MATHIU 21
21
Tajien lahma Jeroselem nâng Hok
(Mak 11.1-11; Luk 19.28-40; Jhn 12.12-19)
1Jisu le ate dijunte heh Jeroselem nâng hunemnem dângko, Oliv hahho wah Batphas theko hokwah. Erethe kowah Jisu ma ate dijunte wanii pa thinmako chienwên lâwah 2Atema thinnâng aroh thôkoh wah, “Ne mawah hahdaangko wãngen, eko nema Gado thiet lahma echohkhe en, ngale ate chha pemin ate kêko edanga. Erepa jânletma ngatânâng sietkat kohha. 3Ngale henma komin chenjô mechhien hen komin, ‘Teso ma#21.3: Teso ma; ba Thin tângte ma. lemeka’; ngama thôkoh en, phumma atema lemlienma echhien katra.”
4Arepa mõng ma jabtah nginpa chûrãng dângwah:
5“Zion chha hehnâng thôkoh en,
sû en, ne Lowang pa netânâng hûera!
atea numnene ngale Gado khohko chhang eka
Ngale Gado chha khohko chhang eka.”
6Ephumma dijunte heh chhoan lahma Jisu ma chenroh thôkotah a eroh moatwah: 7Thinma Gado le ate chhanii sietkat wah, erediko thinma khet akhu heh Gado khohko kêmwên wakwah, ngale Gado khohko Jisu chhangwah. 8Jahmõang mihnyan hehma thin khet akhu heh lemko kêm rewakwah, ngale khaka hehma bãngphak doaklahma lemko kêmwakwah. 9Jisu diama wah khôamte mihnyan hehma, rakwah “Devit Chha nâng rôe! Teso mînko hokteko Joban ma rangkoh eka! Joban nângrôe!”
10Chenthu Jisu Jeroselem nâng nyuphok phumma, hahdaang phangtang hahjam tijam dangwah. Mihnyan hehma, “Atea hen a?” ngama thôngphâ wah.
11Loangchhang pumma, “Arepa Galilijaa wah Nazarat hah wah mõng Jisu” ngama dânthâng wah.
Jisu Rangsoamhum nâng Hok
(Mak 11.15-19; Luk 19.45-48; Jhn 2.13-22)
12Jisu ma Rangsoamhum khenko wãng lahma phinsâng thãsengte heh phangma junloat wah. Ngale atema ngun litmînte khoangheh dâthin phekoh rewah, erediko phariwo sângte tôngthin heh rephekoh rewah, 13ngale thinnâng ngatwah, “Joban nyapraang nâng Joban ma aroh jablahma raangeka, ‘Nga Hum pa Rangsoamhum ngama ngatmin.’ Phumma nekhuma arepa huh aliak heh huhtôngthin therãng hôan eken!”
14Mitdoak dakò heh ate tâko rangsoamhum ko hokwakwah, phumma atema ereheh sênsietwah. 15Soam aroakte adong ngale Niemarang hethôte hehma chenthu Jisu ma patritli moatlem moat kheko, ngale leta lechhih hehma Rangsoamhum khenko, “Devit Chha nâng rô lahma rak tatphumma!” thin rinkhah wah 16Ephumma thinma Jisu nâng ngatwah, “Thinma chenni ngaeka erepa nangma tat ekole?”
Jisu ma “Tat ekang” ngama dânthâng wah, ngale atema thinnâng ngatwah, “Nema are Joban nyapraang pa mathat weihne? ‘nangma leta lechhih ngale naajengchha hehnâng Joban nâng chenroh senthemthem jienrômin a arepa hethô wakeko ngama raang ekapa.’ ”
17Jisu ma thin phethien lahma Bathani hahnâng katwah, ngale ere rangpenko ate enâng jêmwah.
Jisu ma phukribãng ko Têm Athoak
(Mak 11.12-14,20-24)
18Eredijâko ate rangkhah rangkhoma hahdaang nâng ngakwângko, lemnâng rêmritwah. 19Tema lemkahko phukbãng khelahma phukri lêmsokrãng katwah, phumma phukri lechoh thangma adek lolo tônglâwah. Ephumma atema bãngko “nangma chenthumin penri leri tumin!” ngama ngatwah, ephumma lemlienma phukbãngpa choakjâwah.
