APUNG ANYIM 19
19
Sodom hai Angei nouso
1Tilai honghoi nime nungh asham Sodom nai shin, Lot, bekhan dongko mokkü noiküla. Apaüh ngüso epsiep tsakü chokü ngüso tü phete ao khu. Apa ngüso khako kaukü napkü 2ta ngiom, “Jü Apaou nouso, ngü nungko asam yathsüoau shikü noin. Tsüojinyangkü jütsamai ashi. Asam hok tsawan küta lüsoh to nungko ashaman. Ahom beta asam chuküta asam yamai khuau shio-e.”
Lüko ngüsoüh thalakü ngiom, “Nyah, sam asoh chikü nung noknio kengchiai noi-e.”
3Apaüh tsülaokü ngüso tü koja, küta phikü lu ngüso apako apa tsamai khuha. Loto apa tsamkiso tü themtsai intso tsai sanao ngiom, naiuso loüh mesanhoi hau eheshiu meikü khemsanao ngiom. Tilai nung khemsan ngüsoüh heshiu.
4Mesanhoi mosaikü nou khako, Sodom khaiunia nousoüh nung tsam lemlowan. Noknio nouko noitsün khaiunia ehen asong chikü nungko hakü noiküla. 5Ngüsoüh Lot kengchiai jonshi küta sangh, “Lüsoh niko shamao shitsün khaiunia nouso tiai noin? Sam dongai kengchiai nialokü ashi!” Sodom khaiunia nousoüh ngüso ko ajisiwop chhiau aiukü noiküla.
6Lot kengchiai shiküta apa phiai koukhan kiapkü wan. 7Apaüh ngüso tü ngiom, “Haiso, nungti tsümeikü nou chhi ngüso tü lachhi ta ngo asam tü kojaji! 8Athaplu, ngo jüthso menyiuthso nime losaokü asangting taim. Ngo ngüso asam dongai kengchiai niakü shi-e, küta asamüh tilüsong aiuji nung ngüso ko chhiau shio-e. Lüko nung khaiunia nouso tüto titso lachhi; ngüso jü tsamai mesan noin, naiuso ngo ngüso kiploau noin.”
9Lüko ngüsoüh ngiom, “Sam yam ainou lüsoian, ni gohmao khaiunia! Ti chhi-e nung sam hau chiteau ni sau? Sam yam ainou lüsoian, tsüdekünaito samüh ngüso tü chhitsün tü tekkü tsaokü ni tü chhi-e.” Ngüsoüh Lot phiai tenshi küta kou lopek ao khaai khu. 10Lüko tsammongai noitsün khaiunia nime nou pha tsatshiküta Lot tsamai tenthiowan; küta kou nou kiapan. 11Nungaih ngüsoüh kengchiai noitsün khaiuniahoi tü niopek nou shiuh, nungtiphe ngüsoüh koukhan nou tsüepsan.
Lot Sodom Wankü Khuwanji
12Nung khaiunia nime nou Lot tü ngiom, “Nung noknio nouko ni nou melothsoso si menyiuthsoso, naiuso athsoso kihatsün le hai, tsüdekünai amao posidei ajantso kihkü noinai, ngüso nung ainou lüsoian-i, 13tiautenai samüh nung athang lomowane. Apaou nou nung khaiunia nouso thako lochi lotsaotsün thatü thsüokü lula-iu, küta sam Sodom lomowanao hongshikü noin.”
14Nungaih khaiunia sauhaiüh Lot menyiuthsoso tsamsigoh yangao noin ngüso dongai khuküta ngiom, “Liukü akhemlo, küta nung ainou asoian; Apaou nou nung athang lomowane.” Lüko ngüsoüh nungh apaüh alo lonyaiji ta yang.
