MARKA 15
15
Pilat Ma ah Jesu Dinna
(Mat 27.1-2,11-14; Luk 23.1-5; Joh 18.28-38)
1Jingkal phatin, thiampu lalte chun lekhazikte, upate leh vaihawm pawlte zosia tawh a kikokhawm tau a. Jesu chu kânsa’n a pui ua Pilat kiang in a pedok ngal tau a.
2Pilat chun, “Nang hi Judate Lengpa chu la hi em?” ti’n a dong a. Ama chun, “Ahi lei ti hilo a hem,” a tia.
3Thiampu lalte chun thil tam tak in a hun hêk tau a.
4Pilat in a dong kit a, “Bangma dawnhuna ding helo la hem? En tiam in a hun hêknau zozai hi,” a tia.
5Jesu’n vang bangma’n a dawnhu pua’n; Pilat chun mak a sa ma ma hi.
Pilat in Jesu Khetden Ding ah Pedok
(Mat 27.15-26; Luk 23.13-25; Joh 18.39—19.16)
6Kût ni leh suangkul tângte lak ah a dot pen pen uh pakhat a thâdaw sek ahi’n.
7Suangkul ngâkte lak ah midang pakhat, a min Barabba a tiu chu, helpawl ah pang, a mi tha ziak ah tâng a la um a.
8Mipi chu a hung ua, a hi’dan ngai gual ah hi’kit dingin a hung don un.
9Pilat chun a kiang un, “Aleh, Judate Lengpa hi hun thâdaw piak leng la nuam awm?” a tia.
10Mitthipna ziak ah thiampu lalte’n a mat uh ahi ti a he ngal a.
11Himaleh, thiampu lalte chun mipite chu Barabba thâdawsak dingin a tîlsiau a.
12Pilat in a kiang un, “Aleh, Judate Lengpa la tiu hi bang ka law diam?” a tia.
13Amau haw chu a hung kiko ua, “Kros ah khenden in,” a tiu a.
14Ziaphatchun, Pilat in, “Bangatia hem? Bang a hi’khial ah a hem?” a tia. Amau chu a khawk zaw diak in a hung kiko ua, “Ama chu kros ah khenden in,” a tiu a.
15Pilat chun mipi suklungawi a nuam a; tichun, Barabba chu a thâdok ah, Jesu chu a jep ah, khetden dingin a pedok tai.
Sepaite’n Jesu A Tawtbawlna A Matnau
(Mat 27.27-31; Joh 19.2-3)
16Sepaite chun Lengpa huang sung ah pui lût in (zia chu gam-ukpa chênna chu ahi;) sepai pawl zosiate chu a ko khawm tau a.
17Tichun, puan sandup a silsak ua, linglukhuk a phêk ua, a khuksak un:
18“Chibai! Judate Lengpa,” a tiu a, chibai a bûk tau a.
19Chuleh, a luchang chu luangkang in a vuau ah, a chil uh a sekkhum un; khiangkho in chibai a bûk tau hi.
20Chuleh, tawtbawlna a matzaw phat un, puan sandup chu a lipthau ah, ama puan a silsak kit ua, kros ah khetden dingin a pui tau hi.
Jesu Kros ah Khetdenna
(Mat 27.32-44; Luk 23.26-43; Joh 19.17-27)
21 #
Rom 16.13
Kurini khua hung kipan, Rufa leh Alexanderte pa, Simon chu lampi chia lai a tuak khau ah, ama chu a man ua, kros chu a putsak tau a.
22Jesu chu Golgotha mun ah chun a pui tung tau a, zia chu Lugu mun ti’na ahi.
23Chuleh, a dawn dingin uain, murra tawh kihel a piau a; himaleh, ama chun a dawn nuam puai.
24 #
Sam 22.18
Ama a khetden phat un, a puante chu a chan ding uh hetna dingin âisân in, a kihawm un.
25Ama a khetden hun uh chu jingkal lam dak kua ahi.
26A chung ah chun ama a hêknau lekha a tâk un, “Judate Lengpa” ti in.
