YUNIRÜBO RHIMO 13
13
Barnaba tüsho Saul Mokhita Yüshihkhi
1Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah. 2Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”
3Judüki khümkeak thsüde ane kheak arü khahbo nimbah tamkhüntamnü dunglim ane thiyia yüshih.
Saipra ching
4Junangde Amüsüh Menü thiyide, arünü Seleukia lim yüki; tüsho ju chingnü Saipra lim yü. 5Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah. 6Küyimki arünü kekung-lo hode Paphos khiungde ayükhea, Jihudarü arükchih wukihrü, Bar-Jisu de ajikhi wurük-huhrü ki arübo arü. 7Api ju kovünor Sergia Paula rüklakhi mihtsürü lung lakheah. Ju buhnü Barnaba le Saul ji tüsho Thrünpuh yu anipü yim. 8Tüshe wurük-huhrü Ilymanü (Greek yu ching ju api mung) akin chingnü kovünor rholoshihpü zhipdo. 9Tüshe Paul de ajikhi Saulnü Amüsüh Menü mibah api kheak kheahkih 10tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de? 11Kheahang, Atungpuh khah nü kheak lah, tüsho anükhühkheak nü mük tuka ani müngüde alabah.” Zukleangnü shumuliu tüsho amiting api kheak yükih tüsho api khah kheaknü athoshihpü mihtsürübo yimde yü. 12Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.
Pisidia ching
13Paul tüsho api müyamrübo Paphos chingnü hantsahmusu tüsho Pamphylia ching lakhi Perga ching arü. Tüsho Johannü arü zojihbah Jirusalem lim alode yü; 14tüshe arünü Perga chingnü tsahmusubah Pisidia ching lakhi Antiok ching arü. Tüsho arünü Amuni sinagog ching yüzahbah bin. 15Yakzan tüsho wukihrübo khe dunglim, sinagog yakzanshuhrübonü arü kilim yüshihde tha, “Keoniorübo, nüsanü mihtsürübo thsungkheak atuthsukyu tümükhüh lasho thaang.” 16Jumonü Paulnü zhip, tüsho akhah hihde tha:
“Israel mihtsürü tüsho nüsa Thrünpuh trerübo, aniang. 17Ha Israel mihtsürü Thrünpuhnü isa jipürübo mokhitbah arü Ijip lomi ching lachoki ato kamshih, tüsho khah shuhkihde apinü arübo ju chingnü bekhit. 18Tüsho apinü kam yirü sunglo ching arü küm. 19Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih. 20Ju dunglim apinü arü kilim kam 450 bande Samuel wukihrü khiungde mahkhaprübo jih. 21Tüsho ju dunglim arünü kiulongthsürü khülang kheang; jumonü Thrünpuhnü Benjamin trük mihtsürü Kish tsührü Saul kam yirü khiungde yakzan shuhshih. 22Küyimki apinü anihbuh yihkhita bahkhea, arü thsungkheak apinü kiulongthsürü thsüpü David asürüshih; Thrünpuhnü api dünkheak tha, ‘Inü alümkhi alala rhimopü, inü amulongkhi mihtsürü khülang, Jesse tsührü David inü yimkhitdo.’ 23Thrünpuhnü alokhikhi nangde Israel mihtsürü khümkhitrü kamshihkhi ju David tsühsoniuso Jisu ah. 24#Mk 1.4; Lk 3.3Jisu marüyichoki Israel mihtsürü alala mulong müthripü tüsho baptipü Johannü thsangyuthsangra. 25#Jhn 1.20; Mt 3.11; Mk 1.7; Lk 3.16; Jhn 1.27Johannü api rhimo banpü lachoki tha, ‘Nüsanü I she ah de lümcho? I api yung. Tüshe kheahang, api jingkhümpü zhi inü atrünjihpü müthülünkhi khülang I dunglim arüchoh.’
26“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo. 27Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo. 28#Mt 27.22,23; Mk 15.13,14; Lk 23.21-23; Jhn 19.15Arünü api asheshihpü thsüde amudopü mülalashe api laksahpü thsüde Pilat ki keo. 29#Mt 27.57-61; Mk 15.42-47; Lk 23.50-56; Jhn 19.38-42Tüsho küyimki api dünkheak thrütkhi alala arünü abankhea, sangdung kheaknü api yihkhi, tüsho kiuyuk ching yapshih. 30Tüshe Thrünpuhnü ashekhi chingnü api asürüshih; 31#Yunir 1.3tüsho api lung Galilee chingnü Jirusalem khiungde atsahrü ki nimung ahihdo apinü akhiuka huh. Arübo mihtsürübo ki kheakü api thiyumütsanbo lah. 32Tüsho Thrünpuhnü jipürü ki alokhikhi thiyusheak atsü isanü nüsa kilim hande arüchoh, 33apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah,
‘Nü I tsührü,
khihni I nü buh kamdo.’
34Tüsho apinü ashekhi chingnü api arhang kamloshih, kheaküa küyimkishe kiuyuk ching müshuhabahshih, apinü hanangde tha,
‘Inü David ki alokhikhi amüsüh tüsho müngühmühi nü kilim jihbah.’