15Ah siochan honghoi nou apa liuliu-iau ngiom, Lot aliuliu. “Lo shakta!” “Atsammongnyiu naiuso athso menyiuthso nime nou nialokü lüsoian, nungaito ni apim aa nou nung noknio mowan nai tsümo-e.” 16Lot henyinyikü noiküla. Apaou nou apa tü tsüojinkü yangkiu, nungtiphe khaiuniahoi nou apa, apa tsammongnyiu, naiuso apa menyiuthso nime pha nai thalokü nung noknio ainou niashi. 17Nungaih honghoi ongko tsaküh ngiom, “Apim aa thaiutha lükhulou, nungaito ni tsü-eane.”
18Lüko Lotüh thashikü ngiom, “Nyah, asonghoi, tsüojinyangkü samtü nung chhiau lakiu. 19Asamüh jü thaiutha chhi amei asong chhianiu naiuso jü aa kipsaniu. Lüko king nouso yam laiukü khukü noin, aküothe nou ngü thalowane, naiuso ngo nung mosaokün khako eane. 20Ni nungai nok ehenthso tsak epjimo? Nung ashim nou omane. Ngo nungai khu-e, ni nung athang ehentso tsaklu ta epji naiuso ngo aalokü noi-e.”
21Apaüh thalakü ngiom, “Mei-e, ngo mongchioji. Ngo nung nokthso tsülomo-e. 22Liuliukü! Lükhaolao! Ni nungai mothasaokün lektso ngo ti chhiau tsüshio-e.”
Lotüh nung nok nou tü ehen ta ngio nou shioko, nung nok nian Zoar ta nian.
Sodom naiuso Gomora Lotheantsün
23Lotüh Zoar ngoi-iunai nung ajepek tao noiküla. 24Alekta Apaou nou Sodom naiuso Gomora noknio nouso khaiuko taoson lung in nyai ah- ouli hong, 25küta apaüh nung noknio nouso naiuso tsamei goh apem, naiuso noknio nouko noitsün apem, naiuso goh nai nyimsantsün apem mowan-i. 26Lüko Lot tsammong- nyiuüh phiai lapkü thapshiküta jem kheam tsak hau iulawan.
27Nungthan nyi ahom beta nung athang nai liuliukü khukü Apaou khako apa tsakü noiküla. 28Apaüh Sodom naiuso Gomora tü thapthiokü tsamei goh apemai thaplukü nung goumchi inkhao nou lung piakü jektsün taoko sungtsünli ep. 29Goa nou Lot kihtsün tsamei noknio nouso lothean, apaüh Abraham mongai taiu küta Lot hau aalokü solo-i.
Moab hai si Amon hai Nyimsantsün
30Tiautenai Lot Zoar nai kih au hatkü noiküla, nungtiphe apa naiuso menyiuthso nime nouso king nai sung küta ken tsak ko kih. 31Thso yamchong nou apa nio tü ngiom, “Sam po sonanji, naiuso sam tsamsigoh yangküta thsohai kihaau nung goumchi apem nai khaiunia nou tsünoi. 32Ashi, samüh sam po theng nou shentok ko, nungtiphe sam apako saiha küta apa ainou thsoso lelo haau shio-e.” 33Nungsoh nai ngüsoüh apa hau asai ao theng nou shen, küta niochong nou apa ko em, lüko apa thatü tokkatphe apaüh nung chhi tsünge.
34Nungthan nyi nai niochong menyiuthso nou apa nio tü ngiom, “Ngo apako müso saihakü noiküla, loüh lüsoh lüko jam apa tokkati ko, küta ni apako lüsaiha. Naito sam pungkü nou sam po ainou methso taiu-e.” 35Nungtiphe nungsoh ngüsoüh apa tokkati, küta niophi nou apako em. Loüh apa thatü tokphe, apaüh nung chhisiya nou tsünge. 36Nungti Lot menyiuthso nime nemtso ngüne poteng ainou pem tsükengkü iulan. 37Niochong nou melothso tsak chet, apa nian Moab ta jon. Apa lo Moab hai chetsinyimtsün po noin. 38Niophi nou lüko melothso tsak chetkiu, apa nian Benami ta jon.