20Dijunte hehma arepa khelahma patrit rewah. Thinma thôngphâ wah, “Phukbãngpa lemlienma chenroh jienchoak jâeka?”
21Jisu ma dânthâng wah, “Ngama nenâng nginlinlin thôkoh eka, nememin meputedâlem enko, ngama are phukbãngpa chenroh jienchoaksiet ekanga ererãngrãng nememin tamo en. Atô lolo ledang, nema are hahkong komin, ‘josi ko rutjâkao’ ngama tanga en, eko hahkõngpa erutjâka a. 22Nema meputedâlem enko, rangsoam letma chenni thaeken a arepa echoh en.”
Jisu ma Chaanpa Chenwah Choh eka ngama Chhien
(Mak 11.27-33; Luk 20.1-8)
23Jisu Rangsoamhum nâng ngakhû lahma atema hethô thuko, soam roakte adong ngale khhepho phannang heh hûlahma atenâng thôngphâ wah, “Nangma areheh chenni chaan junma tamo ekoa? are chaanpa henma koh ehoa?”
24Jisu ma dânthâng wah, “Ngama nenâng ngin khapthe chhien a, phumma nema nganâng mejien dânthang hako, ngama areheh chenni chaan junko tamo ekanga ereheh nenâng thôkoh a. 25Jon ma baptijem kohrãng henwah chaan chohwah a: Joban wah chohwah ale, mihnyan wah chohwah a?”
Ephumma thindede tungko chhiakmîn wah, “nãngma chenroh dânthangea? Nãngma, ‘Joban wah,’ ngama medânthang eko, atema nãngnâng, ‘eroh medang ako Jon nâng chenrãngma putedâlem met a ngama engahi?’ 26Ngale nãngma, ‘mihnyan wah menga eko,’ nãngdemnâng are mihnyan heh rin ekhahwak a, chenrãngma ngako, are mihnyan hehma Jon nâng mõng ngama thonghun eka.” 27Ephumma, thinma Jisu nâng, “Nima jetmih” ngama dânthâng wah.
Ngale atema thinnâng ngatwah, “Eroh medang ako ngamemin chenni chaanma moekãnga erepa nenângmin thôkomah.
Chhepho Wanii Nginthakthô
28“Nema chenroh thonghun eken a? rekthenâng mihnyan wathenãng chhepho wanii dângwah. Atema khhepho chha tâko kalahma ngatwah, ‘echha thejâ nangma angurthong mokao.’ 29Phumma ate chha pumma, ‘nga moatkat hunmek’ ngama dânthâng wah, rohkomin khediko hungngaklit lahma atema moatkatwah. 30Erediko wapa naadiwa tâko kalahma erohjô ngatkatwah. Phumma naadiwa pumma ‘moka ang’ ngama dânthang lahma mokaho. 31Are chhepho wanii kowah henma thinwa ngin kepeka?”
“Khhepho chha pumma,” ngama thinma dânthâng wah.
Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.” 32Chenrãngma ngako Jon baptisma nenâng toangtangko sôngtông rãngma hethô ehèn, phumma nema atenâng putedâlem met; rohkomin thãkho thâte ngale phoangsâng chhahte dihiak hehma putedâlem eka. Nema ereheh kheletma jômin khediko nehung litletma atenâng putedâlem met.
Angurbãng Khoakhêm Sokte Nginthakthô
(Mak 12.1-12; Luk 20.9-19)
33Jisu ma ngatwah. “Nginthakthô ahânmin jetat tan en,” “Rekthenâng pit tângte wathema ate pitko angur khiet lahma dângwah, angurthong pa panma tûmhoan rewah, ngale angurti koakthin koan thienrãng hahken thu rewah, erediko angurthong bemte tôngrãng humchoangpa hoan rewah. Erediko tângte pumma mih khuthe nâng aroamrãng mothukthien lahma atea hahtaang nâng chhoanwah.” 34Chenthu angur chum lahma khôanpûn rangkuh hokphumma, tângte pumma aroamrãng mothuk thientah heh tâko ate thiak thârãng ate haaheh chienkat wah. 35Aroamrãng motah mihnyan hehma tângtewa haaheh lolahma watheko buh awat, wathepa ritphe, ngale wathepa longma ritpet rewah. 36Eredikomin tângte pumma ate haa ahan heh khema wah noma ajah ngakchien katwah, phumma aroamrãng motah mihnyan hehma khema wah rãngrãngjô hôanjôan wah. 37Khedithôanko tângte pumma ate chhapa chienkatwah, atema, ‘Ngachha ran echei wakthem a’ ngama thonghunwah. 38Phumma ate chhapa khelahma erekowah moatte heh thindede tungko thômîn wah, ‘Tângte chhapa lâkatha, chepen, nãngma ate chhapa ritphe lihma are angurthongpa nãngrãng kep e!’ 39Ephumma thinma lolahma, angurthong panlien nâng phekat lahma, ritphewah.
