WANGSHEMBU MWOT 5
5
Anania hia Safira nyi
1Anania le amünkya mixsün tuita tüikya, chix kakonu angchu Safira le amün. Chixe chix ma tüikya tuina hidaole hang, 2üntoxle hokakonu hokhi mong notom laxle ngun ahanle chix hanpak ang tui, ilaxle ija chaktua komle wangshembu chak to kox; 3Pitar-e chix ang thüi: “Anania, nange ma tuina hangkya ma kopkya ngun ahanle tuilaxle nang mongto bao wang ang tom ilaxle Otsao Chasa büthüikoxle dyenpu? 4Mahangba ija tuina nang kux changkya, üntoxle nange ija hang füimachu ngun a nang kux wüi changpu. Jangchangba, nange ile moküile büthüikya ma texle koplaxpu? Nange khünakbu dyenkya chichang ikoxle Zang dyenpu!” 5Ija kax atat tsuakkya füi tomle Anania nguakle zi; ilaxle ija ngünkya hia atatkyabu huanuma za. 6Naosünbu dong, chix mang ashep ilaxle homtho to alai üntoxle akhün. 7Anania ziüna le chiawan laxle, khonta azom tukux aba füima chix kakonu Pitar ngokya khato nople hüi. 8Pitar-e she ma atüi: “Ku hama apua hüi, nang kakopa hünkhie tuina hangkya ma kopkya ngun komle ibibi wüi changlaxma?” Safira-e lan: “Changpu, ibibi wüi a.”
9Ifüima Pitar-e she ang thüi: “Nang kakopa hünkhie Zang thwontsing-üihexo le büthüikya to texle koplaxpu? Nang kakopa akhünkya naosünbu ipongkhae kafülom ma tüile, ilaxle nangchu wüi hwome homtho to paile alaiüi!” 10Ifüi tomle she chix chitong ma nguakle zi. Naosünbu donglaxle hukoxle she ziün le bang, idaile hwome homtho to paile alai üntoxle hokakopa zuima akhün. 11Müimüithom pangnu ilaxle mamabuechu wüi, opange ija zing atat laxpuix huanuma zale khomtsi.
Khomtsikya hia Ohünotün Mwotbu
12Khünakbue ngünle hwom khama khomtsikya hia ohünotün mwotbu wangshembue mokle aho. Solomon nya-o ma mongong mixbu müitom tuita ang asox. 13Khünaknue hwom mo müihule le wün koxlechu hwom khato nui ang monge chwomkya mix tuita ngaxchu chitüi. 14Ikoxlechu khünaknu, Jowanpa to ongkyabu thom, sheko-lüka pangnu, hwom othom khato sühak-sühak le hakle hüi. 15Wangshembue khomtsikya hia ohünotün mwotbu mokle ahokya makhange, Pitar leüima chix chaxba engax thüichu, züizüi to thüingaxchu lyenle naxtox le khünaknue kakmixbu lya hia dombu ma paile lomnu to alai. 16Haxshix chasabu füikya khünakbu hia mama zangjang kakmixbu laxlaxle Jerusalem ozui onam tingnok tokya khunakbu ngui; ilaxle hwom pangnusa wüi amüi.
Wangshembu Zothupkya
17Ofüima Nguakho hia ikhama tüikya sadukibu khama mün tüikyabu, opang chix füikyabu changkya hex, hwom mongto wünchua dong le wangshem nyi to miktsak; idaile hokhi ang sikngün fa angkya wüi changpu le hwome zangwün tsuak. 18Hwome wangshem nyi koplaxle noknga kun ma khale thom. 19Ikoxle ija ja Jowanpa kaxtaimixe kun ka daple kox üntoxle wangshem nyi alai laxle hokhi ang thüi: 20“Paokox üntoxle Zangshwom-Hom to nguikox, üntoxle khünaknu hama ija tsünzün lomtang pangnu bama apuakox.” 21Wangshem nyie ija kax ma lax, ilaxle swomsae wüi Zangshwom-Hom to donglaxle anwot-ano ang süt.
