SIEMCHILBU 24
24
Isaak ziding puina
1Tuin Abraham akumte tam in ahing tehta a, Mangpa’n sil zousie ah a guolzawl hi. 2Tuachi’n Abraham in anei zousie tunga vaihawm, asuohte lah a upapen kungah, “Hepitahin nakhut ka pheipi nuoi ah gol in. 3Tuachi’n, Mangpa van Pasian leh lei Pasian min louin, ka umna Kanaan mite tanute ka tapa zi a neisah lou dingin ka hing kichiem sah ding hi. 4Hinanleh ka gam lam ua ka be leh phungte lah uah pei inlen, ka tapa Isaak zi ding na valah pieh ding ahi” achi hi.
5Tualeh a suohpan a kungah, “A numei in tam gam lamah hing zui utlou thei hi, na tapa na hing pawtkhietna gamlam a ka pui kia ngaiding adiei?” achi hi. 6Tualeh Abraham in a kungah, “Ka tapa tualang a puikia lou dingin pilvang in. 7Mangpa van Pasian, ka pa inn leh ka pienna gam a kipat hing lakhepa leh na hah nasuonte tam gam ka peding chia, ka kung a thugen a kichiem pa’n, a vansawlsieng na masang ah sawl vanin, tuana kipat ka tapa zi na hing neisah ding ahi. 8Tualeh a numei in ahing zui ut vawt sih leh ka kunga na kichiemna thu ah na sieng dinga, abang abang hileh ka tapa tualang ah puikia vawt sin” achi hi. 9Tuachi’n asuoh pa’n akhut apu Abraham phei nuoi ah agol a, tuami thu ah a kichiemta hi.
10Tuachi’n a suohpa’n apu Sangawngsaute lah ah sawm ala a, apu neitah akhut aum zousie tawi in akipan kheta hi. Tuachi’n adingdoh a, Mesopotamia gam a Nahor umna khuo ah ahawta hi. 11Tualeh nitahlam a numeite tuitawi dinga akuon hun laitah un, daigei a tuikhuh kungah a sangawngsaute akhupdinsah a. 12Tuachi’n aman, “Aw Mangpa ka pu Abraham Pasian, hepitah in tunin hing lawchingsah inlen, ka pu Abraham tungah na hepina langsah in. 13Ngaivawi, tanah tuikhuh gei ah ka ding a, khopi mite tanute tui tawiding in ahing kuon uhi. 14Tualeh tambang hiheh, nungahte koi hitaleh, hepitahin ka dawn dingin na tuibel ngiemsah vawiin kachi a, tualeh aman, dawn inlen na sangawngsaute zong kadawn sah ding hi hing chipen pen, tuami ngel khu na suoh Isaak zi dinga na miguot hihen; tuachi’n ka pu tungah hepina na sulang chi, ka thei ding hi” achi hi.
15Tualeh hichi ahing hi a, a thugen azaw masangin ngaivawi, Abraham sanggampa Nahor zi Mikah tapa Bethuel tanu Rebekah, alieng a tuibel puoin ahing kuon hi. 16Tualeh nungah pen amel ahoi mama a, nungah siengthou, pasal pawl kha nai vawtlou ahia; tualeh tuikhuh ah akumsuh a, a tuibel adim a ahing katou kiata hi. 17Tualeh suohpa ama dawn dingin atai a, “Hepitahin na tuibel a tui tawmnou khat hing dawnsah ve,” achi hi.
18Tuichin aman, dawnve, “Ka mangpa” achia, tuachi’n kintahin atuibel akhai ngiemsuh a, adawnsah hi. 19Tualeh tui adawnsah zouin, “Na sangawngsaute a ding zong, akham masangsie uh ka tawipieh zel ding” achi hi. 20Tuachi’n manlangin atuibel a tuite gankuong ah asung a, tui thal dingin atai kia a, a sangawngsau zousie dingin tui athal pieh zel hi. 21Tualeh tua mipa’n amanu a enzinga Mangpa’n a zinna alawchin sah leh chinsahlou theina dingin sip dide in a en khin khian hi.
22Tuachi’n hichi ahing ahia, sangawngsauten tui adawn zoutah un tua mipan shekel kimkhat a gih sana bilba khat leh shekel sawm agih sana tau ni alakhie a, 23Tualeh “Koi tanu na hiei? hepitahin hing hil in, na pa inn ah giehna ding mun aum diei?” achi hi.
