PHONGSHANTHÜ DOU 4
4
Peter hi Johan Nyi Shahtapei Yaongpü
1Mechem Peter hi Johan nyi nanglakthü kü shah eyei nyupa, ngongpathü, phopshem yompü mübü, hatü Sadduke am jiji touei pei. 2Phongshanthüi nanglakthü kü Jisu kü dipü kübü yangei leipü nyüpeih shei nyuhpü hatü baongpü nangkü jomphong longi shanghah-ei nyu. 3Hanangkü jomi jiji yepei nyihphei thahshi khoklatei tuh; mehenangkü om dhüdaitü nyuteke. 4Shejao hapa shahjang danpüthü longi hinglem, hatü jomphongü haja nga hükshing nyuteke.
5Nyihphei jomei vanglem lembüthü, behethü hatü nyangbüthü Jerusalemei thai, 6hatü ngongchong Anna, Kaiaphas, Johan, #Meyangpü lai chang haneilei “Jonathan” shei eehen. Alexander, hatü ngongchongei shem am kübü peü omshi thai. 7Jomphongi khoklatei küppü nyi jiamei yaonghütü, “Üpalei wong nevaijü men kü ammi ha düknya?” shei jomi phe. 8Hahepak kü Peteri Laangha Daülangpai maei jomphong kü e, “Nanglak vanglem lembüthü hatü behethü, 9tüngei nyupü hanei am kü doumei dükpü nangkü shinnyih henji kü shah phejema, hatü hapa shennyak mekei etü meihüpa shei phejema, 10amphongi shophang kü aptükpü shejao Kahvangi dipü kübü yangei leishihpü Nazareth am Jisu Khristalei men kü hapa shennyak shaang am touei yaongshi nyüpeih shei am peü kü hatü Israel nanglakthü peü kü nyinghünyeih. 11Hapa Jisu-ü,
‘am shem vepüthüi yaktükpü yaong,
shongnyü shemshouk yaong leiteke.’
12Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”
13Shaang mechem jomi Peter hi Johan nyi mong longpü eepa, hatü jijiyü lai nemanpü jiüjiü shennyak shei nyingpa, jomphong thama, hatü Jisu mü nyuhampü nyi khih shei nying. 14Mechem jomi meidaipü shennyak jomphong touei yaongshi eepa, jomi meheyao khüei ne-eaok. 15Hanangkü jom hüki hük mü hapa nang shah shükteishingkü jiji kü shahtap leipü lüdaituh shei ngeükhüam shuoh. 16Jomphongi, “Jeni henyi kü mehe dükhenshang? Jiji homei nyangeihepü dou dükpü Jerusalemei nyupüthü peüi nyingdaiteke; jeni nevai shei enüng neaoknyu. 17Shejao nyeinya ha daei nanglakthü touei nedaihen shingvaishi jeni jiji kü hapalei men jung hajük kü ne-ehen ngeükhüam shuohshah” shei etei. 18Hanangkü jomi jiji nyükei Jisulei men lanshei neehen nevaijü nenyuhhen shingvaishi ngeükhüam shuoh. 19Shejao Peter hi Johan nyi-i jomphong kü, “Kahvangi epü meyü amphongi epü-üng banghen Kahvang touei jiüpü hi nejiüpa ammi shah phentuh; 20mehenangkü mehe hami ee, hatü dan, ha ne-e-i nenyuaokpih” shei jangei e. 21Shao jiji kü nyemshao pheikü jiji leitük; jiji kü hanghi shuohhen meheyao lem nedang; mehenangkü nanglakthü peüi mehe vampa, ha shingvaishi Kahvang men vih-ei nyuteke. 22Üpa shennyak kü hapa meihüpü nyangeihepü dükpa, büpayü nyübüh bong pinyi dok kü nyuteke.
Vaipüthüi Monglonghen Phoppü
23Jiji veshuoh pheikü jijinyi küphüthü touei leiyei ngongpathü hatü behethüi jiji kü mehe eshuohpa ha shah-om aokjateke. 24Mechem jomi ha danpa, jomi chemi Kahvang kü ngeü anei, “Chaipüba Shembüpa, kahdok hatü vangsho, yungching hatü haleipü lemphü lingpüba, 25nüng chongphobü hamei bü David homei Laangha Daülangpai ha epeyü nüng khih:
‘Mehekei Kung ami hokeiheinya,
hatü nanglakthüi angsha douthü deihhahnya?
