INLAHEN INLĀHEN NGAM LĪPÖRE
INLĀHEN NGAM LĪPÖRE
Tanap nup la-en i mat ngam Tölöök Inhānga kahūich ök Töhet Lūkös an ngam Līpöre Inlahen la-en yik Tanīnöṙô. Ngam tö kiröng chööḵnyö kinūichö e nö vamënyö inlahen yik mu-u rĕh tamömrit Yēsū, nö i inchōḵo kūö re töm Töhet fanöinylö, nö pirātnyö ngam Tölöök Inhāngö nö i alaha ò nö “i Yeruselem, ṙòkngöre chūök nö i Yūtā ngaich Samerīa söl manā-ang kūöngö ngam tumlat” (1.8). Istori inlahen la-en yik kristīön an nö asā löktö kūö e nö in yik Yahūti tarik ngaich i ṙūöhö röön nö vīngöre nö ṙinātö ellōn ngih panam nö keuheūtngöre chūök. Hòṅ chaphöt ellōn yik vamë-ekūö ngam līpöre ök inrē kamūich tö yik kristīön nö öt hō nö tumhëngngöre tö yik Mahayöngö Rōmā ngaich ngam ṙinātö ellōn kristīön nö inteungngö ngam eltinlööken yik Yahūti.
Lūöitit an ngam līpöre Inlahen la-en yik Tanīnöṙô nö pitööhö, nö inmeuktö ṙôkti chūök Inhangkö ngam Tölöök Inhānga i alaha Yēsū, ngaich ngam Māṅ nö harööichtuvö nö umuh: (1). Raneh la-en yik kristīön nö i Yeruselem unôichrit ngam yanônlö Yēsū; (2). Tānyöre nö in nup lā tahëng alaha palestāin; (3). Ṙūönyöre ṙôkti, nö in minë panam Metitörēnīön söl ngö nö i Rōmā.
Tö samötlöng nö ṙô ngam līpöre ngam la-en ngam Töhet Fanöinyö ngam yamih nö holtö kumlēḵ re nö i kui yik ṙamātö ellōn re i Yeruselem nö ik sakāmö ök Pentēkôs ngaich ötṙākenre nö hachōḵōkūö, hangëḵken ngam Māṅ inrē tö yip mahayöng ken e nö i nup taṙòkhöre la-en tö kēḵkaṙen tö eūka nö i mat ngam līpöre. Nuk ṙô yik lanòh kristīön nö in nup tö cheūta ṙô minkahaten, ngaich nup la-en tö kūichiyö nö i mat ngam līpöre inrē nö mahameuktö kumlēḵ ngam inhānga nö im nômö yip ṙamātö-ellōn re tarik töm in nôlö inrē ing Māṅ ò.
Nëṅ i mat e:
Inlēnken ngam Inhānga 1.1-26
(a) Manā-aṅ chöngö tök kinlēḵngô Yēsū 1.1-14
(b) Mi-i chūök Yūtā 1.15-26
Ma-ahānga nö i Yeruselem 2.1—8.3
Ma-ahānga nö i Yūta tö Samerīa 8.4—12.25
La-en Pôl 13.1—28.31
(a) Raneh röön Pôl 13.1—14.28
(b) Manūlö nö i Yeruselem 15.1-35
(c) Innët vīöl röön Pôl 15.36—18.22
(d) Linūöi vīöl röön Pôl 18.23—21.16
(e) Kalonghötvö Pôl nö i Yeruselem, Kaisöria ngaich i Rōmā 21.17—28.31
Currently Selected:
INLAHEN INLĀHEN NGAM LĪPÖRE: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
INLAHEN INLĀHEN NGAM LĪPÖRE
INLĀHEN NGAM LĪPÖRE
Tanap nup la-en i mat ngam Tölöök Inhānga kahūich ök Töhet Lūkös an ngam Līpöre Inlahen la-en yik Tanīnöṙô. Ngam tö kiröng chööḵnyö kinūichö e nö vamënyö inlahen yik mu-u rĕh tamömrit Yēsū, nö i inchōḵo kūö re töm Töhet fanöinylö, nö pirātnyö ngam Tölöök Inhāngö nö i alaha ò nö “i Yeruselem, ṙòkngöre chūök nö i Yūtā ngaich Samerīa söl manā-ang kūöngö ngam tumlat” (1.8). Istori inlahen la-en yik kristīön an nö asā löktö kūö e nö in yik Yahūti tarik ngaich i ṙūöhö röön nö vīngöre nö ṙinātö ellōn ngih panam nö keuheūtngöre chūök. Hòṅ chaphöt ellōn yik vamë-ekūö ngam līpöre ök inrē kamūich tö yik kristīön nö öt hō nö tumhëngngöre tö yik Mahayöngö Rōmā ngaich ngam ṙinātö ellōn kristīön nö inteungngö ngam eltinlööken yik Yahūti.
Lūöitit an ngam līpöre Inlahen la-en yik Tanīnöṙô nö pitööhö, nö inmeuktö ṙôkti chūök Inhangkö ngam Tölöök Inhānga i alaha Yēsū, ngaich ngam Māṅ nö harööichtuvö nö umuh: (1). Raneh la-en yik kristīön nö i Yeruselem unôichrit ngam yanônlö Yēsū; (2). Tānyöre nö in nup lā tahëng alaha palestāin; (3). Ṙūönyöre ṙôkti, nö in minë panam Metitörēnīön söl ngö nö i Rōmā.
Tö samötlöng nö ṙô ngam līpöre ngam la-en ngam Töhet Fanöinyö ngam yamih nö holtö kumlēḵ re nö i kui yik ṙamātö ellōn re i Yeruselem nö ik sakāmö ök Pentēkôs ngaich ötṙākenre nö hachōḵōkūö, hangëḵken ngam Māṅ inrē tö yip mahayöng ken e nö i nup taṙòkhöre la-en tö kēḵkaṙen tö eūka nö i mat ngam līpöre. Nuk ṙô yik lanòh kristīön nö in nup tö cheūta ṙô minkahaten, ngaich nup la-en tö kūichiyö nö i mat ngam līpöre inrē nö mahameuktö kumlēḵ ngam inhānga nö im nômö yip ṙamātö-ellōn re tarik töm in nôlö inrē ing Māṅ ò.
Nëṅ i mat e:
Inlēnken ngam Inhānga 1.1-26
(a) Manā-aṅ chöngö tök kinlēḵngô Yēsū 1.1-14
(b) Mi-i chūök Yūtā 1.15-26
Ma-ahānga nö i Yeruselem 2.1—8.3
Ma-ahānga nö i Yūta tö Samerīa 8.4—12.25
La-en Pôl 13.1—28.31
(a) Raneh röön Pôl 13.1—14.28
(b) Manūlö nö i Yeruselem 15.1-35
(c) Innët vīöl röön Pôl 15.36—18.22
(d) Linūöi vīöl röön Pôl 18.23—21.16
(e) Kalonghötvö Pôl nö i Yeruselem, Kaisöria ngaich i Rōmā 21.17—28.31
Currently Selected:
:
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.