JOHAN 19
19
1Jüdüki Pilatnü Jisu bea lubah rhap. 2Tüsho bonungrübonü ayang kuthran thsübah aku kheak thranjih, tüsho arünü api kheak mürümmuchu shulünkhim phuyujih. 3Arünü tha, “Jihudarü kiulongthsüpuh, tsüde laang!” Tüsho arü khahnü api dam. 4Kheaküshe Pilatnü wukhiuk, tüsho arü ki tha, “Inü api kheak amülim tümü müyimkhit de nüsanü amükheahpü thsüde inü api nüsa kilim bede akhiukchoh.” 5Judüki Jisunü ayang kuthran tüsho mürümmuchu shulünkhim yihbah akhiuk. Tüsho Pilatnü arü ki tha, “Mihtsürü kheahang!” 6Jumonü küyimki amükeam putungrü tüsho atorübonü api ngükhea, arünü zhide tha, “Api yümkihang, api yümkihang!” Pilatnü arü ki tha, “Nüsanü api lubah yümkihang, tümüde inü api kheak amülim tümü müyimkhit.” 7Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.” 8Jumonü küyimki Pilatnü ju thakhi sokhea, api alü trede kam, 9tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.” 10Judüki Pilatnü api ki tha, “Nünü I ki thiyu müthaba de? Inü nü yümkihpü tüsho adükhepü wu lah de nünü mümükheah de?” 11Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”
12Ju kim chingnü Pilatnü api dükhepü mürang, tüshe Jihudarünü zhide tha, “Nünü ha mihtsürü tsoshihsho, nü a Kaesar müyambuh yung. Shepünü nihbuh küdahnü kiulongthsürü kamchonü Kaesar azhihde asukchoh.” 13Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin. 14Kheakü ju phungho-thünio thsakhampü nimung tüsho animuro lakheah. Tüsho apinü Jihudarü ki tha, “Nüsa kiulongthsüpuh kheahang!” 15Tüshe arünü zhi, “Api sheshang, api sheshang! Api yümkihang!” Pilatnü arü ki tha, “Inü nüsa kiulongthsüpuh yümkihba shi?” Amükeam putungrübonü alo, “Kaesar kheak hode isa kiulongthsürü müla!” 16Jumonü apinü arü kilim api yümkihpü jih. Junangde Jisu bea lubah tso.
Jisu Yümkihkhi
(Mt 27.32-44; Mk 15.21-32; Lk 23.26-43)
17Tüsho apinü sangkim hanbah Ibri yunü Golgotha de ajikhi kuro dangpung ching yü, 18ju ching arünü api yümkih, tüsho api lung püpürü mahne, Jisu aphulung thsübah thrip aban yümkih. 19Kheakü Pilatnü thiyu thrütbah sangkim kheak yihkih. Tüsho athrütkhi ju ha lakheah: Jihudarü kiulongthsüpuh, nazarethrü jisu. 20Jihudarü ahihdonü ha thrütkhi khe, tümüde Jisu yümkihkhi dangpung ju kiuto phünide alakheah; tüsho ju Ibri, Greek, tüsho Latin yunü thrüta lakheah. 21Judüki Jihudarü amükeam putungrübonü Pilat ki tha, “Jihudarü kiulongthsüpuh de düthrüt, tüshe ‘I Jihudarü kiulongthsüpuh,’ de ha mihtsürünü athakheah.” 22Pilatnü alo, “Inü tümü thrütdünü, inü thrütdo.” 23Küyimki bonungrübonü Jisu yümkihkheanü api khimmihbo le shulün-pangkhümpübo arü abande khülang khülang lubah shihcham phüyi thsü. Shulün-pangkhümpü ju athüredung mülade akulimnü abolim khiungde bümkhüh lang keaka lakheah. 24Jumonü arünü arü bolung thaachih, “Isanü ha müruknaknü, tüshe ju shepü yo thsübanü azan thsanü,” junangde thaa lakhi amüsühyu dünji:
“Arünü I khimmihbo arü bolung chama lu,
tüsho I khimmih thsungkheak arünü azan thsü.”
Jumonü bonungrübonü harü rhimo.
25Kheakü Jisu sangkim ki abe, abe niurü Klopa niube Mari, tüsho Mari Magdalen lakheah. 26Jumonü küyimki Jisunü abe le apinü amuzhokhi jingyanrü zhipde angükhea, apinü abe ki tha, “Aliberü, nü tsührü kheahang!” 27Jushu apinü jingyanbuh ki tha, “Nü be kheahang!” Tüsho ju kim chingnü jingyanbuhnü alibe ju anihbuh yam ching bede yü.
Jisu Shekhi
(Mt 27.45-56; Mk 15.33-41; Lk 23.44-49)
28Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!” 29Kheakü asan ke mide azahkhi phüh khülang ju kheak lakheah; arünü minapnü asan ke ching thsambah dükheangmung kheak yihkih, tüsho amün ching yukjih. 30Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.
