MAIPEI PHOUYU 3
3
Aaron vei Nahpoutu Maitao
1 Mapao nou Sinai Deichi hinou Moses ye chayu phaki, Aaron ae Moses vei kihikha mai hai mai haitao bue. 2Aaron hai nahpoutu mai adai bue: Nadab, puhnou nah tsükana-e, Abihu, Eleazar, ae Ithamar. 3Puletaoye panou napao soure donou dopaloua theadzü napeiwure. 4Ana Nadab ae Abihu hai Sinai radeiki hinou sheemoyu mei nou taopoa Mapao hi posheela peiyu donou southawure. Puhai hai nahmai ha-e, südonou Eleazar ae Ithamar nou Aaron vei hrümamai sasü napao souwe.
Napao Maitao vei Kuvah panou Soure donou Levi Maitaoye Dolouyu
5 Mapao nou Moses hi paoe, 6“Levi maitaoye nghoujülo sakoulo, ae puletaoye panou Napao Aaron vei kuvah soure donou vahbu thoupeio. 7Puletao nou Enou buyu Sahpao hi, napao maitao vei kuvah ae maisou vei kuvah hai soupeilai. 8Puletao nou Sahpao hi buyu na veishi ae Israel maisouye zhua nou vah sü soulai. 9Levi maitao vei vah hai Aaron ae puh nahmaitao vei kuvah souyu nasü baie. 10Nenou Aaron ae puhvei nahpoutu maitaoye panou napao maivei vah soure donou dothou peilai, mai kukhe mai talinoua vah süna soulai tea teyu maiye sü southa-a bailai.”
11 Mapao nou Moses hi paoe, 12-13“Israel maipfü nou nayu nahpoutu narai-o thaosou Israel mai hrohinou Enou Levi maiye dopa loure, Levi maitao hai avei-e, daiolouzü nah narai mai hrülai hai avei baie. Ejipt hi Enou nah narai hrülai hai southa peiyu phaki, Enou nah narai mai hrülai moa kikhaorü toukou raikayu veishi hai avei soulai tea Enou souku pawure, sütao hai avei soulai. E hai Mapao-e.”
Levi Maipei Phouyu
14Sinai vei radeiki hinou Mapao nou Moses hi haibüa kharochi peie, 15“Levi maiye kiphao alili nou ae khü-khü nou khouh ali payu ae khouh ali jünou layu poutumai hrülai zhih sü rükhailo.” 16Paoyu thaifüa Moses nou soupeie. 17-20Levi hai nahpoutu asü bue: Gershon, Kohath ae Merari toue. Puletao vei toudzütao hai puletao vei zhih nou tawe. Gershon hai nahpoutu ahai bue: Libni ae Shimei. Kohath hai nahpoutu adai bue: Amram, Izhar, Hebron ae Ezziel; alia Merari hai nahpoutu ahai bue: Mahli ae Mushi. Puletao hai Levi maivei kihikha maitao-e.
21Gershon vei khü hai Libni ae Shimei kihikha maitao koa nou soue. 22Khouh ali jünou layu poutu maitao maipei phouyu phaki, puletao mai hrülai hai 7,500 bue. 23Khü hai nanou Sahpao thailova teinghei loulo nou fühao soua bulai, 24ae Lael nahpoutu Eliasaph nou khü vei peikhowo soue. 25Puletao nou Sahpao, süna levai ae phouva houyutao, kikha taloure kikhu haosah, 26chikuyu buh pehao hi loure sahtao ae sühinou buyu posheelabu, alia chikuyu buh taloure haosah taosü zhua nou soulai. Puletao nou haitao hi molouzü shiyu vah veishi hai soulai.
27Kohath vei khü hai Amram, Izhar, Hebron ae Uzziel kihikha maitao-e. 28Khouh ali payu ae süjünou layu poutumai hrülai hai maipei 8,600 bue. 29Khü haina nou Sahpao vei khelova nou fühao soua bue, 30ae puletao vei peikhowo hai Uzziel nahpoutu Elizaphan nou sou-e. 31Puletao nou Vo Sübvü, taibel, meivabvü khaibu, posheelabutao, napao maitao nou poa Sheeyu Buh hinou vah soure paikhaotao, alia Sheesheelai Buh hi taloure haosah nasü puletao nou zhua soulai. Puletao nou haitao hi molouzü shiyu vah veishi hai zhua nou soulai.
32Napao Aaron nahpoutu Eleazar nou Levimai peikhowo sü soua puhnou rathoyu buh hi vah veishi hai zhupeie.
33Merari vei khü hai Mahli ae Mushi vei pfümounah nou koa souwe. 34Khouh ali jünou layu poutumai hrülai hai 6,200 bue. 35Khü hai nanou Sahpao vei reilova nou fühao soua bue, ae Abihail nahpoutu Zuriel nou puletao vei peikhowo soue. 36Puletao nou soure vah sü Sahpao vei süütao, hutao, dekatao, beiphi khiyu ae sütao poa nou Sahpao sü soulai. 37Puletao nou maisou vejüa buyu vakou vei deka baiphi khiyu ae raitao zhua nou soulai.
