LIPOH 28
28
1Achotsü Isak-nü Jakob dsi müwajü yocho, “Nühnü Kanan-larü tükhyü. 2Ta Mesopotamia la nümü Bethuelrü kulang wüng ko hütsülanü khingkurü nüku Laban-rü tsularü khüdu khyüng. 3Akohba Tsingrang-nü nüh kuthriba müwajüng, ko tsuzarü khütang müwajüng ko nüh yucho adrong au kangnung. 4#Lip 17.4-8Abinü Abraham müwajücho kyo nüh ko nü trah müwajüng ko Tsingrangba-nü Abraham khyang jüba lih khüila nüh liro, hiba kuthsi nühnü khyüng!” 5Hütsüta Isak-nü Jakob tsü Mesopotamia lang Aramea-rü Bethuel tsurü Jakob e Esau nyüh atpa Rebeka amung Laban yanglang müthehcho.
Esau-nü Anitpü Apa Khyücho
6Isak-nü Jakob müwajüpü Mesopotamia lang anitpü khyünung müthehkopü Esau-nü yuchicho. Hütsü du mah, ta khode Isak-nü abi müwajücho, hütsüde Kanan-larü mükhyünung mii yuzeng jükopü yuchicho. 7Ko Jakob-nü au e atpa nyüh yochonyi Mesopotamia lang tsikopü müdhecho. 8Hütsüde au Isak-nü Kanan-larü khyüsohnung mülümba tsü nyichehcho. 9Achotsü abinü Abraham tsurü Ishmael yanglang wücho ko atsularü Nebaiot nirü Mahalat khyücho.
Bethel la Jakob Melang
10Jakob-nü Bersheba pehjüpü Haran lang shemüsucho. 11Nyü züdude abinü ro amüsa müdüm khüdu chihcho, ko hütsüla nyehlicho. Abinü hütsüla lung khüdunü athah khangpü yüpjocho. 12#Jhn 1.51Ko abi melang alih lanü ning chii lopa khüdu chah ninglang riwürü jüroli küduli rachi ngucho. 13#Lip 13.14, 15Ko hütsüla abi müshüm Abüdongba yacho ko abi te yocho, “Ih Abraham ko Isak Tsingrang, Abüdongba lile. Ihnü nüh ko nü chahnü trahchocho khyang nüh yüpjoba lih hi jünung. 14#Lip 12.3; 22.18Arüh tsü lihpi toi kangnung. Arühnü arüh lih nyüchüro nyüzüdu apümlang sohjeng linung, ko nüh ko nü trah khu Ihnü yucho apüm müwajünung. 15Hi lümkehng, nüh khüdederü wünang Ih nüte linung ko nüh tsungtinung ko hiba lih yang Ihnü nüh nüli ronung. Ihnü nüte nyengchocho apüm münguchikhangde Ihnü nüh müpehjünung.”
16Hütsüpü Jakob jesucho ko yocho, “Abüdongba hila lile.” Abi hila lipü Ihnü mümüdheko. 17Abi drücho ko yocho, “Hiba müdüm hi khüta adrünung! Hi apa mah ta Tsingrangba kuh; ko hi ninglang tbükhüm.” 18Hütsüpü nyangnyü khüu mütoh Jakob-nü suropü athah khangba lung tsü khyo amüdhethsa khyümcho. Hütsüpü abinü hütsü michah tuji tungkeh Tsingrangba khyang müsachehcho. 19Ko abinü hütsüba müdüm te Bethel#28.19 Bethel: Ibri yunü hi adüzü “Tsingrangrü Kuh.” pü dsicho. Hütsüla khüdupi Luz yangdi licho. 20Hütsüpü Jakob-nü Abüdongba te yuchümcho: “Ih wüba langla nühnü Ite zeh ko Ih tsungtikhang ko tsuyongnung ko jengki jükhang, 21ko Iu kulang thali khümcho norokhang, nüh I Tsingrang thsanung. 22Hiba amüdhethsa lung khyümbala nüh mübünung ko nühnü jücho adhangpi lanü Ihnü nü khyang dhüre nohlüm jünung.”
