MAK 9
9
1Ngale eredikomin atema ngatwah, “Ngama nenâng linlin thôkoh eka, aretheko chepte khuthe Joban Hahsông pa chaan demnâng kalahma makhe kheko leriite tongen.”
Thhenphãng Litjâ
(Mt 17.1-13; Luk 9.28-36)
2Jâerok diko Jisu ma ate demko Piter, Jems, ngale Jon hahkong choang khonâng sietwênwah, eretheko thinlolo dângwah. Thinma Jisu nâng sokjenjen ko litjâ lahma khewah, 3ngale Jisu khetpa pômõang phiakwah - rangkhenko henmemin eretô leta posettô pôwah. 4Erediko dijunte warem pumma Ilija ngale Mosa Jisu demko jabmîn lahma khewah. 5Piter ma hongjab lahma Jisu nâng ngatwah, “Hethôte, nãng aretheko tôngpa chentôsên a! Nima tembu humwah phangrem hoan e, nangrãng phangthe, Mosa rãng phangthe, ngale Ilija rãng phangthe hoan e.” 6Piter le ate lemru heh nyahrãng chei lahma atema chenni ngatthin a erepajô lechêm jetthangma dângwah.
7Erediko phoambuk bukhû lahma mahbuk wah, ngale phoamkhen kowah jabkhab hôngjab katwah, “Arepa nga Chha ngama atenâng nyahrãng hun ekang - ate ngin kepen!” 8Thinma lemlienma tumlit phoangsû tahpa henjô chohkheho; Jisu loloba thindem ko dângwah.
9Thin hahkong kowah jâkhoam katko, Jisu ma ngatwah, “Mihnyan Chhapa ritwah mangak ngakhinko, nema chenni khetat a erepa hennâng min nekthôkoh en.”
10Thinma Jisu nginpa kepwah, rohkomin thindede tungko thômîn wah, “Are ‘ritwah ngakhînpa’ chenni nâng ngaeka?” 11Ngale thinma Jisu nâng thôngphâ wah, “Chenni rãngma niemarang hethôte hehma Ilija khekho ekara ngama ngaeka?”
12Jisu ma dânthâng wah, “Ilija pa linlinjô khekho kalahma chentôpa ekhoakhem kara. Rohkomin Joban nyapraangma chenrãngma Mihnyan Chhama chêmchei chohmin ngale mihnyan hehma ate roak atoak leweih min ngaeka? 13Ngama nenâng toangtang thôkoh eka, Ilija râkatha, ngale Joban nyapraang nâng ngaeka rãngrãng mihnyan hehma atenâng chenroh huneka eroh hôanjôanwah.”
Jisu ma Juchhih Lupte Dela Chha Sênsiet
(Mt 17.14-20; Luk 9.37-43)
14Chenthu thin tânâng dijunte ahan heh hokko, mihnyan jahmõang thin tumlitko khewah, ngale Niemarang hethôte heh thindem ko chhiakmîn wah. 15Chenthu mihnyan hehma Jisu kheko, nyahrãng patrit wah, ngale ate tânâng chhoanka lahma atenâng rânjab katwah. 16Jisu ma ate dijunte hehnâng chhienwah, “Nea thin demnâng chenni junko chhiakmîn eken a?”
17Loangchhang kowah mihnyan wathema dânthâng wah, “Hethôte, ngama nang tânâng ngachha pa siethû erâng, chenrãngma ngako, ate seknâng juchhih tonga ngale erejunko atema jienjabmah. 18Chenthu juchhihma atenâng melo tahko, hahko chiloangsiet eka, ngale ate thunwah thoakwoak heh hong, erediko pâchupkek lahma chichehjâ eka. Ngama nang dijunte hehnâng juchhih pa junloatkoh rãng chientekpa, thinma tajunlomah.”
19Jisu ma thinnâng ngatwah, “Nenâng putedâlemjô aho! Nedemnâng nga chentô tâjoh tongmin a? Ngale nedemnâng nga chentô tâjoh sôngmin a? Leta pa ngatânâng sietwênro!” 20Phumma thinma Jisu tâko sietwên kohwah.
Juchhih ma Jisu khe rienrien, leta ko loatwah, ephumma leta pa hahko loangjâ lahma ate thunwah thoakwoak lietliet tumlit phoangloang jâwah. 21Jisu ma naachha wako, “Chentô rãng ate aroh medanga?” ngama thôngphâ wah.