40Jisu ma thinnâng chhienwah. “Phumma, angurthong tângte wapa mehû theko, atema aroamrãng mothuktah mihnyan hehnâng chenni rêmin a?”
41Thinma dânthâng wah, “Ere mihnyan chhih heh atema ritphe erea”, “ngale angurthong pa angur chum sanpoatko atenâng senthemthem kohte mihnyan hânnâng aroamrãng engak mothuk a.”
42Jisu ma thinnâng ngatwah, “Joban nyapraang nâng chenroh raangeka arepa nema mathat chohweihne?
‘Humhôante ma achhih ngama petphe eka longpa chentô noma alemthôan longrãng dangeka;
Arepa Teso ma moeka;
Phumma arepa chentô nyoaksok lisên moeka!’
43Jisu ma ngatwah, “Ngama nenâng thôkoh eka,” “Joban Hahsông pa newah toanchhoan lahma kaamsen moatte hehnâng ekoh a.”#21.43: wanwanthe ma vars 44 pa johraang eka: Hen akomin are long khohko mejârii ako ate khihkhih nyahnyah edanga, phumma ere longpa henkhoh nâng jârii eka, ere mihnyan pa long pumma bumrãng landangroh ekhihpat a (Luk 20.18 ko tasûe).
45Jisu ma nginthakthô thôkoh ekapa soam aroakte adong ngale Farasi hehma tatlahma thinma ninâng ngaehi ngama jetwah, 46Ephumma thinma Jisu loatkhhek rãng phungwah. Rohkomin Jisu pa mõng ngama thônghunte loangchhang heh ran thin chei rewah.
Currently Selected:
MATHIU 21: NOKTBSI
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MATHIU 21
21
Tajien lahma Jeroselem nâng Hok
(Mak 11.1-11; Luk 19.28-40; Jhn 12.12-19)
1Jisu le ate dijunte heh Jeroselem nâng hunemnem dângko, Oliv hahho wah Batphas theko hokwah. Erethe kowah Jisu ma ate dijunte wanii pa thinmako chienwên lâwah 2Atema thinnâng aroh thôkoh wah, “Ne mawah hahdaangko wãngen, eko nema Gado thiet lahma echohkhe en, ngale ate chha pemin ate kêko edanga. Erepa jânletma ngatânâng sietkat kohha. 3Ngale henma komin chenjô mechhien hen komin, ‘Teso ma#21.3: Teso ma; ba Thin tângte ma. lemeka’; ngama thôkoh en, phumma atema lemlienma echhien katra.”
4Arepa mõng ma jabtah nginpa chûrãng dângwah:
5“Zion chha hehnâng thôkoh en,
sû en, ne Lowang pa netânâng hûera!
atea numnene ngale Gado khohko chhang eka
Ngale Gado chha khohko chhang eka.”
6Ephumma dijunte heh chhoan lahma Jisu ma chenroh thôkotah a eroh moatwah: 7Thinma Gado le ate chhanii sietkat wah, erediko thinma khet akhu heh Gado khohko kêmwên wakwah, ngale Gado khohko Jisu chhangwah. 8Jahmõang mihnyan hehma thin khet akhu heh lemko kêm rewakwah, ngale khaka hehma bãngphak doaklahma lemko kêmwakwah. 9Jisu diama wah khôamte mihnyan hehma, rakwah “Devit Chha nâng rôe! Teso mînko hokteko Joban ma rangkoh eka! Joban nângrôe!”
10Chenthu Jisu Jeroselem nâng nyuphok phumma, hahdaang phangtang hahjam tijam dangwah. Mihnyan hehma, “Atea hen a?” ngama thôngphâ wah.
11Loangchhang pumma, “Arepa Galilijaa wah Nazarat hah wah mõng Jisu” ngama dânthâng wah.
