Lik 24
24
Rezireksyon Zezi
(Mat 28.1-10; Mrk 16.1-8; Zn 20.1-10)
1Byen granmaten, premye zour lasemenn, sa bann fanm ti al kot tonbo. Zot ti anmenn bann parfen ki zot ti'n prepare#24.1 War 23.56.. 2Zot ti war ki sa ros devan lantre kavo ti'n deza ganny roule akote. 3Zot ti antre dan kavo, me zot pa ti war lekor Zezi. 4Letan zot ti pe debout la dan letonnman, toudenkou, de zonm dan lenz klate, ti aparet akote zot. 5Ranpli avek lafreyer, zot ti bes zot latet ater. Sa de zonm ti dir zot, “Akoz zot pe rod sa enn ki vivan parmi bann mor? 6I pa isi, me i'n resisite. Rapel byen sa ki i ti dir zot letan i ti ankor Galile: 7I neseser ki Fis-de-Lonm i ganny livre dan lanmen bann malfeter; i pou ganny krisifye e trwazyenm zour, i pou resisite#24.7 War 9.22; 17.25; 18.32-33..”
8Alor, sa bann fanm ti rapel bann parol Zezi.
9An sortan kot tonbo, zot ti al rakont tousala avek bann onz disip e avek tou lezot. 10Sa ti Mari Madlenn, Zann, ek Mari, manman Zak. Lezot fanm ki ti avek zot ti osi al rakont tousala avek bann zapot. 11Me sa bann zapot ti mazinen ki sa bann fanm ti pe zis radote. Alor, zot pa ti krwar. 12Me Pyer ti leve e taye ziska kot tonbo. I ti bese pour get dan kavo, me i ti war zis bann lenz. I ti retourn se li dan en gran letonnman akoz sa ki ti'n arive#24.12 Sa verse napa dan serten ansyen maniskri..
Lo Semen Emais
(Mrk 16.12-13)
13Sa menm zour, de parmi bann disip ti pe al dan en vilaz ki ti apel Emais, en distans apepre 11 kilomet avek Zerizalenm. 14Zot ti pe koz lo tou sa ki ti'n arive. 15Letan ki zot ti pe koze e diskite, Zezi li menm ti aprose e mars avek zot. 16Zot ti get li, me zot lizye pa ti kapab rekonnet li. 17Zezi ti demann zot, “Ki zot ti pe dir ant zot, letan zot ti pe marse?”
Zot ti arete byen tris. 18Enn ant zot ki ti apel Kleopas ti reponn, “Eski zis ou dan Zerizalenm ki pa konnen sa ki'n arive?”
19Zezi ti demann zot, “Kwa ki'n arive?”
Zot ti reponn li, “Lo size Zezi ki sorti Nazaret. I ti en gran profet an aksyon e an parol devan Bondye e devan lepep antye. 20Nou bann gran-pret ek lezot sef ti livre li pour ganny kondannen anmor e ganny krisifye. 21Nou, nou ti annan lespwar ki li menm ki ti pou delivre Izrael. Anplis, ozordi i fer trwa zour depi ki tousala in arive. 22Pourtan, detrwa fanm parmi nou in etonn nou: Zot ti al kot tonbo granmaten, 23me zot pa ti trouv lekor Zezi. Zot ti retournen e rakont nou ki bann lanz ki ti aparet avek zot, ti dir zot ki Zezi i vivan#24.23 War 24.1-11.. 24Detrwa parmi nou, ti al kot tonbo, e zot ti war tou, parey sa bann fanm ti'n dir. Me li, zot pa ti war li.”
25Alor, Zezi ti dir zot, “Bann san konpran! Zot pa krwar tou sa ki bann profet in dir! 26Pa i ti neseser ki Mesi i soufer tousala, avan ki i antre dan son laglwar?”
27Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.
28Kan zot ti ariv dan vilaz, Zezi ti fer sanblan i ti pe al pli lwen. 29Me zot ti sipliy li, “Reste avek nou, i tar e aswar pe fer.”
Alor, Zezi ti antre pour li reste avek zot. 30Letan Zezi ti pe manz avek zot, i ti pran dipen; i ti remersye Bondye, kas dipen e donn zot. 31Alor, zot lizye ti ouver e zot ti rekonnet li; me i ti'n disparet devan zot lizye. 32Zot ti dir avek kanmarad: Kan i ti pe koz avek nou lo semen, kan i ti pe eksplik nou Lekritir, ou ti ava krwar ki ti annan en dife ki ti pe brile anndan nou!
33Deswit, zot ti leve e zot ti retourn Zerizalenm. La, zot ti war sa 11 disip ki ti'n rasanble avek lezot. 34Zot ti dir, “I vre, Senyer in resisite; i'n aparet avek Simon!”