38Moses ae Aaron alia puhai vei nahpoutu maitao nou Sahpao vei kipalo teinghei palova nou fühao soua bulai. Puletao nou Sheeyu Buh, rathoyu hisü naanou teitei hai Israel mai thaosoua soulai ae mai talinoua vah sünasü soulai touyu maiye sü southalai. 39Mapao nou Moses hi kharochi peia Levi mai, khouh ali payu ae khouh ali jünou layu mai hrülai maipei phouyu phaki puletao hai mai 22,000 bue.
Nahpoutu Narai Maitao Thaosü Levi Mainou Thaolouyu
40-41 Mapao nou Moses hi paoe, “Israel mai nahpoutu naraio, khouh ali jünou layu mai hrülai sü zhih noupu rüloua maipei phoulo. Israel maivei nahpoutu naraio hrülai hai aveie. Ana puletao thaosü Enou Levi maitaoye nou avei-e tea khaloure. Kikhaorü touthou raikayu tao thaosü Enou Levi maivei kikhaorütao nou avei-e tea khaloue.” 42-43Moses nou paochi züa Israel maivei nahpoutu naraio khouh ali jünou layu mai hrülai sü zhih noupu rülou-a maipei phouloure, puletao mai hrülai hai 22,273 bue.
44 Mapao nou Moses hi paoe, 45“Israel maivei nah naraio maitao thaosü Levi mai, ae Israel maivei kikhaorü tourai kaiyutao thaosü Levi maivei kikhaorü nou polo, ae Levi maitaoye sü avei mai soure donou poa peithou peio. 46Israel maivei nahpoutu naraio maitao nou Levi mai jünou 273 pouyu donou neletao nou kou-a buyu nahpoutu maitaoye sü hüdakhai laire. 47Maisou nou ta-a buyu zhai thaifüa mai ali hai shahu angou nou hüdakhai palai, 48ae hüdakhai louyu shahu taosü Aaron ae puh nahpoutu maitao hi peio.” 49-50Moses nou paochi züa shahu 1,365 hai poloure, 51ae puhnou shahu taosü Aaron ae puh nahpaotu maitao hi peiwure.
Currently Selected:
MAIPEI PHOUYU 3: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
MAIPEI PHOUYU 3
3
Aaron vei Nahpoutu Maitao
1 Mapao nou Sinai Deichi hinou Moses ye chayu phaki, Aaron ae Moses vei kihikha mai hai mai haitao bue. 2Aaron hai nahpoutu mai adai bue: Nadab, puhnou nah tsükana-e, Abihu, Eleazar, ae Ithamar. 3Puletaoye panou napao soure donou dopaloua theadzü napeiwure. 4Ana Nadab ae Abihu hai Sinai radeiki hinou sheemoyu mei nou taopoa Mapao hi posheela peiyu donou southawure. Puhai hai nahmai ha-e, südonou Eleazar ae Ithamar nou Aaron vei hrümamai sasü napao souwe.
Napao Maitao vei Kuvah panou Soure donou Levi Maitaoye Dolouyu
5 Mapao nou Moses hi paoe, 6“Levi maitaoye nghoujülo sakoulo, ae puletaoye panou Napao Aaron vei kuvah soure donou vahbu thoupeio. 7Puletao nou Enou buyu Sahpao hi, napao maitao vei kuvah ae maisou vei kuvah hai soupeilai. 8Puletao nou Sahpao hi buyu na veishi ae Israel maisouye zhua nou vah sü soulai. 9Levi maitao vei vah hai Aaron ae puh nahmaitao vei kuvah souyu nasü baie. 10Nenou Aaron ae puhvei nahpoutu maitaoye panou napao maivei vah soure donou dothou peilai, mai kukhe mai talinoua vah süna soulai tea teyu maiye sü southa-a bailai.”
11 Mapao nou Moses hi paoe, 12-13“Israel maipfü nou nayu nahpoutu narai-o thaosou Israel mai hrohinou Enou Levi maiye dopa loure, Levi maitao hai avei-e, daiolouzü nah narai mai hrülai hai avei baie. Ejipt hi Enou nah narai hrülai hai southa peiyu phaki, Enou nah narai mai hrülai moa kikhaorü toukou raikayu veishi hai avei soulai tea Enou souku pawure, sütao hai avei soulai. E hai Mapao-e.”
