MAK 7
7
Te Awi hehma Hethô wah Ngin
(Mt 15.1-9)
1Jeroselem wah katwah Farasi ngale Niemarang hethôte heh Jisu tûmlitko khôanhok wah. 2Thinma Jisu dijunte heh dekngekma phhekchhah chhah khewah - erepa, Farasi hehma ngaeka junko thinma dek soanmah.
3(Chenrãngma ngako, Farasi ngale Jews hehma thin te awi niemarang pa kepwah: Thinma dek senthemthem lesoanma chenjô phhekchhah mah; 4ngale bôjatwah riakwahmin khebângko lesoanma chenjô phhekchhah mah.#7.4 chenni akomin bôjatwah riakwah pa khebângko lesoanma; ba chenni akomin bôjatwah hokdiko thinma khebângko lesoanma. Ngale lihânmin thin te awi niemarang ajahthem kepwah, bâti, chemchhahwan, tit alek, ngale jupthin tôngthin heh senthemthem sâsiet rewakwah.)#7.4 wanwanthe nâng jupthin heh raangmah.
5Ephumma Farasi ngale Niemarang hethôte hehma Jisu nâng thôngphâ wah, “Chenrãngma nang dijunte hehma nãng te awi hehma hethô wah niemarang pa lekep thangma dekngekma chhah eka?”
6Jisu ma thinnâng dânthâng wah, “Isaia ma nerãngma profisi hôantah pa chentô toangtang hôanwah a! Atema raangtah rãngrãng, nea ahuhkhoanglep:
‘Joban ma ngaeka, are mihnyan hehma jabkhab melolo toak asân ehang,
rohkomin thin hungpa linlinko nga tâwah ataangnâng.
7Thinma nganâng rangsoam pejô sekho,
chenrãngma ngako thinma mihnyan ma hôanwah niemarang heh nga ngewah niemarang rãngrãng hethôeka!’
8“Nema Joban nginpa pheletma mihnyan ma hethôeka niempa kep eken.”
9Ngale Jisu ma eredikomin thôkoh wah, “Nededema hôanwah niemarang pa keprãng Joban hôkum pa nyahrãng buthisen hôanletma phe eken. 10Mosa ma aroh ngatwah, ‘Ne nyong newa nginkepkep dangen,’ ngale, ‘henma ate nyong awa nâng tem athoak eka, erepa ritphe rêmin.’ 11Phumma, mihnyan ma ate nyong awa nâng chohsokmin wahpa, nema ‘Arepa korban’ (are ngaeka pa, are litpa Joban nângba kohmin, ngama hethô eken), 12erohwah thinma thin nyong awa nâng chohsû tumah. 13Nema mihnâng eroh phoanghethô eken junko Joban jabkhabpa lekep dangeka. Ngale nema arerãngrãng moletma lihânmin ajahthem tonga.”
Mihnyan Ngeksiet thin Sêmmak
(Mt 15.10-20)
14Erediko Jisu ma mihnyan heh ate tâko theroo lahma thinnâng ngatwah, “Nekhu anga ngama nga nginpa jetat letma hungnâng thien en. 15Rangsâwah ne sekkhen nâng hûera phhekchhah pumma ne ngeksiet mahhèn. Erenoma ne sekkhenwah chenni loatchhoan eka ere pummaba ne ngeksiet ehèn.”#7.15: wanwanthe ko vars 16 pa johraang eka: Tat en, nenâng nâ metong hènko! (4.23 ko tasûe).
17Mihnyan heh tâwah chhoan lahma humkhen nâng wângdiko, ate dijunte hehma are nginpa ngaksen thôkohhi ngatwah. 18Jisu ma thinnâng ngatwah, “Nemin mihhan heh noma bâmjetmet,” “Nema jetmetne? Rangsâwah ne sekkhen nâng hûera pumma ne ngeksiet mahhèn, 19Chenrãngma ngako erepa nehung khennâng kat dangmah, erepa wokkhen nâng kalahma ngakloatchhoan eka.” (Jisu ma, are ngaeka pa, chentô phhekchhah pa tâphhek tâchhahmin, ngama ngaeka.)
