YUNIRÜBO RHIMO 21
21
Paul Jirusalem lim Yükhi
1Küyimki arü kheaknü isa chamachihbah tsahmusukhea, isanü langde Kos ching arü, tüsho ashidopü Rhode tüsho ju chingnü Patara khiung. 2Tüsho sangkung ju Phoenikia lim yüde ngübah, isanü yükihbah yü. 3Küyimki isanü Saipra ngüde arükhea, huzulimnü anguhbah Siria lim yü tüsho Tair ching yüki; tümüde ju ching sangkung hah shuhkhipü lakheah. 4Ju ching isanü akinrü khürü ngü tüsho arü lung nimung thüne mung. Me wu hode arünü Paul ki Jirusalem lim müyüpü tha. 5Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih. 6Jushu isanü sangkung kheak yükih tüsho arübo thüyam lim yülo.
7Küyimki isa Tair chingnü hantsahde Tolima khiungkhea, isanü keoniorübo ki salüm thsübah arü lung nimung khülang mung. 8#Yunir 6.5; 8.5Ashidopü isanü chamachihbah Kaesarea ching arü; tüsho isanü thüne bolung khülang thsangyuthsangrarü Philip yam ching yüzah tüsho api lung bin. 9Tüsho api tsührü amürhangrü aliberü müchitrü 4 lakheah. 10#Yunir 11.28Isa nimung anükhüh mungde alachoki, wukihrü khülang amung Agaba Judea chingnü aki. 11Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.” 12Küyimki isanü ha sokheanü isa le püpürünü Jirusalem lim muwutupü Paul ki mushu. 13Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.” 14Küyimki isanü api yu mukukkheanü isanü tuklo tüsho tha, “Atungpuh lümkhi thsüshang.”
15Harü nimungbo ho dunglim isanü thsakhambah Jirusalem lim wutu. 16Tüsho Kaesarea chingnü jingyanrü khürü isa lung arü tüsho isa binpü thsüde adüso jingyanrü Saiprarü Nason yam ching bede yü.
Paulnü Jakob Rhuakheahkhi
17Küyimki isa Jirusalem ching arükheanü keoniorünü isa asühde leangkhi. 18Ju shidopü Paulnü isa lung Jakob kilim arü; tüsho azothsürü alala lakheah. 19Arü ki salüm jih dunglim, apinü tankihkhi hode Thrünpuhnü khiungkerü bolung rhimokhibo akhinashunü thiyusheak jih. 20Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah, 21tüsho nünü khiungkerü bolung lakhi Jihudarü ki arü tsührü tsütamübahpü yungsho isa yakli yande mülapü thsangyude Mosa bahyukpü thakhi arü ki thiyusheak jihdo. 22Dale küde athsüba? Nü arükhi dükde arünü asobah. 23Jumonü isanü nü ki tümü thabanü rhimoang. Thiyuchihchim lukhi mihtsürü 4 lah; 24harü mihtsürübo bea lubah arü lung nü tsangkhitang tüsho arü dünkheak bahzübahdojang, junangde arünü ku hütbah. Junangde nü dünkheak arü ki thakhi tümü müla tüshe nü a yakzan yande lah de alalanü amükheahbah. 25#Yunir 15.29Tüshe khiungkerü thsungkheak a isanü münrünkhi sangthsü kingaünkhi, thiyih tüsho athünitsahkhi mütsühpü, tüsho müzammüram müthsüpü kihüm mühahdo.” 26Jumonü Paulnü mihtsürübo bea lu tüsho ashidopü arü lung api tsangkhit tüsho atsangkhitkhi nimung bankhitpü tüsho arü aban dünkheak kingaün jihpü lakhi thiyusheak jihpü arüngyam ching yüzah.