Phumma, “letachhathu mejû aroh dângwah” ngama atewa ma dânthâng wah. 22“Juchhih ma wenkhoh hehnâng ngale jokhoh hehnâng loangjâ thuklahma ate ritphe rãng ajahthem lâphungtah. Nangma meta oko, ninâng mînchen lohma mamchoh sûmênghi!”
23“Ta ang,” Jisu ma ngatwah, “Nang dedema meta oko! ngale hennâng putedâlem tongeka ere hehma chentôpa eta a.”
24Naawa pa lemlienma raksepwah, “Ngama putedâlem ekang, rohkomin arepa lemah. Senthemthem jien putedâlem rãngma nangma nganâng mamchoh sûhang!”
25Jisu ma loangchhangpa thintâko hehwãng lahma khewah, ephumma atema juchhihko ngatwah. “Phhekba nâbaju,” “Ngama nangnâng are naachha kowah loatchhoan o ngama chieneki, ngale atenâng chenthumin lengak luphû tumin!”
26Juchhih pumma raklahma naachha pa nyahrãng cheili chehjâ thuklahma loatchhoan wah. Naachha pa riichoan mang rãngrãng dângwah, phumma anga ngama, “Riitah!” ngatwah. 27Phumma Jisu ma naachha dekko sietlahma chepsietwah, eko naachha pa tôanchepwah.
28Jisu humkhen nâng lupwâng diko, ate dijunte hehma atelolo nâng thôngphâ wah, “Nima chenrãngma juchhih pa leta junlo dangekia?”
29Jisu ma dânthâng wah; “Arerãngrãng pa rangsoam junma loloba tâjun loatmin,” “Lihânma chenni mejô tajun lomih.”
Jisu ma Ate Rit junko Wîenthe Jabwah
(Mt 17.22,23; Luk 9.43-45)
30Jisu le ate dijunte heh erethe kowah loatchhoan lahma Galilijaa nâng katwah. Jisu ma ate chenko tongeka erepa hennângjô jetthuk lehun dângwah, 31Chenrãngma ngako atema ate dijunte hehnâng hethô sanpoat dângwah: “Mihnyan Chhapa ate ritphete heh deknâng ekoh a. Rohkomin, atea jârem diko ngakhîn rêmin.”
32Phumma dijunte hehma erepa chennâng ngaeka erepa jet ho, ngale atenâng thôngphâ rãngmin chei rewah.
Henpa Adongthôan a?
(Mt 18.1-5; Luk 9.46-48)
33Thin Kaparnam hahnâng hokwah, phumma humkhen nâng lupwâng diko Jisu ma ate dijunte hehnâng thôngphâ wah, “Ne lemko chenjunma chhiakmintet a?”
34Phumma thinma Jisu nâng dânthangho, chenrãngma ngako, thinkhuchhang kowah henpa adongthôan dângmin a ngama lemko chhiakmîn wah. 35Jisu ma tonglahma, dijunte echhi waniipa roolahma ngatwah, “Hen akomin khekhothôan dâng mehun ako, ate dedema chentô noma khedithôan rãng hôanritmin, ngale anga nga haarãng dângmin.” 36Erediko atema letachha sietlahma thinkhu mako chepthuk wah. Ngale naachhako atedekma khitlahma thinnâng ngatwah, 37“Henma komin are leta rãngrãng hehwah ngamînko wathe nâng asenma metãngroo ako, arepa nganâng tãngroo ehang; ngale henma komin nga metãngroo hangko, erepa ngalolo tângroo dangmah hang, nga chienkatte pemin tãngroo eka.”
Hen nãng Lelatnâng Ledangtea erepa nãng Demnâng Dângte
(Luk 9.49,50)
38Jon ma atenâng ngatwah, “Hethôte, mihwa wathema nangmînko juchhih junlo lahma khetih, phumma atea nikhu demwah ledang dâng phumma, nima atenâng jektãngtih.”
39Jisu ma thinnâng thôkoh wah, “Atenâng nekjek tãngen,” “Chenrãngma ngako, henmemin ngamînko patritli moatlem molahma nga lelatnâng chhihjabmah. 40Chenrãngma ngako, henhen nãng lelatnâng ledangtea epa nãngdemnâng dângte. 41Ngama linlin thôkoh eka, henma akomin ngadijunte dângthã nenâng jowah koapthe mejokthuk hènko atema erethãpa metkep echoh a.