27 #
Isa 53.12
A kiang in gucha pani, a changlam ah pakhat, a veilam ah pakhat a khenden un.
28“Ama chu mi nunsiate lak in sim in a um hi,” ti Pathian lekha thu kha a guitung tai.#15.28 zia châng hi I text un a um puai
29 #
Sam 22.7; 109.25; Mar 14.58; Joh 2.19 Zia tak hun haw khate chun a luu a sukkhum un, “E hei, nang tempul susia, ni thum sung ah sa zo pa,
30nang leh nang kihukdam inla, kros ah kipat chun hung kumtha ziang ta’n la,” a tiu a.
31Zia gual ma chun thiampu lalte leh lekhazikte chunle tawtbawlna mang in, “Midang bawn hukdam ah, ama leh ama kihukdam theilo.
32Israelte Lengpa Messiah chu ka het ua, ka gintheina ding un, kros ah kipat chun hung kum ziang ta’n la,” a tiu a. A kiang ah kikhendente chunle a engho tau a.
Jesu Thina
(Mat 27.45-56; Luk 23.44-49; Joh 19.28-30)
33Sûnkim ah kipat in nitâk lam dak thum tiang gam pumpi a hung thim ta’n.
34 #
Sam 22.1
Nitâk lam dak thum ah chun Jesu chu aw ngai tak in a hung kiko a, “Eloi, Eloi, lema sabakhthani?” a hun tia. Zia chu, “Ka Pathian, ka Pathian, bangatia ei nusia la hem?” ti’na ahi.
35A kiang ah dingte lak ah khen khat in a la het un, “Ngai tiam un, Elijah a ko hi,” a tiu a.
36 #
Sam 69.21
A lak ua mi pakhat a vatai ah, thilpân khat uain thûk ah dia dim in, mol khat in a tâk ah, a dawnsak a, “Hiti hin um hen, ama latha dingin Elijah a hung em a la en hitiu,” a tia.
37Chuleh, Jesu chu aw ngai tak in a kiko a, a thagau a tha tai.
38 #
Pdt 26.31-33
Tempul ah puanjak chu a chung lam ah kipat in a nuai lam tiang in a hung kithêk a.
39A majawn ah sepai zahotu ding zing chun zia gual ah a thagau a tha chu a mu in, “Ziapa hivâng Pathian Chapa ahi tak tak hi,” a tia.
40 #
Luk 8.2,3 Gamla tak ah kipat a la thîl zingte lak in numeite le a pang un; ziate lak ah chun Mari Makdalin tawh, Jakob neuzaw leh Josia nu Mari leh Salome le a hiu hi.
41Amau haw hin Galili gam ah a lênlai ah khan a la zui in, a na a la sep piak sek a hiu a; chuleh, numei dang Jerusalem chan ah hunzui pawlte le tam tak a hung pang chiat ui.
Jesu Vuina
(Mat 27.57-61; Luk 23.50-56; Joh 19.38-42)
42Nitâk lam a hung hi in, Kisaklawk ni, zia chu Sabbath ni masang ahiziak in,
43Arimathia khua vaihawmte lak ah pang milian ja um tak khat, Joseph chu a hung ah, ama chu Pathian gam hung tun ding ngakla ah um zing sek ahi’n; hangsan tak in a hung ah, Pilat kiang in a valut a, Jesu luang chu a vadon a.
44Pilat chun a thipai ziang chu mak a sa ma ma a; sepai zahotu chu a ko ah, a thina chu a sawt ta em ti a dong a.
45Sepai zahotu kam ah kipat a thimin tai ti a het phat in, a luang chu Joseph kiang in a pedok tai.
46Joseph chun puan malngat a chaw, a luang chu a la tha’n, puan malngat chun a tuam a, thân pakhat, suang kikhuak kuak in a sial ta’n, zia thânkot ah chun suang pakhat a lîk lut a.
47Chun, Mari Makdalin leh Josia nu Mari khanle a sialna mun chu a muu hi.
