RIWÜRÜTI NGUCHI 1
1
1Amüi Theofilus:#Luk 1.1-4
Vakha akhudibala, Jisu-nü anguchi dikehpü abi ninglang nükeh tsi yingcheh 2abinü nguchicho ko docho apüm nengdang Ihnü thrahko. Abi nükeh mütsiede, abi riwürüti thsanung throchehchoti khyang abinü Anbü Amüsa zii khu athülaba jücho. 3Abi süpü nyümong yüre abinü abi akang licho tütohnyünyeh mülisohnung arüh te adrongpi chüro ngusohcho. Arühnü abi ngucho, ko abinü Tsingrangba yanglih nengdang arüh te docho. 4Abi arüh yola lide, abinü arüh khyang yuzeng hi jücho: “Jerusalem lanü tütsi, ta I U-nü nyengchocho Ihnü nührü te yoba jiyü nengdang ying.#Luk 24.49 5Johan-nü kih la baptijücho, ta tunyah mülipü nührü Anbü Amüsa la baptijünung.”#Mat 3.11; Mrk 1.8; Luk 3.16; Jhn 1.33
Jisu Ninglang Nükeh Tsicho
(Mrk 16.19-20; Luk 24.50-53)
6Khode riwürüti müjang Jisu yola shibülungcho, arühnü abi te tsingdhingcho, “Abüdongba, nühnü ade Israel khyang yanglih tsü thali jünung do?”
7Jisu-nü arüh te yocho, “Bekhyah ko akyangti I U-nü apu ziila yohpüre, ko hütsüri nührünü müdhenung athsalang mah. 8Ta khode nührü chah Anbü Amüsa ronang, ziinü nührü jengnung ko Jerusalem, Judea ko Samaria apüm la ko limih achangka chiinü nührü I yuzithsarüti thsanung.”#Mat 28.19; Mrk 16.15; Luk 24.47-48 9Hi yopü, arühnü dhingyade, abi ninglang nükeh tsicho ko arüh nah tenü nyükhinü abi shüticho.#Mrk 16.19; Luk 24.50-51
10Ko arühnü abi tsicho dhingyade, nyüh anyüh shü athru khyüpü arüh müshüm yacho ko arüh te yocho, 11“Galilrü, tuepü nührü hütsüla ninglang dhing yaro? Hi Jisu, sü nührü tenü ninglang notsicho, khüroh-i ninglang tuwü ngucho hütsü roh-i abi thali ronung.”
Judas Mülihcho
(Mat 27.3-10)
12Hütsüpü riwürüti tsü Jerusalem lanü lutri khüdu-o wüpü liba Olive Zong la tsünü Jerusalem lang thalicho. 13Arühnü yangdila züducho ko arüh liji amichahba chongsahlang tsü tuwücho: Arüh tsü Peter, Johan, Jakob ko Andreu, Filip ko Thomas, Bartholomeu ko Mathi, Alfaeus tsurü Jakob, limih müirü Simon, ko Jakob tsurü Judas.#Mat 10.2-4; Mrk 3.16-19; Luk 6.14-16 14Arühnü amülungthsa dangkhidangnangnung khingkurüti, Jisu atpa Mary ko anirüti te adrongpi müjang shibülungcho.
15Tunyah mülipü yudsirüti thsihpü mükyü-o shibülungcho, ko Peter-nü shemüsu chocho. 16Jünirüti, “Jisu rangrü te lang thonguba Judas nengdang Anbü Amüsanü David khu choyohchoba amüsa yu tsü tikehnungbae. 17Judas tsü Ihsa yola khiyoh khüdu licho, tunüo Ihsa nguchila nohlüm khyünung abisü throchehcho.”
18(Judas-nü apu amütsa nguchicho ngang nguba thsi tsünü alih khüdu lihcho, hütsüla abi longcho; ko ami tsohphoh bohnying apüm shicheh sücho.#Mat 27.3-8 19Jerusalem la lirü atümungnü hütsü yuchicho, hütsünü arühbürü yula hütsüba lih te Akeldama pü dsicho adüzü “Ashüh lih.”)
20“Tunüo Nengsekhi la hi thrah lile,
‘Abi kuh pehng;
hütsüla süsü tülisoh.’
Adesü hita thrah lile:
‘Abi nguchi khürü khyang khyüsohng.’
21“Hütsünü, Abüdongba Jisu kanglicho yuzithsanung Ihsa yola nyüh khüdu throyohbae. 22Baptinung nengdang Johan-nü thsingyuba nyümong lanü Abüdongba Jisu Ihsa yola rachicho ayung ko Ihsa yolanü ninglang nükeh tsiba nyümong chiinü Ihsa yola zehrü nyüh khüdu thsanungbae.”
23Achotsü arühnü nyüh anyüh yodhingcho: Barsabbas dsiba Josef (Justus mii dsicho), ko Mathias. 24Hütsüde arühnü dangkhidangnangcho, “Abüdongba, atümung lümcho nühnü müdhele, hütsüeko Judas, sü apu rülang thali tsipehcho 25abi mülih hinyi yola riwürü khüdu roh-i dikehnung nühnü sü throchehcho, ihrü te young.” 26Hütsüpü arühnü anyüh yola throchehnung zii thsadhingde Mathias chah küducho. Ko arühnü abi dhürekheh yola throkehcho.
