MAK 12
12
Angurthong Khoakhêm Sokte Nginthakthô
(Mt 21.33-46; Luk 20.9-19)
1Erediko Jisu ma thinnâng nginthakthô demnâng thôkoh wah: Atema ngatwah, “Rekthenâng mihnyan wathema angur khiet lahma panma tûmhoan rewah, ngale angurti koakthin koan thienrãng hahkenthu rewah, ngale abemte tôngrãng humchoang hoan rewah. Erediko aroamrãng angurthongpa mihnâng mothukthien lahma atea hahtaang nâng chhoanwah. 2Angur chum lahma khôanpûn rangkuh hokphumma tângte pumma ate haa heh aroamrãng mothuktah heh tânâng ate thiak thârãng chienkatwah. 3Aroamrãng moatte hehma haapa loatwah, ngale watlahma chenjô lekoh thangma ngakchien wênwah. 4Erediko tângte pumma haahan wîenthe chienkatwah; phumma aroamrãng moatte hehma haa khokowat lahma rêsê rêphe hôanjôan wah. 5Tângte pumma haahan wîenchien katwah, ngale erepemin thinma ritphewah; ngale ajahthem ahan hehnângmin thinma erohjô hôanjôan wah, khakako buh awat ngale khakapa ritphe rewakwah. 6Tângte pumma nyahrãng hunlahma thieneka ate chha wathelolo peba machienkat dângwah. Khedithôan ko aroamrãng mothuktah heh tânâng ate chhapa chienkatwah. Atema ngatwah, ‘Ngama thonghun ekang, thin ngachha ran metkep echeiwak a.’ 7Phumma aroamrãng motah hehma thindede tungko jabmînwah, ‘Arepa tângte chhapa. Chepen atemin ritphe e, ephumma ate thiak aman heh nãngrãng edanga!’ 8Ephumma thinma lolahma ritphewah ngale ate phoangpa angurthong panlien nâng phekatwah.”
9Jisu ma thinnâng thôngphâ wah. “Eroh medang ako, angurthong tângte pumma chenni rêmin a?” “Tângte pumma angurthong aroamrãng mothuktah heh ritphe lahma angurthong pa ahannâng emothuk a. 10Linlin nema are Joban nyapraang pa weihtet a?
‘Humhôante ma achhih ngama petphe eka longpa chentô noma alemthôan rãng dangeka.
11Arepa Teso ma moatwah;
nãngmit sokko patritli sên moeka!’ ”
12Jews khhepho phannang hehma Jisu loatkhhekrãng themawa wah, chenrãngma ngako Jisu ma are nginthakthô pa thin lelatnâng thôeka ngama thinma jetloatwah. Rohkomin thin a mihnyan heh rancheiwah, erohwah thinma Jisu phethien lahma chhoanwah.
Thãkhokoh junma Chhien
(Mt 22.15-22; Luk 20.20-26)
13Jisu nâng ngin thongpha lahma bukrit thukrãng Farasi ngale Hirot mihnyan heh khuthe chienhokwah. 14Thin Jisu tânâng hûlahma ngatwah, “Hethôte, nima ajet nanga mihnyan hehma manga hango ngamemin lesoang thangma toangtangko thôte. Ngale nangma mihnyan heh hennângjô adong arin roak ataokmin leweih thangma Joban nginpa toangtangma phoang hethôeko. Thôkoh tanhi, nãng Niem junko Roman Chofa nâng thãkho takoh ele takohmih a? Nima koh ele kohmih a?”
15Phumma thinma themawa ekapa Jisu ma lienkhe lahma dânthâng wah, “Nema nga chenrãngma bukritthuk hun eha? Janngun wah kohtanha, ngama sûtan ang.”
16Thinma janngun wanthe kohwah, ngale Jisu ma thinnâng chhienwah, “Arepa hen thhenphanga ngale henmîn raangeka?”
Thinma, “Chofa,” ngama dânthâng wah.
17Ephumma Jisu ma thinnâng ngatwah, “Eroh medang ako chenpa Chofa thiak a arepa Chofa nâng koh en, ngale chenpa Joban thiak a arepa Joban nâng koh en.”
Phumma Jisu nginko thin bârit rewah.
