LUK 20
20
Jisu Tsakzong bama Atüikya
(Mat 21.23-27; Mrk 11.27-33)
1Nyixta Jisu-e Zangshwom-Hom ma Kaxho Müikya bama hwon-ano le ngoponge, nguakhobu hia Wanlom tsingpabu, mixpa tüichongbu füi tomlaxle ngui. 2Ilaxle chix ang thüi: “Kwom hama apua hüi, chemtsak-chemzong füi nange ibu mokpu? Chichangba ibu mok angkya hanpakma nang ang tsakzong koxkya owa?”
3Jisu-e hwom ang thüi: “Kuechu hünzom ma kaxfa tuita atüifang. 4Ku hama apua hüi; Bapti fa angkya tsakzong Juhan hato Zang tokhange hüipia hia khünak tokhange hüipuix?”
5Hwome tata füi zangwünle thüi: “Keme chemle lanüi? Zang tokhange le thüi ang koxnang, ‘Jangchangba hünzome chix to büthüikoxle chiong’ le chixe wüi thüiüi. 6Ikoxle keme khünak tokhange le jangthüi thünchu, ibu khünaknu noke kem to longfüi thupüi; chemthüikoxle hwome Juhan chuwüi ajepa tuita changpule ongle.” 7Idaile hwome thüi: “Ojong tokhange hüipuix kwome münawan.”
8Üntoxle Jisu-e hwom ang thüi: “Kuechu, chemtsak-chemzong füi kue ibu mokpuix münapua.”
Haxtok Manzaimixbu Kaxpan
(Mat 21.33-46; Mrk 12.1-12)
9 #
Isa 5.1. Ifüima Jisu-e khünaknu ang kaxpan ija akax: “Hanpak tuita ma grep manzaikya mix tuita tüikya, üntoxle mwotmok mixbu ang hingmo chaomo angkya dantoxlaxle, chix mixnok ting to ozulole ngo ang pao. 10Üntoxle otu nguikya zuma manzai mixbu ma chix tsyen grep süisai ang da tuita tsanle akat; ikoxle manzai mixbue chix to fitmüi laxle ohua ma achat. 11Anaolechu chixe da tuita akat; üntoxle hwome chix tochu wüi fit, chatlechu wüi zak akople hwon laxle chix ohua ma achat. 12Anaolechu chixe da azom lükya tsanle akat; üntoxle chix to sisi mak-kha laxle jwonle apao. 13Ifüima grep haxtok hopunue thüi: ‘Kue chemle hwonüi? Kue ku mongkün kusa akatüi; hwom chix chathua zaüi changtüi angpu!’ 14Ikoxlechu mwotmok mixbue chix ngünkya zuma, hwome tata füi zangwün, ‘Ija a haxtok hopunu sasün jao changle; kemepi chix langhax, ilaxle mantswon angkya kem hato nguiüi!’ 15Tamtaile hwome chix grep haxtok angkya achuale apao ilaxle langle awüt. Jisu-e atüi, ‘Athaxpi ija grep haxtok hopunue hwom to chemle hwonüi?’ 16Chix nguiüi, üntoxle ibu manzai mixbu pangnu wüi oli thule amütüi üntoxle ija grep haxtok mama manzai mixbu ang koxüi.” Üntoxle ija kax atatkya zuma hwome thüi: “Ile büle changüi?”
17 #
Mts 118.22. Ikoxlechu chixe hwom to hulaxle thüi: “Jangchangba,
‘Homzing mixbue chilaxle awütkya long,
homkom-longnu akhokya ang achangüi!
le zale thomkya a chem chang?’ le thüikya Otsao Lai Kax a chem?
18Ija long tok ma owa dütüi hex, chix akhixle amütüi, ilaxle owa ma ija dütüihex, ijae chix labu ang achangle akhixüi.”
Süi Koxkya bama Atüikya
(Mat 22.15-22; Mrk 12.13-17)
19Ija kaxpan hwom to dyenle akax ngopule awanlaxle Wanlom tsingpabu hia nguapa akhokyabue ikhama wüi Jisu kop ang azong; ikoxlechu hwom khünaknu thua za. 20Ilaxle hwome oshua to hule ngo. Künkox-mongkoxkya khünak ningle hüilaxle chix dyen angkya hanpakma hwome khünkhi-khikya khünak züita shak ilaxle kax atüikyabu füi Jisu tsün angkya hanpakma hwom tsanle apao. Apün-awangkyabu hia Roman gowarnor chak to chix owüiole koxtsuak angkya kuxmale hwome ile hwon. 21Khualop mix ibue Jisu ang thüi: “Nwotmix, nange chem akaxpuix üntoxle chem anwot-anopuix ibu pangnu thaikya müntüile kwome awanle. Nange khünak chifün to chihu homle khünak hanpakma Jowanpa mongtex otsingtsing apuapu le kwome awanle. 22Kwome Roman gowarnor ang süi kox angkya olom chichang hia changpuix kwom hama apua hüi?”
