MAIPEI PHOUYU 19
19
Cho Hoyu vei Vounai
1-2 Mapao nou Moses ae Aaron hi Israel maiye panou tare zhai haitao hai peie. Moses ae Aaron hi cho hoyu ali chaa hayu ae sa-a vah soukhai toumoyu ali hai pove peio, 3ae puletao nou sünasü napao Eleazar hi peilai. Cho sünasü fühao vei vakou hupaloua nou puhvei nghoujü hinou datha loulai. 4Süthaisü Eleazar nou souzhe daotu hai poloulai ae puh bah toutu süloua Sahpao buyu hilova hai bakha anai kavu peilai. 5Cho nasü teitei nou— souhee, souke, zhe ae lesou veishi nou napao nghoujü hinou meideiwulai. 6Süthaisü puhnou sedar süü daotu, loube boli ae pha hoyu ke ali poloua mei hisü laithou deiwulai. 7Süthai hai puhnou puhvei sabanü hai dzü shaowulai ae puh pfüphao hai dzü khüloulai, süthaisü puh hai fühao hisü taloua bailai, ana puh sü koukhe koute hai naanou hinou sheelai moe. 8Cho poa mei deiyu maina-a puhvei sabanü hai dzü shaolai ae puh pfüphao hai dzü khüloulai, ana puh-a koukhe koute hai naanou hinou sheelai moe. 9Süthaisü naanou hinou sheeyu mai ali nou cho meidei khaitouyu vounai sü veloua fühao vei vakou hi naanou hinou sheeyu buh ali hisü khailoulai, sübüa Israel maisou nou naanou hinou sheemoyu nasü poa sousheere dzü hi thoulai. Naanou hai nasü mah sousheere donou soulai. 10Vounai vüyu maina-a puhvei sabanü hai dzü shaoloulai, ana puh-a koukhe koute sheelai moe. Zhai hai nasü vere teile veishi hi ae Israel mai hrülai hi alia shetumai hia talai.
Thaiphao Deiyu
11Mai talinou thaiphao hai deire toulouzü, puhsü teithe anai koute sheelai moe. 12Puhnou sousheeyu dzü poloua teithe asü zhou ae teithe anai zhousü soushee loulai, süthaisü puh hai naanou hinou shee-a bailai. Ana puhnou teithe asü zhou ae teithe anai zhou hai soushee loumore toulouzü, puhsü shee moa bailai. 13Mai talina thaiphao deiwua puh sü soushee loumore toulouzü puh hai sheemoa bua bailai, daiolouzü poa sousheeyu vei dzü nou puhye lazü peimoe. Puhnou Mapao vei Sahpao hai souzhaiwure, südonou puhye sü Ramai vei mai soua popeipu khailai moe.
14Mai ali nou sahpao hinou thaita louzü, puh thaiyu teile hi sahpao sühi buyu maitao moa sahpao sühi louyu mai hai teithe anai koute sheelai moe. 15Sahpao sühinou buyu bvü moa leekhao tarali hai pei homoa bulouzü, na sütao hai shee moa bailai. 16Mainou southa khaitouyu moa vakou nou lah thaiyu thaiphao hai mai talinou deilouzü, moa hakinou mai ali nou mairao moa khüh hai deilouzü, puh-a teithe anai koute hai sheelai moe.
17Shee moyu nasü sousheelai toulouzü, mah sousheere donou cho hoyu navei meidei khaitouyu vounai nasü daotu poloua lee ali hi thouloulai, ae sühisü veiyu dzü lathou loulai. 18Rairailai soua sheeyu mai ali nou loube ali poloua dzü hisü thoupfü loulai, ae sahpao veishi hi kavu peilai, sühi buyu na teitei ae sühinou buyu maitaoye kavu peilai. Ahai chena soua sheeyu mai ali nou dzü sü poloua thaiphao deiyu moa mairao moa khüh deiyu mai neye kavu peilai. 19Naanou hinou shee-a buyu mai ali nou teithe asü zhou ae kou teithe anai zhou hai sheemoyu mainaye dzü poloua kavu peilai, ae teithe anai zhou sü puh hai shee-a bailai. Mai naye soushee peiyu puh sü puhvei sabanü hai dzü shaowulai ae puh pfüphao hai dzü khüloulai, süthaisü puh hai koukhe kou shee-a bailai.
20Mai taralia naanou hinou sheemo louzü ae puhnou soushee loumo louzü puh hai sheemoa bubaie, daiolouzü soushee peiyu dzü nasü puh hi kavu peimoe. Puhnou Mapao vei Sahpao hai souzhaiwure ae puhye sü Ramai vei mai soua popeipu laimoe. 21Neletao nou chikha hai nasü vere teile veishi hia soulai. Maiye soushee peiyu dzü kavu peiyu maina-a puhvei sabanü hai dzü shaolai, mai talinou soushee peiyu dzü deilouzü puh hai naanou hinou koukhe koute hai sheelai moe. 22Shee moyu mai nanou deiyu na veishi hai sheemoa bailai, ae mai talinou sütao hai deilouzü puh hai naanou hinou koukhe koute hai sheelai moe.
