MAK 15
15
Jisu Pilat Mathah nâng Chep
(Mt 27.1,2,11-14; Luk 23.1-5; Jhn 18.28-38)
1Rangkhah rangkhoma soam aroakte adong heh khhepho phannang, Niemarang hethôte, ngale ngoang awang heh demnâng ngin pûnthômîn wah. Thinma Jisu janruma khhek lahma Pilat nâng siethok kohwah. 2Pilat ma atenâng thôngphâ wah, “Nanga Jews heh Lowang ne?”
Jisu ma dânthâng wah, “Nangma lâpun jabtoh.”
3Soam aroakte adong hehma Jisu nâng jahmõang athe loatwah, 4Ephumma Pilat ma atenâng wîen thôngphâ wah, “Nangma ledanthang minne? Thinma nang lelatnâng thôeka heh tattan!”
5Erekomin Jisu ma chenjô dânthangmah, phumma Pilat bârit rewah.
Jisu Ritpherãng Nginpat
(Mt 27.15-26; Luk 23.13-25; Jhn 18.39—19.16)
6Adankhoam lokuh roakweih mihnyan hehma henpa lângphe kohhi ngama thaeka mihnyan pa Pilat ma phâtek wah chîlaang phewah. 7Ere sanpoatko mihwa wathe ate mînpa Barabas ngama mihritphete heh demnâng roamlahma phâtek nâng dângwah. 8Chenthu mihnyan heh khôan lahma jâhanwah rãngrãng Pilat wah thâko, 9Pilat ma thinnâng thôngphâ wah, “Ngama Jews heh Lowang pa laangphekoh a?” 10Pilat ma senthemthem jetlahma dângwah, soam aroakte adong hehma Jisu nâng khûsê mitchek junko nganâng lohûkoh ehang ngama.
11Phumma soam aroakte adong hehma mihnyan hehnâng Barabas laangphe kohhi ngama thârãng thôkoh wah. 12Phumma Pilat ma mihnyan hehnâng wîenthe ngakchien katwah, “Eroh medang ako, nema Jews heh Lowang ngama nga ekenko ngama chenre anga?”
13Thinma, “Arittek reo!” ngama dânthâng wah.
14Pilat ma thôngphâ wah, “Roh medang ako atema chenni chhihmotah a?”
Phumma thinma, “Arittek reo!” ngama ajah chaanrak wah.
15Pilat ma mihnyan heh rinmethuk hunma atema Barabas laangphê kohwah. Erediko atema Jisu nâng watlahma rittekthuk wah.
Sipâhi hehma Jisu nâng Dûmmek
(Mt 27.27-31; Jhn 19.2-3)
16Sipâhi hehma Jisu Govono hum thakhoko sietwênwah, ngale thinlemru ahan hehmin roowah. 17Thinma Jisu nâng khetchekpa pohkoh rewah, ngale suhkãngwah khaphok hôan lahma ate khoko phokkoh rewah. 18Erediko thinma atenâng jôjêm nungma: “Jews heh Lowang roanlo hin o!” ngama ngatwah. 19Thinma ate khoko thankahma wat rewah, thoakkahma thoak relahma thin dakuhtho lahma atemako khupjup wah. 20Chenthu thinma atenâng dûmmek diko, khetchekpa ngakkoakphe kolahma ate khetpa ngakpoh kohwah. Erediko rittekrãng sietchhoanwah.
Jisu Rittek
(Mt 27.32-44; Luk 23.26-43; Jhn 19.17-27)
21Thinma lemko mihwa wathe chohmînwah, ate mînpa Simon dângwah, atea thindiak wah sumhah nâng katdângwah. Phumma sipâhi hehma atenâng Jisu bãngphakpa pêthukwah. (Simonpa Kren diakwah dângwah, ngale atea Alexandra ngale Rufus wa dângwah.) 22Thinma Jisu Golgotha theko sietwênwah, are ngaeka pa, “Mangkhora sekthe” ngama ngaeka. 23Eretheko thinma Angurti pa Myrh ngama ngaeka phem demko seklahma Jisu nâng jokthukwah, phumma Jisu ma erepa jok ho. 24Erediko thinma Jisu rittekwah, ngale ate khetpa henma chenre chhuppa chenchoh ea ngama longkendoh nâng tan lahma phenkepwah. 25Thinma Jisu rittektah sanpoat pa rangkhah wanekhu sanpoat nâng dângwah. 26Jisu nâng sekham nyapraangpa: “Jews heh Lowang.” Ngama raangkohwah. 27Thinma Jisu demko ate dekhitko wathe ngale dekchah wathe ahuhte wanii johrittek wah.#15.27: wanwanthe ma vars 28 pa johraang eka: Joban nyapraang nâng aroh ngaeka pa toangtang dangkaera, “atea ngoan aliak heh demko chêm johchoh eka” (Luk 22.37, tasûe).