Currently Selected:
MARKA 15: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
MARKA 15
15
Pilat Ma ah Jesu Dinna
(Mat 27.1-2,11-14; Luk 23.1-5; Joh 18.28-38)
1Jingkal phatin, thiampu lalte chun lekhazikte, upate leh vaihawm pawlte zosia tawh a kikokhawm tau a. Jesu chu kânsa’n a pui ua Pilat kiang in a pedok ngal tau a.
2Pilat chun, “Nang hi Judate Lengpa chu la hi em?” ti’n a dong a. Ama chun, “Ahi lei ti hilo a hem,” a tia.
3Thiampu lalte chun thil tam tak in a hun hêk tau a.
4Pilat in a dong kit a, “Bangma dawnhuna ding helo la hem? En tiam in a hun hêknau zozai hi,” a tia.
5Jesu’n vang bangma’n a dawnhu pua’n; Pilat chun mak a sa ma ma hi.
Pilat in Jesu Khetden Ding ah Pedok
(Mat 27.15-26; Luk 23.13-25; Joh 18.39—19.16)
6Kût ni leh suangkul tângte lak ah a dot pen pen uh pakhat a thâdaw sek ahi’n.
7Suangkul ngâkte lak ah midang pakhat, a min Barabba a tiu chu, helpawl ah pang, a mi tha ziak ah tâng a la um a.
8Mipi chu a hung ua, a hi’dan ngai gual ah hi’kit dingin a hung don un.
9Pilat chun a kiang un, “Aleh, Judate Lengpa hi hun thâdaw piak leng la nuam awm?” a tia.
10Mitthipna ziak ah thiampu lalte’n a mat uh ahi ti a he ngal a.
11Himaleh, thiampu lalte chun mipite chu Barabba thâdawsak dingin a tîlsiau a.
12Pilat in a kiang un, “Aleh, Judate Lengpa la tiu hi bang ka law diam?” a tia.
13Amau haw chu a hung kiko ua, “Kros ah khenden in,” a tiu a.
14Ziaphatchun, Pilat in, “Bangatia hem? Bang a hi’khial ah a hem?” a tia. Amau chu a khawk zaw diak in a hung kiko ua, “Ama chu kros ah khenden in,” a tiu a.
15Pilat chun mipi suklungawi a nuam a; tichun, Barabba chu a thâdok ah, Jesu chu a jep ah, khetden dingin a pedok tai.
Sepaite’n Jesu A Tawtbawlna A Matnau
(Mat 27.27-31; Joh 19.2-3)
16Sepaite chun Lengpa huang sung ah pui lût in (zia chu gam-ukpa chênna chu ahi;) sepai pawl zosiate chu a ko khawm tau a.
17Tichun, puan sandup a silsak ua, linglukhuk a phêk ua, a khuksak un:
18“Chibai! Judate Lengpa,” a tiu a, chibai a bûk tau a.
19Chuleh, a luchang chu luangkang in a vuau ah, a chil uh a sekkhum un; khiangkho in chibai a bûk tau hi.
20Chuleh, tawtbawlna a matzaw phat un, puan sandup chu a lipthau ah, ama puan a silsak kit ua, kros ah khetden dingin a pui tau hi.
Jesu Kros ah Khetdenna
(Mat 27.32-44; Luk 23.26-43; Joh 19.17-27)
21 #
Rom 16.13
Kurini khua hung kipan, Rufa leh Alexanderte pa, Simon chu lampi chia lai a tuak khau ah, ama chu a man ua, kros chu a putsak tau a.
22Jesu chu Golgotha mun ah chun a pui tung tau a, zia chu Lugu mun ti’na ahi.
23Chuleh, a dawn dingin uain, murra tawh kihel a piau a; himaleh, ama chun a dawn nuam puai.
24 #
Sam 22.18
Ama a khetden phat un, a puante chu a chan ding uh hetna dingin âisân in, a kihawm un.
25Ama a khetden hun uh chu jingkal lam dak kua ahi.
26A chung ah chun ama a hêknau lekha a tâk un, “Judate Lengpa” ti in.