Nguakho hia chix füikyabue Jehudi nok mixpa tüichong pangnu nguawang katzua lax nyakle asox; ilaxle hwome wangshem nyi hwom hato apüi angkya hanpakma kople thomkya kun nyetmixbu hato kaxkox. 22Ikoxle Zangshwom-Hom nyetmixbu nguikya thoma hokhi ija kun khama chibang; idaile hwom chatlaxle nguawangbu hato kaxwün wang. 23Hwome thüi: “Kwom thoma kun ka mongle wüi hakle bangpu, ilaxle nyetmixbuechu fülom ma tyale wüi nyele nuipu; ikoxle ka daplaxle hwom dongkya thoma wangshem nyi opupuchu münbang!” 24Otue Zangshwom-Hom nyetmix khama akhokya hia nguakhobue ija kax atat laxpuix, wangshem nyi to chempang thüikya changkoxpu le khosam. 25Ipongkhae khünak tuita nguawang ngwotnui to nguilaxle hwom ang thüi: “Apalax! Hünzome kun ma shole toxkya khünak nyi a ipongkhae Zangshwom-Hom ma tüile; hokhie khünaknu hama anwot-ano ngole.” 26Idaile Zangshwom-Hom nyetmix akhokyae chix khünakbu koplaxle ikhato pao ilaxle wangshem nyi chatle apüi. Bachutix zongzukle chichang, chemthüikoxle hwomchu wüi khünaknue long füi nakthup fa le za.
27Hwome wangshem nyi hommong to dünlaxle nguawangbu tu ma hokhi ajong ang tom ilaxle nguakhoe sa. 28#Mat 27.25.Chixe thüi: “Kwome ija mixsün mün ma anwot-ano le taxchango le kaxkox füima, hulax, hünkhie chem mokpuix! Hünkhie anwot-anokyae Jerusalem okhui apong daoa; ilaxle chix langkya bama zangwün hünzome kwom khangkho ma adütse le texkya chang!”
29Pitar üntoxle wangshem mamae hwom kax to lan: “Kwome Zang kax ma lax angkya changle, khünak kax ma münchang. 30Hünzome pünsak ma takle langkya füima, kwom pupa hwom Zange ija Jisu chatle azang ang tompu. 31Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu. 32Kwom ilaxle kwom füi tomle, Zange chix kax ma laxkyabu ang hingho ang fakya Otsao Chasa, kwom pangnu wüi ibu bama kaxkhi changpu.”
33Ija kax atatlaxle nguakhobu ang wün ma lai khi le mongtsik dong üntoxle wangshembu mik amütse tsu. 34Ikoxle hwom khama Gamaliel le amünkya farisi mixsün tuita tüikya; chix a noke chathua zale e-sekya mix tuita wanlom nwotmixbu changkya; chix nguawangbu tu ma ajong. Chixe wangshembu homtho to alai angkya kaxkox, 35ilaxle nguawangbu füi akax: “Ibibi Israel khünaknu, hünzome ibu khünakbu to chakmok ang ajong ngokya bama chatle tam ajanghüi. 36Amipongechu Theoda le amünkya mix, chixchu wüi akhokya mix tuita changpu le ma alüile achuakle tülaidaopu; ilaxle chix füito ho-ali tukux khünak azui. Chix a langle awüt ilaxle chix füito azuikyabu afanle pao, ilaxle chixe apukkya tuwuk olom olithu le maxpu. 37Ifüima khünak huak akiakkya tuke Galili nok Judas le amünkya lai; chixechu wüi khünaknu chix füito jikle lax, ikoxle chixchu wüi lang üntoxle chix füito azuikyabu pangnu paole sam. 38Idaile ija zangwün bamachu kue hünzom ang thüipu, ibu khünakbu to chemlechu taxthüi ngo. Hwom a hwom mongtex ma tadan, chemthüikoxle ija mwottho hia ajekya khünake zingkya mwot jangchang thüiba, ija a maxlax angpuix; 39ikoxle ija a Zang tokhange hüikya jangchang thüiningle hünzome hwom to lüt ang münthopu. Itülüi, hünzom mix Zang füi alünkya ang achangle bangüi!”
Nguawangbue Gamaliel kax changkoxa le lax. 40Hwome wangshembu sele dün, nyetmixbu ang hwom to fit ang tsan, ilaxle Jisu mün ma chatle tam taxakax-ole kaxkox üntoxle hwom danle apao. 41Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi. 42Ilaxle nyixfole Zangshwom-Hom hia khünak homkhabu to hwome Messaiah, tuita Jisu Khrista bama Kaxho Müikya anwot-anole apuk-apua.