24Tuachi’n amanu’n a kungah, “Nahor dinga Milkah in a hinpieh Bethuel tanu ka hi” achi hi. 25Tualouzong, “Gante ann neh ding bupawl leh tunna ding inndan zong aum hi” achi hi.
26Tuachi’n tua mipan alu akunsah a, Mangpa abeta hi. 27Tualeh aman, “Ka pu tunga akhotuona leh athutahna tawpsan ngailou Mangpa ka pu Abraham Pasian phat in um hen, kei zong Mangpa’n ka pu unaute innlam a ahing na pui ahi,” achi hi.
28Tuachi’n nungahnu atai a tam silte anu innkuonpite avahil a, 29Tualeh Rebekah in sanggam pasal khat anei a, amin Laban ahia, tualeh Laban tuikhuh a tua mipa kungah avatai ta hi. 30Tualeh hichi ahing ahia, aman a sanggamnu khuta taute leh bilbate amu a, tualeh a sanggamnu Rebekah in tua mipan ka kungah, “Tambangin agen hi achia, agen azah tahin tua mipa kungah ahing pei a, ngaivawi, ama tuikhuh ah sangawngsaute kungah ading hi. 31Tualeh ama’n, hing lut in, nang Mangpa guolzawlpa; bang dinga innmai a ding na hiei? inn ah sangawngsaute dingin mun ka bawl zouta” achi hi.
32Tuachi’n, tua mipa inn sungah alut a, tualeh Laban in asangawngsau vante aphel a, sangawngsaute bupawl leh gan-ann apie a, tualeh ama leh a zawpite keng silna ding tui apie hi. 33Tualeh amasang ah neh ding ann aluipieh a, hinanleh aman, “Kahing peina zieh thu ka gen masangin nesih vang,” achi hi. Tualeh aman, genveleh achi hi.
34Tuachi’n aman, “Abraham suohpa ka hia. 35Tualeh Mangpa’n ka pu nasatah in aguolzawl a, mi thupitah ahing hita hi. Belam honte, bawng honte, dangkate, sanate, suohnute, suohpate, sangawngsaute leh sabiltungte apie hi. 36Tualeh ka pu zi Sarah in ateh nuain ka pu dingin tapa ahinpieh a, a kungah anei leh a lam zousie apeta hi. 37Tualeh ka puin ka tapa zi dingin ka umna gam Kanaan mite tanute la sinlen. 38Hinanleh ka pa innkuonpite leh ka tanute kungah pei inlen, ka tapa zi ding na vala ding hi chiin ahing kichiem sah hi.’ 39Tualeh ken ka pu kungah anumei in hing zui ut sih taleh, ka chi hi.’ 40Hinanleh aman ka kungah, ‘Mangpa, amasanga ka umzing na pa’n avansawlsieng na kungah hing sawl van in, na peina ah ahing lawchingsah na ding hi. Tualeh ka tapa zi dingin ka sanggamte leh ka pa innkuonpite lah apat nala ding hi, ahing chi hi.’ 41Ka sanggamte kunga na tun chiengin, ka kunga na kichiemna apat na sieng dinga, tualeh amanu ahing na pieh sih u’leh ka kunga na kichiemna apat na siengta ding hi ahing chi hi.’
42Tualeh tuni in Tuikhuh ah kahing tunga, tualeh, Aw Mangpa, ka pu Abraham Pasian; tunia ka peina a nahing lawchin sah ding leh; 43Ngaivawi, tuikhuh kungah ka ding hi, tualeh tambang hiheh, nungah tui tawi dinga ahing pei chieng in a kunga, “hepitahin dawnding na bel a tui tawmnoukhat hing pie’n,” ka chi a. 44Tualeh amanu’n ka kunga, “nang dawn inlen na sangawngsaute ading zong sawh vang achileh,” tua minu ngel khu Mangpa’n ka pu tapa dinga aguot numei hiheh, ka chi hi.’ 45“Hinanleh ka lungsim a ka gen zou masangin, Ngaivawi, Rebekah, alieng a tuibel puoin ahing kuon a, tuikhuh ah akumsuh a, tui adim a, tualeh ken a kungah hepitahin tui hing dawnsah in ka chi hi.’ 46Tualeh aman kintahin alieng a tuibel adom khie a, dawn inlen, na sangawngsaute zong dawnsah vang achi hi. Tuachi’n ka dawna ka sangawngsaute zong adawnsah hi.’ 47Tuachi’n koi tanu na hiei? chiin ka donga, tualeh amanu’n Nahor dinga Milkah in ahinnpieh Bethuel tanu achia, tuachiin anahkuo leh abil ah bilba kaba sah a, taute zong akhut ah ka bunsah hi.’ 48Tualeh ka lu kunsuhin Mangpa ka bie a, tualeh atapa zi dinga, ka pu naupa tanu puipieh dinga lampi dih a hing puipa Mangpa ka pu Abraham Pasian khu ka pahtawi hi.” 49Tuin, “Ka pu na hepi ua, a tunga chitahpi a bawl ding na hi u’leh zong hing hil un, tuachiin zietlam amah veilam amah a ka kihei theina dingin,” achi hi.