Currently Selected:
LIPOH 28: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 28
28
1Achotsü Isak-nü Jakob dsi müwajü yocho, “Nühnü Kanan-larü tükhyü. 2Ta Mesopotamia la nümü Bethuelrü kulang wüng ko hütsülanü khingkurü nüku Laban-rü tsularü khüdu khyüng. 3Akohba Tsingrang-nü nüh kuthriba müwajüng, ko tsuzarü khütang müwajüng ko nüh yucho adrong au kangnung. 4#Lip 17.4-8Abinü Abraham müwajücho kyo nüh ko nü trah müwajüng ko Tsingrangba-nü Abraham khyang jüba lih khüila nüh liro, hiba kuthsi nühnü khyüng!” 5Hütsüta Isak-nü Jakob tsü Mesopotamia lang Aramea-rü Bethuel tsurü Jakob e Esau nyüh atpa Rebeka amung Laban yanglang müthehcho.
Esau-nü Anitpü Apa Khyücho
6Isak-nü Jakob müwajüpü Mesopotamia lang anitpü khyünung müthehkopü Esau-nü yuchicho. Hütsü du mah, ta khode Isak-nü abi müwajücho, hütsüde Kanan-larü mükhyünung mii yuzeng jükopü yuchicho. 7Ko Jakob-nü au e atpa nyüh yochonyi Mesopotamia lang tsikopü müdhecho. 8Hütsüde au Isak-nü Kanan-larü khyüsohnung mülümba tsü nyichehcho. 9Achotsü abinü Abraham tsurü Ishmael yanglang wücho ko atsularü Nebaiot nirü Mahalat khyücho.
Bethel la Jakob Melang
10Jakob-nü Bersheba pehjüpü Haran lang shemüsucho. 11Nyü züdude abinü ro amüsa müdüm khüdu chihcho, ko hütsüla nyehlicho. Abinü hütsüla lung khüdunü athah khangpü yüpjocho. 12#Jhn 1.51Ko abi melang alih lanü ning chii lopa khüdu chah ninglang riwürü jüroli küduli rachi ngucho. 13#Lip 13.14, 15Ko hütsüla abi müshüm Abüdongba yacho ko abi te yocho, “Ih Abraham ko Isak Tsingrang, Abüdongba lile. Ihnü nüh ko nü chahnü trahchocho khyang nüh yüpjoba lih hi jünung. 14#Lip 12.3; 22.18Arüh tsü lihpi toi kangnung. Arühnü arüh lih nyüchüro nyüzüdu apümlang sohjeng linung, ko nüh ko nü trah khu Ihnü yucho apüm müwajünung. 15Hi lümkehng, nüh khüdederü wünang Ih nüte linung ko nüh tsungtinung ko hiba lih yang Ihnü nüh nüli ronung. Ihnü nüte nyengchocho apüm münguchikhangde Ihnü nüh müpehjünung.”
16Hütsüpü Jakob jesucho ko yocho, “Abüdongba hila lile.” Abi hila lipü Ihnü mümüdheko. 17Abi drücho ko yocho, “Hiba müdüm hi khüta adrünung! Hi apa mah ta Tsingrangba kuh; ko hi ninglang tbükhüm.” 18Hütsüpü nyangnyü khüu mütoh Jakob-nü suropü athah khangba lung tsü khyo amüdhethsa khyümcho. Hütsüpü abinü hütsü michah tuji tungkeh Tsingrangba khyang müsachehcho. 19Ko abinü hütsüba müdüm te Bethel#28.19 Bethel: Ibri yunü hi adüzü “Tsingrangrü Kuh.” pü dsicho. Hütsüla khüdupi Luz yangdi licho. 20Hütsüpü Jakob-nü Abüdongba te yuchümcho: “Ih wüba langla nühnü Ite zeh ko Ih tsungtikhang ko tsuyongnung ko jengki jükhang, 21ko Iu kulang thali khümcho norokhang, nüh I Tsingrang thsanung. 22Hiba amüdhethsa lung khyümbala nüh mübünung ko nühnü jücho adhangpi lanü Ihnü nü khyang dhüre nohlüm jünung.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.