23Ikoxle Jisu-e hwom tsingtsang awanlaxle, hwom ang thüi: 24“Ku ang jan ngun tuita ahohüi. Ijama khang zing üntoxle mün zale thomkya mix owa?” Hwome lan: “Ibu a chongwangpa mua üntoxle chix mün changpu.”
25Idaile Jisu-e thüi: “Müidaoa, oja chongwang tsyen hex chongwang ang laxkox ilaxle oja Zang tsyen hex Zang ang laxkox.” 26Ikhama khünaknu pomthoma hwome Jisu kop ang chitho, idaile Jisu kaxlan to abüt üntoxle khosam laxle hwom dangle ngo.
Anaole Zokya bama Atüikya
(Mat 22.23-33; Mrk 12.18-27)
27 #
Mwt 23.8. Zidaokya chatle münzotox le thüikya sadukibu züizüi chix hato ngui. 28#Tsk 25.5.Ilaxle hwome chix ma atüi: “Nwotmix, owawae naosom chitox homle ma kakonu dantoxlaxle zikoxle, ija zomnu a zikya mix honao ma shongüi ilaxle chix hanpakma sixli alai angkya changle le Mosa-e kwom ang zale toxpu. 29Ikoxle homkha tuita ma hotüi honao hwom mixsün anüt tüikya; tüichongpae sheko tuita lax ilaxle naosom chitox homle chix zile pao. 30Üntoxle anyi lekyae ilaxlechu azom lekyae le she ma kako ang lax; 31Ile hwom mixsün anüt pangnue wüi she ma kako ang lax üntoxle naosom chitox homle hwom pangwüi zile pao. 32Oshukma ija mixchachu wüi zile pao. 33Ijadaile anaole zokya zuma she a hwom kha angkya opupu kakonu ang achangüi? Chemthüikoxle she a hwom pangnue wüi kako ang laxle hüidaokya changle.”
34Jisu-e lan le hwom ang thüi: “Chaxwannu tsün ma ngotanto khünake sheko lüka le aju-asomle; 35Ikoxle opang zidaokya chatle azangle zolaxle füichi tsün ma ozün ma ngotang tüilaxpuix hwom hanpakma tuiju-nasomkya müntüiüi. 36Hwom chatle münzi toxüi chemthüikoxle hwom a kaxtaimixbu ningle achangüi. Zidaokya anaole zokyabu daile hwom a Zang susabu changpu.
37 #
Lai 3.6. “Mosa-e fum ma wünchua le ngokya kha bama akax pongma Abraham Zang, Isak Zang üntoxle Jakop Zang le lünkyae zidaokyabu chatle zo angkya atsingsho le ahole. 38Idaile chix omangbu Zang münchang, athax chix ozün ma tüikyabu Zang changpu, chemthüikoxle pangnu wüi chix ma ozün ma ngopu.”
39Wanlom nwotmixbu züizüie chix kax to lanle thüi: “Nwotmix, nange müile wüi landaoa!” 40Ijakoxle hwome chix ma chatle atüi angkya mong chichong.
Messaiah bama Atüikya
(Mat 22.41-46; Mrk 12.35-37)
41Jisu-e hwom ma atüi: “Messaiah a Dawid sixli changüi le büle thüitsuaküi? 42#Mts 110.1.Chemthüikoxle Dawid, chixe alüile Achuak Tsai ma thüitüi:
“‘Jowanpa-e ku Jowanpa ang thüi:
Ikha Ku tsaxchi ma ngolax
43Kue nang zanbu china ningle,
nang chifa fangma mathomba.’
44Dawid-e chix ang: ‘Jowanpa’ le nyak; jangchangba büthüikya to Messaiah ang Dawid sixli changle le thüitsuaküi?”
Wanlom Nwotmixbu Bama Khün angkya Kax Jisu-e akax
(Mat 23.1-36; Mrk 12.38-40)
45Khünaknu noknue chix kax apale ngoponge, chixe wangshembu ang thüi: 46“Wanlom tsingpabu opange nyilo tholaxle ahamse tsu üntoxle thalex nui to khünaknue hwom shwomkya to künpuix; opange sinagokbu to atsuakya tüntong lom ilaxle fongkhakya khama ngwotnui amüimüi lomlaxpuix; 47Opange zomnubu chwom laxle hwom hombu tsuipuix, ilaxle naxzao le ozulole zangjop puix, ibu Wanlom nwotmixbu hanpakma likhünlax! Akhole ma angkya a hwom sikngün changle.”