Pap Moatthuk
(Mt 18.6-9; Luk 17.1,2)
42“Henma komin nganâng putedâlemte are arinchha thôan kowah wathe nganâng putedâlem pa memah phethuk ako, ere mihnyan rãngma ate bohko longdong khhek lahma josiko mejâ toakka akoba ate rãngma asen edanga. 43Erohwah, nedek pumma ne putedâlem pa memah phethuk hènko, thahdoakphe en, nerãngma dek kaniinii thienletma roantang roanjêng lemutthin pap wendô nâng khâmritkat noma, dektu dangletma ju khope chohpeba asen.#9.43: wanwanthe pumma vars 44 pa johraang eka: Erethe kowah ‘thinnâng kekte dõngpa chenthumin riimah, ngale thinnâng khamte wenpa chenthumin mutmah’ (Vars 48 ko tasûe). 45Ngale neda pumma ne putedâlem pa memah phethuk hènko, thahdoakphe en, nerãngma da kaniinii thienletma roantang roanjêng lemutthin pap wendô nâng khâmritkat noma, datu dangletma ju khope chohpeba asen.#9.45: wanwanthe pumma vars 46 pa johraang eka: Erethe kowah ‘thinnâng kekte dõngpa chenthumin riimah, ngale thinnâng khâmte wenpa chenthumin mutmah’ (Vars 48 ko tasûe). 47Ngale nemit pumma ne putedâlem pa memah phethuk hènko, loatphere en! nerãngma mit kaniinii thienletma roantang roanjêng lemutthin pap wendô nâng khâmritkat noma, mit kathelolo demnâng Joban Hahsông thenâng chohwâng peba asen. 48‘Erethe kowah thinnâng kekte dõngpa chenthumin riimah, ngale thinnâng khâmte wendô pa chenthumin mutmah.’
49“Joban nâng joapsoap thinpa summa sâsiet eka rãngrãng, chentô mihnyan heh wenma sâsietmin.
50“Sumpa asen; rohkomin sumtupa mesejâ tahko, nangma chenroh jienngak tusiet tumin a?
“Nedede tungko sumtu rãngrãng lemruchha dangen, ngale wathema wathe demnâng mêmoma songtongen.”
Currently Selected:
MAK 9: NOKTBSI
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.
MAK 9
9
1Ngale eredikomin atema ngatwah, “Ngama nenâng linlin thôkoh eka, aretheko chepte khuthe Joban Hahsông pa chaan demnâng kalahma makhe kheko leriite tongen.”
Thhenphãng Litjâ
(Mt 17.1-13; Luk 9.28-36)
2Jâerok diko Jisu ma ate demko Piter, Jems, ngale Jon hahkong choang khonâng sietwênwah, eretheko thinlolo dângwah. Thinma Jisu nâng sokjenjen ko litjâ lahma khewah, 3ngale Jisu khetpa pômõang phiakwah - rangkhenko henmemin eretô leta posettô pôwah. 4Erediko dijunte warem pumma Ilija ngale Mosa Jisu demko jabmîn lahma khewah. 5Piter ma hongjab lahma Jisu nâng ngatwah, “Hethôte, nãng aretheko tôngpa chentôsên a! Nima tembu humwah phangrem hoan e, nangrãng phangthe, Mosa rãng phangthe, ngale Ilija rãng phangthe hoan e.” 6Piter le ate lemru heh nyahrãng chei lahma atema chenni ngatthin a erepajô lechêm jetthangma dângwah.
7Erediko phoambuk bukhû lahma mahbuk wah, ngale phoamkhen kowah jabkhab hôngjab katwah, “Arepa nga Chha ngama atenâng nyahrãng hun ekang - ate ngin kepen!” 8Thinma lemlienma tumlit phoangsû tahpa henjô chohkheho; Jisu loloba thindem ko dângwah.
9Thin hahkong kowah jâkhoam katko, Jisu ma ngatwah, “Mihnyan Chhapa ritwah mangak ngakhinko, nema chenni khetat a erepa hennâng min nekthôkoh en.”
10Thinma Jisu nginpa kepwah, rohkomin thindede tungko thômîn wah, “Are ‘ritwah ngakhînpa’ chenni nâng ngaeka?” 11Ngale thinma Jisu nâng thôngphâ wah, “Chenni rãngma niemarang hethôte hehma Ilija khekho ekara ngama ngaeka?”