Aritwah Ngakhîn junko Thôngpha
(Mt 22.23-33; Luk 20.27-40)
18Erediko mihnyan ritwah ngakhinmah ngama ngatte Saduki khuthe Jisu tânâng hûlahma atenâng ngatwah, 19“Hethôte, Mosa ma are Niempa nãngrãngma raangwah: ‘delawa wathe chha machhama merii ako, atema phethien eka janthoinyupa atenaa ma chhachhatrãng ngakkepmin, phumma erewanii pumma chhaeka naapa rit retahwa chha ngama ngatmin.’ 20Rekthenâng chhepho waengit dângwah; Khhepho thôan pumma dihiak keplahma chha machhama ritwah. 21Phumma medemwa pumma ere dihiaknyu pa kepwah, ngale atemin chha machhama ritwah. Phumma ere dikowah pummemin erohjô keplahma chha lechha thangma ritwah, 22ngale ahan hehmin erohjô ritwah: Chhepho waengit latma dihiaknyu pa keplahma chha lechha ma tuta ritwah. Khedithôan ko dihiaknyu pemin ritwah. 23Phumma ritte heh phangtang ngakhîn jâko, dihiaknyu pa hen dihiak dângmin a? Waengit latma ate kepwah.”
24Jisu ma thinnâng dânthâng wah, “Nea nyahrãng athe! Ngale chenrãngma the eken a erepa nemajet en a? Nema Joban nyapraang ngale Joban chaanpa lejet junko the eken. 25Chenrãngma ngako chenthu ritte heh mengak hintahko thin a rangkhethung wah Joban ngintatte rãngrãng dângmin ngale dihiak dela lekepmîn tumin. 26Aritte heh ngakhîn junko: Mosa ma raangwah titabko wunbuk nâng wendô junko raangtahpa nema mathat weihne? Ereko Joban ma Mosa nâng ngalahma raangeka, ‘Nga a Abraham Joban, Isak Joban, ngale Jakob Joban.’ 27Atea ahînte heh Joban, aritte heh Joban dangmah. Nea nyahrãng lâthetet!”
Joban wah Hôkum Dongthôan
(Mt 22.34-40; Luk 10.25-28)
28Eretheko Niemarang hethôte wathe dângwah, atema are ngin thômînpa tatwah. Ngale Jisu ma Saduki hehnâng senthemthem pundânthang lahma khewah, ephumma atema Jisu tânâng kalahma chhienwah: “Mosa Niem kowah chenpa alemthôan a?”
29Jisu ma dânthâng wah, “Alemthôanpa arepa: ‘Isrial heh tattan en! Teso nang Joban pelolo jôba Teso.#12.29: Teso nang Joban pelolo jôba Teso; ba Teso pa nang Joban, atelolo Teso. 30Nang Teso Joban nâng nanghung nangrñ phangtang kohlohma hun o, ngale ju amoangmin phangtang kohlohma hun o, erediko nangchaan phangtang kohlohma hun o.’ 31Ere dikowah nyahrãng alemthôan hôkum pa arepa: ‘Nangtok akhungwah mihnyan hehnâng nang dedeko hunriieko rãngrãng hun o.’ Are wannii noma alem hôkum ahan ahotu.”
32Niemarang hethôte pumma Jisu nâng ngatwah, “Hethôte, lasen jabtoh! nangma jab ekopa toangtang jôba, Teso lolojôba Joban, ngale joban ahan ahotu. 33Ngale nangma nang Joban nâng hung arin, chaan ahang phangtang kohlohma hun o; ngale Nangtok akhungwah mihnyan hehnângmin nang dedeko hunriieko rãngrãng hun o. Erepa Joban nâng ngem angah demnâng soam aroak nomemin ere wannii hôkum pa ajah alemli.”
34Niemarang hethôte pumma nginsen dângthângpa Jisu ma khelahma, atenâng ngatwah, “Nanga Joban Hahsông kowah taangmoh.”
Ere diphumma Jisu nâng henmemin ngin ajah chinchhien tuho.
Misaia junma Thôngphâ
(Mt 22.41-46; Luk 20.41-44)
35Jisu ma Rangsoamhum nâng hethô poatko, atema ngin chhienwah, “Niemarang hethôte hehma Misaia pa Devit Chhu achha dângmin ngama chenroh jiennga eka? 36Asâthôanju ma Devit nâng jabthukwah:
‘Teso ma nga Teso nâng ngaeka:
Ngama nangran heh nang daphâ khenko mathien thienkoh kiko
nanga are nga dekchahko tongo.’