27 #
Isa 53.12
A kiang in gucha pani, a changlam ah pakhat, a veilam ah pakhat a khenden un.
28“Ama chu mi nunsiate lak in sim in a um hi,” ti Pathian lekha thu kha a guitung tai.#15.28 zia châng hi I text un a um puai
29 #
Sam 22.7; 109.25; Mar 14.58; Joh 2.19 Zia tak hun haw khate chun a luu a sukkhum un, “E hei, nang tempul susia, ni thum sung ah sa zo pa,
30nang leh nang kihukdam inla, kros ah kipat chun hung kumtha ziang ta’n la,” a tiu a.
31Zia gual ma chun thiampu lalte leh lekhazikte chunle tawtbawlna mang in, “Midang bawn hukdam ah, ama leh ama kihukdam theilo.
32Israelte Lengpa Messiah chu ka het ua, ka gintheina ding un, kros ah kipat chun hung kum ziang ta’n la,” a tiu a. A kiang ah kikhendente chunle a engho tau a.
Jesu Thina
(Mat 27.45-56; Luk 23.44-49; Joh 19.28-30)
33Sûnkim ah kipat in nitâk lam dak thum tiang gam pumpi a hung thim ta’n.
34 #
Sam 22.1
Nitâk lam dak thum ah chun Jesu chu aw ngai tak in a hung kiko a, “Eloi, Eloi, lema sabakhthani?” a hun tia. Zia chu, “Ka Pathian, ka Pathian, bangatia ei nusia la hem?” ti’na ahi.
35A kiang ah dingte lak ah khen khat in a la het un, “Ngai tiam un, Elijah a ko hi,” a tiu a.
36 #
Sam 69.21
A lak ua mi pakhat a vatai ah, thilpân khat uain thûk ah dia dim in, mol khat in a tâk ah, a dawnsak a, “Hiti hin um hen, ama latha dingin Elijah a hung em a la en hitiu,” a tia.
37Chuleh, Jesu chu aw ngai tak in a kiko a, a thagau a tha tai.
38 #
Pdt 26.31-33
Tempul ah puanjak chu a chung lam ah kipat in a nuai lam tiang in a hung kithêk a.
39A majawn ah sepai zahotu ding zing chun zia gual ah a thagau a tha chu a mu in, “Ziapa hivâng Pathian Chapa ahi tak tak hi,” a tia.
40 #
Luk 8.2,3 Gamla tak ah kipat a la thîl zingte lak in numeite le a pang un; ziate lak ah chun Mari Makdalin tawh, Jakob neuzaw leh Josia nu Mari leh Salome le a hiu hi.
41Amau haw hin Galili gam ah a lênlai ah khan a la zui in, a na a la sep piak sek a hiu a; chuleh, numei dang Jerusalem chan ah hunzui pawlte le tam tak a hung pang chiat ui.
Jesu Vuina
(Mat 27.57-61; Luk 23.50-56; Joh 19.38-42)
42Nitâk lam a hung hi in, Kisaklawk ni, zia chu Sabbath ni masang ahiziak in,
43Arimathia khua vaihawmte lak ah pang milian ja um tak khat, Joseph chu a hung ah, ama chu Pathian gam hung tun ding ngakla ah um zing sek ahi’n; hangsan tak in a hung ah, Pilat kiang in a valut a, Jesu luang chu a vadon a.
44Pilat chun a thipai ziang chu mak a sa ma ma a; sepai zahotu chu a ko ah, a thina chu a sawt ta em ti a dong a.
45Sepai zahotu kam ah kipat a thimin tai ti a het phat in, a luang chu Joseph kiang in a pedok tai.
46Joseph chun puan malngat a chaw, a luang chu a la tha’n, puan malngat chun a tuam a, thân pakhat, suang kikhuak kuak in a sial ta’n, zia thânkot ah chun suang pakhat a lîk lut a.
47Chun, Mari Makdalin leh Josia nu Mari khanle a sialna mun chu a muu hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.