20Ngale atema are choatko thôkoh wah, “Newah chenni loatchhoan eka erepumma ne ngeksiet ehèn. 21Chenrãngma ngako ne sekkhen wah loatchhoan ekapa, ne hungwah buthi mongthem chhih heh loatchhoan lahma nenâng kaamchhih mothuk ehèn, mih wah nyenkep, ngale mihritphe, 22mihdihiak dela kaamchhih moat, chhahnyoak, ngale lihân chentô achhihli heh mothuk ehèn; mihdiapchhah, pongapa, mihphetwan, mihsethô, ngam apoa, ngale bâatâ thukre ehèn- 23are chentô achhihli heh nehungkhen wah loatchhoan lahma ne ngeksiet ehèn.”
Dihiaknyu Putedâlem
(Mt 15.21-28)
24Erediko Jisu eretheko wah loatchhoan lahma Tair hah kêanâ wah hah hehnâng chhoanwah. Erethe kowah wathe humnâng Jisu hokwah, phumma Jisu ere humko tonga ngama henmemin nekchenjet ehang ngama atema thônghun wah, rohkomin ate tahuhtongho. 25Dihiaknya wathe nâng juchhih luplahma dângwah, phumma ate nyongma Jisu tonga ngama leptat lahma, lemlienma Jisu tâko hûlahma ate dathongko khupjup hokwah. 26Dihiaknyu pa Jews ledang dângwah, atea Syria diakwah Fonika hahnâng chhatwah. Atema Jisu nâng ate chha dihiaknya kowah juchhih junloat kohrãng roatsep wah. 27Phumma Jisu ma dânthâng wah, “Khebângko naachha hehma chenbâng chhahmênga. Chenrãngma ngako, naachha heh phhekchhah pa hu hehnâng phekoh pa senmah.”
28Dihiaknyu pumma dânthâng wah, “Hethôte,” “rohkomin, khoangkhen kowah naachha hehma jâphe eka heh hu hehma rângchhah a!”
29Ephumma Jisu ma atenâng ngatwah, “Nangma aroh dânthângdi, nang humnâng wãnglohma sûwãngtan, nangchha sekwah juchhihpa chhoanchoan echoh khewãngo!”
30Dihiaknyu pa humnâng wãng lahma ate chhapa jupthinko juplahma chohkhe wah; ngale juchhih pemin ate chha sekwah loatchhoan choan tônglâwah.
Jisu ma Aba Jabmuh Sênsiet
31Erediko Jisu Tair hah kêana hah hehwah chhoan lahma Sidon hah ngema Galili josi nâng, Sumhah Wan echhi ngama ngaeka nâng katlem ngema wângwah. 32Mihnyan khuthema ate tânâng nâba rohkomin mãnmãnchha jienjab lahma mihnyan wathe siethokwah. Ngale thinma Jisu nâng nangdekma sahlomêngo ngama roatsep wah. 33Ephumma Jisu ma loangchhang kowah atelolo sietchhoan lahma ate nâko deksuma kehkohwah, ngale thoakkah thoaklahma ate thheliko sahlokoh rewah. 34Erediko Jisu ma rangkhethung nâng sûwên lahma, khòrek sietwah rãngrãng roat awâwah, ngale erediko mihwako ngatwah, “Ephphatha,” arepa, “Laangjâo!” ngama ngaeka.
35Lemlienma mihwa pumma jientatwah, ngale theli pa senlahma lechêm thangma senthemthem jienjabwah. 36Erediko Jisu ma are nginpa hennâng min nekphoang thôkoh en ngama mihheh nâng ngatwah; rohkomin, mihnâng nekthôkoh en jêngnga, thinma erengin pa jêngphoang phoangthôkoh rewah. 37Ngale erengin tatte chentôpa bârit rewah. Thinma ngatwah, “Atema chentôpa asen moeka!” “Atema nâbamin tatthuk eka, ngale jabmuhmin jienjabthuk eka.!”