Currently Selected:
LUK 20: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
LUK 20
20
Jisu Tsakzong bama Atüikya
(Mat 21.23-27; Mrk 11.27-33)
1Nyixta Jisu-e Zangshwom-Hom ma Kaxho Müikya bama hwon-ano le ngoponge, nguakhobu hia Wanlom tsingpabu, mixpa tüichongbu füi tomlaxle ngui. 2Ilaxle chix ang thüi: “Kwom hama apua hüi, chemtsak-chemzong füi nange ibu mokpu? Chichangba ibu mok angkya hanpakma nang ang tsakzong koxkya owa?”
3Jisu-e hwom ang thüi: “Kuechu hünzom ma kaxfa tuita atüifang. 4Ku hama apua hüi; Bapti fa angkya tsakzong Juhan hato Zang tokhange hüipia hia khünak tokhange hüipuix?”
5Hwome tata füi zangwünle thüi: “Keme chemle lanüi? Zang tokhange le thüi ang koxnang, ‘Jangchangba hünzome chix to büthüikoxle chiong’ le chixe wüi thüiüi. 6Ikoxle keme khünak tokhange le jangthüi thünchu, ibu khünaknu noke kem to longfüi thupüi; chemthüikoxle hwome Juhan chuwüi ajepa tuita changpule ongle.” 7Idaile hwome thüi: “Ojong tokhange hüipuix kwome münawan.”
8Üntoxle Jisu-e hwom ang thüi: “Kuechu, chemtsak-chemzong füi kue ibu mokpuix münapua.”
Haxtok Manzaimixbu Kaxpan
(Mat 21.33-46; Mrk 12.1-12)
9 #
Isa 5.1. Ifüima Jisu-e khünaknu ang kaxpan ija akax: “Hanpak tuita ma grep manzaikya mix tuita tüikya, üntoxle mwotmok mixbu ang hingmo chaomo angkya dantoxlaxle, chix mixnok ting to ozulole ngo ang pao. 10Üntoxle otu nguikya zuma manzai mixbu ma chix tsyen grep süisai ang da tuita tsanle akat; ikoxle manzai mixbue chix to fitmüi laxle ohua ma achat. 11Anaolechu chixe da tuita akat; üntoxle hwome chix tochu wüi fit, chatlechu wüi zak akople hwon laxle chix ohua ma achat. 12Anaolechu chixe da azom lükya tsanle akat; üntoxle chix to sisi mak-kha laxle jwonle apao. 13Ifüima grep haxtok hopunue thüi: ‘Kue chemle hwonüi? Kue ku mongkün kusa akatüi; hwom chix chathua zaüi changtüi angpu!’ 14Ikoxlechu mwotmok mixbue chix ngünkya zuma, hwome tata füi zangwün, ‘Ija a haxtok hopunu sasün jao changle; kemepi chix langhax, ilaxle mantswon angkya kem hato nguiüi!’ 15Tamtaile hwome chix grep haxtok angkya achuale apao ilaxle langle awüt. Jisu-e atüi, ‘Athaxpi ija grep haxtok hopunue hwom to chemle hwonüi?’ 16Chix nguiüi, üntoxle ibu manzai mixbu pangnu wüi oli thule amütüi üntoxle ija grep haxtok mama manzai mixbu ang koxüi.” Üntoxle ija kax atatkya zuma hwome thüi: “Ile büle changüi?”
17 #
Mts 118.22. Ikoxlechu chixe hwom to hulaxle thüi: “Jangchangba,
‘Homzing mixbue chilaxle awütkya long,
homkom-longnu akhokya ang achangüi!
le zale thomkya a chem chang?’ le thüikya Otsao Lai Kax a chem?
18Ija long tok ma owa dütüi hex, chix akhixle amütüi, ilaxle owa ma ija dütüihex, ijae chix labu ang achangle akhixüi.”
Süi Koxkya bama Atüikya
(Mat 22.15-22; Mrk 12.13-17)
19Ija kaxpan hwom to dyenle akax ngopule awanlaxle Wanlom tsingpabu hia nguapa akhokyabue ikhama wüi Jisu kop ang azong; ikoxlechu hwom khünaknu thua za. 20Ilaxle hwome oshua to hule ngo. Künkox-mongkoxkya khünak ningle hüilaxle chix dyen angkya hanpakma hwome khünkhi-khikya khünak züita shak ilaxle kax atüikyabu füi Jisu tsün angkya hanpakma hwom tsanle apao. Apün-awangkyabu hia Roman gowarnor chak to chix owüiole koxtsuak angkya kuxmale hwome ile hwon. 21Khualop mix ibue Jisu ang thüi: “Nwotmix, nange chem akaxpuix üntoxle chem anwot-anopuix ibu pangnu thaikya müntüile kwome awanle. Nange khünak chifün to chihu homle khünak hanpakma Jowanpa mongtex otsingtsing apuapu le kwome awanle. 22Kwome Roman gowarnor ang süi kox angkya olom chichang hia changpuix kwom hama apua hüi?”