Jisu Rangsoamhum nâng Hok
(Mak 11.15-19; Luk 19.45-48; Jhn 2.13-22)
12Jisu ma Rangsoamhum khenko wãng lahma phinsâng thãsengte heh phangma junloat wah. Ngale atema ngun litmînte khoangheh dâthin phekoh rewah, erediko phariwo sângte tôngthin heh rephekoh rewah, 13ngale thinnâng ngatwah, “Joban nyapraang nâng Joban ma aroh jablahma raangeka, ‘Nga Hum pa Rangsoamhum ngama ngatmin.’ Phumma nekhuma arepa huh aliak heh huhtôngthin therãng hôan eken!”
14Mitdoak dakò heh ate tâko rangsoamhum ko hokwakwah, phumma atema ereheh sênsietwah. 15Soam aroakte adong ngale Niemarang hethôte hehma chenthu Jisu ma patritli moatlem moat kheko, ngale leta lechhih hehma Rangsoamhum khenko, “Devit Chha nâng rô lahma rak tatphumma!” thin rinkhah wah 16Ephumma thinma Jisu nâng ngatwah, “Thinma chenni ngaeka erepa nangma tat ekole?”
Jisu ma “Tat ekang” ngama dânthâng wah, ngale atema thinnâng ngatwah, “Nema are Joban nyapraang pa mathat weihne? ‘nangma leta lechhih ngale naajengchha hehnâng Joban nâng chenroh senthemthem jienrômin a arepa hethô wakeko ngama raang ekapa.’ ”
17Jisu ma thin phethien lahma Bathani hahnâng katwah, ngale ere rangpenko ate enâng jêmwah.
Jisu ma phukribãng ko Têm Athoak
(Mak 11.12-14,20-24)
18Eredijâko ate rangkhah rangkhoma hahdaang nâng ngakwângko, lemnâng rêmritwah. 19Tema lemkahko phukbãng khelahma phukri lêmsokrãng katwah, phumma phukri lechoh thangma adek lolo tônglâwah. Ephumma atema bãngko “nangma chenthumin penri leri tumin!” ngama ngatwah, ephumma lemlienma phukbãngpa choakjâwah.
20Dijunte hehma arepa khelahma patrit rewah. Thinma thôngphâ wah, “Phukbãngpa lemlienma chenroh jienchoak jâeka?”
21Jisu ma dânthâng wah, “Ngama nenâng nginlinlin thôkoh eka, nememin meputedâlem enko, ngama are phukbãngpa chenroh jienchoaksiet ekanga ererãngrãng nememin tamo en. Atô lolo ledang, nema are hahkong komin, ‘josi ko rutjâkao’ ngama tanga en, eko hahkõngpa erutjâka a. 22Nema meputedâlem enko, rangsoam letma chenni thaeken a arepa echoh en.”
Jisu ma Chaanpa Chenwah Choh eka ngama Chhien
(Mak 11.27-33; Luk 20.1-8)
23Jisu Rangsoamhum nâng ngakhû lahma atema hethô thuko, soam roakte adong ngale khhepho phannang heh hûlahma atenâng thôngphâ wah, “Nangma areheh chenni chaan junma tamo ekoa? are chaanpa henma koh ehoa?”
24Jisu ma dânthâng wah, “Ngama nenâng ngin khapthe chhien a, phumma nema nganâng mejien dânthang hako, ngama areheh chenni chaan junko tamo ekanga ereheh nenâng thôkoh a. 25Jon ma baptijem kohrãng henwah chaan chohwah a: Joban wah chohwah ale, mihnyan wah chohwah a?”
Ephumma thindede tungko chhiakmîn wah, “nãngma chenroh dânthangea? Nãngma, ‘Joban wah,’ ngama medânthang eko, atema nãngnâng, ‘eroh medang ako Jon nâng chenrãngma putedâlem met a ngama engahi?’ 26Ngale nãngma, ‘mihnyan wah menga eko,’ nãngdemnâng are mihnyan heh rin ekhahwak a, chenrãngma ngako, are mihnyan hehma Jon nâng mõng ngama thonghun eka.” 27Ephumma, thinma Jisu nâng, “Nima jetmih” ngama dânthâng wah.
Ngale atema thinnâng ngatwah, “Eroh medang ako ngamemin chenni chaanma moekãnga erepa nenângmin thôkomah.
