Zenez 11
11
Tour Babel
1Dan sa lepok, tou dimoun lo later antye ti koz en sel langaz avek menm mo. 2Anmezir ki dimoun ti deplase sorti dan Les, zot ti etabli zot dan en gran laplenn dan Mezopotami. 3Zot ti dir ant zot: Annou fer bann brik kwi dan four. Alor, zot ti servi brik koman ros, e goudron koman mortye.
4Apre zot ti dir: Annou konstri en lavil avek en tour ki son latet ava tous lesyel. Konmsa, nou ava vin renonmen e nou pa ava ganny disperse partou lo later.
5SENYER ti desann pour war sa lavil ek sa tour ki bann imen ti'n konstri. 6SENYER ti dir: Alor, zot in form en sel pep e zot annan en sel langaz! Sa i zis konmansman sa ki zot pou fer; pou napa okenn proze ki pou enposib pour zot. 7Annou desann e brouy zot langaz pour zot pa konpran kanmarad. 8Depi sa zour, SENYER ti dispers zonm partou lo later e zot ti aret konstri sa lavil. 9Sa lavil ti apel Babel akoz se la ki SENYER ti brouy tou langaz lo later. La ki SENYER ti dispers zonm partou lo later.
Desandans Senm
10La lalis desandans Senm 2 an apre deliz: Senm ti annan 100 an kan i ti ganny en garson, Arpaksad. 11Apre nesans Arpaksad, Senm ti viv ankor 500 an. I ti ganny ankor lezot garson ek fiy.
12Arpaksad ti annan 35 an kan i ti ganny en garson, Sela. 13Apre nesans Sela, Arpaksad ti viv ankor 403 an. I ti ganny ankor lezot garson ek fiy.
14Sela ti annan 30 an kan i ti ganny en garson, Heber. 15Apre nesans Heber, Sela ti viv ankor 403 an. I ti ganny ankor lezot garson ek fiy.
16Heber ti annan 34 an kan i ti ganny en garson, Peleg. 17Apre nesans Peleg, Heber ti viv ankor 430 an. I ti ganny ankor lezot garson ek fiy.
18Peleg ti annan 30 an kan i ti ganny en garson, Reou. 19Apre nesans Reou, Peleg ti viv ankor 209 an. I ti ganny ankor lezot garson ek fiy.
20Reou ti annan 32 an kan i ti ganny en garson, Seroug. 21Apre nesans Seroug, Reou ti viv ankor 207 an. I ti ganny ankor lezot garson ek fiy.
22Seroug ti'n ganny 30 an kan i ti ganny en garson, Nahor. 23Apre nesans Nahor, Seroug ti viv ankor 200 an. I ti ganny ankor lezot garson ek fiy.
24Nahor ti'n ganny 29 an kan i ti ganny en garson, Tera. 25Apre nesans Tera, Nahor ti viv ankor 119 an. I ti ganny ankor lezot garson ek fiy.
26Tera ti annan 70 an; i ti ganny trwa garson, Abranm, Nahor ek Harann.
Desandans Tera
27La lalis bann desandan Tera: Tera ti papa Abranm, Nahor ek Harann. Harann ti papa Lot. 28Harann ti mor pandan ki son papa Tera, ti ankor vivan dan Our, pei bann Kaldeen, kot i ti ne. 29Abranm ti marye avek Sarai e Nahor ti marye avek Milka, fiy Harann ki ti osi papa Yiska. 30Sarai ti steril; i ti napa zanfan.
31Tera ti pran son garson Abranm, son pti zanfan Lot, garson Harann, son belfiy Sarai, fanm Abranm. Ansanm, zot ti kit Our, dan pei bann Kaldeen, pour al Kanaan. Zot ti ariv ziska Harann kot zot ti etabli zot. 32Tera ti mor la, Harann, aze 205 an.
Currently Selected:
Zenez 11: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
Zenez 11
11
Tour Babel
1Dan sa lepok, tou dimoun lo later antye ti koz en sel langaz avek menm mo. 2Anmezir ki dimoun ti deplase sorti dan Les, zot ti etabli zot dan en gran laplenn dan Mezopotami. 3Zot ti dir ant zot: Annou fer bann brik kwi dan four. Alor, zot ti servi brik koman ros, e goudron koman mortye.
4Apre zot ti dir: Annou konstri en lavil avek en tour ki son latet ava tous lesyel. Konmsa, nou ava vin renonmen e nou pa ava ganny disperse partou lo later.
5SENYER ti desann pour war sa lavil ek sa tour ki bann imen ti'n konstri. 6SENYER ti dir: Alor, zot in form en sel pep e zot annan en sel langaz! Sa i zis konmansman sa ki zot pou fer; pou napa okenn proze ki pou enposib pour zot. 7Annou desann e brouy zot langaz pour zot pa konpran kanmarad. 8Depi sa zour, SENYER ti dispers zonm partou lo later e zot ti aret konstri sa lavil. 9Sa lavil ti apel Babel akoz se la ki SENYER ti brouy tou langaz lo later. La ki SENYER ti dispers zonm partou lo later.
Desandans Senm
10La lalis desandans Senm 2 an apre deliz: Senm ti annan 100 an kan i ti ganny en garson, Arpaksad. 11Apre nesans Arpaksad, Senm ti viv ankor 500 an. I ti ganny ankor lezot garson ek fiy.
12Arpaksad ti annan 35 an kan i ti ganny en garson, Sela. 13Apre nesans Sela, Arpaksad ti viv ankor 403 an. I ti ganny ankor lezot garson ek fiy.
14Sela ti annan 30 an kan i ti ganny en garson, Heber. 15Apre nesans Heber, Sela ti viv ankor 403 an. I ti ganny ankor lezot garson ek fiy.
16Heber ti annan 34 an kan i ti ganny en garson, Peleg. 17Apre nesans Peleg, Heber ti viv ankor 430 an. I ti ganny ankor lezot garson ek fiy.
18Peleg ti annan 30 an kan i ti ganny en garson, Reou. 19Apre nesans Reou, Peleg ti viv ankor 209 an. I ti ganny ankor lezot garson ek fiy.
20Reou ti annan 32 an kan i ti ganny en garson, Seroug. 21Apre nesans Seroug, Reou ti viv ankor 207 an. I ti ganny ankor lezot garson ek fiy.
22Seroug ti'n ganny 30 an kan i ti ganny en garson, Nahor. 23Apre nesans Nahor, Seroug ti viv ankor 200 an. I ti ganny ankor lezot garson ek fiy.
24Nahor ti'n ganny 29 an kan i ti ganny en garson, Tera. 25Apre nesans Tera, Nahor ti viv ankor 119 an. I ti ganny ankor lezot garson ek fiy.
26Tera ti annan 70 an; i ti ganny trwa garson, Abranm, Nahor ek Harann.
Desandans Tera
27La lalis bann desandan Tera: Tera ti papa Abranm, Nahor ek Harann. Harann ti papa Lot. 28Harann ti mor pandan ki son papa Tera, ti ankor vivan dan Our, pei bann Kaldeen, kot i ti ne. 29Abranm ti marye avek Sarai e Nahor ti marye avek Milka, fiy Harann ki ti osi papa Yiska. 30Sarai ti steril; i ti napa zanfan.
31Tera ti pran son garson Abranm, son pti zanfan Lot, garson Harann, son belfiy Sarai, fanm Abranm. Ansanm, zot ti kit Our, dan pei bann Kaldeen, pour al Kanaan. Zot ti ariv ziska Harann kot zot ti etabli zot. 32Tera ti mor la, Harann, aze 205 an.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.