Jisu Rheang Düchipashungkhi
31Jumonü ju athsakhamkhi nimung thsükhinü, pangbo ju Amuni sangkim kheak mükihpü lakhi hode (tümüde Amuni ju adungto nimung lakheah), arü jingbo yihshakbah lude atsopü thsüde Jihudarünü Pilat ki keokhi. 32Judüki bonungrübo arü tüsho akhuhbuh le püpü api lung yümkih-a lakhi jingbo yihshak. 33Tüshe küyimki arünü Jisu kilim arübah api shea ngükhea, arünü ajingbo müyihshak. 34Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk. 35(Tüsho shepünü angükheanü thiyumütsan thsü, tüsho api thiyumütsan thiyuro; tüsho apinü thiyuro thachoh de apinü mükheahlah, junangde nüsanü akinbah.) 36Tümüde amüsühyu dünjipü thsüde harü rhimokheah, “Api robo khülang she müyihshak.” 37#Ami 1.7Tüsho kheaküshe amüsühyu püpünü thachoh, “Arünü düchipashungbuh kheak arünü akheahbah.”
Jisu Mi Bahkhi
(Mt 27.57-61; Mk 15.42-47; Lk 23.50-56)
38Ju dunglim Jisu jingyanrü Arimathearü Josepnü Jihudarü trekhinü ramde Jisu mi lude atsopü Pilat ki keokhi; tüsho Pilatnü api ki mülüjih. Jumonü apinü arübah Jisu mi ju lu. 39#Jhn 3.1,2Tüsho akhuhlim Jisu kilim azhing ching arübuh Nikodemanü jinjinlak tüsho aloe düsahkhi rhümthüneabe khahngak 30 bande lubah arü. 40Jushu anenü Jisu mi lu, tüsho Jihudarü mibah yakli yande rhümthüneabebo bede amütri khimthünak ching hing. 41Kheakü api yümkihkhi dangpung ju shahwün khülang lakheah, tüsho shahwün ching ju she müyapkhi kiuyuk aso khülang lakheah. 42Jumonü anenü ju ching Jisu yapshih, tümütüsho ju Jihudarü athsakham nimung tüsho kiuyuk ju phünide alakheah,
Currently Selected:
JOHAN 19: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
JOHAN 19
19
1Jüdüki Pilatnü Jisu bea lubah rhap. 2Tüsho bonungrübonü ayang kuthran thsübah aku kheak thranjih, tüsho arünü api kheak mürümmuchu shulünkhim phuyujih. 3Arünü tha, “Jihudarü kiulongthsüpuh, tsüde laang!” Tüsho arü khahnü api dam. 4Kheaküshe Pilatnü wukhiuk, tüsho arü ki tha, “Inü api kheak amülim tümü müyimkhit de nüsanü amükheahpü thsüde inü api nüsa kilim bede akhiukchoh.” 5Judüki Jisunü ayang kuthran tüsho mürümmuchu shulünkhim yihbah akhiuk. Tüsho Pilatnü arü ki tha, “Mihtsürü kheahang!” 6Jumonü küyimki amükeam putungrü tüsho atorübonü api ngükhea, arünü zhide tha, “Api yümkihang, api yümkihang!” Pilatnü arü ki tha, “Nüsanü api lubah yümkihang, tümüde inü api kheak amülim tümü müyimkhit.” 7Jihudarünü api ki alo, “Isa yakzan khülang lah, tüsho isa yakzan yande api ashepü tsütsü, tümütüsho api aküdah thsüde Thrünpuh tsührü kamshihdo.” 8Jumonü küyimki Pilatnü ju thakhi sokhea, api alü trede kam, 9tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.” 10Judüki Pilatnü api ki tha, “Nünü I ki thiyu müthaba de? Inü nü yümkihpü tüsho adükhepü wu lah de nünü mümükheah de?” 11Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”
12Ju kim chingnü Pilatnü api dükhepü mürang, tüshe Jihudarünü zhide tha, “Nünü ha mihtsürü tsoshihsho, nü a Kaesar müyambuh yung. Shepünü nihbuh küdahnü kiulongthsürü kamchonü Kaesar azhihde asukchoh.” 13Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin. 14Kheakü ju phungho-thünio thsakhampü nimung tüsho animuro lakheah. Tüsho apinü Jihudarü ki tha, “Nüsa kiulongthsüpuh kheahang!” 15Tüshe arünü zhi, “Api sheshang, api sheshang! Api yümkihang!” Pilatnü arü ki tha, “Inü nüsa kiulongthsüpuh yümkihba shi?” Amükeam putungrübonü alo, “Kaesar kheak hode isa kiulongthsürü müla!” 16Jumonü apinü arü kilim api yümkihpü jih. Junangde Jisu bea lubah tso.
