JOHAN 11
11
Lazar Shekhi
1 #
Lk 10.38,39 Kheakü mihtsürü khülang amung Lazar tukthsüde alakheah. Api ju Mari tüsho achi Martha kiulong Bethani chingnü alakheah. 2#Jhn 12.3Ha Mari, shepü niurü Lazar tukthsüde alakheanü, hoju Atungpuh kheak rhümthünea mujujihbe tüsho akuyünü ajing nanjihbe lakheah. 3Jumonü achi pürünü api ki yüshihde tha, “Atungpuh, nünü muzhode alabuh tukthsülah.” 4Jisunü ju sobah tha, “Ha tukthsü ju ashebe yung, tüshe Thrünpuh tsührü müretahbah.”
5Kheakü Jisunü Martha tüsho aniurü le Lazar muzho. 6Jumonü küyimki apinü anihbuh tukthsükhi sokhea, api binpung nimung mahne munglo. 7Ju dunglim apinü ajingyanrübo ki tha, “Isanü Judea lim alode yüanü.” 8Jingyanrübonü api ki tha, “Thsangyubuh, kheakü lang Jihudarünü nü kingpü yimdo, tüsho nüa ju ching alode ayüba de?” 9Jisunü alo, “Nimung khülang ching kimkhü 12 yung de? Khürünü animuro tsahsho, api jing mümükhechoh, tümütüsho apinü ha lomi ayin ngüchoh. 10Tüshe khürünü azhing ching tsahsho, api jing mükhechoh, tümütüsho api kheak ayin müla.” 11Apinü harü tha, tüsho ju dunglim arü ki tha, “Isa müyamrü Lazar yapa lah, tüshe inü api yihmusupü thsüde ayübah.” 12Judüki jingyanrübonü tha, “Atungpuh, api yapa lasho atsübah.” 13Jisunü api shekhi thakheah tüshe ayapkhi ching sühakhimkhi apinü thachoh de arünü lüm. 14Judüki Jisunü arü ki khipkhitde tha, “Lazar shea lah. 15Tüsho nüsanü akinshihpü thsüde nüsa thsungkheaknü I ju ching mülakhi asühchoh. Judüalalashe, isanü api kilim yüanü.” 16Judüki Didama#rüpde-zübekhi de ajikhi Thomanü rukhüh jingyanrübo ki tha, “Isa she api lung shepü thsüde thsangyubuh lung yüanü.”
Jisu ju Arhang Kamlokhi tüsho Rhangdung
17Jumonü küyimki Jisu arükhea, api ju kiuyuk ching nimung phüyi lakhi ngü. 18Kheakü Bethani ju Jirusalem phünide mail 2 bande alakheah. 19Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah. 20Judüki Marthanü Jisu arüchoh de aso müleangnü yübah api shoru, tüshe Mari a thüyam ching binde alakheah. 21Marthanü Jisu ki tha, “Atungpuh, nü ha ching lakhülaa, I niurü müshede alabah. 22Tüshe kheaküshe Thrünpuh ki nünü tümüpürü kheangbanü, nü kilim jihbah de inü mükheahlah.” 23Jisunü alibe ki tha, “Nü niurü arhang kamlobah.” 24Marthanü api ki alo, “Akheam nimung arhang kamlokhi ching api asürübah de inü mükheahlah.” 25Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah. 26Tüsho sherünü I kheak lacho tüsho kinchonü küyimkishe müshe. Nünü ha kincho shi?” 27Alibenü alo, “Am, Atungpuh, nü ju alomi ching arüpü lakhi Thrünpuh tsührü, Khrista ah de inü mükheahlah.”