37Devit dedema atenâng ‘Teso’ ngama roowah; eroh medang ako Misaia pa Devit Chhu achha chenroh jiendângmin a?”
Jisu ma Niemarang Hethôte hehnâng Achhih Ngat
(Mt 23.1-36; Luk 20.45-47)
Jahmõang mihnyan ma Jisu nang khuhah nâhah jetatwah. 38Jisu ma hethô poatko aroh ngatwah, “Niemarang hethôte hehwah jetletma dangen, thin a bôjat hehnâng khetlo dongpa pohlahma phoangkhoam lahma mihnyan hehma thin rancheichei rânjab hun eka, 39Thinma Sanagog nângmin thin tongthinpa châthien eka ngale kuhhôanthin nângmin tôngthinsen hunwak eka. 40Thinma janthoinyu heh helemrãng keplahma thin humpa longchhah rewak eka, ngale thinnâng ranglolili soamko lahma khesok eka. Erethã thinma ajahthem chêmchhih echoh a!”
Janthoinyu ma Ngunsek Koh
(Luk 21.1-4)
41Rangsoamhum wah ngunsek bâkoat tâko Jisu tonglahma mihnyan hehma ngun sekhok pa sokwah. Techhu hehma ngunpa jahmõang sekhokwah; 42erediko tangchhih janthoinyu hûlahma janngun wannii sekhokwah, erepa phanii ngun tôtha dângwah. 43Phumma Jisu ma ate dijunte heh khôanroo lahma thinnâng ngatwah, “Ngama linlinthôkoh eka, are tangchhih janthoinyu pumma Joban chohse ngun bâkoatko chentô noma ajahthôan sek eka. 44Chenrãngma ngako, ahan hehma thinnâng lephang leleng bâeka hehwah sekhû eka; rohkomin atea aretô tangchhih danglahma atenâng chentô tonga erepa janthoinyu pumma phangtang sekkoh eka.”
Currently Selected:
MAK 12: NOKTBSI
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MAK 12
12
Angurthong Khoakhêm Sokte Nginthakthô
(Mt 21.33-46; Luk 20.9-19)
1Erediko Jisu ma thinnâng nginthakthô demnâng thôkoh wah: Atema ngatwah, “Rekthenâng mihnyan wathema angur khiet lahma panma tûmhoan rewah, ngale angurti koakthin koan thienrãng hahkenthu rewah, ngale abemte tôngrãng humchoang hoan rewah. Erediko aroamrãng angurthongpa mihnâng mothukthien lahma atea hahtaang nâng chhoanwah. 2Angur chum lahma khôanpûn rangkuh hokphumma tângte pumma ate haa heh aroamrãng mothuktah heh tânâng ate thiak thârãng chienkatwah. 3Aroamrãng moatte hehma haapa loatwah, ngale watlahma chenjô lekoh thangma ngakchien wênwah. 4Erediko tângte pumma haahan wîenthe chienkatwah; phumma aroamrãng moatte hehma haa khokowat lahma rêsê rêphe hôanjôan wah. 5Tângte pumma haahan wîenchien katwah, ngale erepemin thinma ritphewah; ngale ajahthem ahan hehnângmin thinma erohjô hôanjôan wah, khakako buh awat ngale khakapa ritphe rewakwah. 6Tângte pumma nyahrãng hunlahma thieneka ate chha wathelolo peba machienkat dângwah. Khedithôan ko aroamrãng mothuktah heh tânâng ate chhapa chienkatwah. Atema ngatwah, ‘Ngama thonghun ekang, thin ngachha ran metkep echeiwak a.’ 7Phumma aroamrãng motah hehma thindede tungko jabmînwah, ‘Arepa tângte chhapa. Chepen atemin ritphe e, ephumma ate thiak aman heh nãngrãng edanga!’ 8Ephumma thinma lolahma ritphewah ngale ate phoangpa angurthong panlien nâng phekatwah.”
9Jisu ma thinnâng thôngphâ wah. “Eroh medang ako, angurthong tângte pumma chenni rêmin a?” “Tângte pumma angurthong aroamrãng mothuktah heh ritphe lahma angurthong pa ahannâng emothuk a. 10Linlin nema are Joban nyapraang pa weihtet a?