Currently Selected:
MAK 7: NOKTBSI
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MAK 7
7
Te Awi hehma Hethô wah Ngin
(Mt 15.1-9)
1Jeroselem wah katwah Farasi ngale Niemarang hethôte heh Jisu tûmlitko khôanhok wah. 2Thinma Jisu dijunte heh dekngekma phhekchhah chhah khewah - erepa, Farasi hehma ngaeka junko thinma dek soanmah.
3(Chenrãngma ngako, Farasi ngale Jews hehma thin te awi niemarang pa kepwah: Thinma dek senthemthem lesoanma chenjô phhekchhah mah; 4ngale bôjatwah riakwahmin khebângko lesoanma chenjô phhekchhah mah.#7.4 chenni akomin bôjatwah riakwah pa khebângko lesoanma; ba chenni akomin bôjatwah hokdiko thinma khebângko lesoanma. Ngale lihânmin thin te awi niemarang ajahthem kepwah, bâti, chemchhahwan, tit alek, ngale jupthin tôngthin heh senthemthem sâsiet rewakwah.)#7.4 wanwanthe nâng jupthin heh raangmah.
5Ephumma Farasi ngale Niemarang hethôte hehma Jisu nâng thôngphâ wah, “Chenrãngma nang dijunte hehma nãng te awi hehma hethô wah niemarang pa lekep thangma dekngekma chhah eka?”
6Jisu ma thinnâng dânthâng wah, “Isaia ma nerãngma profisi hôantah pa chentô toangtang hôanwah a! Atema raangtah rãngrãng, nea ahuhkhoanglep:
‘Joban ma ngaeka, are mihnyan hehma jabkhab melolo toak asân ehang,
rohkomin thin hungpa linlinko nga tâwah ataangnâng.
7Thinma nganâng rangsoam pejô sekho,
chenrãngma ngako thinma mihnyan ma hôanwah niemarang heh nga ngewah niemarang rãngrãng hethôeka!’
8“Nema Joban nginpa pheletma mihnyan ma hethôeka niempa kep eken.”
9Ngale Jisu ma eredikomin thôkoh wah, “Nededema hôanwah niemarang pa keprãng Joban hôkum pa nyahrãng buthisen hôanletma phe eken. 10Mosa ma aroh ngatwah, ‘Ne nyong newa nginkepkep dangen,’ ngale, ‘henma ate nyong awa nâng tem athoak eka, erepa ritphe rêmin.’ 11Phumma, mihnyan ma ate nyong awa nâng chohsokmin wahpa, nema ‘Arepa korban’ (are ngaeka pa, are litpa Joban nângba kohmin, ngama hethô eken), 12erohwah thinma thin nyong awa nâng chohsû tumah. 13Nema mihnâng eroh phoanghethô eken junko Joban jabkhabpa lekep dangeka. Ngale nema arerãngrãng moletma lihânmin ajahthem tonga.”
Mihnyan Ngeksiet thin Sêmmak
(Mt 15.10-20)
14Erediko Jisu ma mihnyan heh ate tâko theroo lahma thinnâng ngatwah, “Nekhu anga ngama nga nginpa jetat letma hungnâng thien en. 15Rangsâwah ne sekkhen nâng hûera phhekchhah pumma ne ngeksiet mahhèn. Erenoma ne sekkhenwah chenni loatchhoan eka ere pummaba ne ngeksiet ehèn.”#7.15: wanwanthe ko vars 16 pa johraang eka: Tat en, nenâng nâ metong hènko! (4.23 ko tasûe).
17Mihnyan heh tâwah chhoan lahma humkhen nâng wângdiko, ate dijunte hehma are nginpa ngaksen thôkohhi ngatwah. 18Jisu ma thinnâng ngatwah, “Nemin mihhan heh noma bâmjetmet,” “Nema jetmetne? Rangsâwah ne sekkhen nâng hûera pumma ne ngeksiet mahhèn, 19Chenrãngma ngako erepa nehung khennâng kat dangmah, erepa wokkhen nâng kalahma ngakloatchhoan eka.” (Jisu ma, are ngaeka pa, chentô phhekchhah pa tâphhek tâchhahmin, ngama ngaeka.)