Currently Selected:
WANGSHEMBU MWOT 5: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
WANGSHEMBU MWOT 5
5
Anania hia Safira nyi
1Anania le amünkya mixsün tuita tüikya, chix kakonu angchu Safira le amün. Chixe chix ma tüikya tuina hidaole hang, 2üntoxle hokakonu hokhi mong notom laxle ngun ahanle chix hanpak ang tui, ilaxle ija chaktua komle wangshembu chak to kox; 3Pitar-e chix ang thüi: “Anania, nange ma tuina hangkya ma kopkya ngun ahanle tuilaxle nang mongto bao wang ang tom ilaxle Otsao Chasa büthüikoxle dyenpu? 4Mahangba ija tuina nang kux changkya, üntoxle nange ija hang füimachu ngun a nang kux wüi changpu. Jangchangba, nange ile moküile büthüikya ma texle koplaxpu? Nange khünakbu dyenkya chichang ikoxle Zang dyenpu!” 5Ija kax atat tsuakkya füi tomle Anania nguakle zi; ilaxle ija ngünkya hia atatkyabu huanuma za. 6Naosünbu dong, chix mang ashep ilaxle homtho to alai üntoxle akhün. 7Anania ziüna le chiawan laxle, khonta azom tukux aba füima chix kakonu Pitar ngokya khato nople hüi. 8Pitar-e she ma atüi: “Ku hama apua hüi, nang kakopa hünkhie tuina hangkya ma kopkya ngun komle ibibi wüi changlaxma?” Safira-e lan: “Changpu, ibibi wüi a.”
9Ifüima Pitar-e she ang thüi: “Nang kakopa hünkhie Zang thwontsing-üihexo le büthüikya to texle koplaxpu? Nang kakopa akhünkya naosünbu ipongkhae kafülom ma tüile, ilaxle nangchu wüi hwome homtho to paile alaiüi!” 10Ifüi tomle she chix chitong ma nguakle zi. Naosünbu donglaxle hukoxle she ziün le bang, idaile hwome homtho to paile alai üntoxle hokakopa zuima akhün. 11Müimüithom pangnu ilaxle mamabuechu wüi, opange ija zing atat laxpuix huanuma zale khomtsi.
Khomtsikya hia Ohünotün Mwotbu
12Khünakbue ngünle hwom khama khomtsikya hia ohünotün mwotbu wangshembue mokle aho. Solomon nya-o ma mongong mixbu müitom tuita ang asox. 13Khünaknue hwom mo müihule le wün koxlechu hwom khato nui ang monge chwomkya mix tuita ngaxchu chitüi. 14Ikoxlechu khünaknu, Jowanpa to ongkyabu thom, sheko-lüka pangnu, hwom othom khato sühak-sühak le hakle hüi. 15Wangshembue khomtsikya hia ohünotün mwotbu mokle ahokya makhange, Pitar leüima chix chaxba engax thüichu, züizüi to thüingaxchu lyenle naxtox le khünaknue kakmixbu lya hia dombu ma paile lomnu to alai. 16Haxshix chasabu füikya khünakbu hia mama zangjang kakmixbu laxlaxle Jerusalem ozui onam tingnok tokya khunakbu ngui; ilaxle hwom pangnusa wüi amüi.
Wangshembu Zothupkya
17Ofüima Nguakho hia ikhama tüikya sadukibu khama mün tüikyabu, opang chix füikyabu changkya hex, hwom mongto wünchua dong le wangshem nyi to miktsak; idaile hokhi ang sikngün fa angkya wüi changpu le hwome zangwün tsuak. 18Hwome wangshem nyi koplaxle noknga kun ma khale thom. 19Ikoxle ija ja Jowanpa kaxtaimixe kun ka daple kox üntoxle wangshem nyi alai laxle hokhi ang thüi: 20“Paokox üntoxle Zangshwom-Hom to nguikox, üntoxle khünaknu hama ija tsünzün lomtang pangnu bama apuakox.” 21Wangshem nyie ija kax ma lax, ilaxle swomsae wüi Zangshwom-Hom to donglaxle anwot-ano ang süt.