Chhepho Wanii Nginthakthô
28“Nema chenroh thonghun eken a? rekthenâng mihnyan wathenãng chhepho wanii dângwah. Atema khhepho chha tâko kalahma ngatwah, ‘echha thejâ nangma angurthong mokao.’ 29Phumma ate chha pumma, ‘nga moatkat hunmek’ ngama dânthâng wah, rohkomin khediko hungngaklit lahma atema moatkatwah. 30Erediko wapa naadiwa tâko kalahma erohjô ngatkatwah. Phumma naadiwa pumma ‘moka ang’ ngama dânthang lahma mokaho. 31Are chhepho wanii kowah henma thinwa ngin kepeka?”
“Khhepho chha pumma,” ngama thinma dânthâng wah.
Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.” 32Chenrãngma ngako Jon baptisma nenâng toangtangko sôngtông rãngma hethô ehèn, phumma nema atenâng putedâlem met; rohkomin thãkho thâte ngale phoangsâng chhahte dihiak hehma putedâlem eka. Nema ereheh kheletma jômin khediko nehung litletma atenâng putedâlem met.
Angurbãng Khoakhêm Sokte Nginthakthô
(Mak 12.1-12; Luk 20.9-19)
33Jisu ma ngatwah. “Nginthakthô ahânmin jetat tan en,” “Rekthenâng pit tângte wathema ate pitko angur khiet lahma dângwah, angurthong pa panma tûmhoan rewah, ngale angurti koakthin koan thienrãng hahken thu rewah, erediko angurthong bemte tôngrãng humchoangpa hoan rewah. Erediko tângte pumma mih khuthe nâng aroamrãng mothukthien lahma atea hahtaang nâng chhoanwah.” 34Chenthu angur chum lahma khôanpûn rangkuh hokphumma, tângte pumma aroamrãng mothuk thientah heh tâko ate thiak thârãng ate haaheh chienkat wah. 35Aroamrãng motah mihnyan hehma tângtewa haaheh lolahma watheko buh awat, wathepa ritphe, ngale wathepa longma ritpet rewah. 36Eredikomin tângte pumma ate haa ahan heh khema wah noma ajah ngakchien katwah, phumma aroamrãng motah mihnyan hehma khema wah rãngrãngjô hôanjôan wah. 37Khedithôanko tângte pumma ate chhapa chienkatwah, atema, ‘Ngachha ran echei wakthem a’ ngama thonghunwah. 38Phumma ate chhapa khelahma erekowah moatte heh thindede tungko thômîn wah, ‘Tângte chhapa lâkatha, chepen, nãngma ate chhapa ritphe lihma are angurthongpa nãngrãng kep e!’ 39Ephumma thinma lolahma, angurthong panlien nâng phekat lahma, ritphewah.
40Jisu ma thinnâng chhienwah. “Phumma, angurthong tângte wapa mehû theko, atema aroamrãng mothuktah mihnyan hehnâng chenni rêmin a?”
41Thinma dânthâng wah, “Ere mihnyan chhih heh atema ritphe erea”, “ngale angurthong pa angur chum sanpoatko atenâng senthemthem kohte mihnyan hânnâng aroamrãng engak mothuk a.”
42Jisu ma thinnâng ngatwah, “Joban nyapraang nâng chenroh raangeka arepa nema mathat chohweihne?
‘Humhôante ma achhih ngama petphe eka longpa chentô noma alemthôan longrãng dangeka;
Arepa Teso ma moeka;
Phumma arepa chentô nyoaksok lisên moeka!’
43Jisu ma ngatwah, “Ngama nenâng thôkoh eka,” “Joban Hahsông pa newah toanchhoan lahma kaamsen moatte hehnâng ekoh a.”#21.43: wanwanthe ma vars 44 pa johraang eka: Hen akomin are long khohko mejârii ako ate khihkhih nyahnyah edanga, phumma ere longpa henkhoh nâng jârii eka, ere mihnyan pa long pumma bumrãng landangroh ekhihpat a (Luk 20.18 ko tasûe).
45Jisu ma nginthakthô thôkoh ekapa soam aroakte adong ngale Farasi hehma tatlahma thinma ninâng ngaehi ngama jetwah, 46Ephumma thinma Jisu loatkhhek rãng phungwah. Rohkomin Jisu pa mõng ngama thônghunte loangchhang heh ran thin chei rewah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.