29Erekowah dankhoamte mihnyan hehma thin kho heklahma Jisu nâng jôjêmwah: “Ha! Nangni Rangsoamhum pa runsiet lohma jâremko ngakhôante pa! 30Bãngphak khokowah jâkhoam kalohma nangdede pepângriio”
31Ererãngrãngjô soam aroakte adong ngale Niemarang hethôte hehma Jisu nâng jôjemwah, thinma wathema watheko jabmînwah, “Atema mihhan heh tapepâng eka, phumma atedede tapângrii mah 32Isrial heh Lowang, Misaia pa bãngphak khokowah jâkhoam katpa sûtan e, ephumma nãngmemin atenâng epute e!”
Ngale Jisu demwah wanii johrittektah niimemin Jisu nâng jôjêmwah.
Jisu Rit Ngin
(Mt 27.45-56; Luk 23.44-49; Jhn 19.28-30)
33Sanhêmthah ko diaktang rangnyek tungtung dângwah, erepa koantarem rãng leknyekwah. 34Wanrem sanpoatko Jisu chaanmõang raksepwah, “Eloi, Eloi, Lama Sabatthani?” are ngaeka pa, “Nga Joban, Nga Joban, nangma nga chenrãngma thinphe ehanga?”
35Erekowah mihnyan hehma ate rakseppa tatlahma ngatwah, “Tattan en, atema Ilija rooeka!” 36Thinkhuwah wathe chhoanka lahma jochupli pongpe noap pa angurti chhihnâng rumkat lahma thankah rako hetwah. Erediko atema Jisu thunkhoap ko tupsuhwên kolahma ngatwah, “mamêngtan! Thatsûtan e, Ilija kalahma bãngphak khokowah chenjâpe karale!”
37Jisu chaanmõang raksep lahma ritwah.
38Jisu ritdiko Rangsoamhum kowah khet tintahpa rangkhoh pumma daphang tôko khaniirãng khâjâwah. 39Bãngphak mathah ngekowah cheplahma dangtah Sipâhi sahhab pumma Jisu chenroh riitah a erepa khewah.#15.39: riitah; wanwanthe ma raksep lahma riieka ngama raangeka. “Are mihnyan pa linlinjô Joban Chha dângwah!” ngama atema ngatwah.
40Dihiak khuthe hahtaangma sûlahma dângwah. Are dihiaknyu heh, Mariam Makdalani, Jems le Josepnii nyong Mariam, ngale Salomi dângwah. 41Jisu Galili nâng dângpoatko thinma Jisu diko junkhoam lahma atenâng chohsok wah. Ajahthem dihiaknyu ate demko Jeroselem nâng johkatah hehmin dângwah.
Jisu Mangbin
(Mt 27.57-61; Luk 23.50-56; Jhn 19.38-42)
42-43Sanhêmthah ko Arimatha wah Josep hokkhôam hokwah. Atea Jews heh Ngoang awang chhangko dâlemli mihnyan dângwah, ngale atema Joban Hahsôngpa chenthu hokmin a ngama bemla lahma tôngte dângwah. Erejâpa khoakhêm rangwojâ dângwah (erepa Pientông majâpa dângwah), Ephumma Josep lechei thangma Pilat tânâng wãng lahma atewah Jisu mangpa thâwângwah. 44Jisu riitah ngama tatlahma Pilat patrit rewah. Atema sipâhi dong heh roolahma Jisu ritpa taangtahne ngama thôngphâ wah. 45Sipâhi dong hehwah ngin chohtat diko Pilat ma Jisu mangpa tape chhoan o ngama ngatwah. 46Josep ma khet kephû lahma mangpa jâtôanwah, ngale khetko doap lahma longrãwah thutwah mangrukko rukatwah. Erediko atema mangruk kenpa long kâsekma sekwah. 47Mariam Makdalani ngale Josep nyong Mariam niima Jisu mangthien ekapa jesokwah.