Nguakho hia chix füikyabue Jehudi nok mixpa tüichong pangnu nguawang katzua lax nyakle asox; ilaxle hwome wangshem nyi hwom hato apüi angkya hanpakma kople thomkya kun nyetmixbu hato kaxkox. 22Ikoxle Zangshwom-Hom nyetmixbu nguikya thoma hokhi ija kun khama chibang; idaile hwom chatlaxle nguawangbu hato kaxwün wang. 23Hwome thüi: “Kwom thoma kun ka mongle wüi hakle bangpu, ilaxle nyetmixbuechu fülom ma tyale wüi nyele nuipu; ikoxle ka daplaxle hwom dongkya thoma wangshem nyi opupuchu münbang!” 24Otue Zangshwom-Hom nyetmix khama akhokya hia nguakhobue ija kax atat laxpuix, wangshem nyi to chempang thüikya changkoxpu le khosam. 25Ipongkhae khünak tuita nguawang ngwotnui to nguilaxle hwom ang thüi: “Apalax! Hünzome kun ma shole toxkya khünak nyi a ipongkhae Zangshwom-Hom ma tüile; hokhie khünaknu hama anwot-ano ngole.” 26Idaile Zangshwom-Hom nyetmix akhokyae chix khünakbu koplaxle ikhato pao ilaxle wangshem nyi chatle apüi. Bachutix zongzukle chichang, chemthüikoxle hwomchu wüi khünaknue long füi nakthup fa le za.
27Hwome wangshem nyi hommong to dünlaxle nguawangbu tu ma hokhi ajong ang tom ilaxle nguakhoe sa. 28#Mat 27.25.Chixe thüi: “Kwome ija mixsün mün ma anwot-ano le taxchango le kaxkox füima, hulax, hünkhie chem mokpuix! Hünkhie anwot-anokyae Jerusalem okhui apong daoa; ilaxle chix langkya bama zangwün hünzome kwom khangkho ma adütse le texkya chang!”
29Pitar üntoxle wangshem mamae hwom kax to lan: “Kwome Zang kax ma lax angkya changle, khünak kax ma münchang. 30Hünzome pünsak ma takle langkya füima, kwom pupa hwom Zange ija Jisu chatle azang ang tompu. 31Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu. 32Kwom ilaxle kwom füi tomle, Zange chix kax ma laxkyabu ang hingho ang fakya Otsao Chasa, kwom pangnu wüi ibu bama kaxkhi changpu.”
33Ija kax atatlaxle nguakhobu ang wün ma lai khi le mongtsik dong üntoxle wangshembu mik amütse tsu. 34Ikoxle hwom khama Gamaliel le amünkya farisi mixsün tuita tüikya; chix a noke chathua zale e-sekya mix tuita wanlom nwotmixbu changkya; chix nguawangbu tu ma ajong. Chixe wangshembu homtho to alai angkya kaxkox, 35ilaxle nguawangbu füi akax: “Ibibi Israel khünaknu, hünzome ibu khünakbu to chakmok ang ajong ngokya bama chatle tam ajanghüi. 36Amipongechu Theoda le amünkya mix, chixchu wüi akhokya mix tuita changpu le ma alüile achuakle tülaidaopu; ilaxle chix füito ho-ali tukux khünak azui. Chix a langle awüt ilaxle chix füito azuikyabu afanle pao, ilaxle chixe apukkya tuwuk olom olithu le maxpu. 37Ifüima khünak huak akiakkya tuke Galili nok Judas le amünkya lai; chixechu wüi khünaknu chix füito jikle lax, ikoxle chixchu wüi lang üntoxle chix füito azuikyabu pangnu paole sam. 38Idaile ija zangwün bamachu kue hünzom ang thüipu, ibu khünakbu to chemlechu taxthüi ngo. Hwom a hwom mongtex ma tadan, chemthüikoxle ija mwottho hia ajekya khünake zingkya mwot jangchang thüiba, ija a maxlax angpuix; 39ikoxle ija a Zang tokhange hüikya jangchang thüiningle hünzome hwom to lüt ang münthopu. Itülüi, hünzom mix Zang füi alünkya ang achangle bangüi!”
Nguawangbue Gamaliel kax changkoxa le lax. 40Hwome wangshembu sele dün, nyetmixbu ang hwom to fit ang tsan, ilaxle Jisu mün ma chatle tam taxakax-ole kaxkox üntoxle hwom danle apao. 41Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi. 42Ilaxle nyixfole Zangshwom-Hom hia khünak homkhabu to hwome Messaiah, tuita Jisu Khrista bama Kaxho Müikya anwot-anole apuk-apua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.