Currently Selected:
APUNG ANYIM 19: KHIABSI
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.
APUNG ANYIM 19
19
Sodom hai Angei nouso
1Tilai honghoi nime nungh asham Sodom nai shin, Lot, bekhan dongko mokkü noiküla. Apaüh ngüso epsiep tsakü chokü ngüso tü phete ao khu. Apa ngüso khako kaukü napkü 2ta ngiom, “Jü Apaou nouso, ngü nungko asam yathsüoau shikü noin. Tsüojinyangkü jütsamai ashi. Asam hok tsawan küta lüsoh to nungko ashaman. Ahom beta asam chuküta asam yamai khuau shio-e.”
Lüko ngüsoüh thalakü ngiom, “Nyah, sam asoh chikü nung noknio kengchiai noi-e.”
3Apaüh tsülaokü ngüso tü koja, küta phikü lu ngüso apako apa tsamai khuha. Loto apa tsamkiso tü themtsai intso tsai sanao ngiom, naiuso loüh mesanhoi hau eheshiu meikü khemsanao ngiom. Tilai nung khemsan ngüsoüh heshiu.
4Mesanhoi mosaikü nou khako, Sodom khaiunia nousoüh nung tsam lemlowan. Noknio nouko noitsün khaiunia ehen asong chikü nungko hakü noiküla. 5Ngüsoüh Lot kengchiai jonshi küta sangh, “Lüsoh niko shamao shitsün khaiunia nouso tiai noin? Sam dongai kengchiai nialokü ashi!” Sodom khaiunia nousoüh ngüso ko ajisiwop chhiau aiukü noiküla.
6Lot kengchiai shiküta apa phiai koukhan kiapkü wan. 7Apaüh ngüso tü ngiom, “Haiso, nungti tsümeikü nou chhi ngüso tü lachhi ta ngo asam tü kojaji! 8Athaplu, ngo jüthso menyiuthso nime losaokü asangting taim. Ngo ngüso asam dongai kengchiai niakü shi-e, küta asamüh tilüsong aiuji nung ngüso ko chhiau shio-e. Lüko nung khaiunia nouso tüto titso lachhi; ngüso jü tsamai mesan noin, naiuso ngo ngüso kiploau noin.”
9Lüko ngüsoüh ngiom, “Sam yam ainou lüsoian, ni gohmao khaiunia! Ti chhi-e nung sam hau chiteau ni sau? Sam yam ainou lüsoian, tsüdekünaito samüh ngüso tü chhitsün tü tekkü tsaokü ni tü chhi-e.” Ngüsoüh Lot phiai tenshi küta kou lopek ao khaai khu. 10Lüko tsammongai noitsün khaiunia nime nou pha tsatshiküta Lot tsamai tenthiowan; küta kou nou kiapan. 11Nungaih ngüsoüh kengchiai noitsün khaiuniahoi tü niopek nou shiuh, nungtiphe ngüsoüh koukhan nou tsüepsan.
Lot Sodom Wankü Khuwanji
12Nung khaiunia nime nou Lot tü ngiom, “Nung noknio nouko ni nou melothsoso si menyiuthsoso, naiuso athsoso kihatsün le hai, tsüdekünai amao posidei ajantso kihkü noinai, ngüso nung ainou lüsoian-i, 13tiautenai samüh nung athang lomowane. Apaou nou nung khaiunia nouso thako lochi lotsaotsün thatü thsüokü lula-iu, küta sam Sodom lomowanao hongshikü noin.”
14Nungaih khaiunia sauhaiüh Lot menyiuthsoso tsamsigoh yangao noin ngüso dongai khuküta ngiom, “Liukü akhemlo, küta nung ainou asoian; Apaou nou nung athang lomowane.” Lüko ngüsoüh nungh apaüh alo lonyaiji ta yang.