Arüngyam ching Paul Ramkhi
27Küyimki nimung thüne bankhitkheanü Asia ching Jihudarünü api arüngyam ching ngübah boto alala thurumusu, tüsho Paul ram. 28Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.” 29#Yunir 20.4Tümüde arünü akhuhlim Efisiarü Trophima api lung kiuto ching ngü, tüsho Paulnü api arüngyam ching beyukdo de arünü lüm. 30Kiuto abümnü alanajide wusu, tüsho alala thripnü mihtsürübo alihde arübah Paul ram tüsho arüngyam chingnü yankhit. Tüsho ripit nahde rihabah. 31Arünü Paul laksahpü mürangde alachoki, Jirusalem kiuto abümnü alanaji ching lah de Rom bonungrü limthobuh kilim thiyusheak arü. 32Apinü nahde bonungrübo le wühkenorübo bebah arü kilim alihde yüki. Küyimki arünü limthobuh le bonungrübo ngükheanü Paul lakkhi tuklo. 33Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi. 34Tüsho boto ching khürünü khürü tüsho püpürünü püpü zhi. Küyimki alanajikhinü thiyuro mütsanpü mukukkhea, apinü anihbuh ju bonungrü-yam ching bede ayüpü thiyukhüm jih. 35Tüsho küyimki api jingjungpung-dukkhi khiungkhea, boto nanachihkhi hode bonungrünü api shuhpü kam. 36Tümüde mihtsürü botonü dunglim zhide arü, “Api laksahang!”
Paulnü Boto ki Thakhi
37Paul ju thüyam ching bede yüzahpü lachoki apinü limthobuh ki tha, “Inü nü ki thapü kuknah?” Apinü alo, “Nünü Greek thakhukla de? 38Nü a azhipü tankihde rimthsümünimrü 4000 bebah sunglo ching bede ayükhi Ijiprü yung de?” 39Tüshe Paulnü tha, “I a Kilikia ching lakhi Tarsa ching zübekhi, adungto kiuto mihkhung khülang ah. Muzhobah inü mihtsürübo ki thashang.” 40Küyimki apinü anihbuh ki mülüjihkhea, Paulnü adamkhi kheak zhipbah mihtsürübo ki akhah hit. Tüsho küyimki jikshe müthsükheanü, apinü arü ki Ibri yutha chingnü tha:
Currently Selected:
YUNIRÜBO RHIMO 21: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
YUNIRÜBO RHIMO 21
21
Paul Jirusalem lim Yükhi
1Küyimki arü kheaknü isa chamachihbah tsahmusukhea, isanü langde Kos ching arü, tüsho ashidopü Rhode tüsho ju chingnü Patara khiung. 2Tüsho sangkung ju Phoenikia lim yüde ngübah, isanü yükihbah yü. 3Küyimki isanü Saipra ngüde arükhea, huzulimnü anguhbah Siria lim yü tüsho Tair ching yüki; tümüde ju ching sangkung hah shuhkhipü lakheah. 4Ju ching isanü akinrü khürü ngü tüsho arü lung nimung thüne mung. Me wu hode arünü Paul ki Jirusalem lim müyüpü tha. 5Küyimki ju ching isa nimungbo bankheanü isanü chamachihbah yü; arü niuberü tüsho tsührübo alalanü kiuto aleanglim khiungde bea dükhe. Isanü kemungyean kheak khukningbah tamkhüntamnü tüsho chode thaachih. 6Jushu isanü sangkung kheak yükih tüsho arübo thüyam lim yülo.
7Küyimki isa Tair chingnü hantsahde Tolima khiungkhea, isanü keoniorübo ki salüm thsübah arü lung nimung khülang mung. 8#Yunir 6.5; 8.5Ashidopü isanü chamachihbah Kaesarea ching arü; tüsho isanü thüne bolung khülang thsangyuthsangrarü Philip yam ching yüzah tüsho api lung bin. 9Tüsho api tsührü amürhangrü aliberü müchitrü 4 lakheah. 10#Yunir 11.28Isa nimung anükhüh mungde alachoki, wukihrü khülang amung Agaba Judea chingnü aki. 11Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.” 12Küyimki isanü ha sokheanü isa le püpürünü Jirusalem lim muwutupü Paul ki mushu. 13Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.” 14Küyimki isanü api yu mukukkheanü isanü tuklo tüsho tha, “Atungpuh lümkhi thsüshang.”
15Harü nimungbo ho dunglim isanü thsakhambah Jirusalem lim wutu. 16Tüsho Kaesarea chingnü jingyanrü khürü isa lung arü tüsho isa binpü thsüde adüso jingyanrü Saiprarü Nason yam ching bede yü.