12Jisu ma dânthâng wah, “Ilija pa linlinjô khekho kalahma chentôpa ekhoakhem kara. Rohkomin Joban nyapraangma chenrãngma Mihnyan Chhama chêmchei chohmin ngale mihnyan hehma ate roak atoak leweih min ngaeka? 13Ngama nenâng toangtang thôkoh eka, Ilija râkatha, ngale Joban nyapraang nâng ngaeka rãngrãng mihnyan hehma atenâng chenroh huneka eroh hôanjôanwah.”
Jisu ma Juchhih Lupte Dela Chha Sênsiet
(Mt 17.14-20; Luk 9.37-43)
14Chenthu thin tânâng dijunte ahan heh hokko, mihnyan jahmõang thin tumlitko khewah, ngale Niemarang hethôte heh thindem ko chhiakmîn wah. 15Chenthu mihnyan hehma Jisu kheko, nyahrãng patrit wah, ngale ate tânâng chhoanka lahma atenâng rânjab katwah. 16Jisu ma ate dijunte hehnâng chhienwah, “Nea thin demnâng chenni junko chhiakmîn eken a?”
17Loangchhang kowah mihnyan wathema dânthâng wah, “Hethôte, ngama nang tânâng ngachha pa siethû erâng, chenrãngma ngako, ate seknâng juchhih tonga ngale erejunko atema jienjabmah. 18Chenthu juchhihma atenâng melo tahko, hahko chiloangsiet eka, ngale ate thunwah thoakwoak heh hong, erediko pâchupkek lahma chichehjâ eka. Ngama nang dijunte hehnâng juchhih pa junloatkoh rãng chientekpa, thinma tajunlomah.”
19Jisu ma thinnâng ngatwah, “Nenâng putedâlemjô aho! Nedemnâng nga chentô tâjoh tongmin a? Ngale nedemnâng nga chentô tâjoh sôngmin a? Leta pa ngatânâng sietwênro!” 20Phumma thinma Jisu tâko sietwên kohwah.
Juchhih ma Jisu khe rienrien, leta ko loatwah, ephumma leta pa hahko loangjâ lahma ate thunwah thoakwoak lietliet tumlit phoangloang jâwah. 21Jisu ma naachha wako, “Chentô rãng ate aroh medanga?” ngama thôngphâ wah.
Phumma, “letachhathu mejû aroh dângwah” ngama atewa ma dânthâng wah. 22“Juchhih ma wenkhoh hehnâng ngale jokhoh hehnâng loangjâ thuklahma ate ritphe rãng ajahthem lâphungtah. Nangma meta oko, ninâng mînchen lohma mamchoh sûmênghi!”
23“Ta ang,” Jisu ma ngatwah, “Nang dedema meta oko! ngale hennâng putedâlem tongeka ere hehma chentôpa eta a.”
24Naawa pa lemlienma raksepwah, “Ngama putedâlem ekang, rohkomin arepa lemah. Senthemthem jien putedâlem rãngma nangma nganâng mamchoh sûhang!”
25Jisu ma loangchhangpa thintâko hehwãng lahma khewah, ephumma atema juchhihko ngatwah. “Phhekba nâbaju,” “Ngama nangnâng are naachha kowah loatchhoan o ngama chieneki, ngale atenâng chenthumin lengak luphû tumin!”
26Juchhih pumma raklahma naachha pa nyahrãng cheili chehjâ thuklahma loatchhoan wah. Naachha pa riichoan mang rãngrãng dângwah, phumma anga ngama, “Riitah!” ngatwah. 27Phumma Jisu ma naachha dekko sietlahma chepsietwah, eko naachha pa tôanchepwah.
28Jisu humkhen nâng lupwâng diko, ate dijunte hehma atelolo nâng thôngphâ wah, “Nima chenrãngma juchhih pa leta junlo dangekia?”
29Jisu ma dânthâng wah; “Arerãngrãng pa rangsoam junma loloba tâjun loatmin,” “Lihânma chenni mejô tajun lomih.”
Jisu ma Ate Rit junko Wîenthe Jabwah
(Mt 17.22,23; Luk 9.43-45)
30Jisu le ate dijunte heh erethe kowah loatchhoan lahma Galilijaa nâng katwah. Jisu ma ate chenko tongeka erepa hennângjô jetthuk lehun dângwah, 31Chenrãngma ngako atema ate dijunte hehnâng hethô sanpoat dângwah: “Mihnyan Chhapa ate ritphete heh deknâng ekoh a. Rohkomin, atea jârem diko ngakhîn rêmin.”