35Alor, sa de disip ti rakont sa ki ti'n arive lo semen e konman zot ti rekonnet Zezi kan i ti pe kas dipen.
Zezi I Aparet avek Son Bann Disip
(Mat 28.16-20; Mrk 16.14-18; Zn 20.19-20; Akt 1.6-8)
36Letan zot ti pe koze, Zezi li menm ti aparet parmi zot. I ti dir zot, “Lape i avek zot#24.36 Sa dernyen fraz napa dan serten ansyen maniskri..”
37Zot ti sote avek lafreyer. Zot ti krwar ki zot ti pe war en nanm. 38Zezi ti dir zot, “Akoz zot trakase? Akoz tou sa bann dout dan zot leker? 39Get mon lanmen ek mon lipye. Mwan menm sa. Tous mwan e gete. En lespri napa laser ek lezo parey zot war mon annan.”
40Pandan ki i ti pe dir sa, i ti montre zot son lanmen ek son lipye#24.40 Dan serten ansyen maniskri napa sa verse.. 41Zot pa ti ankor kapab krwar, telman zot ti ranpli avek lazwa ek letonnman. Alor, Zezi ti dir zot, “Zot annan keksoz isi pour manze?”
42Zot ti donn li en morso pwason griye. 43I ti pran e i ti manze devan zot.
44Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”
45Alor, i ti ouver zot lespri pour zot kapab konpran Lekritir. 46I ti dir zot, “Parey in ganny ekri: Mesi pou soufer, e resisite trwazyenm zour. 47Repantans ek pardon pese pou ganny anonse dan son non avek tou nasyon, an konmansan par Zerizalenm. 48Zot temwen sa bann keksoz. 49Mwan, mon pou anvoy lo zot sa ki mon Papa in promet. Reste dan lavil ziska ki pwisans sorti lao dan lesyel ava desann lo zot#24.49 War Akt 1.4-5..”
Zezi I Mont dan Lesyel
(Mrk 16.19-20; Akt 1.9-11)
50Apre, Zezi ti anmenn zot ziska Betani. La, i ti lev lanmen e beni zot. 51Letan i ti pe beni zot, i ti kit zot e mont dan lesyel. 52Bann disip ti prosternen e ador li. Apre, zot ti retourn Zerizalenm ranpli avek lazwa. 53Zot ti pas zot letan loue Bondye dan Tanp.
Currently Selected:
Lik 24: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
Lik 24
24
Rezireksyon Zezi
(Mat 28.1-10; Mrk 16.1-8; Zn 20.1-10)
1Byen granmaten, premye zour lasemenn, sa bann fanm ti al kot tonbo. Zot ti anmenn bann parfen ki zot ti'n prepare#24.1 War 23.56.. 2Zot ti war ki sa ros devan lantre kavo ti'n deza ganny roule akote. 3Zot ti antre dan kavo, me zot pa ti war lekor Zezi. 4Letan zot ti pe debout la dan letonnman, toudenkou, de zonm dan lenz klate, ti aparet akote zot. 5Ranpli avek lafreyer, zot ti bes zot latet ater. Sa de zonm ti dir zot, “Akoz zot pe rod sa enn ki vivan parmi bann mor? 6I pa isi, me i'n resisite. Rapel byen sa ki i ti dir zot letan i ti ankor Galile: 7I neseser ki Fis-de-Lonm i ganny livre dan lanmen bann malfeter; i pou ganny krisifye e trwazyenm zour, i pou resisite#24.7 War 9.22; 17.25; 18.32-33..”
8Alor, sa bann fanm ti rapel bann parol Zezi.
9An sortan kot tonbo, zot ti al rakont tousala avek bann onz disip e avek tou lezot. 10Sa ti Mari Madlenn, Zann, ek Mari, manman Zak. Lezot fanm ki ti avek zot ti osi al rakont tousala avek bann zapot. 11Me sa bann zapot ti mazinen ki sa bann fanm ti pe zis radote. Alor, zot pa ti krwar. 12Me Pyer ti leve e taye ziska kot tonbo. I ti bese pour get dan kavo, me i ti war zis bann lenz. I ti retourn se li dan en gran letonnman akoz sa ki ti'n arive#24.12 Sa verse napa dan serten ansyen maniskri..
Lo Semen Emais
(Mrk 16.12-13)
13Sa menm zour, de parmi bann disip ti pe al dan en vilaz ki ti apel Emais, en distans apepre 11 kilomet avek Zerizalenm. 14Zot ti pe koz lo tou sa ki ti'n arive. 15Letan ki zot ti pe koze e diskite, Zezi li menm ti aprose e mars avek zot. 16Zot ti get li, me zot lizye pa ti kapab rekonnet li. 17Zezi ti demann zot, “Ki zot ti pe dir ant zot, letan zot ti pe marse?”