50Tuachi’n Laban leh Bethuel in adawng ua, “Tam sil Mangpa apat hing kipan ahia, asie apha na kungah ka gen thei sih uhi. 51Enin, Rebekah na masangah aum hi, pui inlen peitan; tualeh Mangpa’n agensa bangin na pu tapa zi in umta hen,” achi ua. 52Tualeh hichi ahi a, Abraham suohpan a thugente uh azahtah in leia bawhkhup in Mangpa abie hi. 53Tuachi’n Abraham suohpan dangka kizepnate Sana kizepnate leh puonsil nihten ahing lakhie a, Rebekah apeta hi. Tualeh a sanggampa leh anu zong sil manpha pipi apie hi.
54Tualeh aman aguolte toh ane in adawn ua, agiehta uhi. Tuachi’n zingmawng in athou ua, aman, “Kapu kungah hing peisah ta in” achi hi. 55Hinanleh asanggampa leh anu’n nungahnu pen ka kung uah, “Tomnou khat atawmpen in ni sawm beeh umtadi henlen, tua zou chieng in hing pei nava” achi uhi. 56Tualeh aman, akung uah, hing vai kai sah da un, “Mangpa’n lah ka haw na ahing lawching sah ta ngal a; ka pu kunga ka pei thei na dingin, hing sawl doh zomai vawi un,” a chi hi.
57Tuachi’n ama un, nungahnu han vaiin ama nu kamteng ngaikhe vai achi uhi. 58Tuachi’n Rebekah ahan ua, a kungah, “Tampa toh na zawhkhawm tading uh amah?” achi ua, tualeh amanu’n “Zawhkhawm tava ung” achi hi.
59Tuachi’n amaun asanggamnu uh Rebekah leh adonnu toh Abraham suohpa toh a guolte toh apeisah ta uhi. 60Tualeh amaun Rebekah a guolzawl ua, a kungah, nang ka sanggamnu uh tul sawm ngen tul tampi nu hing hi inlen, nahah na suonten amauh mudate kul kotkhah luota uhen, achi uhi. 61Tuachi’n Rebekah leh a suohnute adingkhie ua sangawngsaute tungah atuong ua, tua mipa azuita uhi. Tuachi’n Abraham suohpa’n Rebekah puiin apeita hi.
62Tualeh Isaak khu Beer-lahairoi lam apat ahing pei a, simgam lam a teng ahi ziehin. 63Tualeh Isaak nitahlam in lou ah kingaituo dingin a pawtdoh a, tualeh adah a, a et leh ngaivawi, sangawngsau hing peite amuta hi. 64Tualeh Rebekah adah a, Isaak amutahin sangawngsau tung apat akum a. 65Tuachi’n ama’n. Abraham suohpa kungah, “Eite dawn dinga lou a hing pei khu koi ahiei?” a chi hi. Tualeh a suohpa’n, “Kapu ahive” achi a, tuaziehin amanu’n akikhuna puon ala a, akikhuta hi.
66Tualeh suohpa’n asil bawl zousie a unin Isaak ahilta hi. 67Tuachi’n Isaak in Rebekah anu Sarah biehbuh ah apuilut a, Rebekah akitenpi ta a, azi ahing hita hi. Tualeh aman amanu a it mama a, tuachiin Isaak khu anu shi nuain alungmuang thei ta hi.