Currently Selected:
MAK 15: NOKTBSI
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MAK 15
15
Jisu Pilat Mathah nâng Chep
(Mt 27.1,2,11-14; Luk 23.1-5; Jhn 18.28-38)
1Rangkhah rangkhoma soam aroakte adong heh khhepho phannang, Niemarang hethôte, ngale ngoang awang heh demnâng ngin pûnthômîn wah. Thinma Jisu janruma khhek lahma Pilat nâng siethok kohwah. 2Pilat ma atenâng thôngphâ wah, “Nanga Jews heh Lowang ne?”
Jisu ma dânthâng wah, “Nangma lâpun jabtoh.”
3Soam aroakte adong hehma Jisu nâng jahmõang athe loatwah, 4Ephumma Pilat ma atenâng wîen thôngphâ wah, “Nangma ledanthang minne? Thinma nang lelatnâng thôeka heh tattan!”
5Erekomin Jisu ma chenjô dânthangmah, phumma Pilat bârit rewah.
Jisu Ritpherãng Nginpat
(Mt 27.15-26; Luk 23.13-25; Jhn 18.39—19.16)
6Adankhoam lokuh roakweih mihnyan hehma henpa lângphe kohhi ngama thaeka mihnyan pa Pilat ma phâtek wah chîlaang phewah. 7Ere sanpoatko mihwa wathe ate mînpa Barabas ngama mihritphete heh demnâng roamlahma phâtek nâng dângwah. 8Chenthu mihnyan heh khôan lahma jâhanwah rãngrãng Pilat wah thâko, 9Pilat ma thinnâng thôngphâ wah, “Ngama Jews heh Lowang pa laangphekoh a?” 10Pilat ma senthemthem jetlahma dângwah, soam aroakte adong hehma Jisu nâng khûsê mitchek junko nganâng lohûkoh ehang ngama.
11Phumma soam aroakte adong hehma mihnyan hehnâng Barabas laangphe kohhi ngama thârãng thôkoh wah. 12Phumma Pilat ma mihnyan hehnâng wîenthe ngakchien katwah, “Eroh medang ako, nema Jews heh Lowang ngama nga ekenko ngama chenre anga?”
13Thinma, “Arittek reo!” ngama dânthâng wah.
14Pilat ma thôngphâ wah, “Roh medang ako atema chenni chhihmotah a?”
Phumma thinma, “Arittek reo!” ngama ajah chaanrak wah.
15Pilat ma mihnyan heh rinmethuk hunma atema Barabas laangphê kohwah. Erediko atema Jisu nâng watlahma rittekthuk wah.
Sipâhi hehma Jisu nâng Dûmmek
(Mt 27.27-31; Jhn 19.2-3)
16Sipâhi hehma Jisu Govono hum thakhoko sietwênwah, ngale thinlemru ahan hehmin roowah. 17Thinma Jisu nâng khetchekpa pohkoh rewah, ngale suhkãngwah khaphok hôan lahma ate khoko phokkoh rewah. 18Erediko thinma atenâng jôjêm nungma: “Jews heh Lowang roanlo hin o!” ngama ngatwah. 19Thinma ate khoko thankahma wat rewah, thoakkahma thoak relahma thin dakuhtho lahma atemako khupjup wah. 20Chenthu thinma atenâng dûmmek diko, khetchekpa ngakkoakphe kolahma ate khetpa ngakpoh kohwah. Erediko rittekrãng sietchhoanwah.
Jisu Rittek
(Mt 27.32-44; Luk 23.26-43; Jhn 19.17-27)
21Thinma lemko mihwa wathe chohmînwah, ate mînpa Simon dângwah, atea thindiak wah sumhah nâng katdângwah. Phumma sipâhi hehma atenâng Jisu bãngphakpa pêthukwah. (Simonpa Kren diakwah dângwah, ngale atea Alexandra ngale Rufus wa dângwah.) 22Thinma Jisu Golgotha theko sietwênwah, are ngaeka pa, “Mangkhora sekthe” ngama ngaeka. 23Eretheko thinma Angurti pa Myrh ngama ngaeka phem demko seklahma Jisu nâng jokthukwah, phumma Jisu ma erepa jok ho. 24Erediko thinma Jisu rittekwah, ngale ate khetpa henma chenre chhuppa chenchoh ea ngama longkendoh nâng tan lahma phenkepwah. 25Thinma Jisu rittektah sanpoat pa rangkhah wanekhu sanpoat nâng dângwah. 26Jisu nâng sekham nyapraangpa: “Jews heh Lowang.” Ngama raangkohwah. 27Thinma Jisu demko ate dekhitko wathe ngale dekchah wathe ahuhte wanii johrittek wah.#15.27: wanwanthe ma vars 28 pa johraang eka: Joban nyapraang nâng aroh ngaeka pa toangtang dangkaera, “atea ngoan aliak heh demko chêm johchoh eka” (Luk 22.37, tasûe).