32Phumma dijunte hehma erepa chennâng ngaeka erepa jet ho, ngale atenâng thôngphâ rãngmin chei rewah.
Henpa Adongthôan a?
(Mt 18.1-5; Luk 9.46-48)
33Thin Kaparnam hahnâng hokwah, phumma humkhen nâng lupwâng diko Jisu ma ate dijunte hehnâng thôngphâ wah, “Ne lemko chenjunma chhiakmintet a?”
34Phumma thinma Jisu nâng dânthangho, chenrãngma ngako, thinkhuchhang kowah henpa adongthôan dângmin a ngama lemko chhiakmîn wah. 35Jisu ma tonglahma, dijunte echhi waniipa roolahma ngatwah, “Hen akomin khekhothôan dâng mehun ako, ate dedema chentô noma khedithôan rãng hôanritmin, ngale anga nga haarãng dângmin.” 36Erediko atema letachha sietlahma thinkhu mako chepthuk wah. Ngale naachhako atedekma khitlahma thinnâng ngatwah, 37“Henma komin are leta rãngrãng hehwah ngamînko wathe nâng asenma metãngroo ako, arepa nganâng tãngroo ehang; ngale henma komin nga metãngroo hangko, erepa ngalolo tângroo dangmah hang, nga chienkatte pemin tãngroo eka.”
Hen nãng Lelatnâng Ledangtea erepa nãng Demnâng Dângte
(Luk 9.49,50)
38Jon ma atenâng ngatwah, “Hethôte, mihwa wathema nangmînko juchhih junlo lahma khetih, phumma atea nikhu demwah ledang dâng phumma, nima atenâng jektãngtih.”
39Jisu ma thinnâng thôkoh wah, “Atenâng nekjek tãngen,” “Chenrãngma ngako, henmemin ngamînko patritli moatlem molahma nga lelatnâng chhihjabmah. 40Chenrãngma ngako, henhen nãng lelatnâng ledangtea epa nãngdemnâng dângte. 41Ngama linlin thôkoh eka, henma akomin ngadijunte dângthã nenâng jowah koapthe mejokthuk hènko atema erethãpa metkep echoh a.
Pap Moatthuk
(Mt 18.6-9; Luk 17.1,2)
42“Henma komin nganâng putedâlemte are arinchha thôan kowah wathe nganâng putedâlem pa memah phethuk ako, ere mihnyan rãngma ate bohko longdong khhek lahma josiko mejâ toakka akoba ate rãngma asen edanga. 43Erohwah, nedek pumma ne putedâlem pa memah phethuk hènko, thahdoakphe en, nerãngma dek kaniinii thienletma roantang roanjêng lemutthin pap wendô nâng khâmritkat noma, dektu dangletma ju khope chohpeba asen.#9.43: wanwanthe pumma vars 44 pa johraang eka: Erethe kowah ‘thinnâng kekte dõngpa chenthumin riimah, ngale thinnâng khamte wenpa chenthumin mutmah’ (Vars 48 ko tasûe). 45Ngale neda pumma ne putedâlem pa memah phethuk hènko, thahdoakphe en, nerãngma da kaniinii thienletma roantang roanjêng lemutthin pap wendô nâng khâmritkat noma, datu dangletma ju khope chohpeba asen.#9.45: wanwanthe pumma vars 46 pa johraang eka: Erethe kowah ‘thinnâng kekte dõngpa chenthumin riimah, ngale thinnâng khâmte wenpa chenthumin mutmah’ (Vars 48 ko tasûe). 47Ngale nemit pumma ne putedâlem pa memah phethuk hènko, loatphere en! nerãngma mit kaniinii thienletma roantang roanjêng lemutthin pap wendô nâng khâmritkat noma, mit kathelolo demnâng Joban Hahsông thenâng chohwâng peba asen. 48‘Erethe kowah thinnâng kekte dõngpa chenthumin riimah, ngale thinnâng khâmte wendô pa chenthumin mutmah.’
49“Joban nâng joapsoap thinpa summa sâsiet eka rãngrãng, chentô mihnyan heh wenma sâsietmin.
50“Sumpa asen; rohkomin sumtupa mesejâ tahko, nangma chenroh jienngak tusiet tumin a?
“Nedede tungko sumtu rãngrãng lemruchha dangen, ngale wathema wathe demnâng mêmoma songtongen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.