YUNIRÜBO RHIMO 5
5
Anania tüsho Sapphira
1Tüshe mihtsürü khülang amung Anania tüsho aniube Sapphira anenü kukruk khürü yin, 2tüsho aniubenü mükheahde sho khürü aninga zobah chama lang lude arünü amüsüh-thsangyurübo kilim jih. 3Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea? 4Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.” 5Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü. 6Athunu mihtsürübonü wusubah api hing tüsho hande wukhiuknü kiuyukabah.
7Kimkhü 3 bande labah adünjikhi mümükheahde aniube azah. 8Tüsho Peternü alibe ki tha, “Alo ha dükhüh mo yinkhea shi yungnü I ki thaang.” Alibenü tha, “Am, ju dükhüh ah.” 9Tüshe Peternü alibe ki tha, “Atungpuh Me rükakipü thsüde küde thsah nükenü rukhüh mulongkhea? Kheahang, nü niubuh hande awukhiukrü lah, tüsho arünü nü she hande awukhiukbah.” 10Zukleangnü alibe ju api jing ki keam tüsho sheabah. Küyimki athunurü mihtsürübo azahkhea, arünü alibe ju shea ngü tüsho hande wukhiukbah aniubuh rheang ki kiuyukabah. 11Borü tüsho harü sorü alala kheak atrekhi ato arü.
Khinthiyinbebo
12Amüsüh-thsangyurübonü khinthiyinbe tüsho amüyinsahbebo ahihdo mihtsürü bolung rhimo. Tüsho arü alala rukhüh Solomon yam ayinkhe khüp lakheah. 13Püpürü shenü she arü lung bepü mümürang, tüshe mihtsürübonü arü ki khide wüntre jih. 14Tüsho püpüki kheaknü alü akinrübo athrürü tüsho aliberü boto Atungpuh lung kheyuk, 15junangde arünü tukthsürübo kiudunglimrobo ching bekhitbah Peter tsahhode alachoki api me arü kheak alamshihpü yapkiubo le pheakbo ching yapshih. 16Mihtsürübonü Jirusalem mühi kiutobo chingnü she tukthsürü tüsho amünean mebonü thsünükhi bedarüde mukhung, tüsho arü alala thsüngu.
Amüsüh-thsangyurübo Thsümüchikhi
17Tüshe achangbe amükeambuhnü wusu tüsho api lung lakhi Sadukirü borü alalanü mükthsüde kam, 18arünü amüsüh-thsangyurübo rambah boto rihyam ching zo. 19Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha, 20“Yübah arüngyam ching zhipang tüsho mihtsürübo ki ha rhangdung yubo alala asukang.” 21Küyimki arünü ju sokheanü yapsu mükikde arüngyam ching yüzahbah thsangyu.
Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih. 22Tüshe küyimki atorübo arübah rihyam ching arü müngükheanü alode yübah thiyusheak jih, 23“Rihyam tsüde rihdoa isanü ngü, tüsho aheangrübo khimdopü ki aleanglim zhip; tüshe isanü akhimshuhchoki alunglim sheshe müngü!” 24Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah. 25Judüki khülang arübah arü ki tha, “Kheahang, nüsanü rihyam ching yukrübo thsü arüngyam ching zhipbah mihtsürübo ki thsangyuchoh!” 26Tüshe wühkenobuhnü atorübo bebah yü tüsho arübo amütsü müthsüde bedarü, tümüde arübo mihtsürübonü lungnü arupü tre.
27Küyimki arübo bede arükheanü, arünü kiuthsü-binkiu miki zhipshih, tüsho achangbe amükeambuhnü arü ki keokhi, 28#Mt 27.25“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!” 29Judüki Peter tüsho amüsüh-thsangyurü püpürünü alo tüsho tha: “Isanü mihtsürü kheaknü a Thrünpuh ki mihyuanibah. 30Nüsanü laksahbah sangdung kheak zhinkhi Jisu isa jipürü Thrünpuhnü asürüshih. 31Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih. 32Tüsho harü thsungkheak api thiyumütsanbo isa lah, tüsho api ki mihyuanirü kilim Thrünpuhnü ajihkhi Amüsüh Me she lah.”
