MARK 13
13
Phopshem Benhen Yeihshi Epü
(Mt. 24:1–2; Lk. 21:5–6)
1Büpa phopshem mongeipü vamshingkü büpalei nanglomthü khongkü hük peiyei büpa kü, “Veihümao, Nyuhbü, yaong hatü shem mekei longpüang yo!” shei e.
2Hahepak kü Jisui büpa kü, “Nüngi hapa longpü shem eenyüke je? Hatouei yaong hük shangkü hük haüshi nenyupih; peü noei domtükhen” shei e.
Shangpong hatü Shüveidoidei
(Mt. 24:3–14; Lk. 21:7–19)
3Mechem Jisu Olive Kahshangei phopshem kü khangteishi uoshi nyupa, Peter, Jakob, Johan hatü Andrew hathü büpa touei joei peiyei, 4“Ha mechem vamhen, hatü hathü kemei dhaümhen nyangeihepü mehe nyukahen, ha ham kü eshih” shei e.
5Hahepak kü Jisui jomphong kü, “Amphong üpayao lemnyongei nedaihen lituh. 6Longshi shingi ngelei men kü, ‘Ngeiyü büpa hih’ shei eshi peikahen hatü jomi longi lemnyongei mülanghen. 7Mechem ammi vehok vampü ngeü hatü vamhen shahjang danhenshang, am tenyem; hayü vamküshasha, shejao dohpü ngoihen shao-üng nyüpeih. 8Mehenangkü jati jat khüei, ongchingi ongching khüei vamhen: shingmü shingmü pedi vükpü, hatü münghishaü nyuhen. Shejao hathü peü shangponghen pangpü mon” shei eteke.
9Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen. 10Shongpüba kü jat peü touei shahjangmei baonghen. 11Mechem jomi am shahphen shingei deiyei lanei shuohtükhen, ammi mehe ehen shei yeihshi tenyem; shejao hahepak kü mehe ephahenshang, ha eyeishuoh; mehenangkü hayü ammi enyu nevai, Laangha Daülangpai enyeih. 12Jeihinaü hi jeihinaü, pa hi ha, hatü hapeüthüi nyühipa khüei yaonghen hatü jüteihen; 13hatü ngelei men kü am kü peüi jiühithen. Shejao üpai dohpü thahshi nenhenshang yanghen.
Nyembenüng Jiühitnalai
(Mt. 24:15–28; Lk. 21:20–24)
14Shejao mechem ammi nyembenüng jiühitnalai neyaonghen shingei yaongshi eehenshang (iepüthüi ha nyingtuh), Judealei nyupüthüi kahshangthülei nyaidaituh; 15shem adokei nyupüthüi lemhük yahhen shingvaishi shüh-ei mongei teshü; 16kahlei nyupü shennyaki bhagthuh yahnüng nyokei telei. 17Hathü nyih kü büm nekongi nyupüthü hatü naüja nyupü nyüthü onyükei! 18Ha ünyü hepak kü nejiühen phoptuh. 19Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen. 20Shembüpai hathü nyih shoh-ei neleitüklangmeyü üpayao neyangaokhah shepeih, shejao büpai üam je, hathülei men kü büpai nyih shohtükpeih. 21Hapa hepak kü hanei ami, “Veituh, ‘Khrista hatouei nyüke!’ nevaijü ‘Büpa antolei nyüke!’ shei ephüjü ha kü hingtelem. 22Shahshem khrista hatü shahshem thibüthü longi vamkahen hatü nyangeihepü hatü yashanyale longi hukahen; aokjema daülangpüthüao lemnyongei mülanghen. 23Shejao am lituh; ngei lemphü am kü etepih.”
Shennyak Ha Yiühen Nang
(Mt. 24:29–31; Lk. 21:25–28)
24Shejao hathü nyih kü shangpongpü peihpheikü,
“Vanghenyü manghdaihen,
hatü lennyüi laophülei vangngai neshuohhen,
25hatü lithathü vangsho leipü vühen,
hatü vangsho nganthü jenhen.