26Kahdoknyü ongthüi temeilemnyüke,
hatü vanglem lembüthüi chemi thaitü,
Shembüpa hatü büpalei Messiah#Khrista khüei yaongnyüke.’ ”
27Mehenangkü hapa chingnyülei Herod hi Pontius Pilat nyi mü Kung am hatü Israel nanglakthü chemi thaitü nüngi jepü nüngei daülangpü chongphobü Jisu khüei yaongnyüke. 28Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke. 29Shaang, Shembüpa, jomi nyem shaopü kü veihümao, hatü nüngei chongphobüthüi mong longei nüngei shah ehütuh. 30Meihühen nüngei lak haongtuh hatü nüngei daülangpü chongphobü Jisulei men kü yashanyale, nyangeihepü hatü thamapü douthü düktuh.
31Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.
Vaipüthüi Jomei Mopthü Hanteipü
32Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke. 33Ngan longpai phongshanthüi Shembüpa Jisu yangei leipü denpü shuoh, hatü jom peü mü phahji longpü nyu. 34Jomphong khongkü nehahneyingpü shennyak üpayao nenyu. Kahdok hatü shem angpüthüi hathü yutü hapa yupülei lop koei peiyei, 35phongshanthülei la tüngei haü, hatü hapayü napü aimü peü kü demei shuoh. 36Cyprus leipü Levi am Joseph-i (üpa kü phongshanthüi Barnabas, lappai, Mongnang Thongpü Ha shei nyük), 37büpalei kah hük yutü hapalei lop koei peiyei phongshanthülei la tüngei haüteke.
Currently Selected:
PHONGSHANTHÜ DOU 4: PHOMBSI
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
PHONGSHANTHÜ DOU 4
4
Peter hi Johan Nyi Shahtapei Yaongpü
1Mechem Peter hi Johan nyi nanglakthü kü shah eyei nyupa, ngongpathü, phopshem yompü mübü, hatü Sadduke am jiji touei pei. 2Phongshanthüi nanglakthü kü Jisu kü dipü kübü yangei leipü nyüpeih shei nyuhpü hatü baongpü nangkü jomphong longi shanghah-ei nyu. 3Hanangkü jomi jiji yepei nyihphei thahshi khoklatei tuh; mehenangkü om dhüdaitü nyuteke. 4Shejao hapa shahjang danpüthü longi hinglem, hatü jomphongü haja nga hükshing nyuteke.
5Nyihphei jomei vanglem lembüthü, behethü hatü nyangbüthü Jerusalemei thai, 6hatü ngongchong Anna, Kaiaphas, Johan, #Meyangpü lai chang haneilei “Jonathan” shei eehen. Alexander, hatü ngongchongei shem am kübü peü omshi thai. 7Jomphongi khoklatei küppü nyi jiamei yaonghütü, “Üpalei wong nevaijü men kü ammi ha düknya?” shei jomi phe. 8Hahepak kü Peteri Laangha Daülangpai maei jomphong kü e, “Nanglak vanglem lembüthü hatü behethü, 9tüngei nyupü hanei am kü doumei dükpü nangkü shinnyih henji kü shah phejema, hatü hapa shennyak mekei etü meihüpa shei phejema, 10amphongi shophang kü aptükpü shejao Kahvangi dipü kübü yangei leishihpü Nazareth am Jisu Khristalei men kü hapa shennyak shaang am touei yaongshi nyüpeih shei am peü kü hatü Israel nanglakthü peü kü nyinghünyeih. 11Hapa Jisu-ü,
‘am shem vepüthüi yaktükpü yaong,
shongnyü shemshouk yaong leiteke.’
12Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”
13Shaang mechem jomi Peter hi Johan nyi mong longpü eepa, hatü jijiyü lai nemanpü jiüjiü shennyak shei nyingpa, jomphong thama, hatü Jisu mü nyuhampü nyi khih shei nying. 14Mechem jomi meidaipü shennyak jomphong touei yaongshi eepa, jomi meheyao khüei ne-eaok. 15Hanangkü jom hüki hük mü hapa nang shah shükteishingkü jiji kü shahtap leipü lüdaituh shei ngeükhüam shuoh. 16Jomphongi, “Jeni henyi kü mehe dükhenshang? Jiji homei nyangeihepü dou dükpü Jerusalemei nyupüthü peüi nyingdaiteke; jeni nevai shei enüng neaoknyu. 17Shejao nyeinya ha daei nanglakthü touei nedaihen shingvaishi jeni jiji kü hapalei men jung hajük kü ne-ehen ngeükhüam shuohshah” shei etei. 18Hanangkü jomi jiji nyükei Jisulei men lanshei neehen nevaijü nenyuhhen shingvaishi ngeükhüam shuoh. 19Shejao Peter hi Johan nyi-i jomphong kü, “Kahvangi epü meyü amphongi epü-üng banghen Kahvang touei jiüpü hi nejiüpa ammi shah phentuh; 20mehenangkü mehe hami ee, hatü dan, ha ne-e-i nenyuaokpih” shei jangei e. 21Shao jiji kü nyemshao pheikü jiji leitük; jiji kü hanghi shuohhen meheyao lem nedang; mehenangkü nanglakthü peüi mehe vampa, ha shingvaishi Kahvang men vih-ei nyuteke. 22Üpa shennyak kü hapa meihüpü nyangeihepü dükpa, büpayü nyübüh bong pinyi dok kü nyuteke.
Vaipüthüi Monglonghen Phoppü
23Jiji veshuoh pheikü jijinyi küphüthü touei leiyei ngongpathü hatü behethüi jiji kü mehe eshuohpa ha shah-om aokjateke. 24Mechem jomi ha danpa, jomi chemi Kahvang kü ngeü anei, “Chaipüba Shembüpa, kahdok hatü vangsho, yungching hatü haleipü lemphü lingpüba, 25nüng chongphobü hamei bü David homei Laangha Daülangpai ha epeyü nüng khih:
‘Mehekei Kung ami hokeiheinya,
hatü nanglakthüi angsha douthü deihhahnya?
26Kahdoknyü ongthüi temeilemnyüke,
hatü vanglem lembüthüi chemi thaitü,
Shembüpa hatü büpalei Messiah#Khrista khüei yaongnyüke.’ ”
27Mehenangkü hapa chingnyülei Herod hi Pontius Pilat nyi mü Kung am hatü Israel nanglakthü chemi thaitü nüngi jepü nüngei daülangpü chongphobü Jisu khüei yaongnyüke. 28Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke. 29Shaang, Shembüpa, jomi nyem shaopü kü veihümao, hatü nüngei chongphobüthüi mong longei nüngei shah ehütuh. 30Meihühen nüngei lak haongtuh hatü nüngei daülangpü chongphobü Jisulei men kü yashanyale, nyangeihepü hatü thamapü douthü düktuh.
31Jom phopei tempheikü jom thaipü shing jenteke, hatü jom peü Laangha Daülangpai ma hatü Kahvang shah mong longei e.
Vaipüthüi Jomei Mopthü Hanteipü
32Shaang vaipüthü peü chudeih mongdang hük mü nyu, hatü jom üpaiyao hayü ngei lompü mop shei ne-e, shejao jomi angpü lemphü sheppü vaiteke. 33Ngan longpai phongshanthüi Shembüpa Jisu yangei leipü denpü shuoh, hatü jom peü mü phahji longpü nyu. 34Jomphong khongkü nehahneyingpü shennyak üpayao nenyu. Kahdok hatü shem angpüthüi hathü yutü hapa yupülei lop koei peiyei, 35phongshanthülei la tüngei haü, hatü hapayü napü aimü peü kü demei shuoh. 36Cyprus leipü Levi am Joseph-i (üpa kü phongshanthüi Barnabas, lappai, Mongnang Thongpü Ha shei nyük), 37büpalei kah hük yutü hapalei lop koei peiyei phongshanthülei la tüngei haüteke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.