33Küyimki arünü ha sokheanü bukakhiuk tüsho arü laksahpü kün. 34Tüshe kiuthsü-binkiu ching mihtsürü alalanü wüntre jihkhi yakzan thsangyurü amung Gamalielnü zhip tüsho mihtsürübo ju anükhühkheak wungdo bekhitpü thiyukhüm jih. 35Tüsho apinü arü ki tha, “Israel mihtsürübo, harü mihtsürü kheak nüsanü tümü thsüchonü kümkangang. 36Tümütüsho müngühlim Theudasnü nihbuh küdahnü ato kamde wusu, tüsho mihtsürü 400 bande api ki mukhung; tüshe api laksah tüsho api dunglim yanrübo tümü mülade müzütabah. 37Api dunglim Galileerü Juda wühkhe lukhi nimungbo ching wusu tüsho api dunglim mihtsürü khülang bebah tso; api she laksah, tüsho api dunglim yanrü alala müzütabah. 38Jumonü ha thsungkheak inü nüsa ki thachoh, harü mihtsürü kheaknü chamkhiang tüsho arü zangrü zojang; tümüde ha lümkhi yungsho rhimokhi mihtsürü kilimnü a sho ju akuk müngü; 39tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”
40Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih. 41Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso. 42Tüsho nimung aban arüngyam tüsho thüyam ching Jisu ju Khrista de athsangyupü tüsho thsangyuthsangrapü arünü anüzhak müthsü.
Currently Selected:
YUNIRÜBO RHIMO 5: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
YUNIRÜBO RHIMO 5
5
Anania tüsho Sapphira
1Tüshe mihtsürü khülang amung Anania tüsho aniube Sapphira anenü kukruk khürü yin, 2tüsho aniubenü mükheahde sho khürü aninga zobah chama lang lude arünü amüsüh-thsangyurübo kilim jih. 3Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea? 4Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.” 5Küyimki Ananianü harü yubo sokhea, api lunga yap tüsho sheabah. Tüsho ju sorü alala kheak atrekhi ato arü. 6Athunu mihtsürübonü wusubah api hing tüsho hande wukhiuknü kiuyukabah.
7Kimkhü 3 bande labah adünjikhi mümükheahde aniube azah. 8Tüsho Peternü alibe ki tha, “Alo ha dükhüh mo yinkhea shi yungnü I ki thaang.” Alibenü tha, “Am, ju dükhüh ah.” 9Tüshe Peternü alibe ki tha, “Atungpuh Me rükakipü thsüde küde thsah nükenü rukhüh mulongkhea? Kheahang, nü niubuh hande awukhiukrü lah, tüsho arünü nü she hande awukhiukbah.” 10Zukleangnü alibe ju api jing ki keam tüsho sheabah. Küyimki athunurü mihtsürübo azahkhea, arünü alibe ju shea ngü tüsho hande wukhiukbah aniubuh rheang ki kiuyukabah. 11Borü tüsho harü sorü alala kheak atrekhi ato arü.
Khinthiyinbebo
12Amüsüh-thsangyurübonü khinthiyinbe tüsho amüyinsahbebo ahihdo mihtsürü bolung rhimo. Tüsho arü alala rukhüh Solomon yam ayinkhe khüp lakheah. 13Püpürü shenü she arü lung bepü mümürang, tüshe mihtsürübonü arü ki khide wüntre jih. 14Tüsho püpüki kheaknü alü akinrübo athrürü tüsho aliberü boto Atungpuh lung kheyuk, 15junangde arünü tukthsürübo kiudunglimrobo ching bekhitbah Peter tsahhode alachoki api me arü kheak alamshihpü yapkiubo le pheakbo ching yapshih. 16Mihtsürübonü Jirusalem mühi kiutobo chingnü she tukthsürü tüsho amünean mebonü thsünükhi bedarüde mukhung, tüsho arü alala thsüngu.