Paulnü Jakob Rhuakheahkhi
17Küyimki isa Jirusalem ching arükheanü keoniorünü isa asühde leangkhi. 18Ju shidopü Paulnü isa lung Jakob kilim arü; tüsho azothsürü alala lakheah. 19Arü ki salüm jih dunglim, apinü tankihkhi hode Thrünpuhnü khiungkerü bolung rhimokhibo akhinashunü thiyusheak jih. 20Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah, 21tüsho nünü khiungkerü bolung lakhi Jihudarü ki arü tsührü tsütamübahpü yungsho isa yakli yande mülapü thsangyude Mosa bahyukpü thakhi arü ki thiyusheak jihdo. 22Dale küde athsüba? Nü arükhi dükde arünü asobah. 23Jumonü isanü nü ki tümü thabanü rhimoang. Thiyuchihchim lukhi mihtsürü 4 lah; 24harü mihtsürübo bea lubah arü lung nü tsangkhitang tüsho arü dünkheak bahzübahdojang, junangde arünü ku hütbah. Junangde nü dünkheak arü ki thakhi tümü müla tüshe nü a yakzan yande lah de alalanü amükheahbah. 25#Yunir 15.29Tüshe khiungkerü thsungkheak a isanü münrünkhi sangthsü kingaünkhi, thiyih tüsho athünitsahkhi mütsühpü, tüsho müzammüram müthsüpü kihüm mühahdo.” 26Jumonü Paulnü mihtsürübo bea lu tüsho ashidopü arü lung api tsangkhit tüsho atsangkhitkhi nimung bankhitpü tüsho arü aban dünkheak kingaün jihpü lakhi thiyusheak jihpü arüngyam ching yüzah.
Arüngyam ching Paul Ramkhi
27Küyimki nimung thüne bankhitkheanü Asia ching Jihudarünü api arüngyam ching ngübah boto alala thurumusu, tüsho Paul ram. 28Arünü zhi, “Israel mihtsürübo, isa rungang! Isa mihtsürü le yakzan tüsho ha dangpung azhihde lüpdükhi ching alala thsangyukhi mihtsürü ha ah; kheaküshe apinü Greekrü ju arüngyam ching bede yüzahbah amüsüh dangpung müneanjih.” 29#Yunir 20.4Tümüde arünü akhuhlim Efisiarü Trophima api lung kiuto ching ngü, tüsho Paulnü api arüngyam ching beyukdo de arünü lüm. 30Kiuto abümnü alanajide wusu, tüsho alala thripnü mihtsürübo alihde arübah Paul ram tüsho arüngyam chingnü yankhit. Tüsho ripit nahde rihabah. 31Arünü Paul laksahpü mürangde alachoki, Jirusalem kiuto abümnü alanaji ching lah de Rom bonungrü limthobuh kilim thiyusheak arü. 32Apinü nahde bonungrübo le wühkenorübo bebah arü kilim alihde yüki. Küyimki arünü limthobuh le bonungrübo ngükheanü Paul lakkhi tuklo. 33Limthobuhnü thüninde arübah api bea lu tüsho wuhrünliu mahnenü api rhükpü thiyukhüm jih; tüsho api she a tüsho anihbuhnü tümü rhimokheanü apinü keokhi. 34Tüsho boto ching khürünü khürü tüsho püpürünü püpü zhi. Küyimki alanajikhinü thiyuro mütsanpü mukukkhea, apinü anihbuh ju bonungrü-yam ching bede ayüpü thiyukhüm jih. 35Tüsho küyimki api jingjungpung-dukkhi khiungkhea, boto nanachihkhi hode bonungrünü api shuhpü kam. 36Tümüde mihtsürü botonü dunglim zhide arü, “Api laksahang!”
Paulnü Boto ki Thakhi
37Paul ju thüyam ching bede yüzahpü lachoki apinü limthobuh ki tha, “Inü nü ki thapü kuknah?” Apinü alo, “Nünü Greek thakhukla de? 38Nü a azhipü tankihde rimthsümünimrü 4000 bebah sunglo ching bede ayükhi Ijiprü yung de?” 39Tüshe Paulnü tha, “I a Kilikia ching lakhi Tarsa ching zübekhi, adungto kiuto mihkhung khülang ah. Muzhobah inü mihtsürübo ki thashang.” 40Küyimki apinü anihbuh ki mülüjihkhea, Paulnü adamkhi kheak zhipbah mihtsürübo ki akhah hit. Tüsho küyimki jikshe müthsükheanü, apinü arü ki Ibri yutha chingnü tha:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.