buyu nuhdu najünou po anai hai rai-a soushu loure.) 23Süthaisü puletao nou Eshkol vei deikho hisü veloue, buh sühinou puletao nou darkha shithou baokao ali hai jüdeloue ae sünasü süü ali thaithouloua panou mai ahai nou kaopoa nou ta-e. Puletao nou vajüshi ae doushi hai-a daotu pove-e. 24(Buh sünasü puletao nou Eshkol tea zhih sapeie, daiolouzü buh sühinou Israel maitao nou darkha shithou bo ali shaodeloue.)
25Reikei pomaitao nou teidei sü teithe raidai sühao poa nou zhuta-e ae puletao nou, 26Moses, Aaron alia Israel maisou hisü Paran vei vaohro hinou buyu Kadesh hisü dakhai ve puletao nou ngaoyu khesü paongao-e alia puletao nou poveyu darkhashi sü ngao-e. 27Puletao nou Moses hi paoe, “Nenou Etaoye seitayu teidei hisü Etao nou taho zhure; teidei sühisü laivoudzü ae chonaodzü küa nou bue; sühi rashithou sü hainare. 28Ana teidei sühi hrüyu maitao hai khouko pfüshowe ae nuhdu khesü veishoa kaopo pohao khaitoue, alia dushowe. Süpei hinou teidei sühisü duso shoyu Anak maiye Etao nou ngao-e. 29Amalek mainou teidei khelova hai hrüwe; Hit mai, Jebus mai, ae Amor mai nou deichi vasü hrüwe; ae Kanaan mainou Mediterranean zai pehao hi alia Jordon rei pehao hisü hrüwe.”
30Kaleb nou Moses hi vamoa raoyu maitaoye sü nuchao khaiwua puhnou haibüa paoe, “She, Etao thasho-a nou taho soureih soua teidei nasü polou laikhe; daiolouzü veilou süyu khouko sü Etao hi bue.”
31Ana Kaleb ye koa tayu maitao nou paoe, “Etao nou puletaoye reih soulou hoe, daiolouzü puletao hai Etao jünou khouko bupu hie.” 32Südonou puletao nou da-a nou Israel mai hisü ko ashi hai paotare. Puletao nou haibüa paoe, “Etao nou zhutayu teidei nasü sühinou hrüa buyu maitao-a thoudzü hai chejüa nou bubaie. Teidei sühi hrüyu maitao sha shonana-a nou bue, 33ae Etao nou mai dushoyu tya, Anak vei tyaosholea maitao-a ngao-e. Puletao hi kou Etao hai khazü touli büa baie, ae puletao nou Etaoye sü sübüa ngaoloua baie.”
Currently Selected:
MAIPEI PHOUYU 13: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MAIPEI PHOUYU 13
13
Reikeipo Maiye Seitayu
(Paod 1.19-33)
1 Mapao nou Moses hi paoe, 2“Israel maivei khü kiahai buyu hinou süthai-apei mai chekhei hai dopalo ae puletaoye sü panou Kanaan teidei hai kabüa busa touyu reikei poloure donou seita-o.” 3-15Moses nou paochi züa Paran vaohro hinou süthai-apei mai haitao hai seita-e:
| Khü | Süthai-apeio |
|---|---|
| Reuben | Zakkur nahpoutu Shammua |
| Simeon | Hori nahpoutu Shaphat |
| Judah | Jephunneh nahpoutu Kaleb |
| Issakhar | Josef nahpoutu Igal |
| Ephraim | Nun nahpoutu Hoshea |
| Benjamin | Raphu nahpoutu Palti |
| Zebulun | Sodi nahpoutu Gaddiel |
| Manasseh | Susi nahpoutu Gaddi |
| Dan | Gemalli nahpoutu Ammiel |
| Asher | Mikhael nahpoutu Sethur |
| Naphtali | Vophsi nahpoutu Nahbi |
| Gad | Makhi nahpoutu Geuel |
16Moses nou mai haitao hai panou rai-a taho teidei zhure donou seita-e. Puhnou Nun nahpoutu Hoshea zhih hai Joshua tea nou sada peie.