26Hahepak kü ngan hatü müknyinshekhang longpü kü Shennyak Ha phum shangkü yiüpü jomi eehen. 27Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”
Adhapüi Shahlappü
(Mt. 24:32–35; Lk. 21:29–33)
28Shaang adhapü kübü hapa nyingtuh: Mechem adhapü kü nien neenei phenlak vampü eehenshang ammi shao hepak ngoikünyüke shei nying. 29Hapa keiha mechem ammi hathü douthü vampü eehenshang, büpa yopailei, hei-üng shem shadenei nyüke shei nyingtuh. 30Hingmei ngei am kü enyeih, hathü dou peü vamei mangpeih thahshi hapa denhivan peih-ei nedaihen. 31Vangsho hatü kahdok peihdaihen, shejao ngelei shah nepeihdaihen.
Thaeimaei Nyuhen Vongbong
(Mt. 24:36–44)
32Shejao hapa nyih hatü hepak nang Opa mü lenei vangsho phongshani nevaijü Ha-iyao nevaijü üpaiyao nenying.
33Lituh, thaeimaei nyutuh; mehenangkü hepak mechem ngoikahen ammi nenying. 34Hapayü shennyak hük laophülei shem aathü kü veihen dousho hanei, hatü shaden yombü kao mükpaonathaei nyuhen etü yen kü daipü leshi nyüke.
35Hanangkü thaeimaei nyutuh; mehenangkü ammei shembü om kü hi, nevaijü nyak jiam kü hi, nevaijü ouga-oulüng kü hi nevaijü dhom mü leikahen ammi nenying, 36hei nevaijema büpa ngangahük kü leishingkü am shishi nyuhen. 37Ngei mehe am kü enya, ha peü kü enyeih; mükpaonathaei nyutuh.
Currently Selected:
MARK 13: PHOMBSI
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
MARK 13
13
Phopshem Benhen Yeihshi Epü
(Mt. 24:1–2; Lk. 21:5–6)
1Büpa phopshem mongeipü vamshingkü büpalei nanglomthü khongkü hük peiyei büpa kü, “Veihümao, Nyuhbü, yaong hatü shem mekei longpüang yo!” shei e.
2Hahepak kü Jisui büpa kü, “Nüngi hapa longpü shem eenyüke je? Hatouei yaong hük shangkü hük haüshi nenyupih; peü noei domtükhen” shei e.
Shangpong hatü Shüveidoidei
(Mt. 24:3–14; Lk. 21:7–19)
3Mechem Jisu Olive Kahshangei phopshem kü khangteishi uoshi nyupa, Peter, Jakob, Johan hatü Andrew hathü büpa touei joei peiyei, 4“Ha mechem vamhen, hatü hathü kemei dhaümhen nyangeihepü mehe nyukahen, ha ham kü eshih” shei e.
5Hahepak kü Jisui jomphong kü, “Amphong üpayao lemnyongei nedaihen lituh. 6Longshi shingi ngelei men kü, ‘Ngeiyü büpa hih’ shei eshi peikahen hatü jomi longi lemnyongei mülanghen. 7Mechem ammi vehok vampü ngeü hatü vamhen shahjang danhenshang, am tenyem; hayü vamküshasha, shejao dohpü ngoihen shao-üng nyüpeih. 8Mehenangkü jati jat khüei, ongchingi ongching khüei vamhen: shingmü shingmü pedi vükpü, hatü münghishaü nyuhen. Shejao hathü peü shangponghen pangpü mon” shei eteke.
9Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen. 10Shongpüba kü jat peü touei shahjangmei baonghen. 11Mechem jomi am shahphen shingei deiyei lanei shuohtükhen, ammi mehe ehen shei yeihshi tenyem; shejao hahepak kü mehe ephahenshang, ha eyeishuoh; mehenangkü hayü ammi enyu nevai, Laangha Daülangpai enyeih. 12Jeihinaü hi jeihinaü, pa hi ha, hatü hapeüthüi nyühipa khüei yaonghen hatü jüteihen; 13hatü ngelei men kü am kü peüi jiühithen. Shejao üpai dohpü thahshi nenhenshang yanghen.
Nyembenüng Jiühitnalai
(Mt. 24:15–28; Lk. 21:20–24)
14Shejao mechem ammi nyembenüng jiühitnalai neyaonghen shingei yaongshi eehenshang (iepüthüi ha nyingtuh), Judealei nyupüthüi kahshangthülei nyaidaituh; 15shem adokei nyupüthüi lemhük yahhen shingvaishi shüh-ei mongei teshü; 16kahlei nyupü shennyaki bhagthuh yahnüng nyokei telei. 17Hathü nyih kü büm nekongi nyupüthü hatü naüja nyupü nyüthü onyükei! 18Ha ünyü hepak kü nejiühen phoptuh. 19Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen. 20Shembüpai hathü nyih shoh-ei neleitüklangmeyü üpayao neyangaokhah shepeih, shejao büpai üam je, hathülei men kü büpai nyih shohtükpeih. 21Hapa hepak kü hanei ami, “Veituh, ‘Khrista hatouei nyüke!’ nevaijü ‘Büpa antolei nyüke!’ shei ephüjü ha kü hingtelem. 22Shahshem khrista hatü shahshem thibüthü longi vamkahen hatü nyangeihepü hatü yashanyale longi hukahen; aokjema daülangpüthüao lemnyongei mülanghen. 23Shejao am lituh; ngei lemphü am kü etepih.”
Shennyak Ha Yiühen Nang
(Mt. 24:29–31; Lk. 21:25–28)
24Shejao hathü nyih kü shangpongpü peihpheikü,
“Vanghenyü manghdaihen,
hatü lennyüi laophülei vangngai neshuohhen,
25hatü lithathü vangsho leipü vühen,
hatü vangsho nganthü jenhen.
26Hahepak kü ngan hatü müknyinshekhang longpü kü Shennyak Ha phum shangkü yiüpü jomi eehen. 27Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”
Adhapüi Shahlappü
(Mt. 24:32–35; Lk. 21:29–33)
28Shaang adhapü kübü hapa nyingtuh: Mechem adhapü kü nien neenei phenlak vampü eehenshang ammi shao hepak ngoikünyüke shei nying. 29Hapa keiha mechem ammi hathü douthü vampü eehenshang, büpa yopailei, hei-üng shem shadenei nyüke shei nyingtuh. 30Hingmei ngei am kü enyeih, hathü dou peü vamei mangpeih thahshi hapa denhivan peih-ei nedaihen. 31Vangsho hatü kahdok peihdaihen, shejao ngelei shah nepeihdaihen.
Thaeimaei Nyuhen Vongbong
(Mt. 24:36–44)
32Shejao hapa nyih hatü hepak nang Opa mü lenei vangsho phongshani nevaijü Ha-iyao nevaijü üpaiyao nenying.
33Lituh, thaeimaei nyutuh; mehenangkü hepak mechem ngoikahen ammi nenying. 34Hapayü shennyak hük laophülei shem aathü kü veihen dousho hanei, hatü shaden yombü kao mükpaonathaei nyuhen etü yen kü daipü leshi nyüke.
35Hanangkü thaeimaei nyutuh; mehenangkü ammei shembü om kü hi, nevaijü nyak jiam kü hi, nevaijü ouga-oulüng kü hi nevaijü dhom mü leikahen ammi nenying, 36hei nevaijema büpa ngangahük kü leishingkü am shishi nyuhen. 37Ngei mehe am kü enya, ha peü kü enyeih; mükpaonathaei nyutuh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.