Currently Selected:
SIEMCHILBU 24: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
SIEMCHILBU 24
24
Isaak ziding puina
1Tuin Abraham akumte tam in ahing tehta a, Mangpa’n sil zousie ah a guolzawl hi. 2Tuachi’n Abraham in anei zousie tunga vaihawm, asuohte lah a upapen kungah, “Hepitahin nakhut ka pheipi nuoi ah gol in. 3Tuachi’n, Mangpa van Pasian leh lei Pasian min louin, ka umna Kanaan mite tanute ka tapa zi a neisah lou dingin ka hing kichiem sah ding hi. 4Hinanleh ka gam lam ua ka be leh phungte lah uah pei inlen, ka tapa Isaak zi ding na valah pieh ding ahi” achi hi.
5Tualeh a suohpan a kungah, “A numei in tam gam lamah hing zui utlou thei hi, na tapa na hing pawtkhietna gamlam a ka pui kia ngaiding adiei?” achi hi. 6Tualeh Abraham in a kungah, “Ka tapa tualang a puikia lou dingin pilvang in. 7Mangpa van Pasian, ka pa inn leh ka pienna gam a kipat hing lakhepa leh na hah nasuonte tam gam ka peding chia, ka kung a thugen a kichiem pa’n, a vansawlsieng na masang ah sawl vanin, tuana kipat ka tapa zi na hing neisah ding ahi. 8Tualeh a numei in ahing zui ut vawt sih leh ka kunga na kichiemna thu ah na sieng dinga, abang abang hileh ka tapa tualang ah puikia vawt sin” achi hi. 9Tuachi’n asuoh pa’n akhut apu Abraham phei nuoi ah agol a, tuami thu ah a kichiemta hi.
10Tuachi’n a suohpa’n apu Sangawngsaute lah ah sawm ala a, apu neitah akhut aum zousie tawi in akipan kheta hi. Tuachi’n adingdoh a, Mesopotamia gam a Nahor umna khuo ah ahawta hi. 11Tualeh nitahlam a numeite tuitawi dinga akuon hun laitah un, daigei a tuikhuh kungah a sangawngsaute akhupdinsah a. 12Tuachi’n aman, “Aw Mangpa ka pu Abraham Pasian, hepitah in tunin hing lawchingsah inlen, ka pu Abraham tungah na hepina langsah in. 13Ngaivawi, tanah tuikhuh gei ah ka ding a, khopi mite tanute tui tawiding in ahing kuon uhi. 14Tualeh tambang hiheh, nungahte koi hitaleh, hepitahin ka dawn dingin na tuibel ngiemsah vawiin kachi a, tualeh aman, dawn inlen na sangawngsaute zong kadawn sah ding hi hing chipen pen, tuami ngel khu na suoh Isaak zi dinga na miguot hihen; tuachi’n ka pu tungah hepina na sulang chi, ka thei ding hi” achi hi.
15Tualeh hichi ahing hi a, a thugen azaw masangin ngaivawi, Abraham sanggampa Nahor zi Mikah tapa Bethuel tanu Rebekah, alieng a tuibel puoin ahing kuon hi. 16Tualeh nungah pen amel ahoi mama a, nungah siengthou, pasal pawl kha nai vawtlou ahia; tualeh tuikhuh ah akumsuh a, a tuibel adim a ahing katou kiata hi. 17Tualeh suohpa ama dawn dingin atai a, “Hepitahin na tuibel a tui tawmnou khat hing dawnsah ve,” achi hi.
18Tuichin aman, dawnve, “Ka mangpa” achia, tuachi’n kintahin atuibel akhai ngiemsuh a, adawnsah hi. 19Tualeh tui adawnsah zouin, “Na sangawngsaute a ding zong, akham masangsie uh ka tawipieh zel ding” achi hi. 20Tuachi’n manlangin atuibel a tuite gankuong ah asung a, tui thal dingin atai kia a, a sangawngsau zousie dingin tui athal pieh zel hi. 21Tualeh tua mipa’n amanu a enzinga Mangpa’n a zinna alawchin sah leh chinsahlou theina dingin sip dide in a en khin khian hi.
22Tuachi’n hichi ahing ahia, sangawngsauten tui adawn zoutah un tua mipan shekel kimkhat a gih sana bilba khat leh shekel sawm agih sana tau ni alakhie a, 23Tualeh “Koi tanu na hiei? hepitahin hing hil in, na pa inn ah giehna ding mun aum diei?” achi hi.