Jisunü Atripkhi
28Tüsho küyimki alibenü harü thakhea, anihbenü alimro ching yü tüsho ramde aniurü Mari jibah tha, “Thsangyurü arüa lah tüsho nü jihchoh.” 29Alibenü ju soakede tsahmusubah api kilim arü. 30Kheakü Jisu ju kiuto ching marüyi, tüshe Marthanü api shorukhi dangpung ching lakheah. 31Judüki alibe mulong shukheamde thüyam ching lakhi Jihudarübonü Mari wusubah nahde awukhiukkhi ngübah alibe yande wungdo wukhiukbah tha, “Alibe a kiuyuk ching mitrippü yüchoh.” 32Küyimki Marinü Jisu lapung arübah api ngükhea, alibenü ajing ki khukningde tha, “Atungpuh, nü ha ching lakhülaa, I niurü müshede alabah.” 33Jumonü küyimki alibe tüsho anihbe lung arükhi Jihudarü tripkhi Jisunü angükhea, api me ching thsünü tüsho küpkhukde alakheah. 34Tüsho apinü tha, “Api küching yapshihla?” Arünü api ki alo, “Atungpuh, arübah kheahang.” 35Jisunü trip. 36Judüki Jihudarübonü tha, “Apinü küdükhüh anihbuh muzholanü kheahang!” 37Tüsho arü khürünü tha, “Ha müktukkhi khimshuhjihbuhnü, Lazar she müsheshihde mülakhuk de?”
Lazar Arhang Kamlokhi
38Judüki Jisunü kheaküshe api mulong mütsüde kiuyuk ching arü. Ju lungkhün mi kheak lung khülangnü khidoa lakheah. 39Jisunü tha, “Lung ju lahkhia bahang.” Ashebuh achi Marthanü api ki alo, “Atungpuh, kheaküa shuhrhüm münimlah, tümüde api shekhi nimung phüyi thsüchoh.” 40Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?” 41Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh. 42Tüsho nünü kamruhroro I ki sojihchoh de inü mükheahlah, tüshe ha kheak zhipkhi mihtsürübonü nünü I thiyikheah de akinshihpü thsüde inü ha thachoh.” 43Küyimki apinü harü thakheanü düsheak achangnü zhi, “Lazar, akhiukang!” 44Tüsho ashebuh ju miphu-khimbonü akhah le ajingbo hingbah akhiuk, tüsho amiro ju khimnü muhiudoa lakheah. Jisunü arü ki tha, “Api trünang tüsho tsoshang.”
Jisu azhihde Rük Thsükhi
(Mt 26.1-5; Mk 14.1-2; Lk 22.1-2)
45Judüki Mari lung arürü Jihudarü ahihkhühnü Jisunü arhimokhi ngübah api kheak kin. 46Tüshe khürünü Pharisirü ki yübah Jisunü arhimokhi thaa huh. 47Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh. 48Isanü hanangde azuzu thsüshihsho, mihbüm abannü api kheak kinbah, tüsho Romrünü arübah isa lapung tüsho trükshih lude atsobah.” 49Tüsho arü bolung, ju kam achangbe amükeambuh Kaifanü arü ki tha, “Nüsanü tümü mümükheah. 50Trükshih abümnü adükheakpü kheaknü a mihtsürübo thsungkheak mihtsürü khülang shekhi atsübe ah de nüsanü mülümkhit.” 51Apinü ha anihbuh küdahnü mütha, tüshe ju kam achangbe amükeamrü thsükhinü Jisu ju Jihudarü trükshih dünkheak shebah de müchit, 52tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah. 53Junangde ju nimungnü arünü api rhangdung lupü rük yim. 54Jumonü Jisunü Jihudarü bolung kiumikheak mütsahde kam, tüshe ju chingnü sunglo phünikhi lomi, Ephraim de ajikhi kiuto ching yü, tüsho ju ching ajingyanrü lung la.
55Jihudarü phungho-thünio thüninde alakheah, tüsho ahihkhühnü nihbuh tsangkhitpü phungho-thünio müngühnü ju lomi chingnü Jirusalem lim wutu. 56Judüki arünü Jisu yim, tüsho arübo arüngyam ching zhipchoki arü bolung thaachih, “Atsütsü api thünio ching arüpü yung le nüsanü tümü lümcho?” 57Kheakü amükeam putungrü tüsho Pharisirü chidonü, khürünü api ngüsho thiyusheak jihang junangde arünü api rambah de thiyukhüm jih.