Zot ti arete byen tris. 18Enn ant zot ki ti apel Kleopas ti reponn, “Eski zis ou dan Zerizalenm ki pa konnen sa ki'n arive?”
19Zezi ti demann zot, “Kwa ki'n arive?”
Zot ti reponn li, “Lo size Zezi ki sorti Nazaret. I ti en gran profet an aksyon e an parol devan Bondye e devan lepep antye. 20Nou bann gran-pret ek lezot sef ti livre li pour ganny kondannen anmor e ganny krisifye. 21Nou, nou ti annan lespwar ki li menm ki ti pou delivre Izrael. Anplis, ozordi i fer trwa zour depi ki tousala in arive. 22Pourtan, detrwa fanm parmi nou in etonn nou: Zot ti al kot tonbo granmaten, 23me zot pa ti trouv lekor Zezi. Zot ti retournen e rakont nou ki bann lanz ki ti aparet avek zot, ti dir zot ki Zezi i vivan#24.23 War 24.1-11.. 24Detrwa parmi nou, ti al kot tonbo, e zot ti war tou, parey sa bann fanm ti'n dir. Me li, zot pa ti war li.”
25Alor, Zezi ti dir zot, “Bann san konpran! Zot pa krwar tou sa ki bann profet in dir! 26Pa i ti neseser ki Mesi i soufer tousala, avan ki i antre dan son laglwar?”
27Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.
28Kan zot ti ariv dan vilaz, Zezi ti fer sanblan i ti pe al pli lwen. 29Me zot ti sipliy li, “Reste avek nou, i tar e aswar pe fer.”
Alor, Zezi ti antre pour li reste avek zot. 30Letan Zezi ti pe manz avek zot, i ti pran dipen; i ti remersye Bondye, kas dipen e donn zot. 31Alor, zot lizye ti ouver e zot ti rekonnet li; me i ti'n disparet devan zot lizye. 32Zot ti dir avek kanmarad: Kan i ti pe koz avek nou lo semen, kan i ti pe eksplik nou Lekritir, ou ti ava krwar ki ti annan en dife ki ti pe brile anndan nou!
33Deswit, zot ti leve e zot ti retourn Zerizalenm. La, zot ti war sa 11 disip ki ti'n rasanble avek lezot. 34Zot ti dir, “I vre, Senyer in resisite; i'n aparet avek Simon!”
35Alor, sa de disip ti rakont sa ki ti'n arive lo semen e konman zot ti rekonnet Zezi kan i ti pe kas dipen.
Zezi I Aparet avek Son Bann Disip
(Mat 28.16-20; Mrk 16.14-18; Zn 20.19-20; Akt 1.6-8)
36Letan zot ti pe koze, Zezi li menm ti aparet parmi zot. I ti dir zot, “Lape i avek zot#24.36 Sa dernyen fraz napa dan serten ansyen maniskri..”
37Zot ti sote avek lafreyer. Zot ti krwar ki zot ti pe war en nanm. 38Zezi ti dir zot, “Akoz zot trakase? Akoz tou sa bann dout dan zot leker? 39Get mon lanmen ek mon lipye. Mwan menm sa. Tous mwan e gete. En lespri napa laser ek lezo parey zot war mon annan.”
40Pandan ki i ti pe dir sa, i ti montre zot son lanmen ek son lipye#24.40 Dan serten ansyen maniskri napa sa verse.. 41Zot pa ti ankor kapab krwar, telman zot ti ranpli avek lazwa ek letonnman. Alor, Zezi ti dir zot, “Zot annan keksoz isi pour manze?”
42Zot ti donn li en morso pwason griye. 43I ti pran e i ti manze devan zot.
44Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”
45Alor, i ti ouver zot lespri pour zot kapab konpran Lekritir. 46I ti dir zot, “Parey in ganny ekri: Mesi pou soufer, e resisite trwazyenm zour. 47Repantans ek pardon pese pou ganny anonse dan son non avek tou nasyon, an konmansan par Zerizalenm. 48Zot temwen sa bann keksoz. 49Mwan, mon pou anvoy lo zot sa ki mon Papa in promet. Reste dan lavil ziska ki pwisans sorti lao dan lesyel ava desann lo zot#24.49 War Akt 1.4-5..”
Zezi I Mont dan Lesyel
(Mrk 16.19-20; Akt 1.9-11)
50Apre, Zezi ti anmenn zot ziska Betani. La, i ti lev lanmen e beni zot. 51Letan i ti pe beni zot, i ti kit zot e mont dan lesyel. 52Bann disip ti prosternen e ador li. Apre, zot ti retourn Zerizalenm ranpli avek lazwa. 53Zot ti pas zot letan loue Bondye dan Tanp.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.