23Ikoxle Jisu-e hwom tsingtsang awanlaxle, hwom ang thüi: 24“Ku ang jan ngun tuita ahohüi. Ijama khang zing üntoxle mün zale thomkya mix owa?” Hwome lan: “Ibu a chongwangpa mua üntoxle chix mün changpu.”
25Idaile Jisu-e thüi: “Müidaoa, oja chongwang tsyen hex chongwang ang laxkox ilaxle oja Zang tsyen hex Zang ang laxkox.” 26Ikhama khünaknu pomthoma hwome Jisu kop ang chitho, idaile Jisu kaxlan to abüt üntoxle khosam laxle hwom dangle ngo.
Anaole Zokya bama Atüikya
(Mat 22.23-33; Mrk 12.18-27)
27 #
Mwt 23.8. Zidaokya chatle münzotox le thüikya sadukibu züizüi chix hato ngui. 28#Tsk 25.5.Ilaxle hwome chix ma atüi: “Nwotmix, owawae naosom chitox homle ma kakonu dantoxlaxle zikoxle, ija zomnu a zikya mix honao ma shongüi ilaxle chix hanpakma sixli alai angkya changle le Mosa-e kwom ang zale toxpu. 29Ikoxle homkha tuita ma hotüi honao hwom mixsün anüt tüikya; tüichongpae sheko tuita lax ilaxle naosom chitox homle chix zile pao. 30Üntoxle anyi lekyae ilaxlechu azom lekyae le she ma kako ang lax; 31Ile hwom mixsün anüt pangnue wüi she ma kako ang lax üntoxle naosom chitox homle hwom pangwüi zile pao. 32Oshukma ija mixchachu wüi zile pao. 33Ijadaile anaole zokya zuma she a hwom kha angkya opupu kakonu ang achangüi? Chemthüikoxle she a hwom pangnue wüi kako ang laxle hüidaokya changle.”
34Jisu-e lan le hwom ang thüi: “Chaxwannu tsün ma ngotanto khünake sheko lüka le aju-asomle; 35Ikoxle opang zidaokya chatle azangle zolaxle füichi tsün ma ozün ma ngotang tüilaxpuix hwom hanpakma tuiju-nasomkya müntüiüi. 36Hwom chatle münzi toxüi chemthüikoxle hwom a kaxtaimixbu ningle achangüi. Zidaokya anaole zokyabu daile hwom a Zang susabu changpu.
37 #
Lai 3.6. “Mosa-e fum ma wünchua le ngokya kha bama akax pongma Abraham Zang, Isak Zang üntoxle Jakop Zang le lünkyae zidaokyabu chatle zo angkya atsingsho le ahole. 38Idaile chix omangbu Zang münchang, athax chix ozün ma tüikyabu Zang changpu, chemthüikoxle pangnu wüi chix ma ozün ma ngopu.”
39Wanlom nwotmixbu züizüie chix kax to lanle thüi: “Nwotmix, nange müile wüi landaoa!” 40Ijakoxle hwome chix ma chatle atüi angkya mong chichong.
Messaiah bama Atüikya
(Mat 22.41-46; Mrk 12.35-37)
41Jisu-e hwom ma atüi: “Messaiah a Dawid sixli changüi le büle thüitsuaküi? 42#Mts 110.1.Chemthüikoxle Dawid, chixe alüile Achuak Tsai ma thüitüi:
“‘Jowanpa-e ku Jowanpa ang thüi:
Ikha Ku tsaxchi ma ngolax
43Kue nang zanbu china ningle,
nang chifa fangma mathomba.’
44Dawid-e chix ang: ‘Jowanpa’ le nyak; jangchangba büthüikya to Messaiah ang Dawid sixli changle le thüitsuaküi?”
Wanlom Nwotmixbu Bama Khün angkya Kax Jisu-e akax
(Mat 23.1-36; Mrk 12.38-40)
45Khünaknu noknue chix kax apale ngoponge, chixe wangshembu ang thüi: 46“Wanlom tsingpabu opange nyilo tholaxle ahamse tsu üntoxle thalex nui to khünaknue hwom shwomkya to künpuix; opange sinagokbu to atsuakya tüntong lom ilaxle fongkhakya khama ngwotnui amüimüi lomlaxpuix; 47Opange zomnubu chwom laxle hwom hombu tsuipuix, ilaxle naxzao le ozulole zangjop puix, ibu Wanlom nwotmixbu hanpakma likhünlax! Akhole ma angkya a hwom sikngün changle.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.