‘Humhôante ma achhih ngama petphe eka longpa chentô noma alemthôan rãng dangeka.
11Arepa Teso ma moatwah;
nãngmit sokko patritli sên moeka!’ ”
12Jews khhepho phannang hehma Jisu loatkhhekrãng themawa wah, chenrãngma ngako Jisu ma are nginthakthô pa thin lelatnâng thôeka ngama thinma jetloatwah. Rohkomin thin a mihnyan heh rancheiwah, erohwah thinma Jisu phethien lahma chhoanwah.
Thãkhokoh junma Chhien
(Mt 22.15-22; Luk 20.20-26)
13Jisu nâng ngin thongpha lahma bukrit thukrãng Farasi ngale Hirot mihnyan heh khuthe chienhokwah. 14Thin Jisu tânâng hûlahma ngatwah, “Hethôte, nima ajet nanga mihnyan hehma manga hango ngamemin lesoang thangma toangtangko thôte. Ngale nangma mihnyan heh hennângjô adong arin roak ataokmin leweih thangma Joban nginpa toangtangma phoang hethôeko. Thôkoh tanhi, nãng Niem junko Roman Chofa nâng thãkho takoh ele takohmih a? Nima koh ele kohmih a?”
15Phumma thinma themawa ekapa Jisu ma lienkhe lahma dânthâng wah, “Nema nga chenrãngma bukritthuk hun eha? Janngun wah kohtanha, ngama sûtan ang.”
16Thinma janngun wanthe kohwah, ngale Jisu ma thinnâng chhienwah, “Arepa hen thhenphanga ngale henmîn raangeka?”
Thinma, “Chofa,” ngama dânthâng wah.
17Ephumma Jisu ma thinnâng ngatwah, “Eroh medang ako chenpa Chofa thiak a arepa Chofa nâng koh en, ngale chenpa Joban thiak a arepa Joban nâng koh en.”
Phumma Jisu nginko thin bârit rewah.
Aritwah Ngakhîn junko Thôngpha
(Mt 22.23-33; Luk 20.27-40)
18Erediko mihnyan ritwah ngakhinmah ngama ngatte Saduki khuthe Jisu tânâng hûlahma atenâng ngatwah, 19“Hethôte, Mosa ma are Niempa nãngrãngma raangwah: ‘delawa wathe chha machhama merii ako, atema phethien eka janthoinyupa atenaa ma chhachhatrãng ngakkepmin, phumma erewanii pumma chhaeka naapa rit retahwa chha ngama ngatmin.’ 20Rekthenâng chhepho waengit dângwah; Khhepho thôan pumma dihiak keplahma chha machhama ritwah. 21Phumma medemwa pumma ere dihiaknyu pa kepwah, ngale atemin chha machhama ritwah. Phumma ere dikowah pummemin erohjô keplahma chha lechha thangma ritwah, 22ngale ahan hehmin erohjô ritwah: Chhepho waengit latma dihiaknyu pa keplahma chha lechha ma tuta ritwah. Khedithôan ko dihiaknyu pemin ritwah. 23Phumma ritte heh phangtang ngakhîn jâko, dihiaknyu pa hen dihiak dângmin a? Waengit latma ate kepwah.”
24Jisu ma thinnâng dânthâng wah, “Nea nyahrãng athe! Ngale chenrãngma the eken a erepa nemajet en a? Nema Joban nyapraang ngale Joban chaanpa lejet junko the eken. 25Chenrãngma ngako chenthu ritte heh mengak hintahko thin a rangkhethung wah Joban ngintatte rãngrãng dângmin ngale dihiak dela lekepmîn tumin. 26Aritte heh ngakhîn junko: Mosa ma raangwah titabko wunbuk nâng wendô junko raangtahpa nema mathat weihne? Ereko Joban ma Mosa nâng ngalahma raangeka, ‘Nga a Abraham Joban, Isak Joban, ngale Jakob Joban.’ 27Atea ahînte heh Joban, aritte heh Joban dangmah. Nea nyahrãng lâthetet!”
