LIPOH 34
34
Dina te Khing Mükhongcho
1Nyümong khüdu Jakob tsulatpü Dina ko Lea nyüh Kanan-larü khürü xodhingnung wücho. 2Khode Hiv-rü Hamor tsurü hütsüba lih la yangthsaba Shekem-nü abükyü ngucho, abinü abükyü nowü khing mükhongcho. 3Ta abinü abükyü tsü atsah tsara nguchonü abükyü müicho ko khyünyücho. 4Abinü au te yocho, “I khyang I nitpü thsanung hiba khingkurü hi khyüjüng.”
5Jakob-nü atsulatpü Dina thsangnyangjükopü yuchicho, ta atsurüti lipilih lang kanglungrü nyahnung wüpü lichonü arüh müthalide abinü tu münguchicho. 6Ko Shekem au Hamor-nü Jakob te chotanung wücho. 7Hütsüde Jakob tsurüti rangmülangnü lungcho. Khode arühnü atikehcho tsü yuchicho, arühnü wahnü zichürocho, tunüo Shekem-nü Jakob tsulatpü thsangnyangjü Israelrü ashah khyüsohcho. 8Hamor-nü abi te yocho, “I tsurü Shekem-nü nü tsulatpü tsü müire; yanglilüm abi te kukangsohng. 9I nyitsarü ko nü nyitsarü khyütanung anyengchotaba khüdu külüpnung. 10Hütsükhang ihrü lih la nührü linyüchola lieng; thangchi shithsabhülehng, ko palu kuthsi kang.”
11Hütsüpü Shekem-nü Dina au ko amungrü te yocho, “Hi I khyang mülajüng, ko nührünü tu khyünyüro Ihnü jünung. 12Nührünü jiyü ko mii khütoi thseng khyünyüro Ite young; azatpü du tsü I khyang khyüsohkhang, nührünü tu chingnang Ihnü jünung.”
13Arüh nirü Dina tsü Shekem-nü ashah khyüsohchonü, Jakob tsurütinü Shekem e au Hamor nyüh te arahnü lalingcho. 14Arühnü abi te yocho, “Ihrünü ihrü nirü amümüjüp-pehrü khüdu te kukangsohnung mükoh, tunüo hütsü ihrü nengdang ashah lile. 15Nührünü nührü adhrerü apüm ihrü kyo müjüp-pehnung münyengchokhang, ihrünü hütsü nyengchonung mükoh. 16Hütsüpü du kuthriyangthritanung nyengchonung ko nührü yola li nührü te khüdu kangnung. 17Ta ihrünü yoba tsü nührünü mükhyücho ko mümüjüp-pehkhang, ihrünü abükyü nüpü tsinung.”
18Arühnü yoba tsü Hamor e atsurü Shekem nyühnü khyüchocho, 19ko hütsüdenü dhrezaba tsünü ayocho roh-i nguchicho, tunüo abinü Jakob tsulatpü tsü khura müicho. Abi tsü arüh kukhi la ayingba thsacho.
20Hütsüpü Hamor e atsudhre Shekem nyühnü yangdi tbükhüm lang tsü arüh nyitsarü te chotanung wücho. 21Arühnü yocho, “Hiri nyitsarü hi Ihsa te dee lümkhale; arüh Ihsa lih la Ihsa te lisohng ko shithsabhülehsohng. Alih tsü arüh shulümsü kükyo lile. Ihsanü arüh tsularü khyünung ko Ihsa tsularüsü arüh kuh la xengsohnung. 22Ta arüh kyo, Ihsa adhrerü atümung müjüp-pehpü du arühnü Ihsa yola Ihsa te khüdu kang linung yore. 23Hütsütakhang, arüh kanglungrü ko arüh licho lüpcho tsü Ihsa yo kangnung mahrü ang? Hütsüeko arüh Ihsa yola linung tsü mülanung.” 24Hütsüde yangdila lirü shutsakhung atümungnü Hamor e Shekem nyühnü yoba tsü khyüchocho ko adhrerü atümung müjüp-pehcho.
25Nyümong asang khanglang, müjüp-pehba tsünü adhrerü atümung madhsa mükyangepü tu mülüm lide, Jakob tsurü nyüh anyüh, Dina amungrüti, Simeon ko Levi nyühnü nohsheng bipü yangdila tsü züdu adhrerü atümung, 26Hamor ko atsurü Shekem nyüh zeh kyüsehcho. Hütsüpü arühnü Shekem kuh lanü Dina nücheh nüpü tsicho. 27Arüh kingthrümpü khanglang Jakob tsurü aparüti tsünü arüh nirü ashah khyüsohcho ngang yangdila kohro apüm zang khyücho. 28Arühnü yangdi ko luh lanü san, misü, gadu ko lüpcho khyücho. 29Arüh tside kohro apüm, khingkurü azarü apüm ko kuh la alicho lüpcho hitsicho.
30Jakob-nü Simeon e Levi nyüh te yocho, “Nühjünü I khyang chongcha hirojüre; adelü Kanan-rü, Periz-rü ko hiba lih la lirü atümungnü Ih thrünyinung. Ite nyitsarü adrong mühle; arüh apüm yohrütapü Ih mahkhang, Ihsa kukhi apüm changnung.”
31Ta arühnü yocho, “Ihrünü ihrü nirü shutsa-irü khüdu kangsohnung mükoh.”