Currently Selected:
JOHAN 11: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JOHAN 11
11
Lazar Shekhi
1 #
Lk 10.38,39 Kheakü mihtsürü khülang amung Lazar tukthsüde alakheah. Api ju Mari tüsho achi Martha kiulong Bethani chingnü alakheah. 2#Jhn 12.3Ha Mari, shepü niurü Lazar tukthsüde alakheanü, hoju Atungpuh kheak rhümthünea mujujihbe tüsho akuyünü ajing nanjihbe lakheah. 3Jumonü achi pürünü api ki yüshihde tha, “Atungpuh, nünü muzhode alabuh tukthsülah.” 4Jisunü ju sobah tha, “Ha tukthsü ju ashebe yung, tüshe Thrünpuh tsührü müretahbah.”
5Kheakü Jisunü Martha tüsho aniurü le Lazar muzho. 6Jumonü küyimki apinü anihbuh tukthsükhi sokhea, api binpung nimung mahne munglo. 7Ju dunglim apinü ajingyanrübo ki tha, “Isanü Judea lim alode yüanü.” 8Jingyanrübonü api ki tha, “Thsangyubuh, kheakü lang Jihudarünü nü kingpü yimdo, tüsho nüa ju ching alode ayüba de?” 9Jisunü alo, “Nimung khülang ching kimkhü 12 yung de? Khürünü animuro tsahsho, api jing mümükhechoh, tümütüsho apinü ha lomi ayin ngüchoh. 10Tüshe khürünü azhing ching tsahsho, api jing mükhechoh, tümütüsho api kheak ayin müla.” 11Apinü harü tha, tüsho ju dunglim arü ki tha, “Isa müyamrü Lazar yapa lah, tüshe inü api yihmusupü thsüde ayübah.” 12Judüki jingyanrübonü tha, “Atungpuh, api yapa lasho atsübah.” 13Jisunü api shekhi thakheah tüshe ayapkhi ching sühakhimkhi apinü thachoh de arünü lüm. 14Judüki Jisunü arü ki khipkhitde tha, “Lazar shea lah. 15Tüsho nüsanü akinshihpü thsüde nüsa thsungkheaknü I ju ching mülakhi asühchoh. Judüalalashe, isanü api kilim yüanü.” 16Judüki Didama#rüpde-zübekhi de ajikhi Thomanü rukhüh jingyanrübo ki tha, “Isa she api lung shepü thsüde thsangyubuh lung yüanü.”
Jisu ju Arhang Kamlokhi tüsho Rhangdung
17Jumonü küyimki Jisu arükhea, api ju kiuyuk ching nimung phüyi lakhi ngü. 18Kheakü Bethani ju Jirusalem phünide mail 2 bande alakheah. 19Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah. 20Judüki Marthanü Jisu arüchoh de aso müleangnü yübah api shoru, tüshe Mari a thüyam ching binde alakheah. 21Marthanü Jisu ki tha, “Atungpuh, nü ha ching lakhülaa, I niurü müshede alabah. 22Tüshe kheaküshe Thrünpuh ki nünü tümüpürü kheangbanü, nü kilim jihbah de inü mükheahlah.” 23Jisunü alibe ki tha, “Nü niurü arhang kamlobah.” 24Marthanü api ki alo, “Akheam nimung arhang kamlokhi ching api asürübah de inü mükheahlah.” 25Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah. 26Tüsho sherünü I kheak lacho tüsho kinchonü küyimkishe müshe. Nünü ha kincho shi?” 27Alibenü alo, “Am, Atungpuh, nü ju alomi ching arüpü lakhi Thrünpuh tsührü, Khrista ah de inü mükheahlah.”