Amüsüh-thsangyurübo Thsümüchikhi
17Tüshe achangbe amükeambuhnü wusu tüsho api lung lakhi Sadukirü borü alalanü mükthsüde kam, 18arünü amüsüh-thsangyurübo rambah boto rihyam ching zo. 19Tüshe azhing ching Atungpuh yunirünü rihyam khimdopübo yeahshungbah arü bekhit tüsho tha, 20“Yübah arüngyam ching zhipang tüsho mihtsürübo ki ha rhangdung yubo alala asukang.” 21Küyimki arünü ju sokheanü yapsu mükikde arüngyam ching yüzahbah thsangyu.
Tüshe achangbe amükeambuh tüsho api lung larü arübah kiuthsübinkiu lung Israelrü azothsürü bede rukhüh mukhung, tüsho arü bedarüpü rihyam ching yüshih. 22Tüshe küyimki atorübo arübah rihyam ching arü müngükheanü alode yübah thiyusheak jih, 23“Rihyam tsüde rihdoa isanü ngü, tüsho aheangrübo khimdopü ki aleanglim zhip; tüshe isanü akhimshuhchoki alunglim sheshe müngü!” 24Küyimki achangbe amükeambuh, arüngyam wühkenobuh, tüsho amükeam putungrübonü harü sokhea, tümü dünjibaki de müyinsah. 25Judüki khülang arübah arü ki tha, “Kheahang, nüsanü rihyam ching yukrübo thsü arüngyam ching zhipbah mihtsürübo ki thsangyuchoh!” 26Tüshe wühkenobuhnü atorübo bebah yü tüsho arübo amütsü müthsüde bedarü, tümüde arübo mihtsürübonü lungnü arupü tre.
27Küyimki arübo bede arükheanü, arünü kiuthsü-binkiu miki zhipshih, tüsho achangbe amükeambuhnü arü ki keokhi, 28#Mt 27.25“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!” 29Judüki Peter tüsho amüsüh-thsangyurü püpürünü alo tüsho tha: “Isanü mihtsürü kheaknü a Thrünpuh ki mihyuanibah. 30Nüsanü laksahbah sangdung kheak zhinkhi Jisu isa jipürü Thrünpuhnü asürüshih. 31Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih. 32Tüsho harü thsungkheak api thiyumütsanbo isa lah, tüsho api ki mihyuanirü kilim Thrünpuhnü ajihkhi Amüsüh Me she lah.”
33Küyimki arünü ha sokheanü bukakhiuk tüsho arü laksahpü kün. 34Tüshe kiuthsü-binkiu ching mihtsürü alalanü wüntre jihkhi yakzan thsangyurü amung Gamalielnü zhip tüsho mihtsürübo ju anükhühkheak wungdo bekhitpü thiyukhüm jih. 35Tüsho apinü arü ki tha, “Israel mihtsürübo, harü mihtsürü kheak nüsanü tümü thsüchonü kümkangang. 36Tümütüsho müngühlim Theudasnü nihbuh küdahnü ato kamde wusu, tüsho mihtsürü 400 bande api ki mukhung; tüshe api laksah tüsho api dunglim yanrübo tümü mülade müzütabah. 37Api dunglim Galileerü Juda wühkhe lukhi nimungbo ching wusu tüsho api dunglim mihtsürü khülang bebah tso; api she laksah, tüsho api dunglim yanrü alala müzütabah. 38Jumonü ha thsungkheak inü nüsa ki thachoh, harü mihtsürü kheaknü chamkhiang tüsho arü zangrü zojang; tümüde ha lümkhi yungsho rhimokhi mihtsürü kilimnü a sho ju akuk müngü; 39tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”
40Jumonü arünü ha athsunganahkhi lu, tüsho amüsüh-thsangyurübo jiyukbah lak tüsho Jisu mung chingnü müthapü thürühbah tsoshih. 41Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso. 42Tüsho nimung aban arüngyam tüsho thüyam ching Jisu ju Khrista de athsangyupü tüsho thsangyuthsangrapü arünü anüzhak müthsü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.