Currently Selected:
LIPOH 34: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 34
34
Dina te Khing Mükhongcho
1Nyümong khüdu Jakob tsulatpü Dina ko Lea nyüh Kanan-larü khürü xodhingnung wücho. 2Khode Hiv-rü Hamor tsurü hütsüba lih la yangthsaba Shekem-nü abükyü ngucho, abinü abükyü nowü khing mükhongcho. 3Ta abinü abükyü tsü atsah tsara nguchonü abükyü müicho ko khyünyücho. 4Abinü au te yocho, “I khyang I nitpü thsanung hiba khingkurü hi khyüjüng.”
5Jakob-nü atsulatpü Dina thsangnyangjükopü yuchicho, ta atsurüti lipilih lang kanglungrü nyahnung wüpü lichonü arüh müthalide abinü tu münguchicho. 6Ko Shekem au Hamor-nü Jakob te chotanung wücho. 7Hütsüde Jakob tsurüti rangmülangnü lungcho. Khode arühnü atikehcho tsü yuchicho, arühnü wahnü zichürocho, tunüo Shekem-nü Jakob tsulatpü thsangnyangjü Israelrü ashah khyüsohcho. 8Hamor-nü abi te yocho, “I tsurü Shekem-nü nü tsulatpü tsü müire; yanglilüm abi te kukangsohng. 9I nyitsarü ko nü nyitsarü khyütanung anyengchotaba khüdu külüpnung. 10Hütsükhang ihrü lih la nührü linyüchola lieng; thangchi shithsabhülehng, ko palu kuthsi kang.”
11Hütsüpü Shekem-nü Dina au ko amungrü te yocho, “Hi I khyang mülajüng, ko nührünü tu khyünyüro Ihnü jünung. 12Nührünü jiyü ko mii khütoi thseng khyünyüro Ite young; azatpü du tsü I khyang khyüsohkhang, nührünü tu chingnang Ihnü jünung.”
13Arüh nirü Dina tsü Shekem-nü ashah khyüsohchonü, Jakob tsurütinü Shekem e au Hamor nyüh te arahnü lalingcho. 14Arühnü abi te yocho, “Ihrünü ihrü nirü amümüjüp-pehrü khüdu te kukangsohnung mükoh, tunüo hütsü ihrü nengdang ashah lile. 15Nührünü nührü adhrerü apüm ihrü kyo müjüp-pehnung münyengchokhang, ihrünü hütsü nyengchonung mükoh. 16Hütsüpü du kuthriyangthritanung nyengchonung ko nührü yola li nührü te khüdu kangnung. 17Ta ihrünü yoba tsü nührünü mükhyücho ko mümüjüp-pehkhang, ihrünü abükyü nüpü tsinung.”
18Arühnü yoba tsü Hamor e atsurü Shekem nyühnü khyüchocho, 19ko hütsüdenü dhrezaba tsünü ayocho roh-i nguchicho, tunüo abinü Jakob tsulatpü tsü khura müicho. Abi tsü arüh kukhi la ayingba thsacho.
20Hütsüpü Hamor e atsudhre Shekem nyühnü yangdi tbükhüm lang tsü arüh nyitsarü te chotanung wücho. 21Arühnü yocho, “Hiri nyitsarü hi Ihsa te dee lümkhale; arüh Ihsa lih la Ihsa te lisohng ko shithsabhülehsohng. Alih tsü arüh shulümsü kükyo lile. Ihsanü arüh tsularü khyünung ko Ihsa tsularüsü arüh kuh la xengsohnung. 22Ta arüh kyo, Ihsa adhrerü atümung müjüp-pehpü du arühnü Ihsa yola Ihsa te khüdu kang linung yore. 23Hütsütakhang, arüh kanglungrü ko arüh licho lüpcho tsü Ihsa yo kangnung mahrü ang? Hütsüeko arüh Ihsa yola linung tsü mülanung.” 24Hütsüde yangdila lirü shutsakhung atümungnü Hamor e Shekem nyühnü yoba tsü khyüchocho ko adhrerü atümung müjüp-pehcho.
25Nyümong asang khanglang, müjüp-pehba tsünü adhrerü atümung madhsa mükyangepü tu mülüm lide, Jakob tsurü nyüh anyüh, Dina amungrüti, Simeon ko Levi nyühnü nohsheng bipü yangdila tsü züdu adhrerü atümung, 26Hamor ko atsurü Shekem nyüh zeh kyüsehcho. Hütsüpü arühnü Shekem kuh lanü Dina nücheh nüpü tsicho. 27Arüh kingthrümpü khanglang Jakob tsurü aparüti tsünü arüh nirü ashah khyüsohcho ngang yangdila kohro apüm zang khyücho. 28Arühnü yangdi ko luh lanü san, misü, gadu ko lüpcho khyücho. 29Arüh tside kohro apüm, khingkurü azarü apüm ko kuh la alicho lüpcho hitsicho.
30Jakob-nü Simeon e Levi nyüh te yocho, “Nühjünü I khyang chongcha hirojüre; adelü Kanan-rü, Periz-rü ko hiba lih la lirü atümungnü Ih thrünyinung. Ite nyitsarü adrong mühle; arüh apüm yohrütapü Ih mahkhang, Ihsa kukhi apüm changnung.”
31Ta arühnü yocho, “Ihrünü ihrü nirü shutsa-irü khüdu kangsohnung mükoh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.