20Ngale atema are choatko thôkoh wah, “Newah chenni loatchhoan eka erepumma ne ngeksiet ehèn. 21Chenrãngma ngako ne sekkhen wah loatchhoan ekapa, ne hungwah buthi mongthem chhih heh loatchhoan lahma nenâng kaamchhih mothuk ehèn, mih wah nyenkep, ngale mihritphe, 22mihdihiak dela kaamchhih moat, chhahnyoak, ngale lihân chentô achhihli heh mothuk ehèn; mihdiapchhah, pongapa, mihphetwan, mihsethô, ngam apoa, ngale bâatâ thukre ehèn- 23are chentô achhihli heh nehungkhen wah loatchhoan lahma ne ngeksiet ehèn.”
Dihiaknyu Putedâlem
(Mt 15.21-28)
24Erediko Jisu eretheko wah loatchhoan lahma Tair hah kêanâ wah hah hehnâng chhoanwah. Erethe kowah wathe humnâng Jisu hokwah, phumma Jisu ere humko tonga ngama henmemin nekchenjet ehang ngama atema thônghun wah, rohkomin ate tahuhtongho. 25Dihiaknya wathe nâng juchhih luplahma dângwah, phumma ate nyongma Jisu tonga ngama leptat lahma, lemlienma Jisu tâko hûlahma ate dathongko khupjup hokwah. 26Dihiaknyu pa Jews ledang dângwah, atea Syria diakwah Fonika hahnâng chhatwah. Atema Jisu nâng ate chha dihiaknya kowah juchhih junloat kohrãng roatsep wah. 27Phumma Jisu ma dânthâng wah, “Khebângko naachha hehma chenbâng chhahmênga. Chenrãngma ngako, naachha heh phhekchhah pa hu hehnâng phekoh pa senmah.”
28Dihiaknyu pumma dânthâng wah, “Hethôte,” “rohkomin, khoangkhen kowah naachha hehma jâphe eka heh hu hehma rângchhah a!”
29Ephumma Jisu ma atenâng ngatwah, “Nangma aroh dânthângdi, nang humnâng wãnglohma sûwãngtan, nangchha sekwah juchhihpa chhoanchoan echoh khewãngo!”
30Dihiaknyu pa humnâng wãng lahma ate chhapa jupthinko juplahma chohkhe wah; ngale juchhih pemin ate chha sekwah loatchhoan choan tônglâwah.
Jisu ma Aba Jabmuh Sênsiet
31Erediko Jisu Tair hah kêana hah hehwah chhoan lahma Sidon hah ngema Galili josi nâng, Sumhah Wan echhi ngama ngaeka nâng katlem ngema wângwah. 32Mihnyan khuthema ate tânâng nâba rohkomin mãnmãnchha jienjab lahma mihnyan wathe siethokwah. Ngale thinma Jisu nâng nangdekma sahlomêngo ngama roatsep wah. 33Ephumma Jisu ma loangchhang kowah atelolo sietchhoan lahma ate nâko deksuma kehkohwah, ngale thoakkah thoaklahma ate thheliko sahlokoh rewah. 34Erediko Jisu ma rangkhethung nâng sûwên lahma, khòrek sietwah rãngrãng roat awâwah, ngale erediko mihwako ngatwah, “Ephphatha,” arepa, “Laangjâo!” ngama ngaeka.
35Lemlienma mihwa pumma jientatwah, ngale theli pa senlahma lechêm thangma senthemthem jienjabwah. 36Erediko Jisu ma are nginpa hennâng min nekphoang thôkoh en ngama mihheh nâng ngatwah; rohkomin, mihnâng nekthôkoh en jêngnga, thinma erengin pa jêngphoang phoangthôkoh rewah. 37Ngale erengin tatte chentôpa bârit rewah. Thinma ngatwah, “Atema chentôpa asen moeka!” “Atema nâbamin tatthuk eka, ngale jabmuhmin jienjabthuk eka.!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.