24Tuachi’n amanu’n a kungah, “Nahor dinga Milkah in a hinpieh Bethuel tanu ka hi” achi hi. 25Tualouzong, “Gante ann neh ding bupawl leh tunna ding inndan zong aum hi” achi hi.
26Tuachi’n tua mipan alu akunsah a, Mangpa abeta hi. 27Tualeh aman, “Ka pu tunga akhotuona leh athutahna tawpsan ngailou Mangpa ka pu Abraham Pasian phat in um hen, kei zong Mangpa’n ka pu unaute innlam a ahing na pui ahi,” achi hi.
28Tuachi’n nungahnu atai a tam silte anu innkuonpite avahil a, 29Tualeh Rebekah in sanggam pasal khat anei a, amin Laban ahia, tualeh Laban tuikhuh a tua mipa kungah avatai ta hi. 30Tualeh hichi ahing ahia, aman a sanggamnu khuta taute leh bilbate amu a, tualeh a sanggamnu Rebekah in tua mipan ka kungah, “Tambangin agen hi achia, agen azah tahin tua mipa kungah ahing pei a, ngaivawi, ama tuikhuh ah sangawngsaute kungah ading hi. 31Tualeh ama’n, hing lut in, nang Mangpa guolzawlpa; bang dinga innmai a ding na hiei? inn ah sangawngsaute dingin mun ka bawl zouta” achi hi.
32Tuachi’n, tua mipa inn sungah alut a, tualeh Laban in asangawngsau vante aphel a, sangawngsaute bupawl leh gan-ann apie a, tualeh ama leh a zawpite keng silna ding tui apie hi. 33Tualeh amasang ah neh ding ann aluipieh a, hinanleh aman, “Kahing peina zieh thu ka gen masangin nesih vang,” achi hi. Tualeh aman, genveleh achi hi.
34Tuachi’n aman, “Abraham suohpa ka hia. 35Tualeh Mangpa’n ka pu nasatah in aguolzawl a, mi thupitah ahing hita hi. Belam honte, bawng honte, dangkate, sanate, suohnute, suohpate, sangawngsaute leh sabiltungte apie hi. 36Tualeh ka pu zi Sarah in ateh nuain ka pu dingin tapa ahinpieh a, a kungah anei leh a lam zousie apeta hi. 37Tualeh ka puin ka tapa zi dingin ka umna gam Kanaan mite tanute la sinlen. 38Hinanleh ka pa innkuonpite leh ka tanute kungah pei inlen, ka tapa zi ding na vala ding hi chiin ahing kichiem sah hi.’ 39Tualeh ken ka pu kungah anumei in hing zui ut sih taleh, ka chi hi.’ 40Hinanleh aman ka kungah, ‘Mangpa, amasanga ka umzing na pa’n avansawlsieng na kungah hing sawl van in, na peina ah ahing lawchingsah na ding hi. Tualeh ka tapa zi dingin ka sanggamte leh ka pa innkuonpite lah apat nala ding hi, ahing chi hi.’ 41Ka sanggamte kunga na tun chiengin, ka kunga na kichiemna apat na sieng dinga, tualeh amanu ahing na pieh sih u’leh ka kunga na kichiemna apat na siengta ding hi ahing chi hi.’