17Moses nou puletaoye seitayu phaki, haibüa paopeie, “Neletao hai hinou reilova takhe loua nou Kanaan maivei teidei khelova hisü palo ae süthaisü deichi hinou buyu nuhtao hisü khelo. 18Teidei sü kabüa bue touyu hai zhulo, ae teidei sühi mai kazhou bue alia sühi hrüyu maikhe mai hai daizhou koute khouko bue touyu khesü phoupalo. 19Teidei hai veiho shi-e touyu phoupalo, ae maikhe mai nou hrüyu nuh khesü kaopo pohao khaitoua hrüho hrümoe touyu khesü zhulo. 20Puletao vei füdei hai kabüa bue alia vaosüü hrüho hrümoe touyu sü zhulo. Alia neletao nou dakhai veyu phaki, sühinou rashithou shiyu khesü daotu poa nou vewo.” Teile süphaki darkha shithou meipayu teile-e.
21Südonou puletao nou reilova nou tapoa teidei sü khelova buyu Zin vaohro hinou reilova Hamath hi louyu ludu nghia buyu Rehob hi khete hai zhuta-e. 22Puletao nou raikaisoua khelo nou buyu teidei sü zhuta-e, ae süthaisü puletao nou Hebron touyu teidei nasü zhue. Teidei sühi hai Ahiman, Sheshai ae Talmai mainou hrüwe, alia mai dushoyu maitya Anakim tea kuyu maitao nou nuh teidei sühisü bue. (Hebron hai Ejipt hi Zoan tea buyu nuhdu najünou po anai hai rai-a soushu loure.) 23Süthaisü puletao nou Eshkol vei deikho hisü veloue, buh sühinou puletao nou darkha shithou baokao ali hai jüdeloue ae sünasü süü ali thaithouloua panou mai ahai nou kaopoa nou ta-e. Puletao nou vajüshi ae doushi hai-a daotu pove-e. 24(Buh sünasü puletao nou Eshkol tea zhih sapeie, daiolouzü buh sühinou Israel maitao nou darkha shithou bo ali shaodeloue.)
25Reikei pomaitao nou teidei sü teithe raidai sühao poa nou zhuta-e ae puletao nou, 26Moses, Aaron alia Israel maisou hisü Paran vei vaohro hinou buyu Kadesh hisü dakhai ve puletao nou ngaoyu khesü paongao-e alia puletao nou poveyu darkhashi sü ngao-e. 27Puletao nou Moses hi paoe, “Nenou Etaoye seitayu teidei hisü Etao nou taho zhure; teidei sühisü laivoudzü ae chonaodzü küa nou bue; sühi rashithou sü hainare. 28Ana teidei sühi hrüyu maitao hai khouko pfüshowe ae nuhdu khesü veishoa kaopo pohao khaitoue, alia dushowe. Süpei hinou teidei sühisü duso shoyu Anak maiye Etao nou ngao-e. 29Amalek mainou teidei khelova hai hrüwe; Hit mai, Jebus mai, ae Amor mai nou deichi vasü hrüwe; ae Kanaan mainou Mediterranean zai pehao hi alia Jordon rei pehao hisü hrüwe.”
30Kaleb nou Moses hi vamoa raoyu maitaoye sü nuchao khaiwua puhnou haibüa paoe, “She, Etao thasho-a nou taho soureih soua teidei nasü polou laikhe; daiolouzü veilou süyu khouko sü Etao hi bue.”
31Ana Kaleb ye koa tayu maitao nou paoe, “Etao nou puletaoye reih soulou hoe, daiolouzü puletao hai Etao jünou khouko bupu hie.” 32Südonou puletao nou da-a nou Israel mai hisü ko ashi hai paotare. Puletao nou haibüa paoe, “Etao nou zhutayu teidei nasü sühinou hrüa buyu maitao-a thoudzü hai chejüa nou bubaie. Teidei sühi hrüyu maitao sha shonana-a nou bue, 33ae Etao nou mai dushoyu tya, Anak vei tyaosholea maitao-a ngao-e. Puletao hi kou Etao hai khazü touli büa baie, ae puletao nou Etaoye sü sübüa ngaoloua baie.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.