Jisu Yümkihkhi
(Mt 27.32-44; Mk 15.21-32; Lk 23.26-43)
17Tüsho apinü sangkim hanbah Ibri yunü Golgotha de ajikhi kuro dangpung ching yü, 18ju ching arünü api yümkih, tüsho api lung püpürü mahne, Jisu aphulung thsübah thrip aban yümkih. 19Kheakü Pilatnü thiyu thrütbah sangkim kheak yihkih. Tüsho athrütkhi ju ha lakheah: Jihudarü kiulongthsüpuh, nazarethrü jisu. 20Jihudarü ahihdonü ha thrütkhi khe, tümüde Jisu yümkihkhi dangpung ju kiuto phünide alakheah; tüsho ju Ibri, Greek, tüsho Latin yunü thrüta lakheah. 21Judüki Jihudarü amükeam putungrübonü Pilat ki tha, “Jihudarü kiulongthsüpuh de düthrüt, tüshe ‘I Jihudarü kiulongthsüpuh,’ de ha mihtsürünü athakheah.” 22Pilatnü alo, “Inü tümü thrütdünü, inü thrütdo.” 23Küyimki bonungrübonü Jisu yümkihkheanü api khimmihbo le shulün-pangkhümpübo arü abande khülang khülang lubah shihcham phüyi thsü. Shulün-pangkhümpü ju athüredung mülade akulimnü abolim khiungde bümkhüh lang keaka lakheah. 24Jumonü arünü arü bolung thaachih, “Isanü ha müruknaknü, tüshe ju shepü yo thsübanü azan thsanü,” junangde thaa lakhi amüsühyu dünji:
“Arünü I khimmihbo arü bolung chama lu,
tüsho I khimmih thsungkheak arünü azan thsü.”
Jumonü bonungrübonü harü rhimo.
25Kheakü Jisu sangkim ki abe, abe niurü Klopa niube Mari, tüsho Mari Magdalen lakheah. 26Jumonü küyimki Jisunü abe le apinü amuzhokhi jingyanrü zhipde angükhea, apinü abe ki tha, “Aliberü, nü tsührü kheahang!” 27Jushu apinü jingyanbuh ki tha, “Nü be kheahang!” Tüsho ju kim chingnü jingyanbuhnü alibe ju anihbuh yam ching bede yü.
Jisu Shekhi
(Mt 27.45-56; Mk 15.33-41; Lk 23.44-49)
28Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!” 29Kheakü asan ke mide azahkhi phüh khülang ju kheak lakheah; arünü minapnü asan ke ching thsambah dükheangmung kheak yihkih, tüsho amün ching yukjih. 30Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.
Jisu Rheang Düchipashungkhi
31Jumonü ju athsakhamkhi nimung thsükhinü, pangbo ju Amuni sangkim kheak mükihpü lakhi hode (tümüde Amuni ju adungto nimung lakheah), arü jingbo yihshakbah lude atsopü thsüde Jihudarünü Pilat ki keokhi. 32Judüki bonungrübo arü tüsho akhuhbuh le püpü api lung yümkih-a lakhi jingbo yihshak. 33Tüshe küyimki arünü Jisu kilim arübah api shea ngükhea, arünü ajingbo müyihshak. 34Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk. 35(Tüsho shepünü angükheanü thiyumütsan thsü, tüsho api thiyumütsan thiyuro; tüsho apinü thiyuro thachoh de apinü mükheahlah, junangde nüsanü akinbah.) 36Tümüde amüsühyu dünjipü thsüde harü rhimokheah, “Api robo khülang she müyihshak.” 37#Ami 1.7Tüsho kheaküshe amüsühyu püpünü thachoh, “Arünü düchipashungbuh kheak arünü akheahbah.”
Jisu Mi Bahkhi
(Mt 27.57-61; Mk 15.42-47; Lk 23.50-56)
38Ju dunglim Jisu jingyanrü Arimathearü Josepnü Jihudarü trekhinü ramde Jisu mi lude atsopü Pilat ki keokhi; tüsho Pilatnü api ki mülüjih. Jumonü apinü arübah Jisu mi ju lu. 39#Jhn 3.1,2Tüsho akhuhlim Jisu kilim azhing ching arübuh Nikodemanü jinjinlak tüsho aloe düsahkhi rhümthüneabe khahngak 30 bande lubah arü. 40Jushu anenü Jisu mi lu, tüsho Jihudarü mibah yakli yande rhümthüneabebo bede amütri khimthünak ching hing. 41Kheakü api yümkihkhi dangpung ju shahwün khülang lakheah, tüsho shahwün ching ju she müyapkhi kiuyuk aso khülang lakheah. 42Jumonü anenü ju ching Jisu yapshih, tümütüsho ju Jihudarü athsakham nimung tüsho kiuyuk ju phünide alakheah,
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.