Currently Selected:
RIWÜRÜTI NGUCHI 1: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
RIWÜRÜTI NGUCHI 1
1
1Amüi Theofilus:#Luk 1.1-4
Vakha akhudibala, Jisu-nü anguchi dikehpü abi ninglang nükeh tsi yingcheh 2abinü nguchicho ko docho apüm nengdang Ihnü thrahko. Abi nükeh mütsiede, abi riwürüti thsanung throchehchoti khyang abinü Anbü Amüsa zii khu athülaba jücho. 3Abi süpü nyümong yüre abinü abi akang licho tütohnyünyeh mülisohnung arüh te adrongpi chüro ngusohcho. Arühnü abi ngucho, ko abinü Tsingrangba yanglih nengdang arüh te docho. 4Abi arüh yola lide, abinü arüh khyang yuzeng hi jücho: “Jerusalem lanü tütsi, ta I U-nü nyengchocho Ihnü nührü te yoba jiyü nengdang ying.#Luk 24.49 5Johan-nü kih la baptijücho, ta tunyah mülipü nührü Anbü Amüsa la baptijünung.”#Mat 3.11; Mrk 1.8; Luk 3.16; Jhn 1.33
Jisu Ninglang Nükeh Tsicho
(Mrk 16.19-20; Luk 24.50-53)
6Khode riwürüti müjang Jisu yola shibülungcho, arühnü abi te tsingdhingcho, “Abüdongba, nühnü ade Israel khyang yanglih tsü thali jünung do?”
7Jisu-nü arüh te yocho, “Bekhyah ko akyangti I U-nü apu ziila yohpüre, ko hütsüri nührünü müdhenung athsalang mah. 8Ta khode nührü chah Anbü Amüsa ronang, ziinü nührü jengnung ko Jerusalem, Judea ko Samaria apüm la ko limih achangka chiinü nührü I yuzithsarüti thsanung.”#Mat 28.19; Mrk 16.15; Luk 24.47-48 9Hi yopü, arühnü dhingyade, abi ninglang nükeh tsicho ko arüh nah tenü nyükhinü abi shüticho.#Mrk 16.19; Luk 24.50-51
10Ko arühnü abi tsicho dhingyade, nyüh anyüh shü athru khyüpü arüh müshüm yacho ko arüh te yocho, 11“Galilrü, tuepü nührü hütsüla ninglang dhing yaro? Hi Jisu, sü nührü tenü ninglang notsicho, khüroh-i ninglang tuwü ngucho hütsü roh-i abi thali ronung.”
Judas Mülihcho
(Mat 27.3-10)
12Hütsüpü riwürüti tsü Jerusalem lanü lutri khüdu-o wüpü liba Olive Zong la tsünü Jerusalem lang thalicho. 13Arühnü yangdila züducho ko arüh liji amichahba chongsahlang tsü tuwücho: Arüh tsü Peter, Johan, Jakob ko Andreu, Filip ko Thomas, Bartholomeu ko Mathi, Alfaeus tsurü Jakob, limih müirü Simon, ko Jakob tsurü Judas.#Mat 10.2-4; Mrk 3.16-19; Luk 6.14-16 14Arühnü amülungthsa dangkhidangnangnung khingkurüti, Jisu atpa Mary ko anirüti te adrongpi müjang shibülungcho.
15Tunyah mülipü yudsirüti thsihpü mükyü-o shibülungcho, ko Peter-nü shemüsu chocho. 16Jünirüti, “Jisu rangrü te lang thonguba Judas nengdang Anbü Amüsanü David khu choyohchoba amüsa yu tsü tikehnungbae. 17Judas tsü Ihsa yola khiyoh khüdu licho, tunüo Ihsa nguchila nohlüm khyünung abisü throchehcho.”
18(Judas-nü apu amütsa nguchicho ngang nguba thsi tsünü alih khüdu lihcho, hütsüla abi longcho; ko ami tsohphoh bohnying apüm shicheh sücho.#Mat 27.3-8 19Jerusalem la lirü atümungnü hütsü yuchicho, hütsünü arühbürü yula hütsüba lih te Akeldama pü dsicho adüzü “Ashüh lih.”)
20“Tunüo Nengsekhi la hi thrah lile,
‘Abi kuh pehng;
hütsüla süsü tülisoh.’
Adesü hita thrah lile:
‘Abi nguchi khürü khyang khyüsohng.’
21“Hütsünü, Abüdongba Jisu kanglicho yuzithsanung Ihsa yola nyüh khüdu throyohbae. 22Baptinung nengdang Johan-nü thsingyuba nyümong lanü Abüdongba Jisu Ihsa yola rachicho ayung ko Ihsa yolanü ninglang nükeh tsiba nyümong chiinü Ihsa yola zehrü nyüh khüdu thsanungbae.”
23Achotsü arühnü nyüh anyüh yodhingcho: Barsabbas dsiba Josef (Justus mii dsicho), ko Mathias. 24Hütsüde arühnü dangkhidangnangcho, “Abüdongba, atümung lümcho nühnü müdhele, hütsüeko Judas, sü apu rülang thali tsipehcho 25abi mülih hinyi yola riwürü khüdu roh-i dikehnung nühnü sü throchehcho, ihrü te young.” 26Hütsüpü arühnü anyüh yola throchehnung zii thsadhingde Mathias chah küducho. Ko arühnü abi dhürekheh yola throkehcho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.