Levi Maipei Phouyu
14Sinai vei radeiki hinou Mapao nou Moses hi haibüa kharochi peie, 15“Levi maiye kiphao alili nou ae khü-khü nou khouh ali payu ae khouh ali jünou layu poutumai hrülai zhih sü rükhailo.” 16Paoyu thaifüa Moses nou soupeie. 17-20Levi hai nahpoutu asü bue: Gershon, Kohath ae Merari toue. Puletao vei toudzütao hai puletao vei zhih nou tawe. Gershon hai nahpoutu ahai bue: Libni ae Shimei. Kohath hai nahpoutu adai bue: Amram, Izhar, Hebron ae Ezziel; alia Merari hai nahpoutu ahai bue: Mahli ae Mushi. Puletao hai Levi maivei kihikha maitao-e.
21Gershon vei khü hai Libni ae Shimei kihikha maitao koa nou soue. 22Khouh ali jünou layu poutu maitao maipei phouyu phaki, puletao mai hrülai hai 7,500 bue. 23Khü hai nanou Sahpao thailova teinghei loulo nou fühao soua bulai, 24ae Lael nahpoutu Eliasaph nou khü vei peikhowo soue. 25Puletao nou Sahpao, süna levai ae phouva houyutao, kikha taloure kikhu haosah, 26chikuyu buh pehao hi loure sahtao ae sühinou buyu posheelabu, alia chikuyu buh taloure haosah taosü zhua nou soulai. Puletao nou haitao hi molouzü shiyu vah veishi hai soulai.
27Kohath vei khü hai Amram, Izhar, Hebron ae Uzziel kihikha maitao-e. 28Khouh ali payu ae süjünou layu poutumai hrülai hai maipei 8,600 bue. 29Khü haina nou Sahpao vei khelova nou fühao soua bue, 30ae puletao vei peikhowo hai Uzziel nahpoutu Elizaphan nou sou-e. 31Puletao nou Vo Sübvü, taibel, meivabvü khaibu, posheelabutao, napao maitao nou poa Sheeyu Buh hinou vah soure paikhaotao, alia Sheesheelai Buh hi taloure haosah nasü puletao nou zhua soulai. Puletao nou haitao hi molouzü shiyu vah veishi hai zhua nou soulai.
32Napao Aaron nahpoutu Eleazar nou Levimai peikhowo sü soua puhnou rathoyu buh hi vah veishi hai zhupeie.
33Merari vei khü hai Mahli ae Mushi vei pfümounah nou koa souwe. 34Khouh ali jünou layu poutumai hrülai hai 6,200 bue. 35Khü hai nanou Sahpao vei reilova nou fühao soua bue, ae Abihail nahpoutu Zuriel nou puletao vei peikhowo soue. 36Puletao nou soure vah sü Sahpao vei süütao, hutao, dekatao, beiphi khiyu ae sütao poa nou Sahpao sü soulai. 37Puletao nou maisou vejüa buyu vakou vei deka baiphi khiyu ae raitao zhua nou soulai.
38Moses ae Aaron alia puhai vei nahpoutu maitao nou Sahpao vei kipalo teinghei palova nou fühao soua bulai. Puletao nou Sheeyu Buh, rathoyu hisü naanou teitei hai Israel mai thaosoua soulai ae mai talinoua vah sünasü soulai touyu maiye sü southalai. 39Mapao nou Moses hi kharochi peia Levi mai, khouh ali payu ae khouh ali jünou layu mai hrülai maipei phouyu phaki puletao hai mai 22,000 bue.
Nahpoutu Narai Maitao Thaosü Levi Mainou Thaolouyu
40-41 Mapao nou Moses hi paoe, “Israel mai nahpoutu naraio, khouh ali jünou layu mai hrülai sü zhih noupu rüloua maipei phoulo. Israel maivei nahpoutu naraio hrülai hai aveie. Ana puletao thaosü Enou Levi maitaoye nou avei-e tea khaloure. Kikhaorü touthou raikayu tao thaosü Enou Levi maivei kikhaorütao nou avei-e tea khaloue.” 42-43Moses nou paochi züa Israel maivei nahpoutu naraio khouh ali jünou layu mai hrülai sü zhih noupu rülou-a maipei phouloure, puletao mai hrülai hai 22,273 bue.
44 Mapao nou Moses hi paoe, 45“Israel maivei nah naraio maitao thaosü Levi mai, ae Israel maivei kikhaorü tourai kaiyutao thaosü Levi maivei kikhaorü nou polo, ae Levi maitaoye sü avei mai soure donou poa peithou peio. 46Israel maivei nahpoutu naraio maitao nou Levi mai jünou 273 pouyu donou neletao nou kou-a buyu nahpoutu maitaoye sü hüdakhai laire. 47Maisou nou ta-a buyu zhai thaifüa mai ali hai shahu angou nou hüdakhai palai, 48ae hüdakhai louyu shahu taosü Aaron ae puh nahpoutu maitao hi peio.” 49-50Moses nou paochi züa shahu 1,365 hai poloure, 51ae puhnou shahu taosü Aaron ae puh nahpaotu maitao hi peiwure.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.