29Erekowah dankhoamte mihnyan hehma thin kho heklahma Jisu nâng jôjêmwah: “Ha! Nangni Rangsoamhum pa runsiet lohma jâremko ngakhôante pa! 30Bãngphak khokowah jâkhoam kalohma nangdede pepângriio”
31Ererãngrãngjô soam aroakte adong ngale Niemarang hethôte hehma Jisu nâng jôjemwah, thinma wathema watheko jabmînwah, “Atema mihhan heh tapepâng eka, phumma atedede tapângrii mah 32Isrial heh Lowang, Misaia pa bãngphak khokowah jâkhoam katpa sûtan e, ephumma nãngmemin atenâng epute e!”
Ngale Jisu demwah wanii johrittektah niimemin Jisu nâng jôjêmwah.
Jisu Rit Ngin
(Mt 27.45-56; Luk 23.44-49; Jhn 19.28-30)
33Sanhêmthah ko diaktang rangnyek tungtung dângwah, erepa koantarem rãng leknyekwah. 34Wanrem sanpoatko Jisu chaanmõang raksepwah, “Eloi, Eloi, Lama Sabatthani?” are ngaeka pa, “Nga Joban, Nga Joban, nangma nga chenrãngma thinphe ehanga?”
35Erekowah mihnyan hehma ate rakseppa tatlahma ngatwah, “Tattan en, atema Ilija rooeka!” 36Thinkhuwah wathe chhoanka lahma jochupli pongpe noap pa angurti chhihnâng rumkat lahma thankah rako hetwah. Erediko atema Jisu thunkhoap ko tupsuhwên kolahma ngatwah, “mamêngtan! Thatsûtan e, Ilija kalahma bãngphak khokowah chenjâpe karale!”
37Jisu chaanmõang raksep lahma ritwah.
38Jisu ritdiko Rangsoamhum kowah khet tintahpa rangkhoh pumma daphang tôko khaniirãng khâjâwah. 39Bãngphak mathah ngekowah cheplahma dangtah Sipâhi sahhab pumma Jisu chenroh riitah a erepa khewah.#15.39: riitah; wanwanthe ma raksep lahma riieka ngama raangeka. “Are mihnyan pa linlinjô Joban Chha dângwah!” ngama atema ngatwah.
40Dihiak khuthe hahtaangma sûlahma dângwah. Are dihiaknyu heh, Mariam Makdalani, Jems le Josepnii nyong Mariam, ngale Salomi dângwah. 41Jisu Galili nâng dângpoatko thinma Jisu diko junkhoam lahma atenâng chohsok wah. Ajahthem dihiaknyu ate demko Jeroselem nâng johkatah hehmin dângwah.
Jisu Mangbin
(Mt 27.57-61; Luk 23.50-56; Jhn 19.38-42)
42-43Sanhêmthah ko Arimatha wah Josep hokkhôam hokwah. Atea Jews heh Ngoang awang chhangko dâlemli mihnyan dângwah, ngale atema Joban Hahsôngpa chenthu hokmin a ngama bemla lahma tôngte dângwah. Erejâpa khoakhêm rangwojâ dângwah (erepa Pientông majâpa dângwah), Ephumma Josep lechei thangma Pilat tânâng wãng lahma atewah Jisu mangpa thâwângwah. 44Jisu riitah ngama tatlahma Pilat patrit rewah. Atema sipâhi dong heh roolahma Jisu ritpa taangtahne ngama thôngphâ wah. 45Sipâhi dong hehwah ngin chohtat diko Pilat ma Jisu mangpa tape chhoan o ngama ngatwah. 46Josep ma khet kephû lahma mangpa jâtôanwah, ngale khetko doap lahma longrãwah thutwah mangrukko rukatwah. Erediko atema mangruk kenpa long kâsekma sekwah. 47Mariam Makdalani ngale Josep nyong Mariam niima Jisu mangthien ekapa jesokwah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.