Joban wah Hôkum Dongthôan
(Mt 22.34-40; Luk 10.25-28)
28Eretheko Niemarang hethôte wathe dângwah, atema are ngin thômînpa tatwah. Ngale Jisu ma Saduki hehnâng senthemthem pundânthang lahma khewah, ephumma atema Jisu tânâng kalahma chhienwah: “Mosa Niem kowah chenpa alemthôan a?”
29Jisu ma dânthâng wah, “Alemthôanpa arepa: ‘Isrial heh tattan en! Teso nang Joban pelolo jôba Teso.#12.29: Teso nang Joban pelolo jôba Teso; ba Teso pa nang Joban, atelolo Teso. 30Nang Teso Joban nâng nanghung nangrñ phangtang kohlohma hun o, ngale ju amoangmin phangtang kohlohma hun o, erediko nangchaan phangtang kohlohma hun o.’ 31Ere dikowah nyahrãng alemthôan hôkum pa arepa: ‘Nangtok akhungwah mihnyan hehnâng nang dedeko hunriieko rãngrãng hun o.’ Are wannii noma alem hôkum ahan ahotu.”
32Niemarang hethôte pumma Jisu nâng ngatwah, “Hethôte, lasen jabtoh! nangma jab ekopa toangtang jôba, Teso lolojôba Joban, ngale joban ahan ahotu. 33Ngale nangma nang Joban nâng hung arin, chaan ahang phangtang kohlohma hun o; ngale Nangtok akhungwah mihnyan hehnângmin nang dedeko hunriieko rãngrãng hun o. Erepa Joban nâng ngem angah demnâng soam aroak nomemin ere wannii hôkum pa ajah alemli.”
34Niemarang hethôte pumma nginsen dângthângpa Jisu ma khelahma, atenâng ngatwah, “Nanga Joban Hahsông kowah taangmoh.”
Ere diphumma Jisu nâng henmemin ngin ajah chinchhien tuho.
Misaia junma Thôngphâ
(Mt 22.41-46; Luk 20.41-44)
35Jisu ma Rangsoamhum nâng hethô poatko, atema ngin chhienwah, “Niemarang hethôte hehma Misaia pa Devit Chhu achha dângmin ngama chenroh jiennga eka? 36Asâthôanju ma Devit nâng jabthukwah:
‘Teso ma nga Teso nâng ngaeka:
Ngama nangran heh nang daphâ khenko mathien thienkoh kiko
nanga are nga dekchahko tongo.’
37Devit dedema atenâng ‘Teso’ ngama roowah; eroh medang ako Misaia pa Devit Chhu achha chenroh jiendângmin a?”
Jisu ma Niemarang Hethôte hehnâng Achhih Ngat
(Mt 23.1-36; Luk 20.45-47)
Jahmõang mihnyan ma Jisu nang khuhah nâhah jetatwah. 38Jisu ma hethô poatko aroh ngatwah, “Niemarang hethôte hehwah jetletma dangen, thin a bôjat hehnâng khetlo dongpa pohlahma phoangkhoam lahma mihnyan hehma thin rancheichei rânjab hun eka, 39Thinma Sanagog nângmin thin tongthinpa châthien eka ngale kuhhôanthin nângmin tôngthinsen hunwak eka. 40Thinma janthoinyu heh helemrãng keplahma thin humpa longchhah rewak eka, ngale thinnâng ranglolili soamko lahma khesok eka. Erethã thinma ajahthem chêmchhih echoh a!”
Janthoinyu ma Ngunsek Koh
(Luk 21.1-4)
41Rangsoamhum wah ngunsek bâkoat tâko Jisu tonglahma mihnyan hehma ngun sekhok pa sokwah. Techhu hehma ngunpa jahmõang sekhokwah; 42erediko tangchhih janthoinyu hûlahma janngun wannii sekhokwah, erepa phanii ngun tôtha dângwah. 43Phumma Jisu ma ate dijunte heh khôanroo lahma thinnâng ngatwah, “Ngama linlinthôkoh eka, are tangchhih janthoinyu pumma Joban chohse ngun bâkoatko chentô noma ajahthôan sek eka. 44Chenrãngma ngako, ahan hehma thinnâng lephang leleng bâeka hehwah sekhû eka; rohkomin atea aretô tangchhih danglahma atenâng chentô tonga erepa janthoinyu pumma phangtang sekkoh eka.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.