Jisunü Atripkhi
28Tüsho küyimki alibenü harü thakhea, anihbenü alimro ching yü tüsho ramde aniurü Mari jibah tha, “Thsangyurü arüa lah tüsho nü jihchoh.” 29Alibenü ju soakede tsahmusubah api kilim arü. 30Kheakü Jisu ju kiuto ching marüyi, tüshe Marthanü api shorukhi dangpung ching lakheah. 31Judüki alibe mulong shukheamde thüyam ching lakhi Jihudarübonü Mari wusubah nahde awukhiukkhi ngübah alibe yande wungdo wukhiukbah tha, “Alibe a kiuyuk ching mitrippü yüchoh.” 32Küyimki Marinü Jisu lapung arübah api ngükhea, alibenü ajing ki khukningde tha, “Atungpuh, nü ha ching lakhülaa, I niurü müshede alabah.” 33Jumonü küyimki alibe tüsho anihbe lung arükhi Jihudarü tripkhi Jisunü angükhea, api me ching thsünü tüsho küpkhukde alakheah. 34Tüsho apinü tha, “Api küching yapshihla?” Arünü api ki alo, “Atungpuh, arübah kheahang.” 35Jisunü trip. 36Judüki Jihudarübonü tha, “Apinü küdükhüh anihbuh muzholanü kheahang!” 37Tüsho arü khürünü tha, “Ha müktukkhi khimshuhjihbuhnü, Lazar she müsheshihde mülakhuk de?”
Lazar Arhang Kamlokhi
38Judüki Jisunü kheaküshe api mulong mütsüde kiuyuk ching arü. Ju lungkhün mi kheak lung khülangnü khidoa lakheah. 39Jisunü tha, “Lung ju lahkhia bahang.” Ashebuh achi Marthanü api ki alo, “Atungpuh, kheaküa shuhrhüm münimlah, tümüde api shekhi nimung phüyi thsüchoh.” 40Jisunü alibe ki tha, “Nünü kinsho Thrünpuh müretahkhi ngübah de inü nü ki mütha de?” 41Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh. 42Tüsho nünü kamruhroro I ki sojihchoh de inü mükheahlah, tüshe ha kheak zhipkhi mihtsürübonü nünü I thiyikheah de akinshihpü thsüde inü ha thachoh.” 43Küyimki apinü harü thakheanü düsheak achangnü zhi, “Lazar, akhiukang!” 44Tüsho ashebuh ju miphu-khimbonü akhah le ajingbo hingbah akhiuk, tüsho amiro ju khimnü muhiudoa lakheah. Jisunü arü ki tha, “Api trünang tüsho tsoshang.”
Jisu azhihde Rük Thsükhi
(Mt 26.1-5; Mk 14.1-2; Lk 22.1-2)
45Judüki Mari lung arürü Jihudarü ahihkhühnü Jisunü arhimokhi ngübah api kheak kin. 46Tüshe khürünü Pharisirü ki yübah Jisunü arhimokhi thaa huh. 47Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh. 48Isanü hanangde azuzu thsüshihsho, mihbüm abannü api kheak kinbah, tüsho Romrünü arübah isa lapung tüsho trükshih lude atsobah.” 49Tüsho arü bolung, ju kam achangbe amükeambuh Kaifanü arü ki tha, “Nüsanü tümü mümükheah. 50Trükshih abümnü adükheakpü kheaknü a mihtsürübo thsungkheak mihtsürü khülang shekhi atsübe ah de nüsanü mülümkhit.” 51Apinü ha anihbuh küdahnü mütha, tüshe ju kam achangbe amükeamrü thsükhinü Jisu ju Jihudarü trükshih dünkheak shebah de müchit, 52tüsho ju trükshih thsungkheak lang yung tüshe Thrünpuh tsührübo hiumüzüta larü khülang kamde bemukhungpü lakheah. 53Junangde ju nimungnü arünü api rhangdung lupü rük yim. 54Jumonü Jisunü Jihudarü bolung kiumikheak mütsahde kam, tüshe ju chingnü sunglo phünikhi lomi, Ephraim de ajikhi kiuto ching yü, tüsho ju ching ajingyanrü lung la.
55Jihudarü phungho-thünio thüninde alakheah, tüsho ahihkhühnü nihbuh tsangkhitpü phungho-thünio müngühnü ju lomi chingnü Jirusalem lim wutu. 56Judüki arünü Jisu yim, tüsho arübo arüngyam ching zhipchoki arü bolung thaachih, “Atsütsü api thünio ching arüpü yung le nüsanü tümü lümcho?” 57Kheakü amükeam putungrü tüsho Pharisirü chidonü, khürünü api ngüsho thiyusheak jihang junangde arünü api rambah de thiyukhüm jih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.