35Jumonü apinü mungshikhün püpü ching she tha,
‘Nünü nü yo Amüsühbuh kiuyuk ching müshuhabahshih.’
36Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah; 37tüshe shepü Thrünpuhnü asürüshihkheanü ashuhkhi müngü. 38Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang, 39tüsho akinrü aban Mosa yakzannü zuzu mükamshihkhukkhi api hode lüpdükhi chingnü zuzu kamshih. 40Jumonü wukihrübonü athakhi nüsa kheak müdünjipü kümkangang:
41‘Kheahang, nüsa luhmünerübo!
Müyinsahang tüsho sheang!
Tümüde khürünü thanaka huhhuh she nüsanü akin mülapü thsüde inü rhimochoh!’ ”
42Paul le Barnaba ane sinagog chingnü awukhiukchoki, hadürü ju arübe Amuni she arü ki thapü mushu. 43Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.
44Ju khin Amuni kiuto abümnü Thrünpuh yu anipü rukhüh mukhung. 45Tüshe küyimki Jihudarünü boto ngükhea, arünü mükthsüde kam tüsho Paulnü athakhi reanglode api azhih. 46Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh. 47Tümüde Atungpuhnü thiyukhüm jihde isa ki tha,
‘Inü nüsa ju khiungkerü khilim tsün kamshih,
junangde nüsanü alomi alala ching akhümkhit hande arübah.’ ”
48Tüsho küyimki khiungkerünü ha sokhea, arübo asüh tüsho Thrünpuh yu müretah; tüsho lün rhangdung thsungkheak mokhitrü alalanü kin. 49Tüsho Atungpuh yu ju alomi alala ching bude yü. 50Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah. 51#Mt 10.14; Mk 6.11; Lk 9.5; 10.11Tüshe anenü arü azhihde ane jing kheak yo asungthulung adankhia bah, tüsho Ikonium ching yü. 52Tüsho akinrübo ju asühachihkhi tüsho Amüsüh Menü mide alakheah.
Currently Selected:
YUNIRÜBO RHIMO 13: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
YUNIRÜBO RHIMO 13
13
Barnaba tüsho Saul Mokhita Yüshihkhi
1Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah. 2Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”
3Judüki khümkeak thsüde ane kheak arü khahbo nimbah tamkhüntamnü dunglim ane thiyia yüshih.
Saipra ching
4Junangde Amüsüh Menü thiyide, arünü Seleukia lim yüki; tüsho ju chingnü Saipra lim yü. 5Küyimki arübo Salami khiungkhea, arünü Jihudarü sinagogbo ching Thrünpuh yu zhiyuk. Tüsho arü rungpü Johan lakheah. 6Küyimki arünü kekung-lo hode Paphos khiungde ayükhea, Jihudarü arükchih wukihrü, Bar-Jisu de ajikhi wurük-huhrü ki arübo arü. 7Api ju kovünor Sergia Paula rüklakhi mihtsürü lung lakheah. Ju buhnü Barnaba le Saul ji tüsho Thrünpuh yu anipü yim. 8Tüshe wurük-huhrü Ilymanü (Greek yu ching ju api mung) akin chingnü kovünor rholoshihpü zhipdo. 9Tüshe Paul de ajikhi Saulnü Amüsüh Menü mibah api kheak kheahkih 10tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de? 11Kheahang, Atungpuh khah nü kheak lah, tüsho anükhühkheak nü mük tuka ani müngüde alabah.” Zukleangnü shumuliu tüsho amiting api kheak yükih tüsho api khah kheaknü athoshihpü mihtsürübo yimde yü. 12Judüki kovünornü adünjikhi ngübah kin, tümüde Atungpuh dünkheak thsangyukhi apinü müyinsah.
Pisidia ching
13Paul tüsho api müyamrübo Paphos chingnü hantsahmusu tüsho Pamphylia ching lakhi Perga ching arü. Tüsho Johannü arü zojihbah Jirusalem lim alode yü; 14tüshe arünü Perga chingnü tsahmusubah Pisidia ching lakhi Antiok ching arü. Tüsho arünü Amuni sinagog ching yüzahbah bin. 15Yakzan tüsho wukihrübo khe dunglim, sinagog yakzanshuhrübonü arü kilim yüshihde tha, “Keoniorübo, nüsanü mihtsürübo thsungkheak atuthsukyu tümükhüh lasho thaang.” 16Jumonü Paulnü zhip, tüsho akhah hihde tha:
“Israel mihtsürü tüsho nüsa Thrünpuh trerübo, aniang. 17Ha Israel mihtsürü Thrünpuhnü isa jipürübo mokhitbah arü Ijip lomi ching lachoki ato kamshih, tüsho khah shuhkihde apinü arübo ju chingnü bekhit. 18Tüsho apinü kam yirü sunglo ching arü küm. 19Küyimki apinü Kanan lomi ching trükshih thüne thsümünimkhea, apinü arü kilim yamrüplurüp thsüde jih. 20Ju dunglim apinü arü kilim kam 450 bande Samuel wukihrü khiungde mahkhaprübo jih. 21Tüsho ju dunglim arünü kiulongthsürü khülang kheang; jumonü Thrünpuhnü Benjamin trük mihtsürü Kish tsührü Saul kam yirü khiungde yakzan shuhshih. 22Küyimki apinü anihbuh yihkhita bahkhea, arü thsungkheak apinü kiulongthsürü thsüpü David asürüshih; Thrünpuhnü api dünkheak tha, ‘Inü alümkhi alala rhimopü, inü amulongkhi mihtsürü khülang, Jesse tsührü David inü yimkhitdo.’ 23Thrünpuhnü alokhikhi nangde Israel mihtsürü khümkhitrü kamshihkhi ju David tsühsoniuso Jisu ah. 24#Mk 1.4; Lk 3.3Jisu marüyichoki Israel mihtsürü alala mulong müthripü tüsho baptipü Johannü thsangyuthsangra. 25#Jhn 1.20; Mt 3.11; Mk 1.7; Lk 3.16; Jhn 1.27Johannü api rhimo banpü lachoki tha, ‘Nüsanü I she ah de lümcho? I api yung. Tüshe kheahang, api jingkhümpü zhi inü atrünjihpü müthülünkhi khülang I dunglim arüchoh.’