42Tualeh tuni in Tuikhuh ah kahing tunga, tualeh, Aw Mangpa, ka pu Abraham Pasian; tunia ka peina a nahing lawchin sah ding leh; 43Ngaivawi, tuikhuh kungah ka ding hi, tualeh tambang hiheh, nungah tui tawi dinga ahing pei chieng in a kunga, “hepitahin dawnding na bel a tui tawmnoukhat hing pie’n,” ka chi a. 44Tualeh amanu’n ka kunga, “nang dawn inlen na sangawngsaute ading zong sawh vang achileh,” tua minu ngel khu Mangpa’n ka pu tapa dinga aguot numei hiheh, ka chi hi.’ 45“Hinanleh ka lungsim a ka gen zou masangin, Ngaivawi, Rebekah, alieng a tuibel puoin ahing kuon a, tuikhuh ah akumsuh a, tui adim a, tualeh ken a kungah hepitahin tui hing dawnsah in ka chi hi.’ 46Tualeh aman kintahin alieng a tuibel adom khie a, dawn inlen, na sangawngsaute zong dawnsah vang achi hi. Tuachi’n ka dawna ka sangawngsaute zong adawnsah hi.’ 47Tuachi’n koi tanu na hiei? chiin ka donga, tualeh amanu’n Nahor dinga Milkah in ahinnpieh Bethuel tanu achia, tuachiin anahkuo leh abil ah bilba kaba sah a, taute zong akhut ah ka bunsah hi.’ 48Tualeh ka lu kunsuhin Mangpa ka bie a, tualeh atapa zi dinga, ka pu naupa tanu puipieh dinga lampi dih a hing puipa Mangpa ka pu Abraham Pasian khu ka pahtawi hi.” 49Tuin, “Ka pu na hepi ua, a tunga chitahpi a bawl ding na hi u’leh zong hing hil un, tuachiin zietlam amah veilam amah a ka kihei theina dingin,” achi hi.
50Tuachi’n Laban leh Bethuel in adawng ua, “Tam sil Mangpa apat hing kipan ahia, asie apha na kungah ka gen thei sih uhi. 51Enin, Rebekah na masangah aum hi, pui inlen peitan; tualeh Mangpa’n agensa bangin na pu tapa zi in umta hen,” achi ua. 52Tualeh hichi ahi a, Abraham suohpan a thugente uh azahtah in leia bawhkhup in Mangpa abie hi. 53Tuachi’n Abraham suohpan dangka kizepnate Sana kizepnate leh puonsil nihten ahing lakhie a, Rebekah apeta hi. Tualeh a sanggampa leh anu zong sil manpha pipi apie hi.
54Tualeh aman aguolte toh ane in adawn ua, agiehta uhi. Tuachi’n zingmawng in athou ua, aman, “Kapu kungah hing peisah ta in” achi hi. 55Hinanleh asanggampa leh anu’n nungahnu pen ka kung uah, “Tomnou khat atawmpen in ni sawm beeh umtadi henlen, tua zou chieng in hing pei nava” achi uhi. 56Tualeh aman, akung uah, hing vai kai sah da un, “Mangpa’n lah ka haw na ahing lawching sah ta ngal a; ka pu kunga ka pei thei na dingin, hing sawl doh zomai vawi un,” a chi hi.
57Tuachi’n ama un, nungahnu han vaiin ama nu kamteng ngaikhe vai achi uhi. 58Tuachi’n Rebekah ahan ua, a kungah, “Tampa toh na zawhkhawm tading uh amah?” achi ua, tualeh amanu’n “Zawhkhawm tava ung” achi hi.
59Tuachi’n amaun asanggamnu uh Rebekah leh adonnu toh Abraham suohpa toh a guolte toh apeisah ta uhi. 60Tualeh amaun Rebekah a guolzawl ua, a kungah, nang ka sanggamnu uh tul sawm ngen tul tampi nu hing hi inlen, nahah na suonten amauh mudate kul kotkhah luota uhen, achi uhi. 61Tuachi’n Rebekah leh a suohnute adingkhie ua sangawngsaute tungah atuong ua, tua mipa azuita uhi. Tuachi’n Abraham suohpa’n Rebekah puiin apeita hi.
62Tualeh Isaak khu Beer-lahairoi lam apat ahing pei a, simgam lam a teng ahi ziehin. 63Tualeh Isaak nitahlam in lou ah kingaituo dingin a pawtdoh a, tualeh adah a, a et leh ngaivawi, sangawngsau hing peite amuta hi. 64Tualeh Rebekah adah a, Isaak amutahin sangawngsau tung apat akum a. 65Tuachi’n ama’n. Abraham suohpa kungah, “Eite dawn dinga lou a hing pei khu koi ahiei?” a chi hi. Tualeh a suohpa’n, “Kapu ahive” achi a, tuaziehin amanu’n akikhuna puon ala a, akikhuta hi.
66Tualeh suohpa’n asil bawl zousie a unin Isaak ahilta hi. 67Tuachi’n Isaak in Rebekah anu Sarah biehbuh ah apuilut a, Rebekah akitenpi ta a, azi ahing hita hi. Tualeh aman amanu a it mama a, tuachiin Isaak khu anu shi nuain alungmuang thei ta hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.