15Ah siochan honghoi nou apa liuliu-iau ngiom, Lot aliuliu. “Lo shakta!” “Atsammongnyiu naiuso athso menyiuthso nime nou nialokü lüsoian, nungaito ni apim aa nou nung noknio mowan nai tsümo-e.” 16Lot henyinyikü noiküla. Apaou nou apa tü tsüojinkü yangkiu, nungtiphe khaiuniahoi nou apa, apa tsammongnyiu, naiuso apa menyiuthso nime pha nai thalokü nung noknio ainou niashi. 17Nungaih honghoi ongko tsaküh ngiom, “Apim aa thaiutha lükhulou, nungaito ni tsü-eane.”
18Lüko Lotüh thashikü ngiom, “Nyah, asonghoi, tsüojinyangkü samtü nung chhiau lakiu. 19Asamüh jü thaiutha chhi amei asong chhianiu naiuso jü aa kipsaniu. Lüko king nouso yam laiukü khukü noin, aküothe nou ngü thalowane, naiuso ngo nung mosaokün khako eane. 20Ni nungai nok ehenthso tsak epjimo? Nung ashim nou omane. Ngo nungai khu-e, ni nung athang ehentso tsaklu ta epji naiuso ngo aalokü noi-e.”
21Apaüh thalakü ngiom, “Mei-e, ngo mongchioji. Ngo nung nokthso tsülomo-e. 22Liuliukü! Lükhaolao! Ni nungai mothasaokün lektso ngo ti chhiau tsüshio-e.”
Lotüh nung nok nou tü ehen ta ngio nou shioko, nung nok nian Zoar ta nian.
Sodom naiuso Gomora Lotheantsün
23Lotüh Zoar ngoi-iunai nung ajepek tao noiküla. 24Alekta Apaou nou Sodom naiuso Gomora noknio nouso khaiuko taoson lung in nyai ah- ouli hong, 25küta apaüh nung noknio nouso naiuso tsamei goh apem, naiuso noknio nouko noitsün apem, naiuso goh nai nyimsantsün apem mowan-i. 26Lüko Lot tsammong- nyiuüh phiai lapkü thapshiküta jem kheam tsak hau iulawan.
27Nungthan nyi ahom beta nung athang nai liuliukü khukü Apaou khako apa tsakü noiküla. 28Apaüh Sodom naiuso Gomora tü thapthiokü tsamei goh apemai thaplukü nung goumchi inkhao nou lung piakü jektsün taoko sungtsünli ep. 29Goa nou Lot kihtsün tsamei noknio nouso lothean, apaüh Abraham mongai taiu küta Lot hau aalokü solo-i.
Moab hai si Amon hai Nyimsantsün
30Tiautenai Lot Zoar nai kih au hatkü noiküla, nungtiphe apa naiuso menyiuthso nime nouso king nai sung küta ken tsak ko kih. 31Thso yamchong nou apa nio tü ngiom, “Sam po sonanji, naiuso sam tsamsigoh yangküta thsohai kihaau nung goumchi apem nai khaiunia nou tsünoi. 32Ashi, samüh sam po theng nou shentok ko, nungtiphe sam apako saiha küta apa ainou thsoso lelo haau shio-e.” 33Nungsoh nai ngüsoüh apa hau asai ao theng nou shen, küta niochong nou apa ko em, lüko apa thatü tokkatphe apaüh nung chhi tsünge.
34Nungthan nyi nai niochong menyiuthso nou apa nio tü ngiom, “Ngo apako müso saihakü noiküla, loüh lüsoh lüko jam apa tokkati ko, küta ni apako lüsaiha. Naito sam pungkü nou sam po ainou methso taiu-e.” 35Nungtiphe nungsoh ngüsoüh apa tokkati, küta niophi nou apako em. Loüh apa thatü tokphe, apaüh nung chhisiya nou tsünge. 36Nungti Lot menyiuthso nime nemtso ngüne poteng ainou pem tsükengkü iulan. 37Niochong nou melothso tsak chet, apa nian Moab ta jon. Apa lo Moab hai chetsinyimtsün po noin. 38Niophi nou lüko melothso tsak chetkiu, apa nian Benami ta jon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.