26“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo. 27Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo. 28#Mt 27.22,23; Mk 15.13,14; Lk 23.21-23; Jhn 19.15Arünü api asheshihpü thsüde amudopü mülalashe api laksahpü thsüde Pilat ki keo. 29#Mt 27.57-61; Mk 15.42-47; Lk 23.50-56; Jhn 19.38-42Tüsho küyimki api dünkheak thrütkhi alala arünü abankhea, sangdung kheaknü api yihkhi, tüsho kiuyuk ching yapshih. 30Tüshe Thrünpuhnü ashekhi chingnü api asürüshih; 31#Yunir 1.3tüsho api lung Galilee chingnü Jirusalem khiungde atsahrü ki nimung ahihdo apinü akhiuka huh. Arübo mihtsürübo ki kheakü api thiyumütsanbo lah. 32Tüsho Thrünpuhnü jipürü ki alokhikhi thiyusheak atsü isanü nüsa kilim hande arüchoh, 33apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah,
‘Nü I tsührü,
khihni I nü buh kamdo.’
34Tüsho apinü ashekhi chingnü api arhang kamloshih, kheaküa küyimkishe kiuyuk ching müshuhabahshih, apinü hanangde tha,
‘Inü David ki alokhikhi amüsüh tüsho müngühmühi nü kilim jihbah.’
35Jumonü apinü mungshikhün püpü ching she tha,
‘Nünü nü yo Amüsühbuh kiuyuk ching müshuhabahshih.’
36Tümütüsho küyimki Davidnü api lün ching Thrünpuh mulongkhi tankihkhea, api sheabah; api jipürübo lung kiuyukabah tüsho aro abühabah; 37tüshe shepü Thrünpuhnü asürüshihkheanü ashuhkhi müngü. 38Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang, 39tüsho akinrü aban Mosa yakzannü zuzu mükamshihkhukkhi api hode lüpdükhi chingnü zuzu kamshih. 40Jumonü wukihrübonü athakhi nüsa kheak müdünjipü kümkangang:
41‘Kheahang, nüsa luhmünerübo!
Müyinsahang tüsho sheang!
Tümüde khürünü thanaka huhhuh she nüsanü akin mülapü thsüde inü rhimochoh!’ ”
42Paul le Barnaba ane sinagog chingnü awukhiukchoki, hadürü ju arübe Amuni she arü ki thapü mushu. 43Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.
44Ju khin Amuni kiuto abümnü Thrünpuh yu anipü rukhüh mukhung. 45Tüshe küyimki Jihudarünü boto ngükhea, arünü mükthsüde kam tüsho Paulnü athakhi reanglode api azhih. 46Tüsho Paul le Barnaba anenü mulong tode tha, “Isanü nüsa ki akhuhde Thrünpuh yu thapü yihnüpü lakheah. Tüshe nüsanü ju bahyuk tüsho nüsa küdah thsüde lün rhangdung müthülünkhi khea lu, kheakü isanü khiungkerü kilim rholochoh. 47Tümüde Atungpuhnü thiyukhüm jihde isa ki tha,
‘Inü nüsa ju khiungkerü khilim tsün kamshih,
junangde nüsanü alomi alala ching akhümkhit hande arübah.’ ”
48Tüsho küyimki khiungkerünü ha sokhea, arübo asüh tüsho Thrünpuh yu müretah; tüsho lün rhangdung thsungkheak mokhitrü alalanü kin. 49Tüsho Atungpuh yu ju alomi alala ching bude yü. 50Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah. 51#Mt 10.14; Mk 6.11; Lk 9.5; 10.11Tüshe anenü arü azhihde ane jing kheak yo asungthulung adankhia bah, tüsho Ikonium ching yü. 52Tüsho akinrübo ju asühachihkhi tüsho Amüsüh Menü mide alakheah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.