Currently Selected:
MAIPEI PHOUYU 19: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MAIPEI PHOUYU 19
19
Cho Hoyu vei Vounai
1-2 Mapao nou Moses ae Aaron hi Israel maiye panou tare zhai haitao hai peie. Moses ae Aaron hi cho hoyu ali chaa hayu ae sa-a vah soukhai toumoyu ali hai pove peio, 3ae puletao nou sünasü napao Eleazar hi peilai. Cho sünasü fühao vei vakou hupaloua nou puhvei nghoujü hinou datha loulai. 4Süthaisü Eleazar nou souzhe daotu hai poloulai ae puh bah toutu süloua Sahpao buyu hilova hai bakha anai kavu peilai. 5Cho nasü teitei nou— souhee, souke, zhe ae lesou veishi nou napao nghoujü hinou meideiwulai. 6Süthaisü puhnou sedar süü daotu, loube boli ae pha hoyu ke ali poloua mei hisü laithou deiwulai. 7Süthai hai puhnou puhvei sabanü hai dzü shaowulai ae puh pfüphao hai dzü khüloulai, süthaisü puh hai fühao hisü taloua bailai, ana puh sü koukhe koute hai naanou hinou sheelai moe. 8Cho poa mei deiyu maina-a puhvei sabanü hai dzü shaolai ae puh pfüphao hai dzü khüloulai, ana puh-a koukhe koute hai naanou hinou sheelai moe. 9Süthaisü naanou hinou sheeyu mai ali nou cho meidei khaitouyu vounai sü veloua fühao vei vakou hi naanou hinou sheeyu buh ali hisü khailoulai, sübüa Israel maisou nou naanou hinou sheemoyu nasü poa sousheere dzü hi thoulai. Naanou hai nasü mah sousheere donou soulai. 10Vounai vüyu maina-a puhvei sabanü hai dzü shaoloulai, ana puh-a koukhe koute sheelai moe. Zhai hai nasü vere teile veishi hi ae Israel mai hrülai hi alia shetumai hia talai.
Thaiphao Deiyu
11Mai talinou thaiphao hai deire toulouzü, puhsü teithe anai koute sheelai moe. 12Puhnou sousheeyu dzü poloua teithe asü zhou ae teithe anai zhousü soushee loulai, süthaisü puh hai naanou hinou shee-a bailai. Ana puhnou teithe asü zhou ae teithe anai zhou hai soushee loumore toulouzü, puhsü shee moa bailai. 13Mai talina thaiphao deiwua puh sü soushee loumore toulouzü puh hai sheemoa bua bailai, daiolouzü poa sousheeyu vei dzü nou puhye lazü peimoe. Puhnou Mapao vei Sahpao hai souzhaiwure, südonou puhye sü Ramai vei mai soua popeipu khailai moe.
14Mai ali nou sahpao hinou thaita louzü, puh thaiyu teile hi sahpao sühi buyu maitao moa sahpao sühi louyu mai hai teithe anai koute sheelai moe. 15Sahpao sühinou buyu bvü moa leekhao tarali hai pei homoa bulouzü, na sütao hai shee moa bailai. 16Mainou southa khaitouyu moa vakou nou lah thaiyu thaiphao hai mai talinou deilouzü, moa hakinou mai ali nou mairao moa khüh hai deilouzü, puh-a teithe anai koute hai sheelai moe.
17Shee moyu nasü sousheelai toulouzü, mah sousheere donou cho hoyu navei meidei khaitouyu vounai nasü daotu poloua lee ali hi thouloulai, ae sühisü veiyu dzü lathou loulai. 18Rairailai soua sheeyu mai ali nou loube ali poloua dzü hisü thoupfü loulai, ae sahpao veishi hi kavu peilai, sühi buyu na teitei ae sühinou buyu maitaoye kavu peilai. Ahai chena soua sheeyu mai ali nou dzü sü poloua thaiphao deiyu moa mairao moa khüh deiyu mai neye kavu peilai. 19Naanou hinou shee-a buyu mai ali nou teithe asü zhou ae kou teithe anai zhou hai sheemoyu mainaye dzü poloua kavu peilai, ae teithe anai zhou sü puh hai shee-a bailai. Mai naye soushee peiyu puh sü puhvei sabanü hai dzü shaowulai ae puh pfüphao hai dzü khüloulai, süthaisü puh hai koukhe kou shee-a bailai.
20Mai taralia naanou hinou sheemo louzü ae puhnou soushee loumo louzü puh hai sheemoa bubaie, daiolouzü soushee peiyu dzü nasü puh hi kavu peimoe. Puhnou Mapao vei Sahpao hai souzhaiwure ae puhye sü Ramai vei mai soua popeipu laimoe. 21Neletao nou chikha hai nasü vere teile veishi hia soulai. Maiye soushee peiyu dzü kavu peiyu maina-a puhvei sabanü hai dzü shaolai, mai talinou soushee peiyu dzü deilouzü puh hai naanou hinou koukhe koute hai sheelai moe. 22Shee moyu mai nanou deiyu na veishi hai sheemoa bailai, ae mai talinou sütao hai deilouzü puh hai naanou hinou koukhe koute hai sheelai moe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.